“Qarabağ”-“Roma” oyununun biletləri sentyabrın 8-dən satışa çıxarılacaq

Futbol üzrə UEFA Çempionlar Liqasının qrup mərhələsinin ikinci turu çərçivəsində keçiriləcək "Qarabağ"-"Roma" (İtaliya) oyununun biletləri sentyabrın 8-dən satışa çıxarılacaq.“Qarabağ” klubundan Azərtac-a bildirilib ki, biletlərin qiyməti 2-50 manat arasında dəyişir.Azarkeşlər biletləri “ASAN” Xidmət Mərkəzləri, Heydər Əliyev Sarayının kassası, “28 Mall”, “Gənclik” Mall, “Park Bulvar” alış-veriş mərkəzləri, 69x və iTicket köşklərindən əldə edə bilərlər.xeber100.com

Güləşçilərin dünya çempionatı davam edir

Yunanıstanın paytaxtı Afinada yeniyetmə güləşçilərin dünya çempionatı davam edir.Azərtac xəbər verir ki, dördüncü yarış günündə 40, 46, 52, 60 və 70 kiloqram çəki dərəcələrində yeniyetmə qızlar mübarizəyə qoşulublar.Azərbaycan güləşçiləri iki çəkidə mübarizə aparırlar. Artıq güləşçilərimizin ilk rəqibləri müəyyənləşib. Belə ki, Ayşən Yusifova (40 kq) gürcüstanlı Mariam Karelidze, Aynur Camalova (46 kq) özbəkistanlı Guzal İslomova ilə qarşılaşacaq.xeber100.com

“Çelsi” futbol klubunun məlumatına görə…

Londonun “Çelsi” futbol klubunun rəsmi saytında verilən məlumata görə, bu klub ingiltərəli azarkeşlərin təyyarə ilə Azərbaycana gəlib-qayıtma xərcinin ödənilməsi üçün vəsait ayıracaq.“Çelsi” Çempionlar Liqasında “Qarabağ” komandasına qarşı matçda bu klubu dəstəkləmək məqsədilə Bakıya gəlmək arzusunda olan hər azarkeş üçün üç yüz əlli doqquz funt sterlinq ayıracaq.Bu məbləğə Londondan Bakıya və geriyə uçuş haqqı, həmçinin Azərbaycan paytaxtındakı dörd ulduzlu oteldə bir sutka qalmaq xərci daxildir.Xatırladaq ki, həmin matç noyabrın 22-də keçiriləcək.xeber100.com

U-19 Liqasında 6+5 limitinin tətbiq olunması barədə qərar qəbul olunub

AFFA-nın inzibati binasında Azərbaycan Premyer Liqasında çıxış edən “Qarabağ”, “İnter”, “Zirə”, “Neftçi”, “Sumqayıt”, “Kəpəz” və “Səbail” klublarının idman direktorları və müvafiq nümayəndələrinin iştirakı ilə iclas keçirilib.AFFA-dan Azərtac-a bildirilib ki, “Qəbələ” klubunun nümayəndələrinin ölkə xaricində olması nəzərə alınaraq, telefon bağlantısı yaradılıb. İclasda əsas müzakirə mövzusu 2017/2018-ci il mövsümündən başlayaraq U-19 Liqasında 6+5 limitinin (6 futbolçu 2000-ci il, 5 futbolçu 1999-cu il təvəllüdlü) tətbiq olunması olub və bu barədə qərar qəbul olunub.Limitin tətbiqində əsas məqsəd müvafiq yaş qrupuna aid yığma komandanın Avropa çempionatının seçmə mərhələsində oyun təcrübəsi çox olan futbolçulardan təşkil olunması, onların mütəmadi olaraq oyunlarda iştirakını təmin etməkdir.Bundan əlavə, UEFA-nın təcrübəsi əsas götürülərək U-19 Liqasının “Gənclər Liqası” adlandırılması təklif olunub və klub nümayəndələri tərəfindən dəstəklənib.xeber100.com

“Hamburq” klubu “Çelsi”nin müqavilə təklifini qəbul etməyib

“Hamburq” futbol klubunun hücumçusu Yann-Fiete Arp karyerasını Almaniyada davam etdirməyi üstün tutub “Hamburger Morgenpost” xəbər verir ki, Almaniyanın gənclərdən ibarət yığma komandasının 17 yaşlı oyunçusu “Çelsi”nin sərfəli müqavilə təklifini qəbul etməyib.Oyunçu “Hamburq” klubu ilə müqavilə müddətini 2019-cu il iyunun 30-dək uzadıb.Qeyd edək ki, Arp ilə “Yuventus” və “Barussiya” klubları da maraqlanır.xeber100.com

“Formula-1” üzrə Fransa Qran-prisinin təqdimatı olub

2018-ci il iyunun 24-də Formula-1 üzrə Fransa qran-prisinin keçirilməsi nəzərdə tutulur. Çərşənbə günü, sentyabrın 6-da Pol-Rikarda bu yürüşün təqdimatı olub. Təşkilatçılar trasın konfiqurasiyasını təqdim edib, biletlərin qiymətlərini elan ediblər.F1News.ru saytı xəbər verir ki, marşrutun uzunluğu 5,8 kilometrdir. Pilotlar Mistral xəttində sürəti saatda 350 kilometrə çatdıra biləcəklər. Döngələrin çoxunun eni artırılacaq, belə yerlərdə müxtəlif trayektoriyalardan istifadə etməklə rəqibləri ötüb keçmək mümkün olacaq.Layihənin reallaşdırılması üçün 14 milyon avro vəsait ayrılıb, yürüşün keçirilməsi isə 30 milyon avroya başa gələcək. İki gün davam edəcək yarışlara biletin qiyməti 150 avroya çatır. Təşkilatçılar 65.000 tamaşaçı cəlb etmək niyyətindədirlər.Qran-prinin təşkili ilə məşğul olan təşəbbüs qrupunun prezidenti Kristian Estrozi deyib: “Biletlərin orta qiyməti digər Avropa mərhələlərində, məsələn Montsada və ya Spada olduğu kimidir. Ümidvarlıq ki, bu yürüşlərə tamaşa etmək üçün gələn azarkeşlər bir neçə gün regionda qalacaqlar. Məhz bu səbəbdən çox yaxşıdır ki, Qran-pri yay mövsümünün qızğın çağında deyil, daha əvvəl – iyunun axırında keçiriləcək”.Qran-prinin keçirilməsi mehmanxana və restoran sahiblərinin pul qazanmaları üçün əla imkandır – onların gəlirlərinin həcmi 65 milyon avroya çata bilər. Bundan əlavə, regionda turizm və kommersiya sahələrində 500 iş yeri yaradılacaq.xeber100.com

Şahmat üzrə Avropa birinciliyi keçirilir

Sentyabrın 5-dən 14-dək Rumıniyanın Mamaya şəhərində altı yaş kateqoriyasında: 8, 10, 12, 14, 16 və 18 yaşa qədər oğlanlar və qızlar arasında şahmat üzrə Avropa birinciliyi keçirilir.Azərtac xəbər verir ki, iştirakçılar siyahısında 1000-dən çox şahmatçının adı var.Avropa birinciliyində Azərbaycanı bu şahmatçılar təmsil edirlər: 8 yaşa qədər - ustalığa namizəd Ziya Məmmədov, həmçinin İsmayıl Süleymanlı, Cahandar Azadəliyev, Suada Abbaszadə, Zərifə Abbasova, 10 yaşa qədər - ustalığa namizədlər Read Səmədov, Əli Süleymanlı, Fərid Orucov, Səmra Qasımova, Leyla Budaqova, 12 yaşa qədər – ustalığa namizədlər Aydın Süleymanlı, Ayan Allahverdiyeva, həmçinin Xəzər Babazadə, Azad Abbasov, Cəmilə Paşayeva, Jalə Kərimli, Məhluqə Zülfüqarlı, 14 yaşa qədər – FİDE ustası Gövhər Beydullayeva, ustalığa namizəd Səbinə Rzalı, həmçinin Vüqar Manafov, Sadiq Məmmədov, Ləman Hacıyeva, 16 yaşa qədər - FİDE ustası Andrey Mustafin, ustalığa namizəd Sevil Tahirova, həmçinin Babək Cəfərli, Aytac Heydərova, 18 yaşa qədər – FİDE ustaları Kənan Qarayev və Xanım Balacayeva.İsveçrə sistemi üzrə keçiriləcək yarışlar 9 turdan ibarət olacaq.Oyun günləri: 5-9, 11-14 sentyabr.xeber100.com

Azərbaycan Premyer Liqasının IV turu çərçivəsində

Ağdamın “Qarabağ” komandası Peşəkar Futbol Liqasına müraciət edib.Azərtac xəbər verir ki, ölkəmizi qitənin ən nüfuzlu klub turniri olan UEFA Çempionlar Liqasında təmsil edən “Qarabağ” ilk oyuna daha yaxşı hazırlaşmaq məqsədi ilə Azərbaycan Premyer Liqasının dördüncü turunda keçiriləcək “Səbail” ilə matçının başqa tarixə keçirilməsini istəyib.Bunu nəzərə alan Peşəkar Futbol Liqası Azərbaycan Premyer Liqasının IV turu çərçivəsində sentyabrın 8-də keçirilməsi nəzərdə tutulan “Səbail”–“Qarabağ” qarşılaşmasının dekabrın 8-nə keçirilməsi qərarını qəbul edib.xeber100.com

Gimnastika Federasiyasının məlumatına görə…

Bakıdakı Milli Gimnastika Arenası gələn il batut gimnastikası, tamblinq və ikili mini-batut üzrə Avropa çempionatını qəbul etməyə tam hazırdır.Azərtac Gimnastika Federasiyasının saytına istinadla xəbər verir ki, bunu Avropa Gimnastika İttifaqının (UEG) batut gimnastikası üzrə texniki komitəsinin prezidenti Vladimir Zeman deyib.V.Zeman bildirib ki, Milli Gimnastika Arenası bu cür böyük yarışların keçirilməsi üçün Avropada olan ən yaxşı arenalardan biridir. Biz Bakıya, ilk növbədə, yarışların hazırlığı ilə tanış olmağa gəlmişik. Eləcə də iki gün ərzində texniki komitənin iclaslarını keçirəcəyik. Deyə bilərəm ki, Milli Gimnastika Arenası Avropanın ən yaxşı idman qurğularından biridir. Bu arena gimnastikanın bütün növləri üzrə ixtisaslaşmış idman qurğusudur.UEG rəsmisi qeyd edib ki, Bakı, həmçinin irimiqyaslı yarışların keçirilməsində böyük təcrübəyə malikdir. İki il əvvəl Bakıda birinci Avropa Oyunları yüksək səviyyədə təşkil olundu. Bundan başqa, Bakı iki dəfə batut gimnastikası və digər gimnastika növləri üzrə dünya kuboku yarışlarını qəbul edib.xeber100.com  

“DÇ-2018″in seçmə mərhələsində

Sentyabrın 5-də 2018-ci ildə Rusiyada keçiriləcək dünya futbol çempionatının Avropa zonası üzrə seçmə mərhələsinin səkkizinci turu çərçivəsində "D", "G" və "I" qruplarında yer alan komandalar üz-üzə gəliblər.Azərtac xəbər verir ki, azərbaycanlı futbolsevərlər üçün ən maraqlı qarşılaşma Əskişəhərdə Türkiyə və Xorvatiya milliləri arasında oynanılıb. Yeddi turdan sonra "I" qrupunda dördüncü sırada olan qardaş ölkənin yığma komandası qrupun lideri Xorvatiyanı 1:0 hesabı ilə məğlub edib. Oyunda yeganə qol matçın 74-cü dəqiqəsində vurulub. Oğuzhan Özyakupun qüvvətli zərbəsindən sonra qapıçı Subaşiçin qaytardığı topu Cenk Tosun dəqiq zərbə ilə tamamlayaraq hesabı açıb.Bu qrupun digər oyununda İslandiya doğma meydanda Ukrayna yığmasını məğlubiyyətə uğradıb – 2:0. Kosovo millisi isə ev oyununda Finlandiyaya məğlub olub – 0:1.Beləliklə, səkkiz turdan sonra Xorvatiya və İslandiya millilərinin 16, Türkiyə və Ukrayna yığmalarının isə 14 xalı var."D" qrupunda ilk sırada olan Serbiya seçmə komandası ikinci sıradakı İrlandiya ilə səfər qarşılaşmasında minimal hesabla qalib gələrək liderliyini daha da möhkəmləndirib. Hazırda serbiyalıların aktivində 18 xal var. Səfərdə 2:0 hesabı ilə Moldovaya qalib gələn Uels yığması xallarının sayını 14-ə çatdırıb və İrlandiyanı bir xal üstələyək ikinci sıraya yüksəlib. Dördüncü sıradakı Avstriya isə beşinci yerdə qərarlaşan Gürcüstan millisi ilə doğma meydanda sülh bağlayıb – 1:1."G" qrupunun şəriksiz lideri İspaniya yığması səfərdə Lixtenşteyn millisini darmadağın edib – 8:0. İkinci sıradakı İtaliya da səfərdə qələbə qazanıb. Apennin təmsilçisi İsraili 1:0 hesabı ilə məğlub edib. Makedoniya və Albaniya millilərinin görüşündə isə qalib müəyyənləşməyib – 1:1.xeber100.com