“Şahmatçı ailəm” adlı turnir keçirilib

Ötən həftəsonu Heydər Əliyev Mərkəzinin parkında “Şahmatçı ailəm” turniri keçirilib.Azərtac xəbər verir ki, yarışda 50 komanda, ümumilikdə 100 nəfər iştirak edib.İştirakçılar əvvəlcədən qeydiyyatdan keçərək yarışa qoşulublar. Hər komanda 2 üzvdən ibarət olub: kapitan (14 yaşınadək gənc) və onun bir ailə üzvü. Ailə üzvü olaraq bacı, qardaş, ana, ata, nənə və ya baba yarışda iştirak edib.Turnirdə ən gənc iştirakçının 6, ən yaşlı şahmatçının isə 75 yaşı olub.Sürətli şahmat qaydalarına uyğun keçirilən turnir 5 mərhələdən ibarət olub. Komandalar qarşılaşarkən kapitan rəqib kapitanla, ailə üzvü isə rəqib komandanın ailə üzvü ilə mübarizə aparıb. Hər bir üzvün qazandığı xalların cəmi komandanın xalı kimi hesablanıb və ən çox xal toplamış komandalar turnirin qalibi elan olunub.Birinci yeri Səbinə Rzalının (atası Süleyman Rzalı), 2-ci yeri Mirfamil Seyidlinin ( qardaşı Mirmövsüm Seyidli), 3-cü yeri İsmayıl Məhəmmədin (atası Fərman İsmayıl) komandaları qazanıb.Tofiq Abdullayev (babası Mehmanağa Quliyev) və Rafael Bayramlının (atası Araz Bayramov) komandaları eyni xal qazandığından hər ikisi 4-cü yerə layiq görülüblər.İlk 3 yeri tutan komandalar medal və sertifikatla, 4-cü yeri tutanlar isə sertifikatla təltif olunub.Turnirə beynəlxalq dərəcəli hakim Ülkər Umudova və “Ağ At” şahmat klubunun müəllimləri nəzarət ediblər.Tədbir şahmatın inkişafı, təbliği, uşaq və yeniyetmələrin, şahmatsevərlərin asudə vaxtının səmərəli təşkili məqsədilə keçirilib.xeber100.com

Futnet Assosiasiyasının məlumatına görə…

Bakı Su İdmanı Sarayında futvole üzrə “Qızmar Bakı qumu” adlı turnirə yekun vurulub.İyulun 30-da Azərbaycan Futnet Assosiasiyasının (AFNA) təşkil etdiyi turnirdə beş kişi və iki qadın (müsabiqədənkənar) komandası iştirak edib. Yarışda idmançılar dairəvi sistem üzrə mübarizə aparıblar.AFNA-dan Azərtac-a bildiriblər ki, bir gün davam edən turnirdə dörd oyunun hamısında qalib gələrək aktivinə səkkiz xal yazdıran Feyyar Hüseynov və Namiq İsgəndərov cütlüyü turnirin birincisi olub. Mükafatlandırma mərasimində iştirak edən AFNA-nın prezidenti Vüqar Xəlilov idmançıları qələbə münasibətilə təbrik edərək gələcək yarışlarda uğurlar arzulayıb.Qeyd edək ki, “Qızmar Bakı qumu” turniri avqustun 5-6-da paytaxtımızda keçiriləcək futvole üzrə beynəlxalq turnirə hazırlıq xarakteri daşıyıb.xeber100.com

Beynəlxalq Musiqi Festivalının sonuncu günündə…

İyulun 30-da "Sea Breeze" istirahət mərkəzində "Jara-2017" Beynəlxalq Musiqi Festivalının dördüncü - sonuncu gününün konserti olacaq.Azərtac xəbər verir ki, festivalın sonuncu günü musiqisevərləri Qriqori Lepsin yaradıcılıq gecəsi gözləyir. Tamaşaçılara sürpriz duetlər, məşhur hitlərin yeni tərzdə ifası, bir-birindən parlaq musiqi nömrələri təqdim olunacaq. Həmin gün səhnəyə Sergey Lazarev, IOWA, Dima Bilan, Nərgiz, Valeri Meladze, LOBODA, Nikolay Baskov, Stas Mixaylov, Aleksandr Panayotov, Diana Arbenina, EMİN, Qlyuk'oza, Soso Pavliaşvili, Stas Pyexa, Lolita, Aleksandr Marşal və başqaları çıxacaqlar.Qeyd edək ki, müğənni və bəstəkar Emin Ağalarov, Rusiyanın Əməkdar Artisti Qriqori Leps, "Russkoye radio"nun və "Qızıl qrammofon" mükafatının təsisçisi Sergey Kojevnikovun birgə təşkilatçılığı ilə ərsəyə gələn bu festivalın iştirakçılarının sayı artmaqdadır. Əgər keçən il Bakıya artistlər, musiqiçilər, rəqqaslar və onları müşayiət edən heyətlərlə birlikdə 500-dən çox qonaq gəlmişdisə, bu il bu rəqəm 800-ü keçib."Jara-2017"nin aparıcıları Yana Çurikova, Andrey Malaxov və Maksim Qalkindir.

Azərbaycan çempionatına hazırlıq işlərinə dair iclas keçirilib

Çimərlik həndbolu üzrə Azərbaycan çempionatına hazırlıq işlərinə dair iclas keçirilib. İclasda Azərbaycan Həndbol Federasiyasının (AHF) nümayəndələri, hakimlər və məşqçilər iştirak ediblər.AHF-dən Azərtac-a verilən məlumata görə, iclasda ötən müddətdə mövcud klubların gücləndirilməsi və yeni klubların yaradılması istiqamətində ardıcıl tədbirlərin həyata keçirildiyi bildirilib. Qeyd olunub ki, ölkəmizdə çimərlik həndbolu üzrə Azərbaycan çempionatı ikinci dəfədir keçirilir. Tədbirdə əsas məqsədin çimərlik həndbolunun ölkəmizdə kütləviliyini artırmaq olduğu vurğulanıb.İclasda, həmçinin çempionatın avqustun 18-dən 20-dək Bakı Su İdman Sarayında keçiriləcəyi diqqətə çatdırılıb. Eyni zamanda, yarışın təşkili, oyun cədvəli, açılış və bağlanış mərasimləri barədə məlumat verilib.Yarışlarda iştirak edəcək komandaların adları açıqlanıb. Ümumilikdə, 6 qadın və 4 kişi komandanın çıxış edəcəyi diqqətə çatdırılıb.Sonra yarışların püşkü atılıb.Sonda çimərlik həndbolu ilə bağlı videoçarx nümayiş etdirilib.xeber100.com

Həndbol Federasiyasının məlumatı

Sentyabrın 30-da həndbol üzrə XXV Azərbaycan çempionatına start veriləcək.Azərbaycan Həndbol Federasiyasından Azərtac-a bildiriblər ki, çempionata hazırlıq məqsədilə avqustun 1-dən 12-dək Mingəçevirdəki “Kür” Olimpiya Tədris-İdman Mərkəzində təlim-məşq toplanışı təşkil olunacaq.Hazırlıq prosesində qadınlardan ibarət “Azəryol” və “Azərsu” klubları iştirak edəcəklər.xeber100.com

“Fight Night Global 71” turniri çərçivəsində…

Azərbaycanın və “Qəbələ” idman klubunun döyüşçüsü Nəriman Abbasov bu gün növbəti sınağına çıxacaq.Azərtac xəbər verir ki, idmançımız MMA üzrə “Fight Night Global 71” turniri çərçivəsində qüvvəsini sınayacaq.N.Abbasov Moskvada keçiriləcək turnirdə Dmitri Qorobetslə üz-üzə gələcək. Yüngül çəki dərəcəsində (70,3 kq) mübarizə aparacaq təmsilçimiz Rusiyanın Xabarovsk şəhərindən olan rəqibi ilə müqayisədə daha təcrübəlidir. İyirminci döyüşünə çıxacaq N.Abbasovun hesabında 16 qələbə və 3 məğlubiyyət var. Hesabında 2 qələbə olan Qorobets isə yalnız 3-cü döyüşünə çıxacaq.xeber100.com

Standart tapançadan atəşaçma yarışının qalibi müəyyən olub

Atıcılıq üzrə Avropa çempionatında kişilər arasında 25 metr məsafəyə standart tapançadan atəşaçma yarışının qalibi müəyyən olub.Azərtac xəbər verir ki, ukrayalı atıcı Pavlo Korostylov rəqiblərindən daha üstün olaraq 581 xalla fəxri kürsünün ən yüksək pilləsinə qalxıb.İkinci yerə 574 xalla almaniyalı Kristian Reitz, üçüncü yerə isə 573 xalla rusiyalı Aleksi Klımov çıxıb.Azərbaycan təmsilçisi Ruslan Lunyov yarışı 564 xalla yeddinci yerdə başa vurub.xeber100.com

Atıcılıq üzrə Avropa çempionatının doqquzuncu günündə…

İyulun 29-da Bakı Atıcılıq Mərkəzində keçirilən atıcılıq üzrə Avropa çempionatının doqquzuncu gününün yarışları başlayıb.Azərtac xəbər verir ki, çempionatın doqquzuncu gününə qadınlar arasında 300 metr məsafəyə tüfənglə atəş açma yarışı ilə start veriləcək. Günün digər yarışında isə kişilər (yeniyetmələr) 25 metr məsafəyə tapança ilə atəş açma yarışında güclərini sınayacaqlar.xeber100.com

“Kəpəz” futbol klubu yoxlama oyunu keçirəcək

Gəncənin “Kəpəz” futbol klubu yeni mövsümə hazırlığın son hissəsi çərçivəsində yoxlama oyunu keçirəcək.Azərtac xəbər verir ki, Bakıda məşqləri bərpa edən “sarı-göylər” avqustun 3-də 19 yaşadək futbolçulardan ibarət Azərbaycan yığma komandası ilə qarşılaşacaqlar.Oyun “Dalğa Arena”da saat 18:00-da başlayacaq.xeber100.com

Beynəlxalq şahmat turnirində dördüncü tura yekun vurulub

İyulun 27-də Azərbaycanın məşhur şahmatçısı, mərhum Vüqar Həşimovun xatirəsinə həsr olunan beynəlxalq şahmat turnirində dördüncü tura yekun vurulub.Azərtac xəbər verir ki, Vüqar Həşimov Akademiyasında keçirilən yarışda 8-10-12 yaşadək şahmatçılar birincilik uğrunda mübarizə aparırlar.Dördüncü turun görüşlərindən sonra Xəzər Babazadə və Ayan Allahverdiyeva 4 xalla 1-2-ci yerləri bölüşdürürlər. Üç zəka sahibinin hesabında 3,5, 13 şahmatçının isə 3 xalı var.Azərbaycan, Rusiya və Birləşmiş Ərəb Əmirliklərindən 74 şahmatçının iştirak etdiyi turnir İsveçrə sistemi üzrə 9 turdan ibarət keçirilir. Avqustun 1-dək davam edəcək yarışda Azərbaycan, dünya və Avropa birinciliklərinin mükafatçıları, beynəlxalq əmsalı 1700-dən yüksək olan şahmatçılar iştirak edirlər.Beynəlxalq turnirin reytinq favoriti Azərbaycan şahmatçısı Xəzər Babazadədir. Yarışın baş hakimi isə beynəlxalq dərəcəli hakim Nurəli Məmmədzadədir.xeber100.com