“Formula-1” üzrə Fransa Qran-prisinin təqdimatı olub

2018-ci il iyunun 24-də Formula-1 üzrə Fransa qran-prisinin keçirilməsi nəzərdə tutulur. Çərşənbə günü, sentyabrın 6-da Pol-Rikarda bu yürüşün təqdimatı olub. Təşkilatçılar trasın konfiqurasiyasını təqdim edib, biletlərin qiymətlərini elan ediblər.F1News.ru saytı xəbər verir ki, marşrutun uzunluğu 5,8 kilometrdir. Pilotlar Mistral xəttində sürəti saatda 350 kilometrə çatdıra biləcəklər. Döngələrin çoxunun eni artırılacaq, belə yerlərdə müxtəlif trayektoriyalardan istifadə etməklə rəqibləri ötüb keçmək mümkün olacaq.Layihənin reallaşdırılması üçün 14 milyon avro vəsait ayrılıb, yürüşün keçirilməsi isə 30 milyon avroya başa gələcək. İki gün davam edəcək yarışlara biletin qiyməti 150 avroya çatır. Təşkilatçılar 65.000 tamaşaçı cəlb etmək niyyətindədirlər.Qran-prinin təşkili ilə məşğul olan təşəbbüs qrupunun prezidenti Kristian Estrozi deyib: “Biletlərin orta qiyməti digər Avropa mərhələlərində, məsələn Montsada və ya Spada olduğu kimidir. Ümidvarlıq ki, bu yürüşlərə tamaşa etmək üçün gələn azarkeşlər bir neçə gün regionda qalacaqlar. Məhz bu səbəbdən çox yaxşıdır ki, Qran-pri yay mövsümünün qızğın çağında deyil, daha əvvəl – iyunun axırında keçiriləcək”.Qran-prinin keçirilməsi mehmanxana və restoran sahiblərinin pul qazanmaları üçün əla imkandır – onların gəlirlərinin həcmi 65 milyon avroya çata bilər. Bundan əlavə, regionda turizm və kommersiya sahələrində 500 iş yeri yaradılacaq.xeber100.com

Şahmat üzrə Avropa birinciliyi keçirilir

Sentyabrın 5-dən 14-dək Rumıniyanın Mamaya şəhərində altı yaş kateqoriyasında: 8, 10, 12, 14, 16 və 18 yaşa qədər oğlanlar və qızlar arasında şahmat üzrə Avropa birinciliyi keçirilir.Azərtac xəbər verir ki, iştirakçılar siyahısında 1000-dən çox şahmatçının adı var.Avropa birinciliyində Azərbaycanı bu şahmatçılar təmsil edirlər: 8 yaşa qədər - ustalığa namizəd Ziya Məmmədov, həmçinin İsmayıl Süleymanlı, Cahandar Azadəliyev, Suada Abbaszadə, Zərifə Abbasova, 10 yaşa qədər - ustalığa namizədlər Read Səmədov, Əli Süleymanlı, Fərid Orucov, Səmra Qasımova, Leyla Budaqova, 12 yaşa qədər – ustalığa namizədlər Aydın Süleymanlı, Ayan Allahverdiyeva, həmçinin Xəzər Babazadə, Azad Abbasov, Cəmilə Paşayeva, Jalə Kərimli, Məhluqə Zülfüqarlı, 14 yaşa qədər – FİDE ustası Gövhər Beydullayeva, ustalığa namizəd Səbinə Rzalı, həmçinin Vüqar Manafov, Sadiq Məmmədov, Ləman Hacıyeva, 16 yaşa qədər - FİDE ustası Andrey Mustafin, ustalığa namizəd Sevil Tahirova, həmçinin Babək Cəfərli, Aytac Heydərova, 18 yaşa qədər – FİDE ustaları Kənan Qarayev və Xanım Balacayeva.İsveçrə sistemi üzrə keçiriləcək yarışlar 9 turdan ibarət olacaq.Oyun günləri: 5-9, 11-14 sentyabr.xeber100.com

Azərbaycan Premyer Liqasının IV turu çərçivəsində

Ağdamın “Qarabağ” komandası Peşəkar Futbol Liqasına müraciət edib.Azərtac xəbər verir ki, ölkəmizi qitənin ən nüfuzlu klub turniri olan UEFA Çempionlar Liqasında təmsil edən “Qarabağ” ilk oyuna daha yaxşı hazırlaşmaq məqsədi ilə Azərbaycan Premyer Liqasının dördüncü turunda keçiriləcək “Səbail” ilə matçının başqa tarixə keçirilməsini istəyib.Bunu nəzərə alan Peşəkar Futbol Liqası Azərbaycan Premyer Liqasının IV turu çərçivəsində sentyabrın 8-də keçirilməsi nəzərdə tutulan “Səbail”–“Qarabağ” qarşılaşmasının dekabrın 8-nə keçirilməsi qərarını qəbul edib.xeber100.com

Gimnastika Federasiyasının məlumatına görə…

Bakıdakı Milli Gimnastika Arenası gələn il batut gimnastikası, tamblinq və ikili mini-batut üzrə Avropa çempionatını qəbul etməyə tam hazırdır.Azərtac Gimnastika Federasiyasının saytına istinadla xəbər verir ki, bunu Avropa Gimnastika İttifaqının (UEG) batut gimnastikası üzrə texniki komitəsinin prezidenti Vladimir Zeman deyib.V.Zeman bildirib ki, Milli Gimnastika Arenası bu cür böyük yarışların keçirilməsi üçün Avropada olan ən yaxşı arenalardan biridir. Biz Bakıya, ilk növbədə, yarışların hazırlığı ilə tanış olmağa gəlmişik. Eləcə də iki gün ərzində texniki komitənin iclaslarını keçirəcəyik. Deyə bilərəm ki, Milli Gimnastika Arenası Avropanın ən yaxşı idman qurğularından biridir. Bu arena gimnastikanın bütün növləri üzrə ixtisaslaşmış idman qurğusudur.UEG rəsmisi qeyd edib ki, Bakı, həmçinin irimiqyaslı yarışların keçirilməsində böyük təcrübəyə malikdir. İki il əvvəl Bakıda birinci Avropa Oyunları yüksək səviyyədə təşkil olundu. Bundan başqa, Bakı iki dəfə batut gimnastikası və digər gimnastika növləri üzrə dünya kuboku yarışlarını qəbul edib.xeber100.com  

“DÇ-2018″in seçmə mərhələsində

Sentyabrın 5-də 2018-ci ildə Rusiyada keçiriləcək dünya futbol çempionatının Avropa zonası üzrə seçmə mərhələsinin səkkizinci turu çərçivəsində "D", "G" və "I" qruplarında yer alan komandalar üz-üzə gəliblər.Azərtac xəbər verir ki, azərbaycanlı futbolsevərlər üçün ən maraqlı qarşılaşma Əskişəhərdə Türkiyə və Xorvatiya milliləri arasında oynanılıb. Yeddi turdan sonra "I" qrupunda dördüncü sırada olan qardaş ölkənin yığma komandası qrupun lideri Xorvatiyanı 1:0 hesabı ilə məğlub edib. Oyunda yeganə qol matçın 74-cü dəqiqəsində vurulub. Oğuzhan Özyakupun qüvvətli zərbəsindən sonra qapıçı Subaşiçin qaytardığı topu Cenk Tosun dəqiq zərbə ilə tamamlayaraq hesabı açıb.Bu qrupun digər oyununda İslandiya doğma meydanda Ukrayna yığmasını məğlubiyyətə uğradıb – 2:0. Kosovo millisi isə ev oyununda Finlandiyaya məğlub olub – 0:1.Beləliklə, səkkiz turdan sonra Xorvatiya və İslandiya millilərinin 16, Türkiyə və Ukrayna yığmalarının isə 14 xalı var."D" qrupunda ilk sırada olan Serbiya seçmə komandası ikinci sıradakı İrlandiya ilə səfər qarşılaşmasında minimal hesabla qalib gələrək liderliyini daha da möhkəmləndirib. Hazırda serbiyalıların aktivində 18 xal var. Səfərdə 2:0 hesabı ilə Moldovaya qalib gələn Uels yığması xallarının sayını 14-ə çatdırıb və İrlandiyanı bir xal üstələyək ikinci sıraya yüksəlib. Dördüncü sıradakı Avstriya isə beşinci yerdə qərarlaşan Gürcüstan millisi ilə doğma meydanda sülh bağlayıb – 1:1."G" qrupunun şəriksiz lideri İspaniya yığması səfərdə Lixtenşteyn millisini darmadağın edib – 8:0. İkinci sıradakı İtaliya da səfərdə qələbə qazanıb. Apennin təmsilçisi İsraili 1:0 hesabı ilə məğlub edib. Makedoniya və Albaniya millilərinin görüşündə isə qalib müəyyənləşməyib – 1:1.xeber100.com

“Qarabağ” futbol klubunun məlumatı əsasında…

“Qarabağ” futbol klubunun yay transfer pəncərəsində heyətinə cəlb etdiyi Pedro Enriko artıq Bakıya gəlib. Bu barədə Azərtac-a klubdan məlumat verilib.Futbolçu “Qarabağ”a keçidi və gələcək hədəfləri haqda açıqlamasında deyib: “Qarabağ”a gəlməmişdən əvvəl komandanın uğurları və hədəfləri haqda maraqlandım. Komanda, azarkeşlər və Bakı haqda artıq məlumatım var. Klubun bazası ilə tanış oldum. Burada futbolçular üçün hər cür şərait yaradılıb”.“Qarabağ” Azərbaycan futbol tarixində Çempionlar Liqasının qrup mərhələsinə vəsiqə qazanan ilk klubdur. Mən də buraya öz oyunumla komandama kömək etməyə gəlmişəm. Yarımmüdafiənin həm sağ, həm də sol cinahında oynaya bilirəm. Komandada rəqabətin olması hamımızın xeyrinədir. Komandamız üçün əlimdən gələni etməyə çalışacağam”, - deyə futbolçu qeyd edib.xeber100.com

UEFA Avropa Liqası turnirinin qrup mərhələsinə təyinat alıb

Asim Xudiyev futbol üzrə UEFA Avropa Liqası turnirinin qrup mərhələsinə təyinat alıb.Azərtac  AFFA-ya istinadla xəbər verir ki, “Styaua” (Rumıniya)–“Viktoriya” (Plzen, Çexiya) oyununun hakim-inspektoru Asim Xudiyev olacaq.Qeyd edək ki, oyun sentyabrın 14-də Rumıniyanın Buxarest şəhərində keçiriləcək.xeber100.com

Güləşçilərin dünya çempionatı davam edir

Yunanıstanın paytaxtı Afinada yeniyetmə güləşçilərin dünya çempionatı davam edir.Azərtac xəbər verir ki, ikinci yarış günündə yunan-Roma güləşi üzrə 42, 46, 69, 76 və 85 kiloqram çəki dərəcələrində pəhləvanlar mübarizə aparıblar.Mundialda 42 kiloqram çəki dərəcəsində mübarizə aparan Qurban Qurbanov İtaliya və Namibiyadan olan rəqiblərini mübarizədən kənarlaşdırdıqdan sonra yarımfinalda Rusiya idmançısına da qalib gəlib və çempionatın finalına vəsiqə qazanıb. Həlledici görüşdə onun rəqibi Ukrayna idmançısı olacaq.Nihad Məmmədli (46 kq) də Qırğızıstan, Türkiyə və Rusiyadan olan rəqibləri üzərində qələbə qazanaraq finala yüksəlib. Final görüşündə onun da rəqibi Ukrayna təmsilçisidir.Qeyd edək ki, final görüşləri bu gün keçiriləcək.xeber100.com

Millimiz San-Marinonu 5:1 hesabı ilə məğlub edib

Azərbaycan-San-Marino oyunu başa çatıb. Millimiz rəqibini 5:1 hesabı ilə məğlub edib.Matçın 81-ci dəqiqəsində Rəşad Sadıqov San-Marino millisinin qapsına təyin olunmuş cərimə zərbəsini dəqiq yerinə yetirib - 5:1.Azərbaycan-San-Marino oyununun 71-ci dəqiqəsində avtoqol qeydə alınıb. Belə ki, San-Marino millisinin futbolçusu Miçel Cevoni topu öz qapısına vurub. Üç dəqiqə sonra san-marinolu futbolçu Mirko Palazzi hesab arasındakı fərqi azaldıb - 4:1.Azərbaycan millisi üçüncü topu rəqib qapısından keçirib. Görüşün 57-ci dəqiqəsində Əfran İsmayılov dubl edib.Azərbaycan-San-Marino oyununun birinci hissəsi futbolçularımızın 2:0 hesablı üstünlüyü ilə yekunlaşıb.San-Marino ilə oyun Azərbaycan millisində debütlə əlamətdar olub. Start heyətində yer alan Təmkin Xəlilzadə ilk dəfə milli forma geyinib. “Zirə”nin gənc futbolçusu yığmamızın tarixinə 222-ci futbolçu kimi düşüb. Belə ki, bunadək 231 rəsmi matç keçirən millimizin oyunlarında 221 futbolçumuz meydana çıxmışdı.Azərbaycan yığması hesabda önə çıxıb. Bu dəfə millimizin heyətində Araz Abdullayev fərqlənib - 2:0.Azərbaycan millisi hesabı açıb. Görüşün 20-ci dəqiqəsində Əfran İsmayılov fərqlənib - 1:0.2018-ci ildə Rusiyada təşkil olunacaq futbol üzrə dünya çempionatının seçmə mərhələsi çərçivəsində Azərbaycan-San-Marino oyunu başlayıb.Azərtac xəbər verir ki, “Bakcell Arena”da keçirilən oyunu monteneqrolu hakimlər briqadası idarə edir. Matçın baş hakimi Nikola Dabanovicdir. Ona həmyerliləri Milutin Djukic və Jovica Tatar kömək edirlər. Dördüncü hakim funksiyasını isə Pavle Radovanovic yerinə yetirir.Qarşılaşmanın hakim-inspektoru danimarkalı Kaj Ostergaard, komissar isə qazaxıstanlı Oljas Abrayevdir.Qeyd edək ki, millimizin yer aldığı "C" qrupunda Almaniya 21 xalla vahid liderdir. Şimali İrlandiya 16 xalla ikinci, Çexiya 9 xalla üçüncü, Norveç 7 xalla dördüncü, Azərbaycan yığması 7 xalla beşinci, hesabında xal olmayan San-Marino isə sonuncu pillədə qərarlaşıb.xeber100.com

“Barselona” futbol klubu Arda Turanla bağlı qərarını açıqlayıb

İspaniyanın “Barselona” futbol klubu Arda Turanla bağlı qərarını açıqlayıb.Azərtac klubun rəsmi saytına istinadla xəbər verir ki, Kataloniya təmsilçisi türkiyəli futbolçunun icarəyə götürülməsinə izn verməyib. Klub rəhbərliyi türkiyəli futbolçunun transfer qiymətinin 25 milyon avro olduğunu açıqlayıb. Onlar, həmçinin gələn təkliflər göstərilən məbləğə yaxın olarsa, transfer haqqında düşünəcəklərini bildiriblər.“Barselona”nın UEFA Çempionlar Liqasında keçirəcəyi ilk matçda 25-liyə Arda Turanın da adı daxil edilib.Bununla da adı Türkiyənin “Qalatasaray” komandası ilə gündəmə gələn futbolçunun ispan klubunda qalması dəqiqləşib.xeber100.com