“A” lisenziya kursunda iştirak edən məşqçilər üçün seminar təşkil olunacaq

Mayın 25-də UEFA-nın “A” lisenziya kursunda iştirak edən qapıçı məşqçilər üçün seminar təşkil olunacaq.Azərtac xəbər verir ki, seminar AFFA-nın Futbol Akademiyasında UEFA-nın təlimatçısı Verner Micklerin rəhbərliyi ilə keçiriləcək.xeber100.com

Dünya çempionatının seçmə mərhələsi çərçivəsində…

IV İslam Həmrəyliyi Oyunlarının gümüş mükafatçısı kişi voleybolçulardan ibarət Azərbaycan yığması Fransanın Lion şəhərindədir.Azərtac xəbər verir ki, millimiz bu gün dünya çempionatının seçmə mərhələsi çərçivəsində ilk oyununa çıxacaq. Voleybolçularımız Türkiyə yığması ilə üz-üzə gələcəklər. Oyunu portuqaliyalı baş hakim Helio Ormonde idarə edəcək. Ona xorvatiyalı Milan Raykoviç kömək edəcək.“A” qrupunda yer alan millimiz Türkiyə yığması ilə yanaşı, Almaniya, Ukrayna, Fransa və İslandiya komandaları ilə qarşılaşacaq.Qeyd edək ki, 2018-ci ildə kişi voleybol komandaları arasında dünya çempionatına İtaliya və Bolqarıstan birgə ev sahibliyi edəcək.xeber100.com

“Kəpəz” futbol klubu transfer çalışmalarını davam etdirir

Yeni mövsüm öncəsi transfer çalışmalarını davam etdirən “Kəpəz” daha bir futbolçu ilə razılığa gəlib.Azərtac kluba istinadla xəbər verir ki, Gəncə təmsilçisi Azər Məmmədov ilə bir il müddətinə anlaşıb.Son mövsümü “Turan Tovuz”da keçirən yarımmüdafiəçi komandasının kapitanı olub. A.Məmmədov bu il həm də Tovuz təmsilçisi ilə I divizionun çempionu adını qazanıb.xeber100.com

İtaliyada keçirilən futbol turnirinə yekun vurulub

İtaliyanın Rimini şəhərində Flavio Perottinin xatirəsinə həsr olunmuş futbol turnirinə yekun vurulub.Azərtac xəbər verir ki, “Qəbələ”nin 13 yaşadək futbolçulardan ibarət komandası qrup mərhələsinin son oyununda “Kapilan Pallo” ilə qarşılaşıb. Sərxan Mirzəzadənin qol sevinci yaşadığı matç “qırmızı-qaralar”ın 1:2 hesablı məğlubiyyəti ilə başa çatıb. Bunadək “A” qrupundakı ilk iki oyununda “Milan” (0:3) və “Spal 2013” (0:0) ilə görüşən Ülfət Mədətovun baş məşqçisi olduğu komanda mərhələni 4-cü pillədə başa vurub.Növbəti mərhələdə “Qəbələ” daha iki oyun keçirib. Komandamız İtaliya təmsilçiləri “Forli” və “Prato” ilə görüşüb. Hər iki qarşılaşma 1:1 hesablı heç-heçə ilə nəticələnib. Bu qarşılaşmalarda komandamızın qollarını müvafiq olaraq, İbrahim Ramazanov və Fərid Kələntərəov vurublar.Turnirin final oyununda isə “Milan” və “Real” qarşılaşıb. İtaliya təmsilçisi 4:1 hesablı qələbə qazanıb.xeber100.com

Şahmatçılar arasında Avropa çempionatı başlayacaq

Mayın 29-da Minskdə kişi şahmatçılar arasında Avropa çempionatı başlayacaq.Azərtac xəbər verir ki, turnirdə Azərbaycanı beş qrossmeyster - Arkadi Naydiç, Rauf Məmmədov, Eltac Səfərli, Qədir Hüseynov və Nicat Abbasov təmsil edəcəklər. Turnirdə 150-dən çox şahmatçı iştirak edəcək.Turnir İsveçrə sistemi ilə klassik vaxt rejimində keçiriləcək və 11 turdan ibarət olacaq.Qeyd edək ki, 1-22-ci yerləri tutan şahmatçılar Gürcüstanda Dünya Kuboku yarışlarına vəsiqə qazanacaqlar.Turnirin reytinq favoriti Rusiya təmsilçisi Dmitri Andreykindir.xeber100.com

Uşu yarışlarının final görüşləri start götürüb

Mayın 22-də Bakı İdman Sarayında IV İslam Həmrəyliyi Oyunlarının uşu yarışlarının final görüşləri start götürüb.Azərtac xəbər verir ki, Azərbaycanın üç idmançısı finalda qızıl medal uğrunda mübarizə aparır. Onların hər üçünün rəqibi İran idmançılarıdır.İdmançılarımızdan ilk olaraq mübarizəyə 56 kiloqram çəki dərəcəsində çıxış edən Elçin Eminov qoşulacaq. Onun finaldakı rəqibi Mahdi Mohammadidir.Yeniyetmələrin Yay Olimpiya Oyunlarının gümüş medalçısı Bayram Şəmmədov (65 kq) isə qızıl medal uğrunda görüşdə Foroud Zafari ilə qarşılaşacaq.Yetmiş kiloqram çəki dərəcəsində mübarizə aparan Vüqar Kərəmov həlledici görüşdə Saeid Fazeli ilə üz-üzə gələcək.xeber100.com

Azərbaycan yığması Gürcüstan komandası ilə qarşılaşıb

Futbol üzrə 19 yaşadək qızlardan ibarət Azərbaycan yığması Qazaxıstanın Şimkənd şəhərində təşkil olunmuş UEFA inkişaf turnirində Gürcüstan komandası ilə qarşılaşıb.Azərtac xəbər verir ki, qarşılaşma 4:0 hesabı ilə yığmamızın xeyrinə başa çatıb.Qolları İlahə Nuriyeva, Firəngiz Teymurova, Peritan Bozdağ və Hatice Özdemir vurub.xeber100.com

“Qarabağ” futbol klubu transfer çalışmalarını davam etdirir

Ağdamın “Qarabağ” futbol klubu növbəti mövsüm üçün transfer çalışmalarını davam etdirir.Azərtac xəbər verir ki, klub rəhbərliyi Qara Qarayev və Əfran İsmayılovun ardından daha bir futbolçu ilə müqavilə yeniləyib. Belə ki, Albaniya millisinin kapitanı Ansi Aqolli daha bir il “Qarabağ”ın uğurları üçün çalışacaq.Qeyd edək ki, müdafiəçi 2010-cu ildə Ağdam təmsilçisinə transfer olmuşdu.xeber100.com

Stolüstü tennis üzrə yarımfinal mərhələsinin görüşləri keçirilib

Mayın 21-də “Bakı-2017” İslam Həmrəyliyi Oyunlarında stolüstü tennis üzrə qadın və kişi komandaları arasında yarımfinal mərhələsinin görüşləri keçirilib.Azərtac xəbər verir ki, qadın komandamız yarımfinalda Pakistan yığmasına 3:0 hesabı ilə qalib gələrək finala yüksəlib. Yarımfinalın digər görüşündə İran idmançıları Türkiyə komandasını 3:2 hesabı ilə məğlub edib. Beləliklə, final görüşündə Azərbaycan millisi İran yığması ilə qarşılaşacaq.Üçüncü yer uğrunda görüşdə Türkiyə idmançıları Pakistan təmsilçilərinə qalib gəliblər – 3:1.Kişi komandalarının yarışında təmsilçilərimiz yarımfinalda Türkiyə yığmasına 0:3 hesabı ilə məğlub olublar. Digər yarımfinal görüşündə İran millisi Səudiyyə Ərəbistanı üzərində 3:0 hesablı qələbə qazanıb. Kişi komandaların yarışının finalında Türkiyə və İran komandaları üz-üzə gələcəklər.Azərbaycan komandası bürünc medal uğrunda görüşdə Səudiyyə Ərəbistanı təmsilçilərinə 3:1 hesabı ilə qalib gələrək üçüncü yeri tutub.Final görüşləri mayın 22-də keçiriləcək.xeber100.com

IV İslam Həmrəyliyi Oyunlarının doqquzuncu günündə…

"Bakı-2017" IV İslam Həmrəyliyi Oyunlarının doqquzuncu günündə Azərbaycan medal siyahısında liderliyini davam etdirib. Azərbaycan milli komandasının hesabında hazırda 154 medal (75 qızıl, 46 gümüş və 33 bürünc) var.Azərtac xəbər verir ki, gün ərzində Azərbaycan idmançıları 20 medal qazanıblar. Bu medallardan 9-u qızıl, 7-si gümüş, 4-ü bürüncdür. Milli komandamızın aktivinə ən çox medalı qadın güləşçilərimiz yazdırıblar. Qadın güləşi yarışlarında idmançılarımız 4 qızıl, 3 gümüş və 1 bürünc medal qazanıblar.İslamiadanın doqquzuncu günündə aktivinə 13 medal yazdıran Türkiyə ikinci sıradadır. Hazırda Türkiyə yığmasının hesabında 185 medal (68-63-54) var.Üçüncü sırada qərarlaşan İran idmançıları İslamiadada 90 medal (31-26-33) əldə ediblər. Hazırda siyahıda dördüncü yerdə qərarlaşan Özbəkistanın hesabında 62 medal (15-17-30) var. Bəhreyn 21 medalla (12-5-4) ilk beşliyi qapayır.Ümumilikdə doqquz gün ərzində 39 ölkənin idmançıları medal qazana biliblər.xeber100.com