IV İslam Həmrəyliyi Oyunlarının uşu yarışlarına start verilib

Mayın 20-də “Bakı-2017” IV İslam Həmrəyliyi Oyunlarının uşu yarışlarına start verilib.AZƏRTAC xəbər verir ki, bu idmanın uşu-sanda döyüş növü üzrə keçiriləcək yarışların ilk günündə 48, 52, 56, 60, 65, 70 və 75 kiloqram çəki dərəcələrində idmançılar Bakı İdman Sarayında mübarizə aparacaqlar.Altı əsas və iki ehtiyat idmançıdan ibarət olacaq Azərbaycanın yığma komandası bu idman növündə yeddi çəki dərəcəsindən 6-da təmsil olunacaq.Yığma komandamızın heyətinin üzvlərindən altısı da bu gün mübarizəyə qoşulacaq.“Bakı-2017”də kişilər arasında yarışa dörddəbir finaldan başlayacaq milli komandamızın üzvlərindən Avropa çempionu Orxan Hətəmov (48 kq) İordaniya idmançısı Ammar Alşami ilə döyüşəcək.Turnirə səkkizdəbir finaldan qoşulacaq III İslam Həmrəyliyi Oyunlarının bürünc mükafatçısı, üçqat Avropa çempionu Elçin Eminov (56 kq) isə qırğızıstanlı Avazbek Amanbekov ilə Əfqanıstan təmsilçisi Mohammad Kərim Faqirinin qarşılaşmasının qalibi ilə üz-üzə gələcək.Digər idmançımız – III İslam Həmrəyliyi Oyunlarının gümüş mükafatçısı Ruslan Pirəliyev (60 kq) pakistanlı Abdullah Abdullah ilə qarşılaşacaq.Azərbaycan çempionu, Yeniyetmələrin II Yay Olimpiya Oyunlarının gümüş medalçısı Bayram Şəmmədov (65 kq) dörddəbir finalda iordaniyalı Yazeed Hasanainlə gücünü sınayacaq.Beynəlxalq turnirlərin qalibləri Vüqar Kərəmov (70 kq) səkkizdəbir finalda əfqanıstanlı Ahmed Zaker Bakşi, Pərviz Abdullayev (75 kq) isə həmin mərhələdə türkmənistanlı Rehmet Ovezberdiyev ilə görüşəcək.Yarışda komandamızın ehtiyat idmançıları 65 kiloqram çəki kateqoriyasında Rafael Tarverdiyev və 70 kiloqram çəkidə Taleh İsayev olacaq.Yığmamız “Bakı-2017”yə Azərbaycan Uşu Federasiyasının prezidenti, yığma komandanın baş məşqçisi Azər Həsənsoy və böyük məşqçisi Bahyəddin Səlimovin rəhbərliyi ilə hazırlaşıb.İslamiadanın uşu-sanda yarışlarında 17 ölkədən idmançılar çıxış edəcəklər. İştirakçılar arasında İndoneziya, İran, Türkiyə və Qırğızıstandan olan dünya və Avropa çempionları yer alır.xeber100.com

Azərbaycan yığması yoldaşlıq oyunu keçirib

Makedoniyanın Skopye şəhərinə təlim-məşq toplanışında olan 17 yaşadək futbolçulardan ibarət Azərbaycan yığması yoldaşlıq oyunu keçirib.Azərtac AFFA-ya istinadla xəbər verir ki, Makedoniyanın U-17 komandası ilə qarşılaşan yığmamız 2:0 hesabı ilə qələbə qazanıb.Hər iki qolu Turan Vəlizadə vurub.xeber100.com

Bakı Olimpiya Stadionunda atletika yarışlarının dördüncü günü…

IV İslam Həmrəyliyi Oyunları çərçivəsində mayın 19-da Bakı Olimpiya Stadionunda atletika yarışlarının dördüncü gününə start verilib.Azərtac xəbər verir ki, hazırda qadınlar arasında lövhəatma yarışlarının finalı keçirilir. Bu yarışda ölkəmizi Hanna Skidan təmsil edir.Günün birinci yarısında kişilər arasında 4x100 metr məsafəyə estafet qaçışı və 1500 metrə qaçış, o cümlədən qadın paralimpiyaçılar arasında T12 kateqoriyasında 200 metr və kişi paralimpiyaçılar arasında T12 kateqoriyasında 400 metr məsafəyə qaçış yarışlarının təsnifat mərhələləri baş tutacaq.xeber100.com

Voleybol yarışının qrup mərhələsinin son oyunlarına start verilib

Mayın 19-da İslamiadada kişilər arasında voleybol yarışının qrup mərhələsinin son oyunlarına start verilib.Azərtac xəbər verir ki, günün açılış oyununda "A" qrupunda yer alan Türkiyə və Fələstin yığmaları qarşılaşır. Qrupun digər oyunu isə Türkmənistan və Pakistan komandaları arasında keçiriləcək."B" qrupunun oyunları çərçivəsində Qətər-Mərakeş, Əlcəzair-Səudiyyə Ərəbistanı görüşləri baş tutacaq.Son təsnifat qarşılaşmalarından sonra bütün yarımfinalçılar məlum olacaq.Kişi voleybolçular arasında yarımfinal matçları mayın 20-də, final görüşləri isə mayın 21-də keçiriləcək.xeber100.com

IV İslam Həmrəyliyi Oyunlarının güləş yarışları davam edir

Mayın 19-da IV İslam Həmrəyliyi Oyunlarının güləş yarışları davam edir.Azərtac xəbər verir ki, yarışların üçüncü günündə 57, 65, 74 və 97 kiloqram çəki dərəcələrində sərbəst güləşçilər mübarizəyə qoşulublar.Məhəmməd Müslümov (65 kq) ilk olaraq Kot d`İvuar güləşçisi Açi İnnocent Abbe üzərində 11:0 hesabı ilə qalib gəlib. İdmançımız daha sonra Qvineya-Bisau təmsilçisi Cumba Mabaliyə qarşı görüşü tam üstünlüklə başa vuraraq yarımfinala yüksəlib.Yarışda 57 kiloqram çəki dərəcəsində mübarizə aparan Mahir Əmiraslanov kamerunlu Tambi Nforsonqu tam üstünlüklə vaxtından əvvəl - 1 dəqiqə 41 saniyə ərzində məğlub edərək yarımfinala vəsiqə qazanıb.Cəbrayıl Həsənov (74 kq) isə ilk qarşılaşmasında İran təmsilçisi Peyman Yarahmadiyə 1:3 hesabı ilə məğlub olub.xeber100.com

Stolüstü tennis üzrə yarışların yarımfinal mərhələsinə yekun vurulub

“Bakı-2017” IV İslam Həmrəyliyi Oyunlarında qadınlar arasında stolüstü tennis üzrə fərdi yarışların yarımfinal mərhələsinə yekun vurulub.Azərtac xəbər verir ki, əvvəlcə Azərbaycan təmsilçisi Miao Vanq Türkiyə təmsilçisi Mələk Hu ilə qarşılaşıb. Final uğrunda gərgin idman mübarizəsi Türkiyə təmsilçisinin xeyrinə başa çatıb. Mələk Hu 4:1 hesabı ilə Azərbaycan təmsilçisi üzərində qələbə qazanaraq finala vəsiqə əldə edib.Final uğrunda digər mübarizədə isə Azərbaycanın stolüstü tennisçisi Zinq Ninq İran təmsilçisi Nedə Şahsavari ilə üz-üzə gəlib. Maraqlı keçən idman qarşılaşmasında Azərbaycan təmsilçisi 4:1 hesabı ilə İran təmsilçisini məğlub edərək finala adlayıb.Beləliklə, Oyunlarda qadınlar arasında stolüstü tennis üzrə fərdi yarışların final mərhələsində Türkiyə təmsilçisi Mələk Hu ilə Azərbaycan idmançısı Zinq Ninq qarşılaşacaqlar.Final qarşılaşması bu gün baş tutacaq.Qeyd edək ki, stolüstü tennis yarışları “Sərhədçi” İdman Olimpiya Kompleksində keçirilir.xeber100.com

Basketbol 3×3 yarışlarının ikinci gününə start verilib

Mayın 19-da IV İslam Həmrəyliyi Oyunlarının basketbol 3x3 yarışlarının ikinci gününə start verilib.Azərtac xəbər verir ki, həm qadınların, həm də kişilərin yarışında on komanda iki qrupda mübarizə aparır.Qadınların mübarizəsində “A” qrupunda Türkmənistan, Azərbaycan, Əlcəzair, Mali və Əfqanıstan, “B” qrupunda İndoneziya, Türkiyə, Suriya, Fələstin və Pakistan milliləri yarışırlar.Kişilərin yarışında Türkiyə, Azərbaycan, Türkmənistan, Səudiyyə Ərəbistanı və Pakistan “A” qrupunda, İndoneziya, Qətər, Kot d`İvuar, Mali, İordaniya yığmaları isə “B” qrupunda yer alıblar.Qruplarda ilk dörd yeri tutan komandalar dörddəbir finala vəsiqə qazanacaqlar.Yarışların ikinci günündə 18 oyun keçiriləcək. Qadınların yarışında 8, kişilərin mübarizəsində isə 10 qarşılaşma oynanılacaq.İlk görüşdə Türkmənistan və Əlcəzair qadın basketbolçuları qarşılaşırlar.xeber100.com

İRNA xəbər agentliyi yazır…

İranın İRNA xəbər agentliyi Bakıda keçirilən IV İslam Həmrəylik Oyunlarından yazıb.Yazıda qeyd olunub ki, bu yarışlarda İran idmançıları 58 medal qazanıblar. Atletlər idmanın ağırlıqqaldırma, atıcılıq, cüdo, karate, gimnastika növlərində uğurla çıxış ediblər.Nəzərə çatdırılıb ki, 54 ölkənin idmançılarının qatıldığı “Bakı-2017” IV İslam Həmrəyliyi Oyunları yüksək səviyyədə təşkil olunub. Bütün idmançılar üçün eyni şərait yaradılıb. Yarışların keçirildiyi bütün idman arenaları müasir standartlara cavab verir.Qeyd olunub ki, yarışlar davam edir və İran idmançıları yenə də medal qazanmaq şansına malikdirlər.xeber100.com

Yunan-Roma güləşi yarışlarının finalında…

Mayın 18-də İslamiadanın yunan-Roma güləşi yarışlarında mübarizəyə qoşulan Azərbaycanın dörd idmançısından üçü finala vəsiqəni təmin edib.Azərtac xəbər verir ki, İslam Abbasov (85 kq) yarımfinal mərhələsində Qırğızıstan güləşçisi Azat Beişebekov ilə qarşılaşıb. Görüşdə 3:1 hesabı ilə qələbə qazanan İslam Abbasov finala yüksəlib.Yarımfinalda Özbəkistan idmançısı Mirzobek Raxmatovu məğlub edən Kamran Məmmədov (66 kq) da adını finala yazdırıb.Yarışda 75 kiloqram çəki dərəcəsində çıxış edən Elvin Mürsəliyev yarımfinalda Qırğızıstan güləşçisi Kayratbek Tuqolbayevə 3:2 hesabı ilə qalib gələrək qızıl medallar uğrunda mübarizədə iştirak etmək hüququ qazanıb.Daha bir güləşçimiz Sabah Şəriəti (130 kq) yarımfinalda Özbəkistan təmsilçisinə məğlub olaraq bürünc medal uğrunda xalça üzərinə çıxacaq.Xatırladaq ki, yarışın ilk günündə yunan-Roma güləşi üzrə 59, 71, 80 və 98 kiloqram çəki dərəcələrində idmançılar mübarizə aparıblar. Güləşçilərimiz yarışın ilk gününü 1 qızıl, 1 gümüş və 2 bürünc medalla başa vurublar. Qızıl medalı yığmamıza 98 kiloqram çəki dərəcəsində yarışan Orxan Nuriyev qazandırıb. Rafiq Hüseynov (80 kq) gümüş medala yiyələnib. Bürünc medalları isə Murad Məmmədov (59 kq) və Rəsul Çunayev (71 kq) aktivlərinə yazdırıblar.xeber100.com

Futbol yarışlarında yarımfinal mərhələsinin ilk oyunu keçirilir

IV İslam Həmrəyliyi Oyunlarının futbol yarışlarında yarımfinal mərhələsinin ilk oyunu keçirilir.Azərtac xəbər verir ki, “Dalğa Arena”da Azərbaycan millisi Əlcəzair yığması ilə qarşılaşır.Millimizin start heyətində Şaxrudin Maqomedaliyev, Sadiq Quliyev, Rəşad Sadiqov, Coşğun Diniyev, Elşən Abdullayev, Ağabala Ramazanov, Mahir Mədətov, Ruslan Abışov, Məqsəd İsayev, Azər Salahlı və Vüqar Mustafayev yer alıblar.Əlcəzair yığmasının ilk on birliyində meydana Rahmani Xamsaddine, Bouzidi Abdelgani, Mohamed Naoufel Xacef, Qaqa Ahmed, Yosif Douar, Hamra Abderrahim, Merouani Məhəmməd, Zakaria Naidji, Saadi İsmayıl, Elmelali Fərid və Meziyani Tayeb çıxıblar.Oyunu ukraynalı hakimlər briqadası idarə edir.xeber100.com