Yunan-Roma güləşi üzrə beynəlxalq turnir keçiriləcək

Gürcüstanda dünya çempionu Muxran Vaxtanqadzenin şərəfinə həsr olunmuş gənclər arasında yunan-Roma güləşi üzrə beynəlxalq turnir keçiriləcək.Bu barədə Azərtac-a Azərbaycan Güləş Federasiyasından məlumat verilib.Məşqçilər Zöhrab Abbasov və Turac Hüseynlinin rəhbərliyi altında mayın 13-dən 14-dək Batumidə 13 güləşçimiz turnirdə qüvvəsini sınayacaq. Heyətdə Zülfüqar Əliyev (50 kq), Zaur Nuriyev, Elvin Mustafayev (hər ikisi 55 kq), Kamran Mirzəliyev, Elvin Musayev (hər ikisi 60 kq), Cavid Miralayev (74 kq), Tuncay Vəzirzadə, Aslan Məmmədov (hər ikisi 84 kq), Tehran Əminzadə, Soslan Fanziyev, Nizami Şəmilov, Sayqidmaqomed Omarov (hamısı 96 kq) yer alıblar.Turnirin ilk günündə 50, 60, 74, 96, ikinci günündə isə 55, 66, 84 və 120 kiloqram çəki dərəcələrində qaliblər müəyyənləşəcək.Görüşlərin idarə edilməsində Azərbaycanı beynəlxalq dərəcəli hakim Zakir Məmmədov təmsil edəcək.xeber100.com

Türkiyə milli komandası ilə Özbəkistan yığması qarşılaşıb

Mayın 9-da “Bakı-2017” IV İslam Həmrəyliyi Oyunlarında qadınlar arasında həndbol yarışının qrup mərhələsi çərçivəsində keçirilən ilk matçında Türkiyə milli komandası ilə Özbəkistan yığması qarşılaşıb.Azərtac xəbər verir ki, azərbaycanlı hakim briqadasının idarəsi ilə keçən oyunun ilk hissəsi Türkiyənin üstünlüyü ilə yekunlaşıb - 16:8.Türkiyə komandası ilk hissədə əldə etdiyi üstünlüyünü saxlayaraq 37:21 hesabı ilə Özbəkistan yığmasına qalib gəlib.xeber100.com

UEFA Çempionlar Liqasının ilk finalçısı müəyyənləşəcək

Mayın 9-da keçiriləcək “Yuventus”-“Monako” oyunu ilə UEFA Çempionlar Liqasının ilk finalçısı müəyyənləşəcək.Azərtac xəbər verir ki, yarımfinal mərhələsinin Turində keçiriləcək cavab qarşılaşmasında “Yuventus” səfərdə əldə etdiyi 2:0 hesablı üstünlüyü qorumağa çalışacaq.Həm UEFA Çempionlar Liqasında, həm də İtaliya “A” seriyasında büdrəmədən irəliləyən Massimiliano Alleqrinin yetirmələri avrokuboklarda keçirdiyi 22 ev oyununda məğlub olmayıblar. İtaliya futbolunun canlı əfsanəsi, turinlilərin qolkiperi 39 yaşlı Canluici Buffon bu gün Avropanın klub turnirlərində 150-ci matçına çıxacaq.Yarımfinala yüksəlmək şansları nə qədər çətin görünsə də, “Monako” qələbə qazanmaq üçün bütün imkanlardan istifadə etməyə çalışacaq. “Monako” bu günədək üç avrokubok yarımfinalında iştirak edib. Komanda onların heç birində səfərdə qələbə qazana bilməyib.“Yuventus”un baş məşqçisi mətbuat konfransında deyib: “Monako”nun itirəcək heç bir şeyi yoxdur. Buna görə də onlar sərbəst oynayacaqlar və heyətlərindəki istedadlı futbolçularla bizim üçün ciddi çətinliklər yaradacaq. Biz Monakodakından da yaxşı oyun göstərməliyik. Çünki ilk görüşdə bir neçə səhvə yol vermişdik. Hücum futbolu oynayaraq qələbə qazanmalıyıq”.Komandalar indiyədək beş dəfə qarşılaşıblar. Bu görüşlərin üçündə turinlilər, birində isə “Monako” komandası üstün olub. Bir görüş isə heç-heçə başa çatıb.“Yuventus”-“Monako” oyunu Bakı vaxtı ilə saat 22:45-də başlayacaq.Yarımfinal mərhələsinin digər matçı mayın 10-da Madridin “Atletiko” və “Real” komandaları arasında keçiriləcək. Bu komandalar arasında ilk görüşdə kral klubu 3:0 hesabı ilə qalib gəlib.xeber100.com

Mehr informasiya agentliyinin məlumatı

İranın Mehr informasiya agentliyi Bakıda keçirilən IV İslam Həmrəyliyi Oyunları haqqında məqalə yayıb.Məqalədə bildirilir ki, Azərbaycanın paytaxtı Bakı şəhəri beynəlxalq idman yarışlarını keçirmək təcrübəsinə malikdir. Şəhərdə böyük və müasir idman kompleksləri tikilib.Qeyd olunur ki, yarışlara qatılacaq 159 iranlı idmançı 20 idman növü üzrə mübarizə aparacaq.Yarışlarda 31 iranlı qadın idmançı da iştirak edəcək. Onlar taekvando, tennis, karate, atıcılıq və atletika idman növlərində İranın idman şərəfini qoruyacaqlar.xeber100.com

Həndbol yarışlarına start verilib

Mayın 9-da “Bakı-2017” IV İslam Həmrəyliyi Oyunlarının həndbol yarışlarına start verilib.Azərtac xəbər verir ki, günün ilk qarşılaşması kişilər arasında “A” qrupunda Səudiyyə Ərəbistanı millisi ilə Əlcəzair komandası arasında keçirilir.Həndbol üzrə kişilər arasında səkkiz, qadınlar arasında dörd komanda mübarizə aparır. “A” qrupunda Azərbaycan, Səudiyyə Ərəbistanı, Əlcəzair, Pakistan, “B” qrupunda Türkiyə, Mərakeş, İraq, İordaniya yığmaları yer alıblar.Qadınların yarışında isə Azərbaycan həndbolçuları Kamerun, Türkiyə və Özbəkistan kollektivləri ilə yarışacaq.Bütün görüşlər “Sərhədçi” Olimpiya İdman Mərkəzində keçiriləcək.xeber100.com

Almaniyada boks turniri keçirilib

Almaniyanın Veisvasser şəhərində peşəkar boks turniri keçirilib.Diasporla İş üzrə Dövlət Komitəsinin mətbuat xidmətindən Azərtac-a bildiriblər ki, turnirin açılış mərasimində Azərbaycanın və Almaniyanın dövlət himnləri səsləndirilib. Açılışda şəhər meriyasının rəhbəri Torsten Plötzş, Azərbaycan diasporunun nümayəndələri və ölkəmizin səfirliyinin əməkdaşları iştirak ediblər.Ənənəvi boks turnirində müxtəlif ölkələri təmsil edən idmançılar peşəkar rinqdə güclərini sınayıblar. Ukraynalı boksçu Roman Qolovaşenko, Almaniya boksçusu Kai Kurzava, Tino Froehliş və Dominik Kosel Heydər Əliyevin adını daşıyan dünya və beynəlxalq kəmərlər uğrunda mübarizə aparıblar. Həmyerlimiz Vüsal Əliyev, Malik Məmmədzadə, Loğman Bayramov peşəkar rinqdə rəqiblərinə qalib gəliblər.Boks turniri Alman-Azərbaycan Cəmiyyəti və 2012-ci ildə Maqdeburqda təsis olunmuş Heydər Əliyev adına Dünya Boks Komitəsi (World Boxing Committee Heydar Aliyev) tərəfindən keçirilir.xeber100.com

V Zirvə Oyunları təşkil edilib

AAAF PARK Yaşayış Kompleksinin yarış zalında yeniyetmələr arasında V Zirvə Oyunları təşkil edilib. “Zirvə” beynəlxalq idman klubunun nəzdində müxtəlif idman növləri ilə məşğul olan idmançıların iştirak etdikləri bu yarış artıq ənənə halını alıb.Azərtac xəbər verir ki, builki yarışda 3 idman növü – ağır atletika, cüdo və bədii gimnastika üzrə medal mübarizəsi olub. Yarışlarda respublikanın şəhər, rayon, qəsəbə və kəndlərində “Zirvə”nin klub və bölmələrinin həkim müayinəsindən keçmiş idmançıları iştirak ediblər.Ağır atletika üzrə yarışlar 2005-2007-ci il təvəllüdlü oğlanlar və qızlar arasında hər yaş qrupu üzrə Sinkleyr cədvəli əsasında keçirilib. Yarışda birdənqaldırma və təkanlaqaldırma hərəkətlərində dərəcə tələbləri tətbiq olunub. Qızların yarışında Selcan Qarayeva ümumilikdə 94 kiloqram (40+54) nəticə və 174.09 xal ilə qızıl medala sahib çıxıb.2007-ci il təvəllüdü oğlanların yarışında 61 kiloqram (28+33) nəticə və 194.18 xalla Turan Əliyev, 2006-cı il təvəllüdlü oğlanlarda 83 kiloqram (37+46) nəticə və 219.88 xalla Ravin Alməmmədov, 2005-ci il təvəllüdlü oğlanlarda isə 113 kiloqram (49+64) nəticə və 234.79 xalla Emin Əkbərov fəxri kürsünün ən yüksək pilləsinə qalxıb.Oyunlara mayın 9-da yekun vurulacaq.Zirvə Oyunlarının keçirilməsində məqsəd idman növlərinin yerlərdə təbliği və inkişafı, idmançılar və məşqçilər arasında dostluq əlaqələrinin möhkəmləndirilməsi, idmançıların ustalıq səviyyəsinin artırılması və təkmilləşdirilməsi, yarış vərdişlərinin mükəmməlləşdirilməsi, məşqçi-müəllimlərin işlərinin qiymətləndirilməsidir.xeber100.com

“Kəpəz” klubu yeni müqavilə imzalayıb

Azərbaycan Premyer Liqasının növbəti mövsümü üçün transfer çalışmalarına başlayan “Kəpəz” ilk növbədə diqqəti son çempionatda komandanın heyətində çıxış etmiş futbolçulara yönəldib.Azərtac kluba istinadla xəbər verir ki, Gəncə klubunun 7 futbolçu ilə danışıqları müsbət nəticələnib.Qapıçı Davud Kərimi, müdafiəçilər Şəhriyar Rəhimov, Şəhriyar Əliyev, Novruz Məmmədov, Azad Kərimov, yarımmüdafiəçilər Kərim Diniyev və Orxan Əliyev ilə yeni razılıq əldə edilib. Bu futbolçuların müqaviləsi daha bir il müddətinə artırılıb.xeber100.com

“Neymar Jr’s Five” beynəlxalq futbol turnirinin finalı keçirilib

Bakıda Dənizkənarı Milli Parkda “Neymar Jr’s Five” beynəlxalq futbol turnirinin Azərbaycan finalı keçirilib.Azərtac xəbər verir ki, 16 komandanın iştirak etdiyi final mərhələsində bir sıra regionların təmsilçiləri də mübarizə aparıblar.Gəncə, Lənkəran, Şəki, Quba və Bakıdan seçim mərhələlərində iştirak edən 330 komandadan 16 kollektiv milli finalda çıxış etməklə yarışın qalibini müəyyənləşdirib. Onlar ulduz futbolçu Neymarın vətəni Braziliyaya dünya finalına yollanmaq uğrunda mübarizə aparıblar.Gərgin mübarizə ilə yadda qalan milli finalda Bakını təmsil edən “Şirinlər” komandası çempion olub. Finalda “Qara Qartal”la qarşılaşan “Şirinlər” 1:0 hesabı ilə qələbə qazanaraq çempionluq sevinci yaşayıb.xeber100.com

Güləş üzrə Avropa çempionatı başa çatıb

Serbiyanın Novı Sad şəhərində güləş üzrə Avropa çempionatı başa çatıb. Çempionatın sonuncu günündə 71, 75, 80 və 85 kiloqram çəki dərəcəsində yunan-Roma güləşçiləri mübarizəyə qoşulublar.Azərtac xəbər verir ki, 75 kiloqram çəki dərəcəsində mübarizə aparan Ruhin Mikayılov ardıcıl olaraq Danimarka və Ukrayna güləşçilərini məğlub edib. Yarımfinalda Rusiya idmançısı Çingiz Labazanova uduzan güləşçimiz bürünc medal uğrunda görüşə haqq qazanıb. Üçüncü yer uğrunda görüşdə onun rəqibi Belarus idmançısı olub. Ancaq görüş güləşçimiz üçün uğurlu alınmayıb. Ruhin Mikayılov çempionatı beşinci sırada tamamlayıb.Xatırladaq ki, Azərbaycanın sərbəst və qadın güləşçiləri ilk 4 yarış günündə 2 qızıl, 3 gümüş və 3 bürünc medal qazanıblar.xeber100.com