Azərbaycan kuboku yarışlarında növbəti final matçları keçirilib

Dekabrın 3-də futbol üzrə Azərbaycan kuboku yarışlarında növbəti səkkizdəbir final matçları keçirilib.Azərtac xəbər verir ki, oynanılan dörd qarşılaşma ilə növbəti dörddəbir finalçıların adlarına aydınlıq gəlib.Bu dəfə də püşk I divizion təmsilçiləri ilə elita klublarını üz-üzə qoyub. Ötən gün olduğu kimi bu görüşlərdə də elita təmsilçiləri rahatlıqla mərhələ adlamağı bacarıblar.Qusarın “Şahdağ” klubu “Kəpəz”lə üz-üzə gəlib. Gəncə təmsilçisi I divizion klubunu böyük hesabla məğlub edərək dörddəbir mərhələyə adlayıb - 5:1.“Turan Tovuz” komandası “Zirə”dən zəif olub. Qonaqlar minimal hesabla meydan sahiblərinə qalib gəlməklə növbəti mərhələni təmin ediblər -1:0.“Zaqatala” isə “Qəbələ”nin qonağı olub. Oyunun əsas vaxtı 2:2 hesablı heç-heçə ilə başa çatıb. Penalti seriyasında 6:3 hesabı ilə qalib gələn “Qəbələ” dörddəbir finala yüksələn tərəf olub.Püşkdə bəxti gətirməyən “Səbail” klubu “Qarabağ”ın darmadağını ilə üzləşib – 5:0. Ağdam təmsilçisi asan qalibiyyət ilə adını növbəti mərhələyə yazdırıb.Beləliklə, dörddəbir finalda "Zirə"–"Neftçi", “Qarabağ”–"Sumqayıt", "İnter"–"Kəpəz" və "Qəbələ"–AZAL görüşləri oynanılacaq. Bu mərhələnin ilk oyunları dekabrın 11-13-də, cavab qarşılaşmaları isə bir həftə sonra keçiriləcək.xeber100.com

Velosiped İdman Federasiyasının təşkilatçılığı ilə…

Velosiped İdmanı Federasiyası və ADA Universitetinin birgə təşkilatçılığı ilə Respublika Velotrekində adı çəkilən təhsil müəssisəsinin tələbələri arasında velosiped yarışı təşkil edilib.Azərtac xəbər verir ki, yarışda hər birinin tərkibində 3 oğlan və 1 qız tələbə olan 14 komanda iştirak edib.Yarış başlamazdan əvvəl tələbələr Respublika Velotrekində idmançılar üçün yaradılan şərait, həmçinin Azərbaycan və dünya velosipedinin tarixini özündə əks etdirən muzeylə tanış olublar.Estafet sistemi üzrə keçirilən yarışda hər komandanın tərkibində yer alan velosipedçilər 333 metrlik marşrut boyunca dövrə vurublar və ən yaxşı vaxt göstəricisinə əsasən qaliblər müəyyənləşib.xeber100.com

Premyer Liqasının 14-cü turunun oyunları çərçivəsində…

Dekabrın 3-də futbol üzrə İspaniya Premyer Liqasının 14-cü turunun oyunları çərçivəsində mərkəzi görüş baş tutacaq.Azərtac xəbər verir ki, futbolsevərlərin diqqəti Bakı vaxtı ilə saat 19:15-də Nou Kampda keçiriləcək “Barselona”-“Real Madrid” oyununa yönələcək.Messi-Ronaldo qarşılaşması kimi tanınan dünyanın bir nömrəli derbisinin tarixi 1902-ci il fevralın 17-dən başlayır. İlk qarşılaşmanı rəqib meydanında Madrid təmsilçisi 2:1 hesablı qələbə ilə başa vurub.Bu oyun dünya nəhənglərinin ümumilikdə 265-ci, rəsmi oyunlarda 232-ci, İspaniya çempionatında isə 173-cü qarşılaşması olacaq.Tərəflər arasında bu günə qədər keçirilən 264 oyunda “katalonlar” 109 dəfə sevinən tərəf olublar. Doxsan yeddi matçda “kral” klubu meydanı üç xalla tərk edib. Əlli səkkiz qarşılaşmada isə qalib müəyyənləşməyib. Primerada baş tutan 172 matçın 68-ni “Barselona”, 72-ni “Real” qazanıbsa, 32 oyun sülhlə yekunlaşıb. Ümumi top fərqi 459-432 Kataloniya təmsilçisinin xeyrinədir. La Liqada isə paytaxt klubu top fərqinə görə üstünlüyə malikdir - 280-273.Xatırladaq ki, 13 turdan sonra turnir cədvəlinə “Real Madrid” komandası 33 xalla liderlik edir. Rəqibindən altı xal geri qalan “Barselona” isə 27 xalla ikinci pillədə qərarlaşıb.xeber100.com

Cüdo Federasiyasının təşkilatçılığı ilə…

Sumqayıt Olimpiya İdman Kompleksində cüdo üzrə beşinci respublika turniri təşkil edilib.Azərtac xəbər verir ki, yarış Cüdo Federasiyasının təşkilatçılığı ilə keçirilib.Turnirdə Bakı və bölgələrdən olan cüdoçularla yanaşı, Rusiyanın Nalçik və Dərbənd şəhərlərinin yeniyetmə idmançıları da mübarizə aparıblar.Otuz səkkiz komandadan 335 cüdoçunun qatıldığı çempionat iki gün davam edib.xeber100.com  

Futbol üzrə final mərhələsi başlayır

Dekabrın 2-də futbol üzrə Azərbaycan kubokunda səkkizdəbir final mərhələsinə start veriləcək.Azərtac xəbər verir ki, mərhələnin oyunları iki gün ərzində keçiriləcək. Bütün cütlüklərdə Premyer Liqa təmsilçiləri ilə I divizionda çıxış edən klublar üz-üzə gələcəklər.İlk oyun günündə keçiriləcək dörd qarşılaşma paytaxtda təşkil olunacaq. Əvvəlcə meydana MOİK və “Sumqayıt” futbolçuları çıxacaqlar. Ardınca “İnter” divizionun iddialılarından olan “Qaradağ Lökbatan”la oynayacaq. AZAL “Rəvan”ı qəbul edəcək. Mövsümü uğursuz keçirən “Neftçi” isə aşağı dəstə təmsilçisi “Şərurspor”la qarşılaşacaq.xeber100.com

Cüdoçular arasında Azərbaycan birinciliyinə start veriləcək

Dekabrın 10-da Bakı İdman Sarayında yeniyetmə cüdoçular arasında Azərbaycan birinciliyinə start veriləcək.Azərtac xəbər verir ki, üç gün davam edəcək yarışda ölkəmizin bütün bölgələrindən olan yeniyetmə cüdoçular iştirak edəcəklər.Bu yaxınlarda keçirilən Bakı birinciliyi və region yarışlarının mükafatçıları, perspektivli yeniyetmələr respublika çempionatında medallar uğrunda mübarizə aparacaqlar.xeber100.com  

Formula-1 könüllülərinin qeydiyyatı başlanılıb

2017-ci ildə Bakıda sayca ikinci dəfə keçiriləcək Formula-1 üzrə Avropa Qran-prisi zamanı fəaliyyət göstərəcək könüllülərin qeydiyyatına başlanılıb. Ümumilikdə 3 min könüllünün qəbulunun nəzərdə tutulduğu Könüllülər Proqramına qeydiyyatın fevralın 28-dək davam etdirilməsi nəzərdə tutulub.Azərtac xəbər verir ki, könüllülər işçi qüvvəsi, məkan, aeroport, şəhər və idman əməliyyatları, tamaşaçı xidmətləri, nəqliyyat, marketinq, media əməliyyatları, protokol və mərasim sahələri üzrə fəaliyyət göstərəcəklər.xeber100.com

“Şapekoense” klubunun futbolçularının xatirəsi yad ediləcək

UEFA Çempionlar və Avropa liqalarının sonuncu qrup oyunları bir dəqiqəlik sükutla start götürəcək.Azərtac qitə futbol qurumunun mətbuat xidmətinə istinadla xəbər verir ki, altıncı turun bütün görüşlərində təyyarə qəzasında həlak olmuş Braziliyanın “Şapekoense” klubunun futbolçularının xatirəsi yad ediləcək.Qeyd edək ki, Çempionlar Liqasının matçları dekabrın 6-7-də, Avropa Liqasının qarşılaşmaları isə dekabrın 8-də oynanılacaq.xeber100.com

“Neftçi”nin hazırlıq planı müəyyənləşib

“Neftçi” futbol klubunun qış fasiləsi zamanı hazırlıq planı müəyyənləşib.Azərtac xəbər verir ki, komanda gələn il yanvarın 4-dən 20-dək Türkiyənin Bələk vilayətində təlim-məşq toplanışı keçəcək.Qeyd edək ki, hazırlıq prosesi zamanı yoxlama oyunlarının təşkili ilə bağlı işlər hazırda davam edir.xeber100.com

“Qarabağ”–“Qəbələ” matçı müzakirə edilib

AFFA-nın İntizam Komitəsi Azərbaycan Premyer Liqasının XIII turunun “Qarabağ”–“Qəbələ” matçında baş verənləri müzakirə edib.Azərtac xəbər verir ki, komitə üzvləri görüş zamanı yaşanan neqativ hallara hüquqi qiymət veriblər. Ağdam təmsilçisinə ümumilikdə 6400 manat cərimə cəzası kəsilib.Dörd futbolçusu sarı vərəqə ilə cəzalanan “Qarabağ” 800 manat cərimə olunub. Görüşün 39-cu dəqiqəsində ev sahiblərinin məşqçisi Elçin Rəhmanov texniki zona qaydalarını pozduğuna görə kənarlaşdırıldığı üçün bir oyun cəzalanıb və klubunu 800 manat ziyana salıb.Qarşılaşmanın 90+4-cü dəqiqəsində yaşananlar da komitənin diqqətindən yayınmayıb. “Qarabağ”ın futbolçusu Riçard Almeyda aqressiv davranışa görə birbaşa qırmızı vərəqə alaraq meydançadan kənarlaşdırıldığı üçün dörd oyun cəzalanıb və kluba 3200 manat cərimə kəsilib.Matçın videoyazısı izlənildikdən sonra müəyyən olunub ki, 90+4-cü dəqiqədə “Qarabağ”ın digər üzvü Coşqun Diniyev rəqib oyunçuya qarşı kobudluq edib. Lakin bu hakimin diqqətindən yayınıb. Bu səbəbdən futbolçu iki oyun cəzalanıb və klub 1600 manat xərcə düşüb.“Qarabağ”ın 2-ci qolundan sonra klubun ehtiyat qapıçısı Şahruddin Məhəmmədəliyevin rəqibə qarşı qeyri-etik jest göstərmədiyi aşkarlanıb.Bunda başqa, növbəti ev oyunlarında “Qarabağ” klubundan təhlükəsizlik tədbirlərini daha yüksək səviyyədə təmin etməsi tələb olunub. Hər iki kluba nizam-intizam qaydalarına ciddi şəkildə əməl edilməsi və bu halların yenidən təkrarlanmaması tapşırılıb.xeber100.com