Şahmat üzrə respublika çempionatının final mərhələsi başa çatıb

Quba Rayon Uşaq-Gənclər Şahmat Məktəbində “Təhsil” Respublika İdman Mərkəzinin (RİM) şahmat üzrə respublika çempionatının final mərhələsi başa çatıb.Təhsil Nazirliyindən Azərtac-a bildiriblər ki, çempionat “Təhsil” RİM-in 2016-cı il üçün tədbirlər planına uyğun olaraq, Uşaq-Gənclər Şahmat məktəbləri, həmçinin İxtisaslaşdırılmış Olimpiya Ehtiyatları Uşaq-Gənclər Şahmat məktəbləri və Uşaq-Gənclər İdman məktəblərinin şahmat bölmələri arasında keçirilib.Çempionatın keçirilməsinin əsas məqsədi şəxsi birincilik yarışlarının nəticələrinə əsasən 2017-ci ildə “Məktəblilərin Dünya və Avropa çempionatı”nda iştirak edəcək şahmatçıları müəyyənləşdirməkdir.Çempionat “Məktəblilər arasında Dünya və Avropa çempionatı”nın yaş qruplarına müvafiq olaraq altı yaş qrupu üzrə oğlan və qızlar arasında təşkil olunub. Final mərhələsində zona yarışlarında hər yaş qrupu üzrə birinci, ikinci və üçüncü yerləri tutmuş oğlan və qız şahmatçılar iştirak ediblər.Komanda hesabında birinci yeri Sumqayıt şəhər 3 nömrəli Uşaq-Gənclər İdman Şahmat-Dama Məktəbi, ikinci yeri Quba rayonu İxtisaslaşdırılmış Olimpiya Ehtiyatları Uşaq-Gənclər Şahmat məktəbi, üçüncü yeri isə Gəncə şəhər Uşaq-Gənclər Şahmat Məktəbinin komandaları tutub.Qaliblər “Təhsil” RİM-in kubok və diplomları ilə mükafatlandırılıblar.xeber100.com

2016-cı ilin çempionu müəyyənləşib

Braziliya A seriyasında 2016-cı ilin çempionu müəyyənləşib.Azərtac xəbər verir ki, “Palmeyras” futbol klubu sona bir tur qalmış çempionluğunu rəsmiləşdirib.Otuz yeddinci turda “Şapekoense” klubu üzərində 1:0 hesablı qələbə qazanan Kukanın yetirmələri turnir cədvəlində ikinci olan “Flamenqo”nu 7 xal qabaqlayıblar. Nəticədə 22 illik çempionluq həsrətinə son qoyan “Palmeyras” tarixində 9-cu dəfə A seriyasının qalibi olub.Qeyd edək ki, Sao Paolo təmsilçisi sonuncu dəfə 1994-cü ildə bu titula yiyələnmişdi.xeber100.com

Şahmat üzrə beynəlxalq yarışlar təşkil olunub

Bakıda məşhur şahmat bəstəçisi Məcnun Vahidovun 70 illiyinə həsr olunmuş şahmat bəstələrinin tərtibi üzrə beynəlxalq yarışlar təşkil olunub.Azərtac xəbər verir ki, Azərbaycan Şahmat Federasiyasının Şahmat bəstəçiliyi komissiyasının təşkil etdiyi memorial şahmat bəstəçiliyinin ikigedişli və üçgedşli bölmələri üzrə keçirilib. Yarışların direktoru Elmar Abdullayev, ikigedişli bölmənin hakimi Anatoli Stepoçkin, üçgedişli bölmənin hakimi isə Aleksandr Melniçuk olub.İkigedişli bölmədə 14 olkədən 28 müəllifin 39, üçgedişli bölmədə isə 13 ölkədən 31 müəllifin 40 şahmat məsələsi iştirak edib.xeber100.com    

Növbəti mövsümdə “Formula-1”də…

Növbəti mövsümdə “Formula-1”də daha enli təkərlərdən istifadə ediləcək. “Pirelli” şirkətinin hazırladığı yeni təkərlər indikilərlə müqayisədə 25 faiz daha enli olacaq. Ön təkərlərin eni 245 millimetrdən 305-ə, arxa təkərlərin eni isə 325 millimetrdən 405-ə qədər artırılacaq.“f-1.az” saytı xəbər verir ki, “Mercedes AMG”, “Red Bull Racing” və “Ferrari” komandaları avqust ayından etibarən yeni təkərləri müxtəlif traslarda test edəcəklər. Əbu-Dabi Qran-prisindən sonra “Yas-Marina” trasında bütün komandalara yeni təkərlərlə işləmək imkanı veriləcək.Əbu-Dabidə yeni təkərlərin təqdimatı keçirilib. “Pirelli Motorsport” şirkətinin rəhbəri Pol Hembri və idman direktoru Mario İzola jurnalistlərin müşayiəti ilə təkərlərin üzərindən örtüyü qaldırıblar. Sürücülər gələn mövsüm yenilənmiş aerodinamika və enli təkərlərlə daha sürətli dövrələr vuracaqlar.xeber100.com  

Futbol üzrə Premyer Liqasında daha bir oyun keçirilib

Noyabrın 27-də futbol üzrə Azərbaycan Premyer Liqasında daha bir oyun keçirilib.Azərtac xəbər verir ki, turun ikinci oyununda AZAL “Sumqayıt”ı qəbul edib. Oyunun birinci hissəsi qarşılıqlı hücumlar şəraitində keçib. Hər iki komanda fərqlənmək üçün bir neçə imkan əldə edib. Lakin sevinən tərəf meydan sahibləri olub. AZAL-ın oyunçusu Nuqzar Kvirtiya 38-ci dəqiqədə hesabı açıb.İkinci hissədə komandaların fərqlənmək istəkləri boşa çıxıb. Oyunun sonlarında AZAL-ın futbolçusu Adan Koronado rəqib futbolçuya qarşı cərimə meydançası daxilində kobud oynayıb. Baş hakim Ramil Diniyev bunu penalti kimi qiymətləndirib. Nəticədə futbolçu qırmızı alaraq meydandan qovulub. Amil Yunanov cərimə zərbəsini dəqiq yerinə yetirib və qarşılaşma 1:1 hesabı ilə başa çatıb.Beləliklə, bərabərlik sayəsində xallarını 5-ə çatdıran AZAL yenə sonuncu pillədə qərarlaşıb. “Sumqayıt” isə xal ehtiyatını 14-ə çatdıraraq “Zirə” ilə 5-6-cı pillələri bölüşür.xeber100.com

Karate üzrə 24-cü respublika çempionatı start götürüb

“Sərhədçi” İdman Olimpiya Mərkəzində böyüklər arasında karate üzrə 24-cü respublika çempionatı start götürüb.Azərtac xəbər verir ki, noyabrın 27-də Gənclər və İdman Nazirliyi təşkilatçılığı ilə keçirilən yarışın təntənəli açılış mərasimi keçirilib. Federasiyanın prezidenti Y.Bəşirov mərasimdə çıxış edərək Azərbaycanın idman sahəsində son dövrlərdə qazandığı əhəmiyyətli uğurlardan söz açıb, idmanın inkişafına dövlət səviyyəsində göstərilən diqqət və qayğını qeyd edib. O da diqqətə çatdırılıb ki, hazırkı respublika birinciliyində nəticə qazanmış 12 karateçi gələn il Bakıda keçiriləcək IV İslam Həmrəyliyi Oyunlarında təmsil olunacaq. Y.Bəşirov “Tokio-2020” Olimpiya Oyunlarında karateçilərimizə böyük ümidlər bəslənildiyini də deyib.xeber100.com

“Bavariya” futbol klubunun yeni prezidentinin adı müəyyənləşib

Almaniyanın “Bavariya” futbol klubunun yeni prezidentinin adı müəyyənləşib.Azərtac klubunun rəsmi saytına istinadla xəbər verir ki, bir müddət əvvəl məhkumluqdan bəraət alan Uli Höness yenidən klubun rəhbəri seçilib.64 yaşlı futbol funksioneri səslərin 98.5 faizini toplayıb. U.Höness 2019-cu ilədək bu vəzifəni icra edəcək.Hələ 1970-ci ildə Münhen təmsilçisinin heyətində futbolçu kimi forma geyinən U.Höness karyerası ərzində klubu ilə bütün titullara yiyələnib. Gənc yaşında ikən “Bavariya”da baş menecer işləyən Höness 30 illik fəaliyyəti dövründə münhenlilərlə bir çox nailiyyət qazanıb.O, bunadək 2009-2014-cü illərdə də “Bavariya”nın prezidenti olub.xeber100.com

Formula-1 təqviminin yeni versiyası müzakirə olunub

Əbu-Dabidə 2017-ci ilin Formula-1 təqviminin yeni versiyası müzakirə olunub.Azərtac “f-1.az” saytına istinadla xəbər verir ki, əvvəlki ildən fərqli olaraq, yeni təqvimdə Almaniya Qran-prisinə yer verilməyib. Yarışın təşkilatçıları Berni Ekklstoun ilə maliyyə məsələsində razılığa gələ bilməyiblər. Kanada və Braziliya yarışlarının taleyi hələ də sual altındadır.Yeni təqvimdə Macarıstan Qran-prisi Almaniyadakı yarış üçün təyin olunmuş günlərdə – iyulun 28-30-da keçiriləcəyi əks olunub. Digər bir fərq isə Sinqapur və Malayziya yarışları ilə bağlıdır. Sentyabrda Sepanqdakı yarışın Sinqapur Qran-prisindən əvvəl keçiriləcəyi qeyd edilmişdisə də, bu dəfə onların yerləri dəyişdirilib. Cari mövsümdə olduğu kimi, Sinqapur yarışı əvvəl keçiriləcək.Mövsümdən əvvəl testlərin tarixlərində dəyişiklik olmayacaq. İlk testlər fevralın 27-dən martın 2-dək, ikinci testlər isə martın 7-10-da Barselonada keçiriləcək.xeber100.com

Beynəlxalq turnirin final mərhələsi davam edir

Bakı İdman Sarayında güləş üzrə “Qızıl Qran-pri” beynəlxalq turnirinin final mərhələsi davam edir.Azərtac xəbər verir ki, sayca 9-cu dəfə təşkil olunan turnirə 50-dən artıq ölkədən 700-ə yaxın güləşçi qatılıb.Proqrama əsasən, yarışın üçüncü günündə yunan-Roma güləşçiləri mübarizəyə qoşulublar.Baş məşqçi əvəzi Akif Əliyevin rəhbərlik etdiyi məşqçilər korpusunun başçılığı altında 23 güləşçimiz xalça üzərinə çıxacaq.xeber100.com  

Futbol üzrə turnirin mükafat fondu açıqlanıb

2017-ci ildə Rusiyada təşkil ediləcək futbol üzrə Konfederasiyalar kuboku turnirinin mükafat fondu açıqlanıb.Azərtac xəbər verir ki, yarışın iştirakçıları ümumilikdə 20 milyon ABŞ dolları qazanacaqlar.Turnirin qalibi 4,1, finalçısı 3,6 milyon dollar gəlir əldə edəcək. Bürünc mükafatçı 4, medal şansını sonda əldən verən komanda 2,5 milyon dollar mükafata sahib çıxacaq. Mübarizəni qrupda başa vuran digər 4 komandanın hərəsinə 1,7 milyon dollar ödəniləcək.Qeyd edək ki, Moskva, Sankt-Peterburq, Kazan və Soçidə keçiriləcək Konfederasiyalar kuboku iyunun 17-də start götürəcək.xeber100.com