Milli komandaların yeni reytinq siyahısı açıqlanıb

UEFA futbol üzrə milli komandaların yeni reytinq siyahısını açıqlayıb.Azərtac xəbər verir ki, 2014-cü il dünya və 2016-cı il Avropa çempionatlarının həm seçmə, həm də final mərhələlərini, həmçinin 2018-ci ildə Rusiyada təşkil olunacaq mundialın geridə qalan seçmə oyunlarını özündə əks etdirən siyahıda 55 milli komanda yer alıb. Reytinqdə ötən ayla müqayisədə ciddi dəyişikliklər olub. Bu, Azərbaycan yığmasından da yan ötməyib.Dünya çempionatının seçmə mərhələsində Şimali İrlandiyaya 0:4 hesabı ilə uduzan yığmamızın xal hesabı 16 min 701-dək azalıb. Bu matçadək 16 min 871 xalı olan millimiz 164 xal itirib. Bu xal itkisi Robert Prosineçkinin yetirmələrinin 39-cu yerə enməsi ilə nəticələnib. Komandamız 38-ci pilləni Kiprə təhvil verib.Millimizin seçmə qrupundakı rəqiblərdən Almaniya 1-ci, San-Marino 54-cü yerdə qalsa da, hərəyə 1 pillə irəliləyən Çexiya 23-cü, Şimali İrlandiya 26-cı olub. Norveç isə 32-ci yerə enib.xeber100.com

“Neftçi” futbolçusu ilə yollarını ayırıb

“Neftçi” futbol komandası daha bir futbolçusu ilə yollarını ayırıb.Azərtac xəbər verir ki, hücumçu Denilson Pereyra ölkəsinə yola salınıb.Bir müddət əvvəl əvəzedici heyətə göndərilən Denilsonla icarə müqaviləsinə qarşılıqlı razılıq əsasında xitam verilib. Bununla da 21 yaşlı braziliyalı forvard müqavilə ilə məxsus olduğu “Qranada” klubuna qayıdıb.Qeyd edək ki, mövsümlərarası fasilədə “Neftçi”nin heyətinə cəlb edilən Denilson Pereyra Topaz Premyer Liqasında keçirdiyi 9 oyunda bir qola imza atıb.xeber100.com

Təşkilat Komitəsi yaradılıb

Noyabrın 18-də ölkə başçısı 2017-ci ildə voleybol üzrə Avropa çempionatının final mərhələsinin Bakıda keçirilməsi üzrə Təşkilat Komitəsinin yaradılması ilə bağlı Sərəncam imzalayıb.Azərtac xəbər verir ki, Sərəncamda Avropa Voleybol Konfederasiyasının sentyabrdakı yığıncağında 2017-ci ildə voleybol üzrə qadınlar arasında Avropa çempionatının final mərhələsinin üç qrup oyununun, play-off mərhələsinin görüşlərinin və final qarşılaşmasının gələn il sentyabrın 19-dan oktyabrın 1-dək Bakıda keçirilməsinə dair qərarın Azərbaycanın idman sahəsində qazandığı nailiyyətlərə verilən yüksək qiymətin təzahürü olduğu diqqətə çatdırılıb. Qeyd olunub ki, ölkəmizdə beynəlxalq səviyyəli tədbirlərin, xüsusən ilk Avropa Oyunlarının və 42-ci Ümumdünya Şahmat Olimpiadasının, eləcə də idmanın bir çox idman növü üzrə dünya və Avropa çempionatlarının, Dünya Kuboku və Qran-Pri yarışlarının təşkilinin ənənəvi hal alması bu çempionatın da yüksək səviyyədə keçiriləcəyinə inam yaradır.Sərəncama əsasən, 2017-ci ildə voleybol üzrə Avropa çempionatının final mərhələsinin Bakıda keçirilməsi üzrə Təşkilat Komitəsi yaradılıb. Baş nazirin birinci müavini Yaqub Eyyubov Təşkilat Komitəsinin sədri təyin olunub. Təşkilat Komitəsinə Avropa çempionatının final mərhələsinin Bakıda keçirilməsinə dair Tədbirlər Planını hazırlayıb həyata keçirmək tapşırılıb.xeber100.com

Futbol üzrə Almaniya çempionatında…

“Leypsiq” komandası futbol üzrə Almaniya çempionatında - Bundesliqada liderliyi ələ keçirərək klub tarixində yeni rekord müəyyənləşdirib. Bundesliqada ilk dəfə mübarizə aparan klub çempionatın 11-ci turunda səfərdə “Bayer Leverkusen” komandasını 3:2 hesabı ilə məğlub edərək liderliyə yüksəlib.Azərtac xəbər verir ki, çempionatda ikinci yerdə qərarlaşan və bir oyun az keçirən “Bavariya” noyabrın 19-da səfərdə “Borussiya Dortmund” üzərində qələbə qazana bilməsə “Leypsiq” liderliyini möhkəmləndirəcək.“Leypsiq” 11 turdan sonra məğlubiyyətsizlik seriyasını davam etdirir. Komanda bu oyunlardan səkkizində qalib gəlib, üçündə isə heç-heçə edib.xeber100.com

“Formula-1 jurnalistlərin gözü ilə”…

“Bakı Şəhər Halqası” Əməliyyat Şirkəti (BŞH) tərəfindən təşkil olunan “Formula-1 jurnalistlərin gözü ilə” mövzusunda məqalə müsabiqəsi davam edir.BŞH-dən Azərtac-a bildiriblər ki, müsabiqənin keçirilməsində məqsəd Bakıda keçirilən Formula-1 yarışına jurnalistlərin marağını cəlb etmək və bütövlükdə ölkə ictimaiyyəti arasında idmanın bu növü haqqında məlumatlılığı artırmaqdır.BŞH-nin marketinq və kommunikasiya şöbəsinin rəhbəri Nigar Arpadarai jurnalistləri müsabiqədə fəal iştiraka dəvət edərək bildirib: “Bu il Bakı ilk dəfə Formula-1 Avropa Qran-Prisinə ev sahibliyi etdi. Dünya miqyaslı bu mühüm yarışı izləmək və işıqlandırmaq jurnalistlərimiz üçün nadir fürsət oldu. Fürsətdən istifadə edərək jurnalistləri bu müsabiqədə fəal iştiraka çağırıram. İnanıram ki, ölkə ictimaiyyəti bu məqalələr sayəsində Formula-1 yarışına yaxından bələd olacaq. Bu da ölkəmizdə idmanın bu növünün azarkeşlərinin sıralarını daha da genişləndirəcək”.Dekabrın 25-dək davam edəcək müsabiqədə bütün çap və internet mediasının vətəndaşlığından asılı olmayaraq, Azərbaycanda yaşayan və ya işləyən, 21 yaşı tamam olmuş nümayəndələri iştirak edə bilərlər.Müsabiqənin nəticələri gələn il yanvarın 14-də elan olunacaq. Qalib 2017-ci il Formula-1 mövsümündən əvvəl Barselonada keçiriləcək sınaq yürüşlərini izləmək üçün İspaniyaya səyahət bileti qazanacaq.İştirakçılar, həmçinin qiymətli hədiyyələr və sertifikatlarla mükafatlandırılacaqlar.xeber100.com

AFFA-dan xəbərdarlıq…

AFFA-nın nəzdində fəaliyyət göstərən danışılmış oyunlarla bağlı xüsusi komissiya nəticəsi şübhə doğuran oyunlarla əlaqədar araşdırmalarını davam etdirir.Azərtac xəbər verir ki, komissiyanın qərarına əsasən, I divizion komandaları arasında bu gün keçiriləcək oyunlara nəzarəti daha da gücləndirmək məqsədilə hakimlər klublara bu barədə ciddi tapşırıqlar verəcəklər.Oyundan əvvəl hakimlər məşqçilər və futbolçularla görüşərək komissiyanın tapşırıqlarını onların nəzərinə çatdıracaqlar. Komissiyanın bu istiqamətdə apardığı araşdırmaların nəticələri AFFA-nın İcraiyyə Komitəsinə təqdim olunacaq. Bu işdə əli olan komandalara, klub rəsmilərinə, məşqçilərə və futbolçulara qarşı ciddi sanksiyalar tətbiq olunacaq.xeber100.com

Azərbaycan Cüdo Federasiyasının məlumatı…

Azərbaycanın veteran cüdoçulardan ibarət yığma komandası noyabrın 18-də ABŞ-ın Florida ştatında start götürən dünya çempionatında iştirak edəcək. Azərbaycan Cüdo Federasiyasından Azərtac-a verilən məlumata görə, dörd gün davam edəcək yarışda Azərbaycan yeddi çəkidə təmsil olunacaq. Kişi cüdoçuların yarışında 18 veteran idmançımız medallar uğrunda mübarizə aparacaq. Vüqar Hüseynov, Rafael Mehdiyev, Vüqar Cəfərov (66 kq), Vüqar Budaqov, Müşfiq Cəfərov, Zülfüqar Hüseynov, Rauf Fərzəliyev, Azad Abbasov (73 kq), Mübariz Cəfərov (81kq), Fərhad Rəcəbli, Seyfal Əsgərov, Bəxtiyar Abbasov, Vüsal Cəfərov (90 kq), Mübariz Pənahov, Arif Qasımov, İntiqam Ələkbərov, Zaur Paşayev (100 kq) və Zaur Bağırov (+100 kq) yarışacaq. Yeganə qadın idmançımız Zülfiyyə Hüseynova 70 kiloqram çəkidə qüvvəsini sınayacaq. Qeyd edək ki, dünya çempionatında 55 ölkədən 966 veteran cüdoçu mübarizə aparacaq.xeber100.com

Dünya çempionatı keçiriləcək

Dekabrın 9-10-da Bakıda “Sərhədçi” İdman Olimpiya Mərkəzində taekvando üzrə Qran-pri turnirinin final mərhələsi, dekabrın 12-13-də isə komandalararası dünya çempionatı keçiriləcək.Azərtac xəbər verir ki, Dünya Taekvando Federasiyasının və Azərbaycan Taekvando Federasiyasının birgə təşkilatçılığı ilə keçiriləcək beynəlxalq Qran-pri turnirinin finalında dünyanın reytinqli 16 kişi və qadın taekvandoçuları mübarizə aparacaqlar. Turnirin qalibləri 6 min dollar və 80 reytinq xalı, finalçılar 3 min dollar və 48 reytinq xalı, bürünc medala layiq görülən idmançılar isə 1000 dollar və 28.8 reytinq xalı əldə edəcəklər.Dekabrın 12-13-də keçiriləcək milli komandalar arasında dünya çempionatında isə səkkiz yığma yarışacaq.Dekabrın 11-də təşkil olunacaq qala gecə mərasimində isə ilin ən yaxşı taekvandoçusu, ən yaxşı məşqçisi, ən yaxşı hakimi və ən yaxşı milli federasiyası mükafatlandırılacaq.Taekvando üzrə Azərbaycan milli komandasının üzvü, “Rio-2016” Yay Olimpiya Oyunlarının çempionu Radik İsayevin də yer alacağı millinin heyəti yaxın günlərdə məlum olacaq.Qeyd edək ki, kişilərdən ibarət yığmamız ötən il Meksikada təşkil edilmiş dünya kubokunun qalibi olub.xeber100.com

Dünya çempionatının seçmə mərhələsi çərçivəsində…

Dünya çempionatının seçmə mərhələsi çərçivəsində eyni qrupda millimizin rəqiblərindən olan Norveç yığmasının baş məşqçisi istefa verib.Azərtac xəbər verir ki, bu barədə Norveç Futbol Assosiasiyasının mətbuat xidməti məlumat yayıb.2013-cü ildən Skandinaviya təmsilçisinin baş məşqçisi olan Per-Matias Hoqmo son turda Çexiya ilə səfər matçında üzləşdikləri məğlubiyyətdən sonra postundan getmək qərarına gəlib.Hoqmo bildirib ki, müqaviləyə qarşılıqlı razılıq əsasında xitam verilib.Qeyd edək ki, Azərbaycan millisi ilə keçirdiyi ilk görüşdə meydanı məğlub tərk edən Norveç cari seçmə mərhələdə 4 oyundan sonra cəmi 3 xal toplayıb.xeber100.com

“Globe Soccer Awards” mükafatının namizədləri…

Avropa Klublar Assosiasiyası (ECA) və Avropa Futbol Agentləri Assosiasiyasının (EPAA) birgə təsis etdiyi “Globe Soccer Awards” mükafatına namizədlərin adları açıqlanıb. Mükafat dörd nominasiya üzrə təqdim olunur. İlin futbolçusu mükafatına portuqaliyalı Kriştiano Ronaldo (“Real”), argentinalılar Lionel Messi (“Barselona”) və Qonzalo İquain (“Yuventus”), uelsli Qaret Beyl (Real), fransalı Antuan Qrizmann (“Atletiko”), həmçinin ingiltərəli Ceymi Vardi (“Lester”) iddia edir.2016-cı ilin ən yaxşı komandası adına İspaniya təmsilçiləri “Real” və “Sevilya”, “Molde” (İsveç), “Lester” (İngiltərə) və “Legiya” (Polşa) iddialıdır.İlin məşqçisi nominasiyasında isə beş namizəd yer alıb. Bunlar Portuqaliya millisinin baş məşqçisi Fernandu Santuş, Zinəddin Zidan (“Real”), Klaudio Ranyeri (“Lester”), həmçinin Unay Emeri (PSJ) və Massimiliano Alleqridir (“Yuventus”).İlin ən yaxşı hakimi adına namizədlərin sırasına isə irlandiyalı Alireza Faqani, qambiyalı Bakari Qassama, argentinalı Nestor Pitana, salvadorlu Xoel Agilar və ingiltərəli Mark Klattenburq daxildir.Qeyd edək ki, mükafatlandırma mərasimi dekabrın 27-28-də Dubayda keçiriləcək.xeber100.com