Dünya çempionatının dördüncü turun görüşlərinə yekun vurulub

Noyabrın 13-də 2018-ci il futbol üzrə dünya çempionatının seçmə qrup mərhələsində dördüncü turun görüşlərinə yekun vurulub.Azərtac xəbər verir ki, turun sonuncu oyun günündə “A”, “B” və “H” qrupları üzrə səkkiz qarşılaşma oynanılıb. Matçlarda aşağıdakı nəticələr qeydə alınıb: “A” qrupu Lüksemburq – Hollandiya - 1:3 Bolqarıstan – Belarus - 1:0 “B” qrupu İsveçrə - Farer adaları – 2:0 Macarıstan – Andorra – 4:0 Portuqaliya - Latviya – 4:1 “H” qrupu Kipr - Cəbəllütariq - 3:1 Belçika – Estoniya - 8:1 Yunanıstan - Bosniya və Herseqovina – 1:1 Qeyd edək ki, seçmə qrup mərhələsində beşinci turun oyunları növbəti ilin martın 24-26 tarixlərinə təsadüf edəcək. Millimiz həmin ayın 26-da Bakıda Almaniya yığmasını qəbul edəcək.xeber100.com

“Futbol matçları zamanı təhlükəsizlik və mühafizə məsələləri”…

Noyabrın 15-də Bakıda “Futbol matçları zamanı təhlükəsizlik və mühafizə məsələləri” mövzusunda seminar keçiriləcək. Azərtac xəbər verir ki, UEFA-nın rəhbərliyi altında təşkil olunacaq seminar Bakıda 2020-ci ildə UEFA Avropa çempionatının final mərhələsinin dörd oyununun keçirilməsinə hazırlıq məqsədi daşıyır. Seminarda beynəlxalq və daxili oyunlar zamanı stadionlarda təhlükəsizlik məsələlərinə cavabdeh olan daxili işlər orqanlarının nümayəndələri, Premyer Liqa və I Divizion klublarının əməkdaşları və fan-klub əməkdaşları, AFFA və Peşəkar Futbol Liqasının nümayəndələri, “Bakı-2017” İslam Həmrəyliyi Oyunlarının Təşkilat Komitəsinin nümayəndələrinin iştirakı nəzərdə tutulub. UEFA-nın Təhlükəsizlik departamentinin əməkdaşları Kennet Skott, Mark Timmer və Frosdik Stefen seminarda təhlükəsizlik və mühafizə məsələlərinə UEFA-nın yanaşması və konsepsiyası, stadionlarda təhlükəsizlik və mühafizə məsələləri üzrə məsul şəxslərin vəzifələri və oyun zamanı fan-klublarla işin təşkili mövzularında təqdimatlarla çıxış edəcəklər. Qeyd edək ki, seminarın sonunda iştirakçılara sertifikat təqdim olunacaq.xeber100.com

XXIV Azərbaycan çempionatının ilk oyunları keçiriləcək

Noyabrın 12-də Hövsan Olimpiya İdman Kompleksində kişilər arasında XXIV Azərbaycan çempionatının ilk oyunları keçiriləcək.Azərtac xəbər verir ki, ölkə çempionatında NTD, “Araz”, NTD U-16, AzDNSU, “Səksənincilər”, “Dərviş” və “Veteranlar” komandaları öz güclərini sınayacaqlar.xeber100.com

Dünya çempionatının seçmə mərhələsinin dördüncü turu çərçivəsində…

Noyabrın 10-da futbol üzrə 2018-ci ildə keçiriləcək dünya çempionatının seçmə mərhələsinin dördüncü turu çərçivəsində 9 qrupda 27 qarşılaşma oynanılacaq. Azərtac xəbər verir ki, mərhələnin birinci günündə “C”, “E” və “F” qruplarının bütün görüşləri, həmçinin “A” qrupunun bir qarşılaşması oynanılacaq. “C” qrupunun liderləri olan Almaniya və Azərbaycan milliləri səfərdə meydana çıxacaqlar. Millimiz komandamız Şimali İrlandiyanın, Almaniya isə autsayder San-Marinonun qonağı olacaq. Turun ikinci günündə “D”, “E” və “G” qruplarında matçlar keçiriləcək. Dünya çempionatının seçmə mərhələsinin dördüncü turunda aşağıdakı qarşılaşmalar oynanılacaq: 11 noyabr “C” qrupu 23:45 Çexiya – Norveç 23:45 San-Marino - Almaniya 23:45 Şimali İrlandiya - Azərbaycan “E” qrupu 21:00 Ermənistan – Monteneqro 23:45 Danimarka – Qazaxıstan 23:45 Rumıniya – Polşa “F” qrupu 23:45 Slovakiya - Litva 23:45 Malta - Sloveniya 23:45 İngiltərə - Şotlandiya “A” qrupu 23:45 Fransa – İsveç 12 noyabr “D” qrupu 21:00 Gürcüstan – Moldova 21:00 Avstriya – İrlandiya 23:45 Uels – Serbiya “G” qrupu 23:45 Lixtenşteyn - İtaliya 23:45 Albaniya - İsrail 23:45 İspaniya - Makedoniya “İ” qrupu 21:00 Türkiyə - Kosovo 21:00 Xorvatiya – İslandiya 23:45 Ukrayna – Finlandiya 13 noyabr “A” qrupu 21:00 Bolqarıstan - Belarus 21:00 Lüksemburq – Hollandiya “B” qrupu 21:00 Macarıstan – Andorra 21:00 İsveçrə - Farer adaları 23:45 Portuqaliya - Latviya “H” qrupu 21:00 Kipr - Cəbəllütariq 23:45 Belçika – Estoniya 23:45 Yunanıstan - Bosniya və Herseqovina

İslam Həmrəylik Oyunlarında könüllülük qeydiyyatına start verilib

Gələn il mayın 12-22-də Bakıda keçiriləcək IV İslam Həmrəylik Oyunları nəzdində fəaliyyət göstərəcək könüllülük proqramına qeydiyyata start verilib. Könüllü seçiləcək gənclər “Bakı-2017”də müxtəlif sahələrdə, o cümlədən qonaqların qarşılanması, akkreditasiya, media, idman, texnologiya, nəqliyyat, məkanın idarə olunması, işçi qüvvəsi, Milli Olimpiya komitələri, təhlükəsizlik və protokol kimi sahələrdə çalışaraq böyük təcrübə əldə edəcəklər.“Bakı-2017”nin Əməliyyat Komitəsi fəal, həvəsli, məsuliyyətli, xeyirxah, mehriban, ünsiyyət qurmağı bacaran, komandada işləmək qabiliyyəti olan gəncləri IV İslam Həmrəylik Oyunlarının bir hissəsi olmağa dəvət edir.xeber100.com  

Karate Federasiyasının təşkilatçılığı ilə…

Noyabrın 15-də  Şərurda Dövlət müstəqilliyinin 25 illiyinə həsr olunmuş beynəlxalq karate turniri təşkil ediləcək. Azərtac  xəbər verir ki, Milli Karate Federasiyasının təşkilatçılığı ilə baş tutacaq turnir Şərur Olimpiya İdman Kompleksində keçiriləcək. Turnirə qatılacaq 10-17 yaşlı uşaqlar, yeniyetmə və gənclər kata və kumite üzrə yarışlarda qüvvələrini sınayacaqlar. Noyabrın 14-də isə beynəlxalq turnirin təntənəli açılış mərasimi keçiriləcək.xeber100.com

Cüdo Federasiyasının yeni reytinq cədvəli açıqlanıb

Beynəlxalq Cüdo Federasiyasının yeni reytinq cədvəli Azərbaycan cüdoçuları üçün uğurlu olub. Azərbaycan Cüdo Federasiyasından Azərtac-a bildiriblər ki, Rio Olimpiadasının mükafatçıları Rüstəm Orucov (73 kq) və Elmar Qasımov (100 kq) öz çəki dərəcələrində bütün rəqiblərini qabaqlayaraq reytinq cədvəlinə başçılıq edirlər. Sonuncu Avropa çempionatının gümüş medalçısı Orxan Səfərov (60 kq) ikinci yeri tutur. Əbu-Dabi “Böyük Dəbilqə” turnirinin qalibi, dünya çempionu Elxan Məmmədov (100 kq) mövqeyini daha da yaxşılaşdıraraq, yeddinci sıraya yüksəlib. Digər cüdoçularımızdan Nicat Şıxəlizadə 7-ci, İlqar Müşkiyev 13-cü, Məmmədəli Mehdiyev və Uşanqi Kokauri 20-ci yerdə qərarlaşıblar.xeber100.com  

Dünya çempionatının seçmə mərhələsi çərçivəsində…

Futbol üzrə Azərbaycan millisinin dünya çempionatının seçmə mərhələsi çərçivəsində Almaniya yığması ilə matçının məkanı dəyişdiriləcək. Gələn il martın 26-da Almaniya yığması ilə oyun Bakı Olimpiya Stadionunda keçirilməyəcək. Azərtac xəbər verir ki, bu barədə gənclər və idman naziri Azad Rəhimov məlumat verib. Nazir bildirib ki, həmin vaxt stadionda IV İslam Həmrəyliyi Oyunlarının açılış mərasiminə hazırlıq işləri gedəcək. “Almaniya ilə qarşılaşma üçün Bakı Olimpiya Stadionu qeydiyyatdan keçib. Biz istərdik ki, Almaniya ilə matç 68 minlik arenada keçirilsin. Bununla bağlı UEFA-ya müraciət etmişik. Lakin çox güman ki, qeydiyyat yerini dəyişib Tofiq Bəhramov adına Respublika Stadionunun adını verəcəyik. Oranın da ot örtüyü əla vəziyyətdədir”, - deyə nazir əlavə edib.xeber100.com

Bədən Tərbiyəsi və İdman Akademiyasının 86-cı ildönümü münasibətilə…

Noyabrın 8-də Azərbaycan Dövlət Bədən Tərbiyəsi və İdman Akademiyasının fəaliyyətə başlamasının 86-cı ildönümü tamam olur. Akademiya bu əlamətdar günü sosialyönümlü xeyriyyə layihəsinə həsr edib. Belə ki, əlamətdar gün münasibətilə bu ali təhsil ocağında qanvermə aksiyası keçirilib. Azərtac xəbər verir ki, irsi qan xəstəliklərindən, o cümlədən talassemiya və hemofiliyadan əziyyət çəkən insanlara dəstək olmaq və cəmiyyətin diqqətini bu məsələyə yönəltmək məqsədilə keçirilən aksiyada Akademiyanın əməkdaşları və tələbə heyəti iştirak edib. Aksiya çərçivəsində donorlar həkim-hematoloqlar tərəfindən yoxlanışdan keçirildikdən sonra isə qan veriblər. Yığılan qan ehtiyatı yoxlanılaraq talassemiya və hemofiliya xəstəliklərindən əziyyət çəkən insanlara yardım etmək məqsədilə xüsusi tibb briqadasına təhvil verilib. Könüllü qanvermə aksiyası Azərbaycan Dövlət Bədən Tərbiyəsi və İdman Akademiyasının ardıcıl həyata keçirdiyi sosialyönümlü layihələrdən biridir. Belə layihələrin əsas məqsədi tələbələrin sosial məsuliyyətini artırmaq, onları könüllülüyə və vətənə xidmətə ruhlandırmaqdır. Bu gün 86-cı ildönümünü qeyd edən Akademiya sosialyönümlü layihələrin icrasını bundan sonra da davam etdirəcək.xeber100.com

IV İslam Həmrəylik Oyunlarına hazırlıq məqsədilə…

Noyabrın 8-də Bakıda IV İslam Həmrəylik Oyunlarına hazırlıq məqsədilə Əlaqələndirmə Komissiyasının dördüncü iclası işə başlayıb. Azərtac xəbər verir ki, iclasda IV İslam Həmrəylik Oyunlarının icraçı direktoru, gənclər və idman naziri Azad Rəhimov, İslam Həmrəyliyi İdman Federasiyasının (ISSF) ikinci vitse-prezidenti Çingiz Hüseynzadə, ISSF-in baş katibi Faisal Abdulaziz Al-Nassar, federasiyasının birinci vitse-prezidenti, Əlaqələndirmə Komissiyasının sədri, polkovnik Hamad Kalkaba Malboum və digər rəsmilər iştirak edirlər. İki gün davam edəcək iclasın birinci günündə yarışda iştirak edəcək idmançıların sayı, idman növləri, nəqliyyat, infrastruktur, könüllülərlə işin qurulması və digər mövzular müzakirə olunur. İclasın ikinci günündə isə idmançıların iştirakı, yarışlar, marketinq, yayım, kommersiya, açılış və bağlanış mərasimlərinin təşkili məsələləri ətrafında fikir mübadiləsi aparılacaq. Əlaqələndirmə Komissiyasının üçüncü iclası IV İslam Həmrəylik Oyunlarının başlanmasına bir il qalmış – mayın 12-də Bakıda təşkil olunmuşdu.xeber100.com