Yeni futbol komandası

Azərbaycanın daha bir rayonunda yeni futbol komandası yaradılıb. Ağdaş rayonundan təsis edilən yeni klub rayonu həvəskarlar liqasında təmsil edəcək. Milli.Az El TV-yə (Region TV) istinadən xəbər verir ki, komanda növbəti mövsümdən I divizionda mübarizə aparmağı da planlaşdırır. Lakin buna baxmayaraq, ağdaşlılar artıq indidən hazırlıqlara başlayıblar. "Məqsədimiz odur ki, həvəskarlar liqasında çıxış edəndə stadion tamamilə dolur. Biz də gördük ki, Ağdaşda futbolu çox sevirlər. Belə bir komanda yaratmışıq. Özümüz oynayırıq, şəhər rəhbərliyi də bizi dəstəkləyir. Gələcək planlarımızın içərisində o da var ki, bu il həvəskar liqasında oynayacağıq. Tam hazır olduqdan sonra isə gələn illərdə 1-ci divizonda çıxış etmək istəyirik" - deyə klubun yaradıcılarından biri Rəhman Əliyev bildirib. Komandanın heyətində gənclərdən başqa veteran futbolçular da forma geyinirlər. Onlar öz təcrübələrini gənclərə aşılamağa çalışırlar. "Ağdaş rayonunda futbol həmişə olub. Baza və bünövrə olaraq futbol burda sevilib. Gənclərin və uşaqların da marağı həddindən artıq çoxdur", - veteran futbolçu Bəxtiyar Quliyevbildirib. Futbol komandası bu günə qədər iki yoldaşlıq görüşü keçirib. Bu qarşılaşmaların birində "Mil Muğan"la heç-heçə qalan komanda "Şərurspor" klubunu məğlub etməyi bacarıb. Gələcəkdə komandaya yeni futbolçuların cəlb olunacağı da bildirilir.xəbər100  

Azərbaycan yığması yoldaşlıq oyunu keçirəcək

AFFA məlumat verir ki, martın 10-da və 12-də 19 yaşadək qızlardan ibarət Azərbaycan yığması Bakıda yoldaşlıq oyunu keçirəcək. Yığmamızın rəqibi Belarusun müvafiq yaş qrupuna aid komandası olacaq. Bakı Olimpiya Stadionunun ehtiyat meydançasında keçiriləcək hər iki oyun saat 18:00-da başlayacaq.xəbər100  

Nikolas Kanalesi transferini rəsmiləşdirdi

“Neftçi” sabiq futbolçusu Nikolas Kanalesi yenidən heyətinə cəlb edib. Bu barədə klubun mətbuat xidmətinin rəhbəri Mehman Rəsulov məlumat verib. Çili millisinin sabiq hücumçusu ilə  rəsmi müqavilə imzalanacaq. O, mövsümün sonuna qədər “ağ-qaralar”ın şərəfini qoruyacaq. 30 yaşlı forvardın son klubu “Krılya Sovetov” olub. Qeyd edək ki, Nikolas Kanales 2012/13 və 2014/15 mövsümlərində “Neftçi”nin formasını geyinib, ilk mövsümündə 26 qolla Topaz Premyer Liqasının bombardiri olub. (qol.az)  

Azərbaycan millisi cədvəldə bir pillə irəliləyib

Futzal üzrə Avropa çempionatının final mərhələsinə yekun vurulduqdan sonra milli komandaların reytinq siyahısı açıqlanıb. Futzal üzrə Avropa çempionatının final mərhələsinə yekun vurulduqdan sonra milli komandaların reytinq siyahısı açıqlanıb. Ensonxeber.az məlumat verir ki, siyahıda 158 komanda yer alıb. Futzal üzrə Azərbaycan millisi cədvəldə bir pillə irəliləyib. Tino Peresin yetirmələri 1395 xalla 11-ci pillədə qərarlaşıb. Yığma komandanın irəliləməsinə üçüncü yer uğrunda görüşdə Qazaxıstana 2:5 hesabı ilə məğlub olan Serbiyanın geriləməsi səbəb olub. Məhz bu matçdan sonra millimiz Balkan təmsilçisini üstələyib. Dünya çempionatının play-off mərhələsində komandamızın rəqibi olan Hollandiya isə 1237 xalla reytinqdə 23-cü pillədir. Hollandiya yığması son günlərdə bir pillə geriləyərək Avstraliyanı da önə buraxıb. Qeyd edək ki, siyahıya yeddinci dəfə Avropa çempionu titulunu qazanan İspaniya millisi başçılıq edir – 1948 xal.xəbər100  

Rəsmi püşkatma mərasimi Bakıda keçiriləcək

Mayın 5-də Bakıda 17 yaşadək futbolçular arasında start götürəcək Avropa çempionatının stadionları rəsmən açıqlanıb. AFFA-nın verdiyi məlumata görə, mayın 21-dək davam edəcək çempionatın oyunları Bakı Olimpiya Stadionu, BakcellArena, Dalğa Arena və Tofiq İsmayılov adına Suraxanı qəsəbə stadionunda keçiriləcək. Bu arenalarda ümumilikdə 31 oyun təşkil olunacaq. Çempionat UEFA və AFFA tərəfindən təşkil olunacaq. Rəsmi püşkatma mərasiminin aprelin 8-də Bakıda təşkil ediləcək. Yeniyetmələr arasında Avropa çempionatı ilk dəfə 1980-ci il təşkil olunub. 2000-ci ilədək çempionat 16 yaşadək futbolçular arasında, 2001-ci ildən etibarən isə 17 yaşadək futbolçular arasında keçirilir. Müxtəlif illərdə Luiş Fiqu, Tyeri Anri, Ueyn Runi, KriştianuRonaldo, Mario Götze, Toni Krus və Jerar Pike kimi futbol ulduzları məhz bu çempionatda futbolçu karyeralarının ilk addımlarını atıblar. Bunu nəzərə alaraq, gələcəyin hansısa dünya miqyaslı futbol ulduzunun Azərbaycanda keçiriləcək çempionatda parlaması ehtimalı yüksəkdir. 2015-ci ildə çempionat Bolqarıstanda keçirilib və turnirin qalibi Fransa yığma komandası olub. Qeyd edək ki, 2015-ci ilədək çempionat 8, 2015-ci ildən etibarən isə 16 komanda arasında keçirilir.xəbər100

Avropa çempionatı uğrunda mübarizə

Cüdo üzrə Azərbaycan millisi həftəsonu daha bir yarışa qatılacaq. Apasport.az saytının məlumatına görə, bütün turnirlərdə iştirak edən yığmamız bu dəfə Avstriyanın Obervart şəhərində keçiriləcək açıq Avropa çempionatında mübarizə aparacaq. Komandamızın baş məşqçisi burada əsasən ehtiyat qüvvəyə güvənəcək. Belə ki, 21 nəfərlik heyətdə millinin əsas heyətindən yalnız Uşanqi Kokauri (+100 kq) yer alıb. Onunla yanaşı, Vüqar Şirinli, Elbrus Zamanov, Oruc Vəlizadə, Davud Məmmədsoy (hamısı 60 kq), Hidayət Heydərov, Telman Vəliyev, Rəşad Rufullayev, Turan Seyidov (hamısı 66 kq), Fəqan Quluzadə, İsmayıl Piriyev, Vüqar Bayramov (hər üçü 73 kq), Əbdulhaqq Rəsullu, Rüstəm Alimli, Ziya Namazov, Elvin Əhmədli (hamısı 81 kq), Məhəmmədəli Mehdiyev, Ramin Qurbanov, Tural Səfquliyev, Şahin Qəhrəmanov (hamısı 90 kq) və Cəlil Şükürov (100 kq) tatamiyə çıxacaq. Fevralın 13-14-də təşkil olunacaq yarışda isə ümumilikdə 52 ölkədən 301 cüdoçu iştirak edəcək.

FİFA milli komandaların növbəti reytinq siyahısını açıqlayıb

Apasport.az saytının məlumatına görə, Azərbaycan yığması 116-cı pillədə yer alıb.Hesabında 296 xal olan komandamız yanvarın 7-də açıqlanan cədvəldəki mövqeyini qoruyub. Robert Prosineçkinin yetirmələri bu müddətdə heç bir rəsmi matça çıxmayıb. Millimiz və “qonşuları” 111 (105). Anqola - 306 112 (111). Mərkəzi Afrika Respublikası - 302 113 (113). Çad – 301 114 (115). Aruba – 298 114 (117). Türkmənistan – 298 116 (116). AZƏRBAYCAN – 296 117 (121). Syerra-Leone - 290 118 (119). Sent-Kitts və Nevis – 289 119 (110). Burundi - 288 120 (121). Tailand – 286 120 (120). Gürcüstan – 286 Dünyanın ən güclü 10 komandasının tərkibində isə heç bir dəyişiklik olmayıb. Planetin nəhəngləri mövqelərini qoruyub. Yalnız Çilinin xal hesabında artım olub. İlk “onluq” 1 (1). Belçika – 1494 2 (2). Argentina – 1455 3 (3). İspaniya - 1370 4 (4). Almaniya – 1347 5 (5). Çili – 1293 6 (6). Braziliya – 1251 7 (7). Portuqaliya – 1219 8 (8). Kolumbiya – 1211 9 (9). İngiltərə - 1106 10 (10). Avstriya - 1091 Millimizin DÇ-2018-in seçmə mərhələsindəki rəqiblərindən Almaniya və San-Marinonun yeri və xalı dəyişməz qalıb. Çexiya və Şimali İrlandiya isə Fil Dişi Sahilinin geriləməsi hesabına 1 pillə irəliləyib. Digər rəqiblərimizdən fərqli olaraq, xal hesabı da artan Norveç isə 4 addım irəliləyib. DÇ-2018-in seçmə mərhələsi, Avropa zonası üzrə C qrupu 4 (4). Almaniya – 1347 25 (26). Çexiya - 860 29 (30). Şimali İrlandiya - 825 50 (54). Norveç - 597 198 (198). San-Marino - 28 Qeyd edək ki, qonşu Türkiyə yığması siyahıda 933 xalla 20-ci yerdə qərarlaşıb. “Ay-ulduzlular” da Fil Dişi Sahilini keçib.  

Lionel Messi 500 qol səddini aşıb

“Barselona”nın ulduz futbolçusu Lionel Messinin uğurları davam edir. Futbolinfo.az xəbər verir ki, Argentina yığmasının üzvü ötən gün daha bir naliyyəti ilə fərqlənib. Belə ki, 28 yaşlı hücumçu 500 qol səddini aşıb. Bu, İspaniya Kubokunun yarımfinal mərhələsinin “Valensiya” ilə keçirilən ilk oyununda baş verib. Katalonların 7:0 hesablı qələbə qazandığı matçda Messi het-trik edib. Nəticədə təcrübəli forvard karyerası ərzində vurduğu qolların sayını 501-ə çatdırıb. Qeyd edək ki, Messi bu qolların 436-nı “Barselona”nın, 65-ni isə Argentina yığmasının heyətində vurub.  

Roberto Karlos “Kral klubu”ilə müqavilə imzalayıb

Madrid "Real"ının və Braziliya yığmasının sabiq əfsanəvi futbolçusu Roberto Karlos "Kral klubu"ilə müqavilə imzalayıb. "Marca" qəzetinin verdiyi məlumata görə, R.Karlos komandanın akademiyasında çalışacaq. 42 yaşlı idmançı "Real"ı Asiya ölkələrində təmsil etməklə bu işinə diplomatik çalar da qatacaq.  

5000 KÖNÜLLÜYƏ EHTİYAC VAR

2016-cı il Formula 1 Avropa Qran Prisinin təşkilatçıları könüllü sayını artırmağı planlaşdırır. Könüllü olaraq, oyunlara 5 min nəfərin cəlb edilməsi planlaşdırılır. Turkustan.info xəbər verir ki, Avropa Qran Pri könüllülər mərkəzinin rəsmi açılışı baş tutub. İlkin seçimlərdən keçən namizədlər mərkəzə dəvət olunaraq, qeydiyyatdan keçdikdən sonra, seminarlarda iştirak edə biləcəklər. Təkilatdan bildirilib ki, bunun üçün, həftə sonunda səmimi və rahamühit yaratmağı bacaran, etibarlı və enerjili insanlar axtarırlar. Arzu edən hər kəs qeydiyyatdan keçmək üçün eletron ərizə ilə təşkilatın rəsmi saytına müraciət edə bilər. Açıq könüllülər mərkəzinin açılışında Azərbaycanın Gənclər və İdman naziri Azad Rəhimov da işitirak edib. O, bildirib ki, “hazırda biz bütün Formula1 fanatlarının ölkəmizin tarixində ilk dəfə keçirilən oyunlarda könüllü kimi iştirak etməsinə imkanı veririk”. Həmçinin nazir, əlavə etdi ki, “bu şansı o, insanlara veririk ki, həqiqətəndə Bakının ilk dəfə qəbul edəcəyi mötəbər yarışın bir parçası olmağı arzu edir. Biz Avropanın ən gənc milltələri sırasına daxil oluruq və bizim könüllülər proqramımız bütün arzu edənlərə Azərbaycanın idman tarixinə misilsiz tövhə verən bu yarışda iştirak şansı verir. Hazırda Mərkəzin elektron ünvanına 7 min ərizə ilə müraciət edilib. 2016-cı il Formula 1 Avropa Qran Prisinin 17-18-19 iyun 2015-ci ildə keçirilməsi nəzərdə tutulub. 3 günlük biletlər Formula 1 məşq sessiyalarına, Təsnifat turuna və bazar günü keçiriləcək əsas yarışa tamaşa etməyə imkan verəcək. Bu biletlər sizə həftənin cümə axşamı pit zolağına giriş və həftəsonu müxtəlif ticarət və əyləncə zonalarına daxil olmaq imkanı verəcək. Cümə, şənbə və bazar axşamları əyləncənizə rəng qatmaq üçün xarici ulduzların iştirakı ilə müxtəlif konsert proqramları təşkil ediləcək.