“İlin ən yaxşı inşaat və dizayn layihələri” müsabiqəsində Bakı Olimpiya Stadionu qalib gəlib

Bakı Olimpiya Stadionu dünyanın ən möhtəşəm idman qurğularından biri kimi beynəlxalq ictimaiyyətin diqqət mərkəzindədir. Yüksək standartlara uyğun şəkildə tikilmiş və dizayn edilmiş stadion ən müasir texnologiyalarla və infrastrukturla təchiz olunub. Trend SOCAR-ın saytına istinadən məlumat verjr ki, layihə bir sıra parametrlərinə görə artıq iki ildir nüfuzlu beynəlxalq müsabiqələrin qalibi seçilir. Ötən il inşaat sahəsində böyük nüfuza malik "Engineering News Record" jurnalının (ENR) "İlin ən yaxşı inşaat və dizayn layihələri" müsabiqəsində "İdman və əyləncə qurğuları" nominasiyasında qalib gəlmiş Bakı Olimpiya Stadionunun nailiyyətləri sırasına yeniləri əlavə olunub. Stadion bu ilin mart ayında Amerika Mühəndislik Şirkətləri Şurası (ACEC) tərəfindən struktur üzrə ən yaxşı layihə elan olunub. Amerikada mühəndislik xidmətləri şirkətlərini bir araya gətirən bu nüfuzlu təşkilat hər il birləşdirdiyi şirkətlərin iri layihələri arasında müsabiqə keçirir. Bakı Olimpiya Stadionu bu layihədə struktur üzrə mühəndislik xidmətlərini yerinə yetirmiş "Thornton Tomasetti" şirkətinin müraciəti əsasında iştirak edib. Mükafatlar martın 19-da Nyu Yorkda keçirilən təntənəli mərasimdə təqdim olunub. Mərasimdə Bakı Olimpiya Stadionu layihəsi "Thornton Tomasetti" şirkəti tərəfindən təmsil edilib. Aprelin 19-da isə Amerika üzrə keçirilən tədbirdə Bakı Olimpiya Stadionunun struktur üzrə özünəməxsus nailiyyət əldə etmiş layihə kimi təqdimatı keçirilib.xeber100.com    

2016-cı il Rio-de-Janeyro Yay Olimpiya Oyunlarına vəsiqə verən I Dünya təsnifat turniri start götürüb

Monqolustanın paytaxtı Ulan-Bator şəhərində 2016-cı il Rio-de-Janeyro Yay Olimpiya Oyunlarına vəsiqə verən I Dünya təsnifat turniri start götürüb. Azərbaycan Güləş Federasiyasından Trend-ə verilən məlumata görə, qadın güləşi yarışlarında turnirin finalına yüksələn hər bir güləşçi Olimpiadaya vəsiqəni təmin edəcək. Sərbəst və yunan-Roma güləşi yarışlarında isə finalçılarla yanaşı, bir üçüncü yerin sahibi də Olimpiya vəsiqəsi qazanacaq. Turnirin ilk günündə yunan-Roma güləşçiləri mübarizə aparır. 98 kq 1/16 final - Yerulan İskakov (Qazaxıstan) - Orxan Nuriyev 2:4 1/8 final - Orxan Nuriyev - Radoslav Pavel Qrzibiçki (Polşa) 1:3 Qeyd edək ki, güləş yığmalarımız bu günədək Rio-de-Janeyro Olimpiya Oyunlarına 12 vəsiqə qazanıblar. Bunlardan 5-i sərbəst, 4-ü yunan-Roma, 3-ü isə qadın güləşçilərin payına düşür.xeber100.com  

“Tour of Croatia” veloyürüşündə mübarizə…

Azərbaycanın kontinental velosiped komandası "Synergy Baku" Xorvatiyada təşkil edilən "Tour of Croatia" veloyürüşündə mübarizə aparır. Azərbaycan Velosiped İdmanı Federasiyasından Trend-ə verilən məlumata görə, Beynəlxalq Velosipedçilər İttifaqının 2.1 kateqoriyalı 6 günlük yarışında Qazaxıstanın "Astana", Cənubi Afrika Respublikasının "Dimension Data", İsveçrənin "İAM Cycling", Rusiyanın "Tinkoff" və ABŞ-ın "Trek Sagefredo" kimi Dünya Turu komandaları, həmçinin 7 peşəkar kontinental və 9 kontinental komanda çıxış edir. İştirakçılar arasında "Dimension Data" klubunun şərəfini qoruyan dünyanın ən sürətli velosipedçilərindən biri, 2011-ci ilin dünya çempionu və həmin il "Tour de France" yarışının ən yaxşı sprinteri adına layıq görülən britaniyalı Mark Kevendiş də var. Yarışın 230 km-lik ilk mərhələsindəcə komanda hesabında vaxt göstəricisinə görə planetin ən güclü komandalarını qabaqlamaqla ilk pilləyə yüksələn "Synergy Baku", 240 km-dən ibarət 2-ci mərhələdə də üstünlüyünü qoruyub. Fərdi göstəricilərə gəlincə, birinci gün 9-cu olan Yannis Tamuridis, növbəti gün də komandamızın heyətində ən yaxşı nəticə göstərib - 11-ci yer. Ümumi təsnifatda velosipedçimiz hazırda lider köynəyinin sahibi Mark Kevendişə 16 saniyə uduzmaqla 8-cidir. Ölkəmizi Rio-2016 Yay Olimpiya Oyunlarında təmsil edəcək Elit yığma komandamızın üzvü Maksim Averin 19-cu mövqedə qərarlaşır. Yarışın yaşı 23-dək olan velosipedçilərinin mübarizəsində Samir Cəbrayılov 5-ci yerdədir. Bu gün keçirilən 3-cü mərhələdə iştirakçılar 191 km məsafə qət edəcəklər.xeber100.com  

Robert Prosineçki Xorvatiyada təşkil olunan aksiyaya qoşulub

Futbol üzrə Azərbaycan milli komandasının baş məşqçisi Robert Prosineçki vətəni Xorvatiyada abidə ucaldılması məqsədilə təşkil olunan aksiyaya qoşulub.Report xəbər verir ki, abidə 200 min serbiyalının Xorvatiya ərazisindən qovulması ilə əlaqədar Knin şəhərində qoyulacaq. Bunun üçün lazım olan 800 min avro və ya 6 milyon kuna məbləğində vəsaitin toplanılmasında Xorvatiyanın sabiq prezidenti İvo Yosipoviç, nazirlər, Zaqreb meri Milan Bandiç və veteranlarla yanaşı, keçmiş futbolçulardan Zvonimir Boban, İqor Ştimaç, Robert Prosineçki və digər məşhur simalar iştirak edəcəklər. Onların aprelin 21-də Knində xeyriyyə xarakterli bayram konsertinə qatılacaqları bildirilir. Lakin Prosineçkinin tərcüməçisi Aydın Rüstəmov "Report"a açıqlamasında baş məşqçinin sabah Xorvatiyada olacağına dair xəbəri təkzib edib. Qeyd edək ki, daha öncə Robert Prosineçki Xorvatiyada ticarət mərkəzi açıb.xeber.az

4 oyunçusu xəbərdarlıq alan “Qəbələ” 1000 manat cərimə olunub

Bu gün AFFA-nın İntizam Komitəsinin iclası keçirilib. Apasport.az saytının məlumatına görə, yığıncaqda Topaz Premyer Liqasının XXX turunun oyunlarında qeydə alınan qayda pozuntularına hüquqi qiymət verilib. “Qəbələ” ilə qarşılaşmada ikinci sarı vərəqə üzündən meydandan kənarlaşdırılan Saşa Yunisoğlu 1 oyunluq cəzalanıb və “Rəvan”ı 200 manat ziyana salıb. 88-ci dəqiqədə “Qəbələ” klubunun baş məşqçisi Roman Qriqorçuk texniki zona qaydaların pozduğu üçün 1 oyun cəzalanıb, klubu 1000 manat cərimə olunub. 4 oyunçusu xəbərdarlıq alan “Qəbələ” 1000 manat cərimə olunub. “Qarabağ”la görüşdə 6 futbolçusu sarı vərəqə alan “Neftçi” də eyni cəzaya məruz qalıb. AZAL – “Sumqayıt” matçında hər iki komandanın 4 üzvü xəbərdarlıq aldığı üçün klubların hərəsi 1000 manat ziyana düşüb. İntizam Komitəsi Ruslan Qurbanova göstərilən sarı vərəqənin düzgün olmamağı ilə bağlı müraciət edən “Neftçi”nin şikayətinə də baxıb. Qərara əsasən, oyunun 23-cü dəqiqəsində Qurbanova simulyasiyaya görə göstərilmiş sarı vərəqə  hakim tərəfindən epizodun düzgün qiymətləndirilməməyi səbəbindən ləğv olunub.xeber100.com    

Joze Mourinyo 3 illik müqavilə imzalayıb

Londonun "Çelsi" klubunun sabiq baş məşqçisi Joze Mourinyo "Mançester Yunayted" ilə 3 illik müqavilə imzalayıb. Dünya mətbuatının verdiyi məlumata görə, J.Mourinyo "Mançester Yunayted" klubunun baş məşqçisi postunda Lui Van Qalı əvəz edəcək. Xatırladaq ki, J. Mourinyo keçən ilin dekabrında "Çelsi" klubundan istefaya göndərilib.xeber100.com      

Əyləncə proqramında Kris Braun, Enrike İqlesias və Farrell Uilyamsın iştirakı gözlənilir

İyunun 17-19-da Bakıda keçiriləcək Formula-1 Avropa Qran-prisi çərçivəsində təşkil olunacaq konsert proqramlarında üç dünya ulduzu öz ifaları ilə azarkeşləri əyləndirəcək. AZƏRTAC xəbər verir ki, konsert proqramında çıxış edəcək dünya musiqisinin ulduzlarının adları açıqlanıb. Əyləncə proqramında Kris Braun, Enrike İqlesias və Farrell Uilyamsın iştirakı gözlənilir. Onlar Formula-1 şəhərciyində xüsusi olaraq qurulmuş əsas səhnədə axşam saatlarında müvafiq ardıcıllıqla çıxış edəcəklər. Proqrama əsasən, iyunun 17-də Kris Braun özünün yüksək enerjili məşhur şousu ilə əyləncə proqramına start verəcək. Amerikalı müğənni, bəstəkar və rəqqas trekdə yarışın ilk günü sona çatdıqda minlərlə Formula-1 azarkeşinin qarşısında özünün “Yeah3x”, “Look At Me Now” və “Beautiful People” kimi məşhur hitlərini ifa edəcək. Aprelin 18-də səhnədə canlı musiqi ifa etməkdə ad çıxarmış Enrike İqlesias yer alacaq. “Latın pop musiqisinin kralı” kimi tanınan ispan əsilli müğənni tamaşaçılar qarşısında özünün “Hero”, “Bailamos” və “I Like It” kimi məşhur hitlərini səsləndirəcək. O, balladaları və yüksək enerjili rəqs musiqilərindən ibarət albomları ilə təsnifat yarışları sona çatdıqdan sonra Dənizkənarı Bulvarda yerləşən Formula-1 Şəhərciyində çıxış edəcək. Yarışların sonuncu günü isə Farel Vilyams əsas səhnədə yer alaraq öz məşhur musiqi proqramı ilə 2016-cı il Formula-1 Avropa Qran-prisinə yekun vuracaq. İstedadlı amerikalı ifaçı, bəstəkar və prodüser “Get Lucky”, “Happy” və “Frontin” kimi populyar hitlərin və digər musiqi əsərlərinin müəllifi kimi tanınır. Bakı Şəhər Halqası Əməliyyat Şirkətinin marketinq və kommunikasiya şöbəsinin rəhbəri Nigar Arpadarai jurnalistlərə açıqlamasında Formula-1 Şəhərciyində bir neçə səhnənin qurulacağını bildirərək deyib: “Bilet alanlar yarışı izləməklə yanaşı, müğənnilərin konsertində iştirak etmək və məşhurlarla avtoqraf sessiyasına qatılmaq şansı qazanacaqlar. Onlar, həmçinin GP 2 yarışlarına da tamaşa edə biləcəklər. Biz özümüz üçün Sinqapur proqramını seçmişik. Məqsədimiz Avropa Qran-prisi zamanı tam əyləncə proqramı tətbiq etməkdir”. Konsertə giriş pulsuz olacaq. Proqramda yalnız Avropa Qran-prisinə bilet alan tamaşaçılar iştirak edə biləcəklər.xeber100.com  

İdmançılarımız növbəti mərhələdə

Türkiyənin Samsun şəhərində boks üzrə Rio Olimpiya Oyunlarına lisenziya xarakterli yarış davam edir. Azərbaycan Boks Federasiyası məlumat verir ki, turnirin 3-cü günündə rinqə 4 həmyerlimiz çıxıb. Qadınların yarışında 60 kq çəki dərəcəsində mübarizə aparan Yana Alekseyevna türkiyəli rəqibi Gülsüm Tatarı məğlub edərək növbəti mərhələyə adlayıb. Digər qadın boksçumuz, 75 kq çəki dərəcəsində mübarizə aparan Yelena Vstropova da türkiyəli boksçu ilə qarşılaşıb. Gərgin keçən döyüşdə Sema Çalışkan qələbə qazanıb. Kişi boksçularımıza gəlincə, 64 kq çəki dərəcəsində döyüşən, Avropa Oyunlarının qalibi Lorenso Sotomayor irlandiyalı Din Volşla görüşdən qalib ayrılaraq növbəti mərhələyə adlayıb. Ən ağır çəkidə mübarizə aparan ikiqat dünya çempionumuz Məhəmmədrəsul Məcidov da irland boksçu ilə qarşılaşıb. M.Məcidov bu görüşdə qalib gələrək növbəti mərhələyə adlayıb. Qeyd edək ki, qalib gələn idmançılarımız 1/4 finala yüksəlib. Xatırladaq ki, yarış aprelin 17-də yekunlaşacaq.xeber100.com

Argentinalı hücumçu Lionel Messinin illik gəliri açıqlandı

İspanya komandası "Barselona"nın argentinalı hücumçusu Lionel Messi 74 milyon avro illik gəliri ilə ən çox qazanan futbolçuların siyahısında birinci yeri qoruyub saxlayır. "France Football"ın  verdiyi məlumata əsasən, ən yaxşı futbolçu mükafatının beşqat sahibinin 2015-ci ildə gəlirləri 2014-cü illə müqaisədə 9 milyon avro artıb. Siyahıda Messinin ardınca "Real Madridin" portuqaliyalı hücumçusu Kriştiano Ronaldo gəlir (67,4 milyon avro), üçüncu yerdə isə kataloniyalıların forvardı - Neymar (43,5 milyon avro). "France Football" futbolçuların vergi ayırmalarından əvvəl olan gəlirlərinin, sponsor müqavilələri və bonusların məbləqləri barədə məlumat yayıb. Məşqçilər arasında: 1-ci yer - Joze Maurinyo, "Çelsi" (24 milyon avro), 2-ci yer - Pep Qvardiola, "Bavariya", 3-cü yer - Fabio Kapello.xeber100.com        

XXX turun oyun cədvəli açıqlanıb…

Topaz Premyer Liqasında XXX turun oyun cədvəli açıqlanıb. Apasport.az saytının məlumatına görə, 3 gün davam edəcək turun mərkəzi görüşü mükafatlar uğrunda mübarizə aparan “Kəpəz”lə “İnter” arasında olacaq. Bu matç aprelin 16-da, saat 13:30-da başlayacaq. Həmin gün saat 16:00-da isə Premyer Liqanın daimi sakinləri – “Neftçi” ilə “Qarabağ” görüşəcək. XXX tur 15 aprel (cümə) 16:00. “Qəbələ” – “Rəvan” Qəbələ şəhər stadionu 16 aprel (şənbə) 13:30. “Kəpəz” – “İnter” Gəncə şəhər stadionu 16:00. “Neftçi” – “Qarabağ” 8-ci km qəsəbə stadionu 17 aprel (bazar) 16:30. “Zirə” – “Xəzər Lənkəran” Zirə İdman Kompleksinin stadionu 19:00. AZAL – “Sumqayıt” “AZAL Arena”