Avropa çempionatı uğrunda mübarizə

Cüdo üzrə Azərbaycan millisi həftəsonu daha bir yarışa qatılacaq. Apasport.az saytının məlumatına görə, bütün turnirlərdə iştirak edən yığmamız bu dəfə Avstriyanın Obervart şəhərində keçiriləcək açıq Avropa çempionatında mübarizə aparacaq. Komandamızın baş məşqçisi burada əsasən ehtiyat qüvvəyə güvənəcək. Belə ki, 21 nəfərlik heyətdə millinin əsas heyətindən yalnız Uşanqi Kokauri (+100 kq) yer alıb. Onunla yanaşı, Vüqar Şirinli, Elbrus Zamanov, Oruc Vəlizadə, Davud Məmmədsoy (hamısı 60 kq), Hidayət Heydərov, Telman Vəliyev, Rəşad Rufullayev, Turan Seyidov (hamısı 66 kq), Fəqan Quluzadə, İsmayıl Piriyev, Vüqar Bayramov (hər üçü 73 kq), Əbdulhaqq Rəsullu, Rüstəm Alimli, Ziya Namazov, Elvin Əhmədli (hamısı 81 kq), Məhəmmədəli Mehdiyev, Ramin Qurbanov, Tural Səfquliyev, Şahin Qəhrəmanov (hamısı 90 kq) və Cəlil Şükürov (100 kq) tatamiyə çıxacaq. Fevralın 13-14-də təşkil olunacaq yarışda isə ümumilikdə 52 ölkədən 301 cüdoçu iştirak edəcək.

FİFA milli komandaların növbəti reytinq siyahısını açıqlayıb

Apasport.az saytının məlumatına görə, Azərbaycan yığması 116-cı pillədə yer alıb.Hesabında 296 xal olan komandamız yanvarın 7-də açıqlanan cədvəldəki mövqeyini qoruyub. Robert Prosineçkinin yetirmələri bu müddətdə heç bir rəsmi matça çıxmayıb. Millimiz və “qonşuları” 111 (105). Anqola - 306 112 (111). Mərkəzi Afrika Respublikası - 302 113 (113). Çad – 301 114 (115). Aruba – 298 114 (117). Türkmənistan – 298 116 (116). AZƏRBAYCAN – 296 117 (121). Syerra-Leone - 290 118 (119). Sent-Kitts və Nevis – 289 119 (110). Burundi - 288 120 (121). Tailand – 286 120 (120). Gürcüstan – 286 Dünyanın ən güclü 10 komandasının tərkibində isə heç bir dəyişiklik olmayıb. Planetin nəhəngləri mövqelərini qoruyub. Yalnız Çilinin xal hesabında artım olub. İlk “onluq” 1 (1). Belçika – 1494 2 (2). Argentina – 1455 3 (3). İspaniya - 1370 4 (4). Almaniya – 1347 5 (5). Çili – 1293 6 (6). Braziliya – 1251 7 (7). Portuqaliya – 1219 8 (8). Kolumbiya – 1211 9 (9). İngiltərə - 1106 10 (10). Avstriya - 1091 Millimizin DÇ-2018-in seçmə mərhələsindəki rəqiblərindən Almaniya və San-Marinonun yeri və xalı dəyişməz qalıb. Çexiya və Şimali İrlandiya isə Fil Dişi Sahilinin geriləməsi hesabına 1 pillə irəliləyib. Digər rəqiblərimizdən fərqli olaraq, xal hesabı da artan Norveç isə 4 addım irəliləyib. DÇ-2018-in seçmə mərhələsi, Avropa zonası üzrə C qrupu 4 (4). Almaniya – 1347 25 (26). Çexiya - 860 29 (30). Şimali İrlandiya - 825 50 (54). Norveç - 597 198 (198). San-Marino - 28 Qeyd edək ki, qonşu Türkiyə yığması siyahıda 933 xalla 20-ci yerdə qərarlaşıb. “Ay-ulduzlular” da Fil Dişi Sahilini keçib.  

Lionel Messi 500 qol səddini aşıb

“Barselona”nın ulduz futbolçusu Lionel Messinin uğurları davam edir. Futbolinfo.az xəbər verir ki, Argentina yığmasının üzvü ötən gün daha bir naliyyəti ilə fərqlənib. Belə ki, 28 yaşlı hücumçu 500 qol səddini aşıb. Bu, İspaniya Kubokunun yarımfinal mərhələsinin “Valensiya” ilə keçirilən ilk oyununda baş verib. Katalonların 7:0 hesablı qələbə qazandığı matçda Messi het-trik edib. Nəticədə təcrübəli forvard karyerası ərzində vurduğu qolların sayını 501-ə çatdırıb. Qeyd edək ki, Messi bu qolların 436-nı “Barselona”nın, 65-ni isə Argentina yığmasının heyətində vurub.  

Roberto Karlos “Kral klubu”ilə müqavilə imzalayıb

Madrid "Real"ının və Braziliya yığmasının sabiq əfsanəvi futbolçusu Roberto Karlos "Kral klubu"ilə müqavilə imzalayıb. "Marca" qəzetinin verdiyi məlumata görə, R.Karlos komandanın akademiyasında çalışacaq. 42 yaşlı idmançı "Real"ı Asiya ölkələrində təmsil etməklə bu işinə diplomatik çalar da qatacaq.  

5000 KÖNÜLLÜYƏ EHTİYAC VAR

2016-cı il Formula 1 Avropa Qran Prisinin təşkilatçıları könüllü sayını artırmağı planlaşdırır. Könüllü olaraq, oyunlara 5 min nəfərin cəlb edilməsi planlaşdırılır. Turkustan.info xəbər verir ki, Avropa Qran Pri könüllülər mərkəzinin rəsmi açılışı baş tutub. İlkin seçimlərdən keçən namizədlər mərkəzə dəvət olunaraq, qeydiyyatdan keçdikdən sonra, seminarlarda iştirak edə biləcəklər. Təkilatdan bildirilib ki, bunun üçün, həftə sonunda səmimi və rahamühit yaratmağı bacaran, etibarlı və enerjili insanlar axtarırlar. Arzu edən hər kəs qeydiyyatdan keçmək üçün eletron ərizə ilə təşkilatın rəsmi saytına müraciət edə bilər. Açıq könüllülər mərkəzinin açılışında Azərbaycanın Gənclər və İdman naziri Azad Rəhimov da işitirak edib. O, bildirib ki, “hazırda biz bütün Formula1 fanatlarının ölkəmizin tarixində ilk dəfə keçirilən oyunlarda könüllü kimi iştirak etməsinə imkanı veririk”. Həmçinin nazir, əlavə etdi ki, “bu şansı o, insanlara veririk ki, həqiqətəndə Bakının ilk dəfə qəbul edəcəyi mötəbər yarışın bir parçası olmağı arzu edir. Biz Avropanın ən gənc milltələri sırasına daxil oluruq və bizim könüllülər proqramımız bütün arzu edənlərə Azərbaycanın idman tarixinə misilsiz tövhə verən bu yarışda iştirak şansı verir. Hazırda Mərkəzin elektron ünvanına 7 min ərizə ilə müraciət edilib. 2016-cı il Formula 1 Avropa Qran Prisinin 17-18-19 iyun 2015-ci ildə keçirilməsi nəzərdə tutulub. 3 günlük biletlər Formula 1 məşq sessiyalarına, Təsnifat turuna və bazar günü keçiriləcək əsas yarışa tamaşa etməyə imkan verəcək. Bu biletlər sizə həftənin cümə axşamı pit zolağına giriş və həftəsonu müxtəlif ticarət və əyləncə zonalarına daxil olmaq imkanı verəcək. Cümə, şənbə və bazar axşamları əyləncənizə rəng qatmaq üçün xarici ulduzların iştirakı ilə müxtəlif konsert proqramları təşkil ediləcək.  

Futbol üzrə Birlik kuboku ləğv oluna bilər

Sankt-Peterburqda başa çatan futbol üzrə Birlik kuboku yaxın vaxtlarda ləğv edilə və ya formatı dəyişdirilə bilər. Bu barədə “R-Sport” nəşrinə Rusiyanın idman naziri Vitaliy Mutko bildirib. Onun sözlərinə görə, “Birlik Kuboku” öz mahiyyətini itirib və gənc komandaların iştirakı isə daha aktual deyil. İlk dəfə turnir 1993-cü ildə keçirilib, və hər il ya Moskva və ya Sankt-Peterburq şəhərində təşkil olunur. Turnirin qalibləri: “Spartak” Moskva (1993-1995, 1999-2001-ci illərdə), “Dinamo” Kiyev (1996-1998, 2002), “Şerif” (Moldova, 2003, 2009), “Dinamo” Tbilisi (2004), “Lokomotiv” Moskva (2005), “Nefçi” Bakı (2006), “Paxtakor” Daşkənd (2007), “Xəzər Lənkəran” (2008), “Rubin” Kazan (2010), “İnter” Bakı (2011), Rusiyanın gənclərdən ibarət futbol yığması (2012, 2013, 2016), Ukraynanın gənclərdən ibarət futbol yığması (2014) və CAR (2015).  

Müsəlman ölkəsində qızlar və oğlanların birgə futbol oyunu

Azərbaycanın qadınlardan ibarət futbol üzrə U-21 yığmasının baş məşqçisi Patrisiya Qonsales bizim ölkədə qadın futbolunun möhkəm təmələ malik olduğunu hesab edir. “Azərbaycanda qızlar üçün yarışların strukturu yaradılıb. Qızların 11 il ərzində futbol oynamaq imkanı var. Müsəlman ölkəsində oğlanların və qızların bərabər futbol oynaması ağlagəlməzdir, bununla yanaşı, rəqabət nöqteyi-nəzərindən qadın futbolunun möhkəm təmələ malik olması çox vacibdir” - Qonsales öz vətənində olarkən ispan KİV-nə bildirib. Qonsales həmçinin Azərbaycanda ispan futbolunun metodlarını tətbiq etmək cəhdini də vurğulayıb. Amma bu, elə də asan deyil.

İdman gimnastikası üzrə Dünya Kuboku

Bakıda fevralın 19-da idman gimnastikası üzrə Dünya Kuboku start götürəcək. Bu barədə Azərbaycan Gimnastika Federasiyasından məlumat verilib. Azərbaycan Milli Gimnastika Arenasında keçiriləcək Dünya Kuboku 3 gün davam edəcək. Yarışda 19 ölkənin idmançıları iştirak edəcək. Çempionatda Azərbaycan 4 qız və 2 oğlan olmaqla, 6 idmançı ilə təmsil olunacaq.  

Azərbaycan və İranın birgə təşəbbüsü

2017-ci ildə Bakıda keçiriləcək İslam oyunlarının proqramında 22-ci idman növü uşu oldu. İnsidethegames xəbər verir ki, uşunun proqrama daxil edilməsinin təşəbbüskarları kimi Azərbaycan və İran çıxış edib. 2014-cü ildə İslamiada-2017-də uşu üzrə yarışların keçirilməməsi qərara alınmışdı, amma iki federasiyanın, eləcə İranın Milli Olimpiya Komitəsinin səyləri nəticəsində uşu İslam oyunlarının proqramına geri qaytarıldı. Xatırladaq ki, İslamiada Bakıda gələn ilin mayında keçiriləcək. Bu oyunlarda Asiya, Afrika və Avropadan 57 ölkənin nümayəndələri iştirak edəcək.  

“Çelsi”yə 45 milyon avro təklif edilib

Madridin “Atletiko” klubu hücumçu Dieqo Kostanı geri qaytarmaq istəyir. Apasport.az saytının “AS”a istinadən məlumatına görə, baş məşqçi Dieqo Simeone rəhbərlikdən forvardın komandaya gətirilməsini xahiş edib. İspan mətbuatı iddia edir ki, “hindular” onun üçün “Çelsi”yə 45 milyon avro təklif ediblər. Ancaq “zadəganlar” bu təklifdən imtina ediblər. Qeyd edək ki, bir müddət əvvəl İngiltərə mətbuatı iki klubun Çekson Martinez və Dieqo Kostanı dəyişdirə biləcəklərini iddia etmişdi.