UEFA Çempionlar Liqasının pley-off mərhələsinin cavab oyunları çərçivəsində

Çexiyada UEFA Çempionlar Liqasının pley-off mərhələsinin cavab oyunları çərçivəsində üz-üzə gələcək "Viktoriya" (Plzen) və "Qarabağ"ın start heyətləri açıqlanıb."Viktoriya"nın start heyətində Yindrjix Stanek, Ludek Pernitsa, Yan Sikora, Yan Kopits, Tomaş Xori, Con Moskera, Pavel Buxa, Vatslav Yemelka, Lukaş Kalvax, Milan Havel və Libor Holik yer alıblar.Ağdam təmsilçisinin heyətində isə meydana isə Şahruddin Məhəmmədəliyev, Qara Qarayev, Riçard Almeyda, Abdullah Zubir, Bəhlul Mustafazadə, Filip Ozobiç, Kadi Borges, İbrahima Vadji, Toral Bayramov, Marko Veşoviç və Bədavi Hüseynov çıxacaqlar.Qeyd edək ki, "Dusan Arena"da oynanılacaq görüş Bakı vaxtı ilə saat 23:00-da başlayacaq. Komandalar arasında Bakıda təşkil olunan ilk matçda hesab açılmayıb.xeber100.com

“Viktoriya” (Plzen) – “Qarabağ” oyununda birinci hissə başa çatıb

UEFA Çempionlar Liqasının pley-off mərhələsinin cavab oyunları çərçivəsində keçirilən "Viktoriya" (Plzen) - "Qarabağ" oyununda birinci hissə başa çatıb.Çexiyadakı "Dusan Arena"da oynanılan matçda Ağdam təmsilçisi fasiləyə üstün yollanıb. Matçın 38-ci dəqiqəsində “Qarabağ”ın heyətində Filip Ozobiçin vurduğu qol ilk hissədə komandamızın üstünlüyünü təmin edib – 1:0.Qeyd edək ki, komandalar arasında Bakıda təşkil olunan ilk matçda hesab açılmayıb.xeber100.com

Azərbaycan Cüdo Federasiyasının məlumatına görə…

Azərbaycanda cüdonun 50 illiyi münasibətilə keçirilən tədbirlər çərçivəsində Zaqatala şəhərində cüdo üzrə ustad dərsi təşkil edilib.Azərbaycan Cüdo Federasiyasının (ACF) mətbuat xidmətindən bildiriblər ki, ACF və Zaqatala Rayonu Gənclər və İdman İdarəsinin birgə təşkil etdiyi tədbirdə Zaqataladan olan cüdoçularla yanaşı Şəki, Qəbələ, Qax, Balakən rayonlarından gələn idmançılar da iştirak ediblər.Böyük marağa səbəb olan tədbiri giriş sözü ilə açan ACF prezidentinin müşaviri Natiq Bağırov bildirib ki, Azərbaycanda cüdonun kütləviləşdirilməsi ilə gənc nəslin fiziki və mənəvi sağlamlığına töhfə vermək federasiyanın əsas məqsədlərindən biridir. Eyni zamanda N.Bağırov Azərbaycanda cüdonun inkişafına xüsusi diqqət yetirildiyini qeyd edib və bölgələrdə, o cümlədən Zaqatala rayonunda ACF tərəfindən cüdo idman növü üzrə maddi-texniki bazanın inkişaf etdirilməsi ilə bağlı planlaşdırılan işlər barədə məlumat verib.Daha sonra ustad dərsi çərçivəsində dünya mükafatçısı Natiq Bağırov və V İslam Həmrəyliyi Oyunlarının komanda yarışlarının qızıl medalçısı İbrahim Əliyev müxtəlif cüdo fəndlərinin yerinə yetirilməsini yeniyetmə və gənc cüdoçulara, həmçinin Zaqatala şəhərinin sakinlərinə nümayiş etdiriblər. Tədbirdə cüdonun fəlsəfəsi, mahiyyəti və kəmər bağlamaq qaydaları haqqında geniş məlumat verilib. Praktik cüdo fəndlərinə maraq göstərən Zaqatala sakinləri, uşaqlar və yeniyetmələr tatamiyə dəvət ediliblər və onlar müxtəlif fəndləri yerinə yetirməyə çalışıblar.Tədbir zamanı iştirakçılar üçün viktorinalar təşkil olunub, cüdo idman növü üzrə müxtəlif suallar verilib və düzgün cavab verən şəxslərə hədiyyələr təqdim olunub.Xatırladaq ki, bundan əvvəl Azərbaycan Cüdo Federasiyası ölkəmizdə cüdonun 50 illiyi ilə bağlı keçirilən tədbirlər çərçivəsində Gəncə şəhərində də ustad dərsi təşkil edib. Yaxın gələcəkdə ölkəmizin digər şəhər və regionlarında da analoji tədbirlərin həyata keçirilməsi planlaşdırılır.xeber100.com

“Viktoriya” – “Qarabağ” oyunu Bakı vaxtı ilə 23:00-da başlayacaq

Ağdamın “Qarabağ” klubu UEFA Çempionlar Liqasının pley-off mərhələsində “Viktoriya” ilə cavab oyunu üçün Çexiyaya gedib.Bu gün Bakı vaxtı ilə 21:30-da Ağdam klubunun baş məşqçisi Qurban Qurbanovun mətbuat konfransı olacaq. Saat 22:00-da matçın keçiriləcəyi Plzen şəhər stadionunda "Qarabağ"ın media üçün açıq məşqi (ilk 15 dəqiqəsi) reallaşacaq.Qeyd edək ki, avqustun 23-də keçiriləcək “Viktoriya” – “Qarabağ” oyunu Bakı vaxtı ilə 23:00-da başlayacaq. Bakıdakı ilk matç 0:0 hesabı ilə yekunlaşıb.xeber100.com

Futbol üzrə Azərbaycan Premyer Liqasının üçüncü turunda

Futbol üzrə Azərbaycan Premyer Liqasının üçüncü turu nadir təsadüf olunan hadisə ilə əlamətdar olub. “Sabah” – “Neftçi” oyununda bir komandanın qapısına üç penalti zərbəsi təyin olunub. Meydan sahibləri bu üç imkandan ikisindən yararlana bilib.Azərbaycan çempionatları tarixində sonuncu belə hadisə 17 il əvvəl yaşanıb. 2005/2006-cı il mövsümünün “Gənclərbirliyi” – “Şahdağ” görüşündə də qonaqlar cəzalanıb. 2005-ci il dekabrın 10-dakı görüşdə hər üç penaltini Pathe Banqura yerinə yetirib. Sumqayıt təmsilçisinin hücumçusu bu imkanlardan ikisindən istifadə edib. Həmin qarşılaşmada meydan sahibləri 3:2 hesablı qələbə qazanıblar.xeber100.com

Qarışıq idman növləri üzrə Avropa çempionatı başa çatıb

Almaniyanın Münhen şəhərində qarışıq idman növləri üzrə Avropa çempionatı başa çatıb. İdman gimnastikası üzrə keçirilən yarışlarda ölkəmizi 4 qadın və 8 kişi idmançı təmsil edib.Komandamızın üzvlərindən ən yaxşı nəticəni kişi idman gimnastikası üzrə təmsilçilərimiz Nikita Simonov və İvan Tixonov göstəriblər.N.Simonov halqalar ilə hərəkətlərdə, İ.Tixonov isə dayaqlı tullanmada uğurla çıxış edərək final mərhələsinə adlayıblar. Həlledici mərhələdə hər iki idmançımız 6-cı pillədə qərarlaşıb.Xatırladaq ki, qadınlar arasında ən yaxşı nəticəni gənclər arasında Nazənin Teymurova göstərib. Belə ki, gimnastımız dayaqlı tullanma üzrə hərəkətlərdə uğurla çıxış edərək Azərbaycanın gimnastika tarixində ilk dəfə olaraq qadın idman gimnastikası üzrə gənclər yaş kateqoriyasında finala vəsiqə qazanıb. Final mərhələsinin yekununa əsasən idmançımız qitə çempionatını 5-ci pillədə başa vurub.xeber100.com

Şahmat festivalının “Masters” turnirində birinci turun oyunları keçirilib

Əbu-Dabidə 28-ci şahmat festivalının “Masters” turnirində birinci turun oyunları keçirilib.Azərbaycan şahmatçılarından Məhəmməd Muradlı və Elmar Atakişiyev ilk turda qələbə qazanıblar.Doqquz turdan ibarət turnir İsveçrə sistemi üzrə keçirilir.Yarışda 31 ölkədən 150-yə yaxın şahmatçı qüvvəsini sınayır.xeber100.com

Cüdo üzrə millimiz təlim-məşq toplanışına başlayıb

Bakıda cüdo üzrə yeniyetmə qızlardan ibarət millimiz təlim-məşq toplanışına başlayıb.Azərbaycan Cüdo Federasiyasından bildiriblər ki, avqustun 20-dək davam edəcək hazırlıq prosesində məşqçilər Elnur İsmayılov və Vüqar Hüseynovun rəhbərliyi ilə milli komandanın 16 üzvü iştirak edir.Təlim-məşq toplanışında kiçik yaşlı yeniyetmələrin (U-15) sonuncu Azərbaycan birinciliyinin mükafatçıları arasından seçilmiş idmançılar da iştirak edirlər. Onlar yeniyetmə qızlardan ibarət milli yığmalarımıza gələcək yarışlara hazırlaşmağa kömək etməklə yanaşı, öz ustalıq səviyyələrini də artırırlar.Təlim-məşq prosesi avqustun 24-28-də Sarayevoda təşkil olunacaq yeniyetmələr arasında dünya çempionatına hazırlıq məqsədi daşıyır.xeber100.com

V İslam Həmrəyliyi Oyunlarının son gününün yarışları keçiriləcək

Avqustun 18-də Türkiyənin Konya şəhərində V İslam Həmrəyliyi Oyunlarının son gününün yarışları keçiriləcək.Bu gün Azərbaycan təmsilçiləri idman gimnastikası, kikboksinq, karate növlərində mübarizə aparacaqlar.Qeyd edək ki, V İslam Həmrəyliyi Oyunlarının ötən günləri ərzində Azərbaycan komandası 85 medal qazanıb. Onlardan 26-sı qızıl, 30-u gümüş, 29-u bürünc medallardır. Bu nəticə ilə Azərbaycan iştirakçı ölkələrin ümumi sıralamasında 4-cü pillədədir.Oyunlarda Türkiyə 303 (127 qızıl, 97 gümüş, 79 bürünc), Özbəkistan 140 (46 qızıl, 38 gümüş, 56 bürünc) və İran 127 (38 qızıl, 41 gümüş, 48 bürünc) medalla ilk 3 pilləni tuturlar.Qeyd edək ki, V İslam Həmrəyliyi Oyunlarında 56 ölkədən 4 mindən çox atlet idmanın 24 növü üzrə 483 dəst medal uğrunda mübarizə aparır. İslamiada avqustun 18-dək davam edəcək.xeber100.com

Azərbaycan Boks Federasiyasının məlumatına görə…

Türkiyənin Ərzurum şəhərində məktəbli oğlan və qız boksçular arasında Avropa birinciliyində 1/4 final mərhələsi başa çatıb.Azərbaycan Boks Federasiyasının mətbuat xidmətindən  bildiriblər ki, 28 ölkədən 378 idmançının qatıldığı yarışda Azərbaycan millisinin daha iki idmançısı yarımfinalda iştirak hüququ qazanıb.Yığma üzvü Sübhan Babayev (44 kq) Emanuel Kioabadan (Rumıniya) sonra gürcüstanlı Tsotne Muntçavadan da güclü olub. O, bu görüşü vaxtından əvvəl hesabına yazıb. Boksçumuz ikinci raundda tam üstünlüklə qələbə qazanıb. Bununla özü üçün ən azı bürünc medalı təmin edən Babayev 1/2 finalda Georgi Ralfla (İngiltərə) üz-üzə gələcək.Bağır Əlimxanlı (46 kq) Oskaras Pliauqanı (Litva) mübarizədən kənarlaşdırdıqdan sonra 1/4 finalda ukraynalı Starik İllya ilə qarşılaşıb. O, rəqibini 5:0 (30:27, 30:27, 29:28, 29:28, 29:28) hesabı ilə məğlub edib. Artıq özü üçün bürünc medalı təmin edən Əlimxanlı yarımfinalda Mixael Xamesi (İngiltərə) sınağa çəkəcək.Əli Məmişov (70 kq) isə adını finala yazdırıb. Orestas Staponkus (Litva) və Niko Qoretaya (Xorvatiya) qalib gələn idmançı yarımfinalda yunanıstanlı Nikalaos Bliatzeni də məğlub edib. Təmsilçimiz 3:2 (28:29, 29:28, 29:28, 29:28, 27:30) hesablı qələbə sayəsində həlledici görüşə yüksəlib. O, çempionluq uğrunda Giorgi Biqvava (Gürcüstan) ilə qüvvəsini sınayacaq.Onlardan fərqli, Kənan Aslanlı (60 kq) və İsmayıl Vəliyev (63 kq) medalın bir addımlığında büdrəyib.Qeyd edək ki, daha öncə Banuçiçək Nəsirli (44 kq) də Avropa birinciliyinin yarımfinalında iştirak hüququ qazanıb. Birincilikdə qaliblər avqustun 20-də bəlli olacaq.xeber100.com