Velosiped idmanının BMX növü üzrə ölkə çempionatı keçiriləcək

Sentyabrın 9-da Azərbaycanda ilk dəfə velosiped idmanının BMX növü üzrə ölkə çempionatı keçiriləcək. Gənclər və İdman Nazirliyi və Azərbaycan Velosiped Federasiyasının təşkil edəcəyi yarış Bakıda yerləşən Veloparkdakı BMX meydançasında baş tutacaq.Beynəlxalq Velosipedçilər İttifaqının mövcud qaydalarına əsasən keçiriləcək çempionatda bütün yaş kateqoriyalarında olan idmançılar iştirak edəcəklər. Bütün velosipedçilər qrup yarışında (1 dairə) mübarizə aparacaqlar. Qaliblər hər yaş kateqoriyasında ən yaxşı vaxta görə müəyyənləşəcək.Yarışda ilk üç yeri tutan velosipedçilər Gənclər və İdman Nazirliyi və Azərbaycan Velosiped Federasiyası tərəfindən medal, diplom və qiymətli hədiyyələrlə mükafatlandırılacaqlar.Ölkə çempionatının keçirilməsində məqsəd velosiped idmanının BMX növünün təbliği və inkişafı, perspektivli idmançıların aşkar edilməsi, müxtəlif yaş kateqoriyalarında idmançıları və idman həvəskarlarını aktiv velosiped sürməyə cəlb etmək, Azərbaycanın regionlarında əhali arasında bədən tərbiyəsi, sağlamlıq və idman fəaliyyətinin aktivləşdirilməsidir.Qeyd edək ki, Azərbaycan çempionatına baxmaq üçün giriş pulsuzdur.xeber100.com

Azərbaycan Şahmat Federasiyasının təşkilatçılığı ilə…

Gənclər və İdman Nazirliyi, Azərbaycan Şahmat Federasiyasının birgə təşkilatçılığı ilə Zaqatala Olimpiya İdman Kompleksində keçirilən 16 yaşadək yeniyetmələrin Respublika Şahmat Olimpiadasına yekun vurulub.Federasiyadan bildiriblər ki, Olimpiadada yarışlar iki yaş kateqoriyası üzrə A qrupu (12-16) və B (12 yaşadək) qruplarında təşkil edilib.Olimpiadanın A qrupunda mübarizə aparan Şəki şahmatçısı İslam Hacıəliyev 11 oyundan 9,5 xal toplayaraq birinci yerin sahibi olub. 2-3-cü yerləri Sumqayıt şahmatçıları Əli Həsənov ( 9 xal) və Musa Taklavi (8.5 xal) tutublar. Amin Novruz Qurbanov və Rüstəm Rüstəmov hərəyə 8,5 xal toplayaraq müvafiq olaraq 4-5-ci pillədə qərarlaşıblar.B qrupunda çempion adını 9,5 xal toplayan Murad Rzayev qazanıb. Şəmsəddin Mehdiyev (Balakən) 9 xalla ikinci, onunla eyni xal toplayan Cavad Xəlilzadə (Bakı) isə üçüncü olub.Suat İbrahimli, Yusif Babayev, Əsnad Baxşızadə və Mikayıl Şirinov 9 xalla əlavə göstəricilə görə 4-7-ci yerləri bölüşdürüblər.Eyni zamanda komanda hesabında A qrupunda birinci yeri Sumqayıt komandası tutub. 3 nömrəli UGİŞM ikinci, Gəncə komandası isə üçüncü olublar. B qrupunda isə RŞM yarışı birinci, 4 nömrəli UGİŞM ikinci, Vüqar Həşimov komandası isə üçüncü pillədə başa vurublar.Qeyd edək ki, Olimpiadada ölkənin bütün şəhər və rayonlarının, eləcə də şahmat məktəbləri, klubları və idman cəmiyyətlərinin 16 yaşadək oğlan və qız şahmatçıları iştirak ediblər. Ümumilikdə turnirdə 503 yeniyetmə mübarizə aparıb. İsveçrə sistemi üzrə 11 turdan ibarət yarış şəxsi-komanda xarakteri daşıyıb.xeber100.com

Azərbaycan Boks Federasiyasının məlumatına görə…

Qazaxıstanın Aktau şəhərində keçiriləcək kişi boksçular arasında beynəlxalq turnirin püşkü atılıb.Azərbaycan Boks Federasiyasının mətbuat xidmətindən bildiriblər ki, bu gün start götürəcək yarışda Azərbaycan millisinin üzvlərinin də ilk rəqibləri bəlli olub. Komandamızın heyətində yarışın ilk günündə rinqə 4 boksçumuz – Maksud Xasmetov, Əzrək Bəbirov, Niyaməddin Allahverdiyev və Eldar Quliyev çıxacaqlar. Səkkizdəbir finaldan yarışa start verəcək Maksud Xasmetov (57 kq) Sukzet Saravut (Tailand), Əzrək Bəbirov (57 kq) Oybek Jurayev (Özbəkistan), Niyaməddin Allahverdiyev (71 kq) Marqulan Aydaruli (Qazaxıstan) ilə qarşılaşacaqlar. Dörddəbir finalda isə Eldar Quliyev (86 kq) Ontalap Rəhmanov (Qazaxıstan) ilə döyüşəcək.Avqustun 31-də səkkizdəbir finalda Fuad Tarverdi (60 kq) Nurbolat Bekbayjov (Qazaxıstan), Ruslan Rüstəmov (63,5) Pidnuç Xunatip (Tailand), Cəlal Qurbanov (63,5 kq) Miras Kanabek (Qazaxıstan), Fərid Qəribov (80 kq) Loqin Petrov (Özbəkistan) ilə üz-üzə gələcək. Dörddəbir finalda isə Həsən Məlikov (48 kq) Yernar Karap (Qazaxıstan), Ruslan Qədirov (54 kq) Samat Jetibayev (Qazaxıstan)-Yerxan Abbas (Qazaxıstan) cütünün qalibi, Rauf Rəhimov (92 kq) isə Adilet Dosimbekov (Qazaxıstan) ilə görüşəcəklər.Sentyabrın 1-də dörddəbir final çərçivəsində Rüfət Hüseynov (51 kq) Foziljon Abdumuradov (Özbəkistan), Mirşərif Kazımzadə (75 kq) İliyar Aşirov (Qazaxıstan), Rasim Çobanlı (75 kq) Dias Moljiqitov (Qazaxıstan) ilə üz-üzə gələcəklər.Turnirdə Azərbaycan, Qazaxıstan, Özbəkistan, Tailand, Monqolustan, Tacikistan və Qırğızıstandan 130 boksçu gücünü sınayacaq. Yarışın qaliblərinin adları sentyabrın 3-də bəlli olacaq.xeber100.com

Beynəlxalq Futbol Tarixi və Statistikaları Federasiyasının açıqlaması

Beynəlxalq Futbol Tarixi və Statistikaları Federasiyası (IFFHS) XXI əsrin ilk 10 illiyində ən çox qol vuran müdafiəçilərin siyahısını açıqlayıb.IFFHS xəbər verir ki, siyahıya Yaponiya millisinin sabiq üzvü Markus Tanaka başçılıq edir. O, 2001-ci il yanvarın 1-dən 2010-cu il dekabrın 31-dək 58 qol vurub. İlk üçlükdə Daniel van Bayten (Belçika, 57 qol) və Con Arne Rays (Norveç, 55 qol) yer alıblar.xeber100.com

“Milan” futbol klubu heyətini yeni futbolçu ilə gücləndirib

İtaliyanın “Milan” klubu heyətini yeni futbolçu ilə gücləndirib.A Seriyası təmsilçisi Almaniyanın “Şalke” klubunun müdafiəçisi Malik Tiavı transfer edib. Bu barədə sözügedən klublar rəsmi saytları vasitəsilə məlumat yayıblar.İyirmi bir yaşlı futbolçu ilə beşillik müqavilə imzalanıb. Transferin digər detalları açıqlanmır.Malik Tiav “Şalke”nin yetirməsidir. O, 2020-ci ildən bu klubun əsas komandasında forma geyinirdi. Almaniyalı futbolçu bu komandada 61 oyuna çıxıb, 3 qol vurub. Mərkəz müdafiəçisi Almaniyanın U-21 yığmasında da forma geyinir.xeber100.com

Futbol üzrə Misli Premyer Liqasının IV turuna yekun vurulub

Futbol üzrə Misli Premyer Liqasının IV turuna yekun vurulub.Turun son matçında "Qəbələ" "Sabah"ı qəbul edib. Qəbələ şəhər stadionunda keçirilən qarşılaşma qonaqların 2:0 hesablı qələbəsi ilə başa çatıb.Matçda qolları Davit Volkov və (48) və Coy Lens Mikels (64) vurublar.Bu nəticədən sonra xallarını 12-yə çatdıran "Sabah" vahid lider olub. "Qəbələ" isə 9 xalla 3-cü pillədə qərarlaşıb.Qeyd edək ki, turun ilk 3 oyununda "Neftçi" "Zirə"ni 2:1, "Səbail" "Kəpəz"i 4:1, "Qarabağ" "Şamaxı"nı 4:0 hesabı ilə məğlub edib. "Sumqayıt" - "Turan Tovuz" matçı isə qolsuz heç-heçə ilə yekunlaşıb.xeber100.com

Futbol üzrə Türkiyə Super Liqasının IV turu çərçivəsində

Futbol üzrə Türkiyə Super Liqasının IV turu çərçivəsində “Trabzonspor” və “Qalatasaray” komandaları üz-üzə gəlib.Qarşılıqlı hücumlar şəraitində keçən görüşdə qapılara qol vurulmayıb.Bu nəticədən sonra “Trabzonspor” və “Qalatasaray” klubları 7 xalla 6-7-ci yerləri bölüşürlər.xeber100.com

“Kəpəz” futbol klubu tarixinin ən uğursuz startına imza atıb

Gəncənin “Kəpəz” futbol klubu tarixinin ən uğursuz startına imza atıb.Peşəkar Futbol Liqası xəbər verir ki, Gəncə təmsilçisi Azərbaycan Premyer Liqasının ilk 4 turunda xal toplamayıb.Gəncə təmsilçisi 2012/2013-cü il mövsümündə də startda ardıcıl 4 məğlubiyyət alıb. Lakin həmin vaxt top fərqi indiki ilə müqayisədə daha yaxşı olub.On il əvvəl startda 2 qol vuran və 11-ni buraxan “Kəpəz”də fərq “-9”a bərabər olub. Bu dəfə komandanın aktivində 4 qol varsa, rəqiblər 14 dəfə fərqlənib. Yəni fərq “-10”dur.xeber100.com

“Türkiye İş Bankası Satranç Süper Ligi” komanda turniri keçirilib

Şahmat üzrə "Türkiye İş Bankası Satranç Süper Ligi" komanda turniri keçirilib.Türkiyə Superliqasında iştirak edən Azərbaycan şahmatçısı Aydın Süleymanlının şərəfini qoruduğu "Bayegan Pendik Satranç Spor Klubu" sonda 19 xalla liqanı üçüncü pillədə başa vurub.Türkiyə çempionu adını isə "Göktürk SSK" kollektivi qazanıb. Onlarla eyni xal toplayan və yalnız əlavə göstəricilərə görə ikinci olan "Türk Hava Yolları SK" klubu gümüş medalların sahibi olub.Türkiyə Superliqasında Aydın Süleymanlıdan başqa daha dörd şahmatçımız mübarizə aparıb. Onlardan xanım təmsilçimiz Xəyalə Abdulla və kişilərdən ibarət yığmamızın üzvü Nicat Abbasovun şərəfini qoruduğu "Darruşafaka SK" klubu 6 xalla 11-ci, qrossmeysterimiz Zaur Məmmədovun çıxış etdiyi "Rota Koleji SK" komandası 10-cu, Abdulla Qədimbəylinin mübarizə apardığı "Gökay Vakfı SK" klubu isə 3 xalla sonuncu - 13-cü olub.xeber100.com

Azərbaycan və İsrail yığmaları Avropa birinciliyinə birgə hazırlaşırlar

Yeniyetmə boksçulardan ibarət İsrail millisi Azərbaycanda səfərdədir. Qonaqlar Bakı Boks Mərkəzində Avropa birinciliyinə hazırlaşan yığma komandamızla birgə məşq edirlər.Azərbaycan Boks Federasiyasının mətbuat xidmətindənbildiriblər ki, doqquz idmançıdan ibarət heyətlə ölkəmizə gələn israillilər təlim-məşq toplanışı çərçivəsində millimizin üzvləri ilə sınaq döyüşlərində də güclərini yoxlayırlar. Komandalar 10 gün birgə hazırlıq keçəcəklər.İsrail yığmasının böyük məşqçisi Valeri İlyayev ölkəmizdə onlara göstərilən qonaqpərvərlikdən razı qaldığını vurğulayıb. Azərbaycanda doğulan təcrübəli mütəxəssisin sözlərinə görə, Bakıya səfər və buradakı yoldaşlıq döyüşləri komandasında yer alan yeniyetmə boksçulara təcrübə baxımından çox faydalı olacaq: “Azərbaycan yığması dünyanın ən yaxşılarındandır. Biz burada hər şeydən razıyıq və hazırlıq keçmək üçün şərait ən yüksək səviyyədədir. Komandamızı Azərbaycana dəvət etdiyi üçün federasiyaya dərin təşəkkürümü bildirirəm. Həmçinin millinizin məşqçilər korpusu bizimlə birgə təcrübəsini bölüşdüyü üçün onlara da minnətdaram. Bu hazırlıq Avropa birinciliyində uğurlu çıxışa hesablanıb. İnanıram ki, iki ölkənin birgə təlim-məşq toplanışı qarşıdakı yarışda hər bir boksçu üçün çox faydalı olacaq”.Azərbaycan yığmasının baş məşqçisi Vaqif Kazımov da birgə hazırlığın gələcək uğurlar üçün faydalı olacağını vurğulayıb. O qeyd edib ki, məhz belə toplanışlarda boksçuların güclü və zəif cəhətləri daha çox nəzərə çarpır, onlar üzərində xüsusi işlənilir.Qeyd edək ki, Avropa birinciliyi sentyabrın 25-dən oktyabrın 5-dək Montesilvano şəhərində keçiriləcək.xeber100.com