“Sabah” futbol klubu daha bir basketbolçunun transferini rəsmiləşdirib

FİBA Avropa Kubokunun təsnifat mərhələsinə hazırlıqlarını davam etdirən “Sabah” daha bir basketbolçunun transferini rəsmiləşdirib. Klubdan verilən məlumata görə, ABŞ-dan olan basketbolçu Entoni Uilsonla 1 illik müqavilə imzalanıb. Qeyd edək ki, 204 sm boya malik Uilson NCAA-də (kollec liqası) iştirak edən “George Mayson Patriots” klubunun tarixinə bütün dövrlər üzrə ən çox blok (212) edən oyunçu kimi düşüb. 25 yaşlı basketbolçu son mövsümü Afrika Liqasında iştirak edən Nigeriyanın “Kvara Falkons” klubunda keçirib.xeber100.com

PSJ klubu “Ayntraxt”ın hücumçusunun transferini başa çatdırmaq istəyir

PSJ yaxın günlərdə "Ayntraxt"ın hücumçusu Randal Kolo-Mouaninin transferini başa çatdırmaq istəyir. Tərəflər transferi çərşənbə axşamına qədər təşkil etməyi planlaşdırır. PSJ bonuslar istisna olmaqla, 80 milyon avrodan az məbləğdə razılığa gəlməyə ümid edir. “Ayntraxt” 24 yaşlı fransalı üçün parislilərdən 100 milyon avro tələb edir və dəyəri azaltmağı planlaşdırmır. Kolo-Muani ötən yaydan “Ayntraxt”da çıxış edir. Bu mövsüm, o, komandanın heyətində Bundesliqa və Almaniya kubokunda iki matçda iki qol vurub.xeber100.com

İngiltərə Premyer Liqasının 3-cü turu çərçivəsində

İngiltərə Premyer Liqasının 3-cü turu çərçivəsində “Liverpul” “Nyukasl” üzərində 2:1 hesabı ilə qələbə qazanıb. Oyunun nəticələrinə əsasən, “Liverpul” 7 xal toplayıb və İngiltərə çempionatının turnir cədvəlində 4-cü yerdə qərarlaşıb, “Nyukasl” isə 3 xalla 13-cü yeri tutub.xeber100.com

Şahmat üzrə Dünya Kubokunun bağlanış mərasimi keçirilib

Bakıda Şahmat üzrə Dünya Kubokunun bağlanış və mükafatlandırma mərasimi keçirilib. Tədbirdə gənclər və idman naziri Fərid Qayıbov, Beynəlxalq Şahmat Federasiyasının (FIDE) prezidenti Arkadi Dvorkoviç, Azərbaycan Şahmat Federasiyasının (AŞF) prezidenti Mahir Məmmədov, Azərbaycan Respublikasının müdafiə sənayesi naziri, Azərbaycan Velosiped Federasiyasının prezidenti Mədət Quliyev, şahmatçılar və digər qonaqlar iştirak ediblər. Tədbirdə çıxış edən Mahir Məmmədov Bakıda keçirilən Dünya Kubokunun unudulmaz mübarizə ilə yadda qaldığını bildirib. Yarışa böyük tamaşaçı marağının olduğunu deyən federasiya prezidenti Nicat Abasovun uğurlu çıxışını xüsusi vurğulayıb. Mahir Məmmədov Arkadi Dvorkoviç və komandasına, Gənclər və İdman Nazirliyinə, eləcə də azarkeşlərə təşəkkür edib. O qeyd edib ki, şahmatın inkişafı üçün gələcəkdə də bu təşkilatlarla əməkdaşlıq davam etdiriləcək. FIDE-nin vitse-prezidenti Dünya Kubokunun qalibi Maqnus Karlseni tarixi qələbə münasibətilə təbrik edib. O, İddiaçılar Turnirində çıxış edəcək şahmatçılara uğurlar arzulayıb. Ardınca qaliblərə mükafatlar təqdim olunub. ABŞ təmsilçisi Fabiano Karuanaya bürünc, hindistanlı Rameşbabu Praqqnanandxa gümüş, norveçli Maqnus Karlsenə isə qızıl medal və Dünya Kuboku verilib. Mükafatları Mədət Quliyev, Mahir Məmmədov, Arkadi Dvorkoviç və Fərid Qayıbov təqdim ediblər. Dördüncü yeri tutan Nicat Abasov isə xüsusi mükafata layiq görülüb.xeber100.com  

Cüdo üzrə yeniyetmələr arasında dünya çempionatı davam edir

Xorvatiyanın paytaxtı Zaqrebdə cüdo üzrə yeniyetmələr arasında dünya çempionatı davam edir. Yarışın üçüncü günündə qızlar və oğlanlar arasında iki çəki dərəcəsində iki cüdoçumuz tatamiyə çıxacaq. Qızlar arasında 63 kiloqramda Kamilla Toholiyeva, oğlanlar arasında isə 73 kiloqramda Süleyman Şükürov güclərini sınayacaqlar. İlk görüşlər Bakı vaxtı ilə saat 11:00-da başlayacaq. Qeyd edək ki, daha əvvəl cüdoçularımızdan Nihad Məmişov (50 kiloqram) və Xədicə Qədəşova (52 kiloqram) qızıl, Məhəmməd Məmişov (50 kiloqram), Məhəmməd Musayev (60 kiloqram) və Əbil Yusubov (66 kiloqram) gümüş, Mirxaliq İskəndərov (55 kiloqram) isə bürünc medal qazanıb.xeber100.xom

“Qarabağ” klubu UEFA Avropa Liqasının pley-off mərhələsində

“Qarabağ” UEFA Avropa Liqasının pley-off mərhələsində ilk oyununu keçirib. Azərbaycan təmsilçisi Sloveniya klubu “Olimpiya”nın qonağı olub. “Stojitse” stadionunda baş tutan qarşılaşmada Ağdam təmsilçisinin futbolçuları birinci hissədə rəqibi iki dəfə mərkəzə dəvət ediblər. 32-ci dəqiqədə Kevin Medina, 44-cü dəqiqədə isə Leandro Andrade fərqləniblər. Komandaların ikinci hissədəki cəhdləri bir nəticə verməyib. Beləliklə, “Qarabağ” 2:0 hesablı səfər qələbəsi qazanaraq, qrup mərhələsinə vəsiqə yolunda önəmli üstünlük əldə edib. Qeyd edək ki, komandalar arasında növbəti qarşılaşma avqustun 31-də Bakıda baş tutacaq.xeber100.com

Futbol üzrə Azərbaycan Premyer Liqasında IV tura start veriləcək

Bu gün futbol üzrə Azərbaycan Premyer Liqasında IV tura start veriləcək. İlk oyun günündə bir qarşılaşma keçiriləcək. Altı xalla turnir cədvəlinin ikinci pilləsində qərarlaşan “Sumqayıt” klubu üç xalla 6-cı sırada yer alan “Araz Naxçıvan”ın qonağı olacaq. “Dalğa Arena”da oynanılacaq görüş saat 20:00-da başlayacaq. Qeyd edək ki, turun digər oyunları 26-27 avqustda keçiriləcək.xeber100.com

Şahmat üzrə Dünya Kubokuna bu gün yekun vurulacaq

Bakıda keçirilən şahmat üzrə Dünya Kubokuna bu gün yekun vurulacaq. Çempionluq və üçüncü yer uğrunda mübarizə aparan şahmatçılar medalların taleyinə tay-brekdə aydınlıq gətirəcəklər. Finalda norveçli Maqnus Karlsenlə hindistanlı Rameşbaba Praqnanandxa münasibətlərinə aydınlıq gətirəcəklər. Onların əvvəlki iki duelində heç-heçə qeydə alınıb. Azərbaycan şahmatçısı Nicat Abasov isə bürünc medal uğrunda mübarizədə ABŞ təmsilçisi Fabiano Karuanayla qarşılaşacaq. Abasov ilk görüşdə Karuanaya qalib gəlsə də, ikinci oyunda rəqibinə uduzub.xeber100.com

UEFA Çempionlar Liqasında bu gün növbəti oyun keçiriləcək

“Araz-Naxçıvan” komandası futzal üzrə UEFA Çempionlar Liqasında bu gün növbəti oyununu keçirəcək. Azərbaycan çempionu A qrupundakı ikinci matçında Almaniya təmsilçisi “Yan Regensburq”la qarşılaşacaq. “Salaspils İdman Arenası”nda oynanılacaq görüş Bakı vaxtı ilə saat 15:00-da start götürəcək. Qrupun digər matçında Türkiyənin “İstanbul Şişli” klubu Latviya “Riqa”sı ilə üz-üzə gələcək. UEFA Çempionlar Liqası A qrupu 24 avqust 15:00. “Yan Regensburq” (Almaniya) – “Araz-Naxçıvan” (AZƏRBAYCAN) Hakimlər: Drazen Vukçeviç (Monteneqro), Martina Pikkola (İtaliya), Arttu Kyinaeraeinen (Finlandiya) Timekeeper: Kiazo Leladze (Latviya) Hakim-inspektor: Vyaçeslav Darahan (Ukrayna) UEFA nümayəndəsi: Massimo Nanni (San Marino) Qeyd edək ki, “Araz-Naxçıvan” qrupdakı ilk oyununda “İstanbul Şişli” komandasına 9:1 hesabı ilə qalib gəlib.xeber100.com

Güləş üzrə dünya çempionatı üçün ilkin heyət açıqlanıb

Yunan-Roma və qadın güləşi üzrə Azərbaycan yığmalarının bu il 16-24 sentyabr tarixlərində Serbiyanın paytaxtı Belqradda keçiriləcək dünya çempionatı üçün ilkin heyəti açıqlanıb. Dünya Güləş Birliyinin rəsmi saytı xəbər verir ki, ölkəmiz nüfuzlu yarışda iki növ üzrə ümumilikdə 16 idmançı ilə təmsil olunacaq. Kişilərin mübarizəsində Eldəniz Əzizli (55 kiloqram), Nihad Məmmədli (60 kiloqram), Murad Məmmədov (63 kiloqram), Həsrət Cəfərov (67 kiloqram), Ülvü Qənizadə (72 kiloqram), Sənan Süleymanov (77 kiloqram), Rafiq Hüseynov (82 kiloqram), İslam Abbasov (87 kiloqram), Arif Niftullayev (97 kiloqram) və Beka Kandelaki (130 kiloqram) qüvvəsini sınayacaq. Qadınların yarışında isə Mariya Stadnik (50 kiloqram), Elnurə Məmmədova (53 kiloqram), Jalə Əliyeva (57 kiloqram), Alyona Kolesnik (59 kiloqram), Elis Manolova (62 kiloqram) və Birgül Soltanova (65 kiloqram) mübarizə aparacaq. Qeyd edək ki, Paris-2024 Yay Olimpiya Oyunlarına lisenziya xarakteri daşıyan dünya çempionatında iştirak edəcək sərbəst güləşçilərin heyəti hələlik açıqlanmayıb.xeber100.com