Nyu-Yorkun NYMEX birjasında neftin qiyməti…

Dünya birjalarında neftin qiyməti bahalaşıb.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 1,74 dollar artaraq 73,71 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 1,50 dollar bahalaşaraq 65,50 dollar təşkil edib.xeber100.com

Avtomobil Yolları Dövlət Agentliyinin məlumatı

Avtonəqliyyat vasitələrinin təhlükəsiz hərəkətinin tənzimlənməsi məqsədilə Bakı şəhəri, Binəqədi rayonu, Biləcəri qəsəbəsi, Natəvan küçəsində üfüqi nişanlanma xətlərinin çəkilişi işləri aparılacaq.Azərbaycan Avtomobil Yolları Dövlət Agentliyinin ictimaiyyətlə əlaqələr şöbəsindən Azərtac-a bildirilib ki, sürücülərdən sözügedən yolda hərəkətdə olarkən diqqətli olmaları, müvəqqəti yol nişanlarına və yol hərəkəti qaydalarına əməl etmələri xahiş olunur.xeber100.com

Banklar gücləndirilmiş iş rejiminə keçib

Banklar problemli kreditlərlə bağlı gücləndirilmiş iş rejiminə keçib.Milli.az bildirir ki, problemli kreditlərlə bağlı Prezidentin fərmanının icrası ilə bağlı son hazrlıq prosesləri gedir.Maliyyə Bazarlarına Nəzarət Palatası tərəfindən qəbul edilən qaydalara əsasən banklar bütün müştərilərə SMS göndərib, kompensasiyanın məbləği, hansı bankdan və hansı formada alacağı barədə məlumat verməlidirlər. 500 manatadək nağd, 500 manatdan yuxarı məbləğdə vəsait isə kart vasitəsilə veriləcək. Banklarda müştərilərlə əlaqə yaradılmasında problemlərin yaşandığı da bildirilir. Qeyd edək ki, Prezident İlham Əliyev fevralın 28-də "Azərbaycan Respublikasında fiziki şəxslərin problemli kreditlərinin həlli ilə bağlı əlavə tədbirlər haqqında" Fərman imzalayıb. Fərmana əsasən, fiziki şəxslərin banklara 10 min ABŞ dollarınadək xarici valyutada olan əsas kredit borclarının devalvasiya ilə bağlı manatla artmış hissəsi qeyd olunan qaydada qiymətləndirilməklə, bu Fərman qüvvəyə mindiyi günə Mərkəzi Bankının elan etdiyi məzənnəyə uyğun olaraq, dövlət büdcəsinin vəsaiti hesabına üç aydan gec olmayaraq manatla ödəniləcək.xeber100.com

“Pensiya təminatı sahəsində müqavilə” layihəsi hazırlanır

“Azərbaycan Respublikası və Rusiya Federasiyası arasında pensiya təminatı sahəsində Müqavilə” layihəsinin hazırlanması işləri davam edir. Əmək və Əhalinin Sosial Müdafiəsi Nazirliyinin İctimaiyyətlə əlaqələr və kommunikasiya şöbsindən Trend-ə verlən məlumata görə, məqsəd Rusiyada əmək miqrantları kimi fəaliyyət göstərən Azəbaycan vətəndaşlarının gələcəkdə pensiya və sosial sığortalanma üzrə hüquqlarının təmin olunması üçün hüquqi əsasların yaradılmasıdır.Layihənin hazırlanması ilə əlaqədar Moskva şəhərində Əmək və Əhalinin Sosial Müdafiəsi Nazirliyinin nümayəndələri ilə Rusiya Federasiyası Əmək və Sosial Müdafiə Nazirliyinin əməkdaşları arasında ikinci ekspert görüşü keçirilib.Görüşdə sözügedən sənədin əhatə dairəsi, tərəflərin ərazisində çalışan vətəndaşlara münasibətdə tətbiq olunacaq sosial sığorta rejimi müzakirə olunub. Eyni zamanda, bu əsasda həmin vətəndaşların pensiya məbləğinin ilkin və təkrar hesablanması, ödənilməsi, çatdırılması qaydaları və mexanizmləri, bununla bağlı bir sıra digər məsələlərlə bağlı müzakirələr aparılıb.xeber100.com

“Rabitabank Bot” daha bir xidmət tətbiqini reallaşdırıb

Ölkənin ilk chatbot-u olan “Rabitabank Bot” daha bir xidmət tətbiqini reallaşdırıb.“Rabitabank Bot”un yeni imkanı vasitəsilə artıq dostunuza pul göndərmək daha rahat olub. Belə ki, siz “Telegram”da dostunuzla yazışma pəncərəsini tərk etmədən, elə həmin pəncərədə istədiyiniz məbləğdə pulu “Rabitabank Bot”un xidmətini aktivləşdirərək göndərə bilərsiniz.Həmçinin “Rabitabank Bot” kommunal və mobil operatorlar ödənişləri, pul göndərmə, pul istəmə, hesabı bölmə (split bill), plastik kart sifarişi, kredit sifarişi, kredit ödəmə kimi əməliyyatları müştərilərinə təqdim edir.xeber100.com

Gürcüstan bu ilin birinci rübündə təbii qaz idxalını artırıb

Gürcüstan bu ilin birinci rübündə Azərbaycandan təbii qaz idxalını artırıb.Azərtac xəbər verir ki, bu barədə məlumat qonşu ölkənin Milli Statistika İdarəsinin ilkin rüblük hesabatında yer alıb. Bildirilir ki, 2019-cu ilin yanvar-mart aylarında Gürcüstan Azərbaycandan 123 403,5 min ABŞ dolları həcmində 718 min 171 kubmetr təbii qaz idxal edib.Son bir ildə Azərbaycandan Gürcüstana ixrac olunmuş təbii qazın həcmi 78 min 414 kubmetr və ya 12,2 faiz artıb. Təbii qazın qiymətində isə 10 782,5 min dollar və yaxud da 9,5 faiz artım qeydə alınıb.xeber100.com

Neftin qiyməti müxtəlif istiqamətlərdə dəyişib

Dünya birjalarında neftin qiyməti müxtəlif istiqamətlərdə dəyişib.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,01 dollar ucuzlaşaraq 71,61 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,05 dollar artaraq 63,81 dollar təşkil edib.xeber100.com

Dövlət Gömrük Komitəsinin məlumatı əsasında…

Bu ilin üç ayında Azərbaycandan 25 min 947 ton pambıq lifi və 2 min 689 ton pambıq ipliyi ixrac olunub.Azərtac xəbər verir ki, bu barədə Dövlət Gömrük Komitəsi (DGK) məlumat yayıb.Yanvar-mart aylarında ixrac edilən pambıq lifinin dəyəri 37 milyon 523 min, pambıq ipliyinin dəyəri isə 6 milyon 446 ABŞ dolları olub.Ötən ilin eyni dövründə ölkədən 13 milyon 544 min dollarlıq 8 min 677 ton pambıq lifi, 4 milyon 812 min dollarlıq 1975 ton pambıq ipliyi ixrac edilib.xeber100.com

“Türk Hava Yolları” aviaşirkəti yeni reys açıb

Dünyada ən çox istiqamət üzrə uçuşlar həyata keçirən “Türk Hava Yolları” aviaşirkəti bu ilin aprel ayının 11-dən etibarən İstanbul-Şarja-İstanbul marşrutu üzrə yeni reys açıb. Bu, Birləşmiş Ərəb Əmirliklərinə təşkil edilən üçüncü uçuş istiqaməti, həmçinin, milli bayraq daşıyıcısının geniş uçuşlar şəbəkəsinə daxil olan 307-ci təyinat nöqtəsidir.“Türk Hava Yolları”nın marketinq direktoru Ahmet Olmuştur bildirib: "İstanbul hava limanı ilə türk aviasiyası və turizmi üçün yeni bir dövr başladı. Yeni bazaya köçməyimiz uçuş şəbəkəmizin daha da genişlənməsinə imkan yaradacaq. “Türk Hava Yolları” olaraq Əbu-Dabi və Dubaydan sonra BƏƏ-də üçüncü təyinat nöqtəsi kimi Şarja şəhərinə uçuşlar təşkil etməkdən məmnunuq”.Qeyd edək ki, İstanbul-Şarja-İstanbul istiqamətində uçuşlar aprel ayının 11-dən etibarən həftəsonları da daxil hər gün yerinə yetirilir.1998-ci ildə ərəb dünyasının mədəni paytaxtı elan edilmiş Şarja Birləşmiş Ərəb Əmirliklərinin ölçü və əhalisinə görə üçüncü əmirliyidir. Şəhər öz müasirliyi, eyni zamanda qədim və zəngin tarixi ilə səyahətsevərlərin diqqətini özünə cəlb etməyi bacarıb.xeber100.com

Bank VTB kredit üzrə yeni aksiyaya start verib

Bank VTB (Azərbaycan) yeni "Start" aksiyasına başlayıb. Aksiya çərçivəsində müştərilər nağd pul kreditini 9%-lə əldə edə biləcək. Təklif 15 iyul 2019-cu il tarixinədək qüvvədədir. Promomüddət başa çatdıqdan sonra illik faiz dərəcəsi 24% təşkil edəcək.Təklif olunan kreditin məbləği 10 000 manat, müddəti 6 aydan 3 ilə qədərdir. Kredit əldə etmək üçün VTB (Azərbaycan)-ın istənilən filialına müraciət etmək və ya +99455 2140986 nömrəli WhatsApp, eləcə də bankın saytı vasitəsi ilə sifariş etmək mümkündür."Bu təklif Azərbaycanın bank sektoru üçün unikaldır - adətən müştərilərə vahid faiz dərəcəsi ilə kredit təklif olunur. "Start" aksiyası çərçivəsində isə biz müştərilərə xərclərini əhəmiyyətli dərəcədə azaltmaq imkanı veririk. Aşağı faizlə ödəniş müddətinin sayı kredit üçün müraciət vaxtından asılıdır. Kredit nə qədər tez alınarsa 9%-lik ödəniş müddəti bir o qədər çox olar" - deyə bank VTB (Azərbaycan)-ın satış, şəbəkənin inkişafı və müştərilərə xidmət idarəsinin rəisi Pərviz Rəsulov bildirib.xeber100.com