Mərkəzi Bank depozit hərracının nəticələrini açıqlayıb

Azərbaycan Mərkəzi Bankı (AMB) vəsaitlərin cəlb edilməsi üzrə depozit hərracının nəticələrini açıqlayıb.AMB-dən Azərtac-a bildirilib ki, martın 11-də Mərkəzi Bank tərəfindən vəsaitlərin cəlb edilməsi üzrə keçirilmiş növbəti depozit hərracında tələb 909 milyon 800 min manat, hərracın nəticəsində bağlanılmış depozit əqdləri üzrə orta ölçülmüş faiz dərəcəsi isə 7,26 faiz təşkil edib.xeber100.com

“Brent Dated” etalon növlü neftin qiyməti azalıb

CIF bazisi üzrə İtaliyanın Augusta limanı şərtləri ilə Azərbaycanın yüngül neftinin qiyməti martın 6-da 66,98 dollar/barel təşkil edib ki, bu da çərşənbə axşamına olan göstəricidən 0,18 dollar/barel azdır.Bu barədə Trend-ə ölkənin neft-qaz bazarındakı mənbə bildirib.FOB bazisi üzrə Türkiyənin Ceyhan limanında Azərbaycanın yüngül neftinin son qiyməti 66,16 dollar/barel təşkil edib ki, bu da əvvəlki qiymətdən 0,15 dollar/barel azdır.Novorossiysk limanından yüklənən URALS neftinin son qiyməti 62,58 dollar/barel təşkil edib ki, Trend-ə görə, bu, əvvəlki qiymətdən 0,13 dollar/barel azdır.Şimal dənizindən hasil edilən "Brent Dated" etalon növlü neftin son qiyməti 64,27 dollar/barel təşkil edib, bu da əvvəlki qiymətdən 0,13 dollar/barel azdır.xeber100.com

“Hindistanın ən yaxşıları” adlı sərgi öz işinə başlayıb

Bakı İdman Sarayında Hindistanın PHD Ticarət və Sənaye Palatası (PHDCCI) Hindistanın Bakıdakı səfirliyinin dəstəyi ilə "Hindistanın ən yaxşıları" - ən böyük eksklüziv Hindistan Məhsulları Ticarət Tədbiri"nin ikinci buraxılışı təşkil edilib.Trend-in məlumatına görə, sərgi Hindistanın PHD Ticarət və Sənaye Palatası tərəfindən Hindistan səfirliyinin dəstəyi ilə təşkil olunur.Xarici ölkələrdə keçirilən sərgilər Hindistan sənayesinin yüksək keyfiyyətli məhsullarını, müxtəlif sənaye sahələrinə aid xidmətlər və texnologiyaları davamlı şəkildə dünyaya təqdim edir.xeber100.com

Dövlət Neft Fondunun iştirakı ilə valyuta hərracı keçirilib

Martın 7-də Mərkəzi Bankda Dövlət Neft Fondunun da iştirakı ilə valyuta hərracı keçirilib.Bankdan Azərtac-a verilən məlumata görə, hərracda manatın ortaçəkili məzənnəsi 1,7000 səviyyəsində formalaşıb.xeber100.com

Mərkəzi Bank manatın məzənnəsini açıqlayıb

Martın 7-nə manatın məzənnəsi açıqlanıb.Mərkəzi Bankdan Trend-ə verilən məlumata görə, 07.03.2019-cu il tarixindən etibarən rəsmi məzənnə 1 ABŞ dollarına nisbətdə 1,7000 manat səviyyəsində müəyyən olunub.Qeyd edək ki, 2019-cu il martın 6-da da USD/AZN rəsmi məzənnəsi 1,7000 manat təşkil edib.xeber100.com

PAŞA Bank ilk dəfə olaraq kredit vəsaiti ayırıb

Ölkənin aparıcı korporativ bankı PAŞA Bank tərəfindən ilk dəfə olaraq öz müştərisinə Azərbaycan Respublikasının İpoteka və Kredit Zəmanət Fondunun tələblərinə uyğun kredit vəsaiti ayrılıb. Fondun şərtlərinə əsasən, qeyd edilmiş kredit üzrə faizlərin müəyyən hissəsi Fond tərəfindən ayrılan subsidiya hesabına ödəniləcək.PAŞA Bankın Kommersiya bankçılığı departamentinin direktoru Heydər Süleymanovun qeyd etdiyi kimi, Azərbaycan iqtisadiyyatının əsas sektorlarında həyata keçirilən islahatlar nəticəsində ölkədə biznes mühiti ilbəil yaxşılaşdırılır və biznesin inkişafı üçün şərtlər asanlaşdırılır:“İpoteka və Kredit Zəmanət fondunun müvəkkil bankı olaraq, PAŞA Bank sahibkarlara manatla ayrılan kreditlər üzrə hesablanmış faiz dərəcəsinin müəyyən hissəsi həcmində subsidiyadan yararlanmaq fürsəti yaradır. Beləliklə, ilk dəfə olaraq ticarət və xidmət sektorunda fəaliyyət göstərən PAŞA Bank müştərisi Fondun əlverişli şərtləri ilə ayrılmış vəsait hesabına biznesini daha da genişləndirmək imkanına malik olacaq”.xeber100.com

İtaliya mətuatı “SOCAR Polymer”dən bəhs edir…

İtaliyanın “polimerica.it” xəbər saytında “Bu günlərdə Sumqayıt Kimya Sənaye Parkı ərazisində “SOCAR Polymer”in ildə 184 min ton polipropilen və 120 min ton yüksək sıxlıqlı polietilen (YSPE) istehsal edəcək zavodu istismara verilib” sərlövhəli məqalə dərc edilib.Azərtac xəbər verir ki, məqalədə sənaye kompleksinin fəaliyyətə başlaması, daxili bazarın tələbatının tam təmin olunması və məhsulun 75 faizi xarici bazarlara ixrac ediləcəyindən danışılır.Yazıda kompleksin istehsalat gücünə çatması ilə ölkənin qeyri-neft sektorunun ixrac gəlirləri 15 faiz, ümumi daxili məhsulun həcmi isə 14 faiz artacağı bildirilir. Qeyd edilir ki, zavodların istismar dövründə 6,6 milyard dollar həcmində gəlir gətirəcəyi gözlənilir ki, bunun da 30 faizini şirkətin xalis mənfəəti təşkil edəcək.Diqqətə çatdırılır ki, “SOCAR Polymer” Azərbaycanın neft-kimya sənayesində dövlət-özəl sektor tərəfdaşlığı əsasında 2013-cü ildə yaradılmış ilk şirkətdir.Qeyd edilir ki, şirkətin səhmlərinin 52 faizi dövlət neft şirkətinə məxsusdur. Digər səhmdarlar isə “Vitol” (19 faiz), “Paşa Holding” (9,9 faiz), “Ecoland” (9,8 faiz), “Polimer Investments” (5 faiz) və “AKKIK” (4,1 faiz) şirkətləridir.xeber100.com

Avtomobil Yolları Dövlət Agentliyinin məlumatı

Aparılan təmir-bərpa işləri ilə əlaqədar olaraq Bibiheybət məscidindən şəhər istiqamətinə yeni yolla hərəkət müvəqqəti məhdudlaşdırılıb.Azərbaycan Avtomobil Yolları Dövlət Agentliyinin ictimaiyyətlə əlaqələr şöbəsindən Azərtac-a bildirilib ki, avtonəqliyyat vasitələrinin hərəkəti köhnə yol ilə, 20-ci sahə adlanan ərazidən keçməklə şəhər istiqamətinə doğru təmin edilib. Məhdudlaşma təmir-bərpa işləri aparılan müddətdə qüvvədə olacaq.Sürücülərdən aparılan işlərə anlayışla yanaşmaları, təmir-bərpa işlərinin aparıldığı müddət ərzində sözügedən yollarda hərəkətdə olarkən diqqətli olmaları, müvəqqəti yol nişanlarına və yol hərəkəti qaydalarına əməl etmələri xahiş olunur.xeber100.com

Maliyyə Bazarlarına Nəzarət Palatasının açıqlamasına görə…

Azərbaycanın bank sektoru bu ilin yanvar ayında 42,6 milyon manat xalis mənfəət götürüb.Milli.az xəbər verir ki, bu, ötən ilin eyni dövrü ilə müqayisədə 51% və yaxud təxminən 2 dəfə azdır. Buna səbəb isə mənfəət vergisi ödəmələrinin 5,3 milyon manat, yəni 2,8 dəfə çox olmasıdır.Maliyyə Bazarlarına Nəzarət Palatasının açıqladığı statistikaya görə, bu ilin ilk ayında Azərbaycan banklarının faiz gəlirləri 10,3% artdığı halda, faiz xərcləri 3,35% azalıb. Eyni zamanda qeyri-faiz gəlirləri 71,%, qeyri-faiz xərcləri isə 18% artıb.Tənzimləyici qurumun da tələbini nəzərə alan banklar aktivləri üzrə mümkün zərərlərin ödənilməsi üçün xüsusi ehtiyatların yaradılmasına 39,3 milyon manat ayırıblar.xeber100.com

“Petkim Holding A.Ş” maliyyə göstəricilərini açıqlayıb

Əsas payı Azərbaycan Dövlət Neft Şirkətinə (SOCAR) məxsus olan "Petkim (Petrokimya) Holding A.Ş" 2018-ci il üzrə maliyyə göstəricilərini açıqlayıb.Milli.az bildirir ki, ötən il "Petkim"in xalis mənfəəti 872 mln. Türkiyə lirəsi (TRY) təşkil edib.2018-ci ildə "Petkim"in dövriyyəsi 9,3 mlrd. TRY olub. Şirkətin aktivləri 62% artaraq 12,6 mlrd. lirəyə çatıb."Petkim"in faiz, ammortizasiya və vergidən əvvəlki mənfəəti 1,523 mlrd. TRY olub. 2018-ci ildə "Petkim"in məhsullarının satışı 1,8 mln. ton təşkil edib ki, bunun da 939 min tonu Türkiyə bazarında satılıb, 880 min tonu isə ixrac olunub."Petkim"in baş direktoru Anar Məmmədov bildirib ki, 2018-ci il rəhbərlik etdiyi şirkət üçün uğurlu il olub: "Dünyada qlobal iqtisadi dalğalanmaların olduğu 2018-ci ildə biz məhsuldarlığa yönəlib, uzunmüddətli planlar quraraq göstəriciləri müsbətə çevirə bildik, qlobal və daxili dəyişiklikləri yaxından izlədik. Bazarın və müştərilərin tələblərini əvvəldən gördük və tələblərə cavab verdik. İdxalçıların çətinlik çəkdiyi şərtlərdə belə yerli istehsalçıları xammalla təmin edərək iqtisadiyyata töhfə verməyə davam etdik. Planlaşdırılmış texniki baxım işləri 63 günlük planlaşdırılsa da 53 gün ərzində başa çatdırıldı".Xatırladaq ki, 2008-ci ildə tamamlanan özəlləşdirmə prosesinin sonunda "Petkim"in əsas səhmdarı SOCAR olub. Hazırda SOCAR "Petkim Holding"də 51% paya malikdir, "Petkim"in qalan səhmləri isə İstanbul Birjasında dövriyyədədir.xeber100.com