“Petkim Holding A.Ş” maliyyə göstəricilərini açıqlayıb

Əsas payı Azərbaycan Dövlət Neft Şirkətinə (SOCAR) məxsus olan "Petkim (Petrokimya) Holding A.Ş" 2018-ci il üzrə maliyyə göstəricilərini açıqlayıb.Milli.az bildirir ki, ötən il "Petkim"in xalis mənfəəti 872 mln. Türkiyə lirəsi (TRY) təşkil edib.2018-ci ildə "Petkim"in dövriyyəsi 9,3 mlrd. TRY olub. Şirkətin aktivləri 62% artaraq 12,6 mlrd. lirəyə çatıb."Petkim"in faiz, ammortizasiya və vergidən əvvəlki mənfəəti 1,523 mlrd. TRY olub. 2018-ci ildə "Petkim"in məhsullarının satışı 1,8 mln. ton təşkil edib ki, bunun da 939 min tonu Türkiyə bazarında satılıb, 880 min tonu isə ixrac olunub."Petkim"in baş direktoru Anar Məmmədov bildirib ki, 2018-ci il rəhbərlik etdiyi şirkət üçün uğurlu il olub: "Dünyada qlobal iqtisadi dalğalanmaların olduğu 2018-ci ildə biz məhsuldarlığa yönəlib, uzunmüddətli planlar quraraq göstəriciləri müsbətə çevirə bildik, qlobal və daxili dəyişiklikləri yaxından izlədik. Bazarın və müştərilərin tələblərini əvvəldən gördük və tələblərə cavab verdik. İdxalçıların çətinlik çəkdiyi şərtlərdə belə yerli istehsalçıları xammalla təmin edərək iqtisadiyyata töhfə verməyə davam etdik. Planlaşdırılmış texniki baxım işləri 63 günlük planlaşdırılsa da 53 gün ərzində başa çatdırıldı".Xatırladaq ki, 2008-ci ildə tamamlanan özəlləşdirmə prosesinin sonunda "Petkim"in əsas səhmdarı SOCAR olub. Hazırda SOCAR "Petkim Holding"də 51% paya malikdir, "Petkim"in qalan səhmləri isə İstanbul Birjasında dövriyyədədir.xeber100.com

“Azəriqaz” İstehsalat Birliyi xəbərdarlıq edib

“Azəriqaz” İstehsalat Birliyi abonentlərə xəbərdarlıq edib.Qurumdan Trend-ə verilən məlumata görə, son günlər Bakı şəhərinin müxtəlif ünvanlarında özünü “Azəriqaz” əməkdaşı kimi təqdim edən şəxs və ya şəxslər mənzillərdə quraşdırılmış Smart-kart tipli qaz sayğaclarının batareyasının dəyişdirilməsi və ya smart kartların “vaxtının keçməsi” kimi məsələləri bildirərək həmin “problemlərin” aradan qaldırılması üçün vətəndaşlardan müəyyən miqdarda pul tələb edirlər.İstehsalat Birliyi istehlakçıların nəzərinə çatdırır ki, Bakı şəhərində abonentlərə göstərilən bütün xidmətlər yalnız “ASAN Xidmət” və “ASAN Kommunal” mərkəzlərində həyata keçirildiyindən “Azəriqaz” İB-nin əməkdaşları öz xidməti vəsiqələrini göstərdikdən sonra ödənişsiz olaraq yalnız mənzillərdə yerləşən sayğaclara profilaktik baxış keçirə bilərlər:"Sonda bir daha bildiririk ki, qeyd olunan hallarla rastlaşan vətəndaşlar yaşadıqları ərazi üzrə müvafiq polis bölməsinə müraciət etməlidirlər".xeber100.com

Beynəlxalq STEP IT Academy memorandum imzalayıb

Kapital Bank İT sahəsi üçün mütəxəssislər hazırlayan, beynəlxalq STEP IT Academy ilə tərəfdaşlığı əks etdirən memorandum imzalayıb. Bununla bağlı 27 fevral 2019-cu il tarixində Kapital Bank-ın İnsan Kapitalı Akademiyasında tərəflər arasında tədbir keçirilib.İmzalanma mərasimində Kapital Bank-ın İdarə Heyəti sədrinin müavini, Baş İnformasiya İnzibatçısı Nahid Zeynalov və STEP IT Academy-nin Bakı nümayəndəliyinin rəhbəri direktoru Oleksii Slieptsov iştirak edib.Memorandumun əsas məzmunu tərəflər arasındakı qarşılıqlı əməkdaşlığın təmin edilməsidir. Son dövrlər İnformasiya Texnologiyalarının inkişafı ilə əlaqədar olaraq, bu sahəyə marağın artması və işçi ehtiyacının təmin edilməsi üçün, STEP IT Academy tələbələrinin Kapital Bank-da keçiriləcək təcrübə proqramlarına cəlb edilməsi nəzərdə tutulub.xeber100.com

Avtomobil Yolları Dövlət Agentliyinin məlumatı

Aparılan təmir-tikinti işləri ilə əlaqədar olaraq, martın 1-də günorta saatlarında Bibiheybət məscidindən başlayaraq şəhərə doğru istiqamətdə olan yolda hərəkət qismən (yol bağlanmır) məhdudlaşdırılır.Bu barədə Azərtac-a Azərbaycan Avtomobil Yolları Dövlət Agentliyinin ictimaiyyətlə əlaqələr şöbəsindən bildirilib.Sürücülərdən aparılan işlərə anlayışla yanaşmalarını xahiş olunur.xeber100.com

Dövlət Neft Fondunun iştirakı ilə valyuta hərracı keçirilib

Fevralın 28-də Mərkəzi Bankda Dövlət Neft Fondunun da iştirakı ilə valyuta hərracı keçirilib.Bankdan Azərtac-a verilən məlumata görə, hərracda manatın ortaçəkili məzənnəsi 1,7000 səviyyəsində formalaşıb.xeber100.com  

Mərkəzi Bank valyuta məzənnələrini açıqlayıb

Azərbaycan Mərkəzi Bankı 27 fevral tarixindən etibarən valyuta məzənnələrini açıqlayıb.Mərkəzi Bankdan Trend-ə verilən məlumata görə, fevralın 27-nə olan rəsmi məzənnələr bülleteninə əsasən, ABŞ dollarının rəsmi məzənnəsi 1,7000 manat təşkil edir.Manata nəzərən avronun məzənnəsi 1,9339 manat təşkil edir.1 türk lirəsi 0,3203 manat, 1 rus rublu 0,0259 manat, 100 İran rialı 0,0040 manat, 1 gürcü larisi isə 0,6323 manatdır.xeber100.com

Xəzər İqtisadi Forumunun gündəliyində…

1-ci Xəzər İqtisadi Forumu 2019-cu il avqustun 12-də Türkmənistanın Türkmənbaşı şəhərində Avaza turizm kurortunda keçiriləcək və 3 hissədən ibarət olacaq: beynəlxalq konfrans, Xəzər innovativ texnologiyalar sərgisi və sənədlərin imzalanması.Bunu Trend-ə müsahibəsində Türkmənistanın Azərbaycandakı səflirliyinin attaşesi Beqmammed Kelcayev deyib.Onun sözlərinə görə, Forum çərçivəsində keçiriləcək konfransda birgə investisiya layihələri və proqramların icrası, xüsusi azad iqtisadi zonaların yaradılması məsələləri, rəqəmsal iqtisadiyyat sahəsində əməkdaşlıq, sahilyanı dövlətlərin regionları arasında əməkdaşlığlın inkişafı, birgə müəssisələrin yaradılması məsələləri müzakirə olunacaq.O əlavə edib ki, konfransla paralel olaraq dəyirmi masalar təşkil olunacaq.B.Kelcayev bildirib ki, avqustun 11-12-də innovasiya texnologiyaları sərgisi, elə həmin günlərdə tərəflər arasında görüşlər və sənədlərin imzalanması nəzərdə tutulub.Forumda Xəzəryanı dövlətlərin hökumət üzvləri, diplomatik nümayəndəliklərin rəhbərləri, region başçıları, bank, sənaye birliklərinin rəhbərləri, sahibkarlar, elmi işçilər və mətbuat nümayəndələri iştirak edəcək.Səfirliyin attaşesi bildirib ki, Forumun gündəliyində iri layihələr üçün şəraitin yaradılması, Xəzər regionu iqtisadiyyatının qlobal kontekstdə rolu, neft-qaz, elektroenerji, nəqliyyat, ticarət, aqrar sənaye, turizm və digər sahələrdə investisiya cəlbediciliyi kimi məsələlər yer alacaq.xeber100.com

ICE birjasında“Light” markalı neftin qiyməti ucuzlaşıb

Dünya birjalarında neftin qiyməti ucuzlaşıb.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,19 dollar geriləyərək 66,93 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,10 dollar ucuzlaşaraq 57,16 dollar təşkil edib.xeber100.com

“PriceWaterhouseCoppers” şirkəti 2018-2020-ci illərdə…

“PriceWaterhouseCoppers” (PWC) şirkəti 2018-2020-ci illər ərzində “Azərkosmos” ASC-nin maliyyə hesabatının beynəlxalq standartlar üzrə auditini keçirəcək.ASC-dən Azərtac-a bildirilib ki, “Azərkosmos” 2018-2020-ci illər ərzində cəmiyyətin maliyyə hesabatının auditoru seçimi prosesini başa çatdırıb və “PWC” şirkəti qalib olub. Seçim tender üsulu ilə keçirilib və şirkətlə müvafiq müqavilə imzalanıb.xeber100.com

Energetika Nazirliyi anlaşma memorandumu imzalayıb

Azərbaycanın Energetika Nazirliyi və Norveçin “Equinor Abşeron AS” şirkəti arasında anlaşma memorandumu imzalanıb.Nazirlikdən Azərtac-a bildirilib ki, memorandumda bərpaolunan enerji mənbələrindən istifadə sahəsində ikitərəfli əməkdaşlığın ümumi prinsipləri, bərpaolunan enerji mənbələrinin potensialının qiymətləndirilməsi, bu sahəyə gəlirli investisiya qoyuluşu üçün şəraitin yaradılması ilə bağlı əməkdaşlıq nəzərdə tutulur. Sənəd Azərbaycanda bərpaolunan enerji layihələrinin inkişafı, maliyyələşdirilməsi, tikintisi, istismarı və saxlanması istiqamətində fəaliyyəti təmin etməyə kömək edəcək.Memorandumu energetika nazirinin müavini Samir Vəliyev və “Equinor Abşeron AS” şirkətinin Azərbaycan üzrə ölkə meneceri Favad Quraishi imzalayıb.S.Vəliyev Azərbaycanda bərpaolunan enerji sahəsinin inkişafı, bu sahəyə investisiya qoyuluşunun təşviqi ilə bağlı həyata keçirilən tədbirlər, qarşıda duran hədəflər barədə danışıb. Bildirib ki, “Equinor” ilə imzalanmış bu memorandum bərpaolunan enerji mənbələrinin inkişafı istiqamətində tərəflər arasında atılan ilk addımdır və Azərbaycanda bu sahənin inkişafına öz töhfəsini verəcək.F.Quraishi isə bərpaolunan enerji mənbələrinin inkişafı üzrə fəaliyyətin “Equinor”un əsas prioritetlərindən biri olduğunu qeyd edib. Bildirib ki, bu sənədlə “Equinor” şirkəti Azərbaycanla əməkdaşlıq əlaqələrini daha da genişləndirəcək və bərpaolunan enerji mənbələri sahəsində hər iki ölkənin maraqlarının reallaşmasına imkanlar yaranacaq.xeber100.com