Hava şəraiti ilə bağlı məlumat açıqlanıb

Azərbaycanda sentyabrın 6-na gözlənilən hava proqnozu açıqlanıb.Ekologiya və Təbii Sərvətlər Nazirliyinin Milli Hidrometeorologiya Departamentindən Azərtac-a verilən məlumata görə, Bakıda və Abşeron yarımadasında hava şəraitinin dəyişkən buludlu olacağı, yağmursuz keçəcəyi gözlənilir. Şimal-şərq küləyi əsəcək, gündüz cənub-şərq küləyi ilə əvəzlənəcək. Havanın temperaturunun Abşeron yarımadasında gecə 18-21°, gündüz 27-30° isti, Bakıda gecə 18-20°, gündüz 28-30° isti olacağı ehtimalı var.Atmosfer təzyiqi norma daxilində-758 millimetr civə sütunu, nisbi rütubət gecə 60-70, gündüz 40-45 faiz təşkil edəcək.Abşeronun şimal çimərliklərində-Sumqayıt, Novxanı, Pirşağı, Nardaran, Bilgəh və Zuğulbada dəniz suyunun temperaturu 24-25°, cənub çimərliklərində-Türkan, Hövsan, Sahil və Şıxda isə 25-26° isti olacaq. Şimal-şərq küləyi əsəcək, gündüz cənub-şərq küləyi ilə əvəzlənəcək.Azərbaycanın rayonlarında hava şəraitinin yağmursuz keçəcəyi, lakin səhər və axşam bəzi dağlıq ərazilərdə şimşək çaxacağı, qısamüddətli yağış yağacağı proqnozlaşdırılır. Şərq küləyi əsəcək.Havanın temperaturunun gecə 15-20°, gündüz 28-33°, dağlarda gecə 10-15°, gündüz18-23° isti olacağı bildirilir.Naxçıvan Muxtar Respublikasında hava yağmursuz keçəcək.Havanın temperaturunun gecə 16-21°, gündüz 29-34° isti olacağı gözlənilir.Yuxarı Qarabağ: Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, həmçinin Daşkəsən-Gədəbəy rayonlarında hava yağmursuz keçəcək. Lakin gündüz bəzi yerlərdə qısamüddətli yağış yağacağı ehtimalı var.Havanın temperaturu gecə 10-15°, gündüz 17-22° isti olacaq.Qazax, Gəncə, Goranboy, Tərtər, Ağdam, Füzuli, Cəbrayıl rayonlarında hava yağmursuz keçəcək.Havanın temperaturunun gecə 15-19°, gündüz 27-32° isti olacağı ehtimal edilir.Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz, Qusar rayonlarında hava yağmursuz keçəcək. Lakin gecə və axşam bəzi dağlıq ərazilərdə şimşək çaxacağı, qısamüddətli yağış yağacağı gözlənilir.Havanın temperaturunun gecə 12-17°, gündüz 23-28° isti, dağlarda gecə 7-12°, gündüz 17-22° isti olacağı proqnozlaşdırılır.Mərkəzi Aran: Mingəçevir, Yevlax, Göyçay, Ağdaş, Kürdəmir, İmişli, Ağcabədi, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında hava yağmursuz keçəcək.Havanın temperaturunun gecə 15-20°, gündüz 29-33° isti olacağı bildirilir.Masallı, Yardımlı, Lerik, Lənkəran, Astara rayonlarında hava yağmursuz keçəcək. Lakin gündüz bəzi dağlıq ərazilərdə qısamüddətli yağış yağacağı ehtimalı var.Havanın temperaturu gecə 18-20°, gündüz 27-31° isti, dağlarda gecə 10-15°, gündüz 19-22° isti olacaq.Respublikanın bölgələrində şərq küləyi əsəcək.xeber100.com

Neftin qiyməti müxtəlif istiqamətlərdə dəyişib

Dünya birjalarında neftin qiyməti müxtəlif istiqamətlərdə dəyişib.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,12 dollar ucuzlaşaraq 78,03 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,31 dollar bahalaşaraq 70,11 dollar olub.xeber100.com

Əmlak Məsələləri Dövlət Komitəsinin məlumatına görə…

Əmlak Məsələləri Dövlət Komitəsi (ƏMDK) tərəfindən “Kadastr kalkulyatoru” yaradılıb.Komitədən Azərtac-a bildirilib ki, Azərbaycanda daşınmaz əmlakın kadastrı ilə bağlı xidmətlər sahəsində daha bir elektron xidmət istifadəyə verilib. İndi ölkə vətəndaşları, fiziki və hüquqi şəxslər əmlakla bağlı kadastra dair dövlət rüsumu və xidmət haqqını onlayn qaydada hesablaya bilir. Yeni elektron xidmət sayəsində “Kadastr planlarının və yerquruluşu xəritələrinin tərtibi”, eləcə də “Torpaqların inventarlaşdırılması və müayinə baxış aktlarının tərtibi” ilə bağlı tələb olunan xidmət haqqını və dövlət rüsumunu öyrənmək mümkündür. Bu isə öz növbəsində daşınmaz əmlakın kadastrı sahəsində göstərilən xidmətlərin daha da sadələşməsi deməkdir. Vətəndaşlar sənədləşdirmə üçün zəruri rüsum və xidmət haqqını öncədən öyrənməklə vaxtlarına qənaət edəcək. Xidmət bu sahədə şəffaflığın, çevikliyin artırılmasına, vətəndaş məmnunluğunun təmin edilməsinə imkan verir. Xidmət haqqının və dövlət rüsumunun əvvəlcədən dəqiq bilinməsi istifadəçilərin özləri üçün ən optimal variantı seçməsini və sənədləşdirməyə başlayıb-başlamamaqla bağlı istədiyi qərarı verməsini təmin edir. Bu yenilik vətəndaşa rahat və operativ qaydada kadastrla bağlı hüquqi əməliyyatları aparmaq üçün daha rasional imkanlar yaradır.Mülkiyyətçi torpaqların inventarlaşdırılması və müayinə baxış aktlarının tərtibini həyata keçirmək üçün tələb olunan dövlət rüsumu və xidmət haqqını da dərhal öyrənə bilir. Hesablamanı həyata keçirən zaman tələb olunan məlumatlar “Kadastr planlarını və yerquruluşu xəritələrini tərtib” xidmətindəki kimi analoji xarakter daşıyır. Belə ki, istifadəçi torpağın coğrafi və texniki göstəricilərini qeyd edir. Torpağın kateqoriyası, əhatə etdiyi sahəsi, parsellerin sayı və digər məlumatlar ekranda əks olunur. Bu xidmətdə də tezləşmə qaydası tətbiq edilir.Əmlak Məsələləri Dövlət Komitəsi fəaliyyəti üzrə göstərilən xidmətlərin elektronlaşması prosesini gələcəkdə də davam etdirəcək.xeber100.com

“Light” markalı neftin qiyməti azalıb

Dünya birjalarında neftin qiyməti ucuzlaşır.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,22 dollar ucuzlaşaraq 77,40 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,21 dollar azalaraq 69,59 dollar olub.xeber100.com

Qida Təhlükəsizliyi Agentliyi xəbərdarlıq edib

Qida Təhlükəsizliyi Agentliyi (AQTA) başqa ölkələrdən Azərbaycan Respublikası ərazisinə keçə biləcək yoluxucu heyvan xəstəliklərindən qorunmaq məqsədilə əhaliyə xəbərdarlıq edib.AQTA informasiya təminatı və innovativ həllər şöbəsindən Azərtac-a verilən məlumatda deyilir: “Ümumdünya Heyvan Sağlamlığı Təşkilatı tərəfindən Rusiya Federasiyasının Samara, Kurqan və Çelyabinsk vilayətlərində iribuynuzlu heyvanlar arasında Nodulyar dermatit və Moskva vilayətinin Şaxovskaya rayonunda xırdabuynuzlu heyvanlar arasında çiçək xəstəliklərinin yayılması müəyyən edilib. Bununla əlaqədar olaraq, həmin ölkədən iribuynuzlu və xırdabuynuzlu heyvanların idxalı ilə bağlı müraciət edən hüquqi və fiziki şəxslər Ümumdünya Heyvan Sağlamlığı Təşkilatının müvafiq tələblərini nəzərə almalıdırlar. Eyni zamanda, nəzarət tədbirlərinin gücləndirilməsi məqsədilə Rusiya Federasiyasının qeyd olunan vilayətlərindən gələn və ya həmin ərazidən tranzit keçən nəqliyyat vasitələrinin gömrük keçid məntəqələrində dezinfeksiya edilməsi ilə bağlı Azərbaycan Respublikasının Dövlət Gömrük Komitəsinə aidiyyəti üzrə müraciət olunub”.xeber100.com

“Azərsu” ASC-nin kredit borcları…

Bu il yanvarın 1-nə "Azərsu" ASC-nin kredit borcları 238,805 mln. manat təşkil edib.Milli.az bildirir ki, bu, ötən il yanvarın 1-i ilə müqayisədə 43,4% və yaxud 1,8 dəfə azdır.Səhmdar cəmiyyətinin kredit borclarının 167,268 mln. manatını və yaxud 70%-ni 4 beynəlxalq və xarici maliyyə qurumundan - Dünya Bankı (WB), Asiya İnkişaf Bankı (ADB), Almaniyanın "KfW" və Fransanın "Natixis" banklarından alınmış kreditlər təşkil edib. 2017-ci ildə bu tipli borclar 0,1% azalıb. Qeyd edək ki, həmin kreditlərin illik faiz dərəcəsi müvafiq olaraq 0,75%, 2,5%, 0,75% və 2,45%-dir.Əvəzində "Azərsu" ötən il Maliyyə Nazirliyinə olan borcunu 83,5% artıraraq 71,466 mln. manata çatdırıb. Qeyd edək ki, nazirlik borcu Azərbaycan manatı və ABŞ dollarında, faizsiz ayırıb.Qurum "Azərbaycan Beynəlxalq Bankı" ASC-dən aldığı borcu isə demək olar ki, qaytararaq 215,556 mln. manatdan 71 min manata endirib. Xatırladaq ki, Bank səhmdar cəmiyyətinə borcu illik 1%-lə, 2025-ci ilin iyul ayına qədər qaytarmaq şərti ilə verib. Göründüyü kimi, ABB-nin krediti 7 il tez qaytarılıb.xeber100.com

Azərbaycanda 250-dən çox BƏƏ şirkəti fəaliyyət göstərir

Azərbaycan Birləşmiş Ərəb Əmirlikləri (BƏƏ) ilə sənaye, logistika və nəqliyyat sahələrində birgə müəssisələrin yaradılmasında maraqlıdır.Milli.az bildirir ki, bunu Azərbaycanın Dubaydakı ticarət nümayəndəsi Elnur Əliyev deyib.E.Əliyev bildirib: "Eyni zamanda, biz ölkəmizə çoxlu sayda ərəb şirkətlərinin cəlb olunmasında maraqlıyıq, çünki Azərbaycan regionda qonşu ölkələrin əsas bazarlarına çıxışı olduğundan, coğrafi mövqeyinə görə xarici investorlar üçün ideal bazardır".O qeyd edib ki, bu gün Azərbaycanda 250-dən çox BƏƏ şirkəti fəaliyyət göstərir. Ölkələr arasında Bakı-Dubay-Bakı, Bakı-Şarca-Bakı aviareysləri işləyir.Ticarət nümayəndəsinin sözlərinə görə, ümumilikdə Azərbaycan və BƏƏ-nin sənaye, nəqliyyat, ticarət, investisiya, kənd təsərrüfatı, turizm, yüksək texnologiyalar sahələrində əməkdaşlıq üçün böyük potensialı var və bu sahələrdə işbirliyini uğurla inkişaf etdirə bilərlər: "Hazırda ölkələr arasında əmtəə dövriyyəsinin artım dinamikasının sürətləndirilməsi istiqamətində ciddi işlər aparılır".E.Əliyev deyib ki, Azərbaycan məhsullarının BƏƏ-yə ixracının əsas payı Dubaya düşür, bura əsasən kənd təsərrüfatı məhsulları tədarük edilir: "Dubaya böyük həcmdə meyvə-tərəvəz və nisbətən kiçik həcmdə ət ixrac olunur. Gələcəkdə Dubay bazarının tələbatını və Azərbaycanda bu məhsulun istehsalının artan imkanlarını nəzərə alaraq, ət ixracını maksimal dərəcədə artırmağı planlaşdırırıq".O bildirib ki, öz növbəsində, Azərbaycan BƏƏ-dən əsasən yüksək texnoloji məhsulları, elektronika, sənaye malları və tikinti materialları idxal edir: "Birləşmiş Ərəb Əmirliklərinin kənd təsərrüfatı məhsullarının ən böyük idxalçılarından biri olduğunu nəzərə alsaq, umid edirik ki, bzim yüksək keyfiyyətli məhsullarımız bu perspektivli bazarda öz yerini tutacaq".Ticarət nümayəndəsinin sözlərinə görə, BƏƏ-nin təkrar ixrac üçün ciddi potensialını nəzərə alsaq, Azərbaycan mallarının Ərəb Əmirliklərinin bazarına çıxması gələcəkdə məhsullarımızın Fars körfəzinin digər ölkələrinin bazarlarında özünə yer tutmasına səbəb ola bilər: "Kənd təsərrüfatı məhsulları ilə yanaşı, Azərbaycan BƏƏ-yə müxtəlif növ sənaye mallarının (alüminium lövhələr, borular və sair) tədarükünü artırmağı planlaşdırır".xeber100.com

“Brent” markalı neftin qiyməti ucuzlaşıb

Dünya birjalarında neftin qiyməti yenidən ucuzlaşıb.Milli.az xəbər verir ki, "Brent" markalı neftin bir barrelinin qiyməti 0,35 dollar ucuzlaşaraq 77,42 dollar, VTİ markalı neftin bir barrelinin qiyməti isə 0,45 dollar azalaraq 69,80 dollar olub.xeber100.com

“AzerGold” Qapalı Səhmdar Cəmiyyətinin məlumatı

"AzerGold" Qapalı Səhmdar Cəmiyyəti Azərbaycan istehsalı olan qızıldan və gümüşdən sikkə və külçələrin hazırlanması layihəsinə başlayıb."AzerGold"dan Milli.az-a verilən məlumata görə, külçə və sikkələrin hazırlanması Cəmiyyətin inkişaf strategiyası əsasında icra olunur.Layihə ölkənin qızıl hasilatçısı kimi yerli və beynəlxalq bazarlarda tanıtımı, "Made in Azerbaijan" brendinin təşviqi ilə yanaşı, yerli sahibkarlıq subyektlərinə dəstəyin təmin edilməsi və daxili bazarın inkişaf etdirilməsi məqsədini daşıyır. 999.9 əyarlı külçə və sikkələrin istehsalı və "AzerGold" brendi altında təqdim edilməsi yerli bazarda məhsul çeşidinin artırılması və əlverişli iqtisadi münasibətlərin inkişafına təkan verəcəkdir. Nominal dəyəri olmayan qızıl və gümüş sikkələr, həmçinin qızıl külçələr üç çəkidə olacaq: 5, 10 və 20 qram.İstehsalın ilkin mərhələsində qızıl və gümüş sikkələrin "Heydər Əliyev Mərkəzi", "Qobustan" və Qarabağ xalçasının naxışı "Çələbi" olmaqla üç müxtəlif dizaynda istehsal edilməsi planlaşdırılır. Bütün məhsulların üzərində Azərbaycan qızılı/gümüşü olduğu qeyd olunacaq.xeber100.com

“Azeri LT CIF” markalı xam neftin qiyməti azalıb

Azərbaycanın dünya bazarına çıxararaq satdığı "Azeri LT CIF" markalı xam neftin 1 barelinin qiyməti 0,19 dollar və yaxud 0,24% azalıb.Milli.az report-a istinadən xəbər verir ki, "Azeri LT CIF" markalı neftin qiyməti 77,96 dollar/barelə bərabər olub.Xatırladaq ki, "Azeri LT CIF" neftinin minimal qiyməti 2001-ci ilin dekabrında (19,15 dollar), maksimal qiyməti isə 2008-ci ilin iyulunda (149,66 dollar) qeydə alınıb.xeber100.com