“Bakcell” şirkətinin məlumatı əsasında…

Mobil internet provayderi “Bakcell” ali məktəblərin 3-cü və 4-cü kursunda təhsil alan bakalavrlar, magistrlər və yeni məzunları şirkətin “2018 Yay Təcrübə Proqramı”nda iştirak etməyə dəvət edir.Şirkətdən Azərtac-a bildirilib ki, tələbə və məzunlar üçün nəzərdə tutulmuş 2 aylıq proqramın əsas məqsədi karyerasında ilk addımlarını atmağa başlayan gəncləri Azərbaycanın ən nüfuzlu və innovativ şirkətlərindən birində iş mühiti ilə tanış etmək, praktiki biliklərlə təmin etmək və onların işə hazırlıq bacarıqlarını inkişaf etdirməkdir.Seçimdən uğurla keçən namizədlər “Bakcell”in satış və marketinq şöbələrində 2 ay müddətində təcrübə keçmək imkanına malik olacaqlar. Təcrübə müddətində gənclər şirkətin aparıcı mütəxəssisləri arasından seçilmiş təcrübə rəhbərləri vasitəsilə müvafiq bilik və bacarıqlara yiyələnərək şirkətin ümumi strukturunu və iş prinsiplərini öyrənəcək, eyni zamanda, karyera planlaşdırılması, biznes etikasi, vaxtın səmərəli bölgüsü, effektiv kommunikasiya, özünü kəşfetmə, əməyin təhlükəsizliyi və ətraf mühit, sağlamlıq və digər mövzularda praktiki biliklər əldə edəcəklər. Təcrübə proqramı başa çatdıqda bütün iştirakçılar qiymətləniriləcək və layihədə iştirak etdiklərini təsdiq edən sənədlə təltif olunacaqlar.xeber100.com

“Light” markalı neftin qiyməti ucuzlaşıb

Dünya birjalarında neftin qiyməti ucuzlaşır.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,41 dollar azalaraq 76,71 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,27 dollar ucuzlaşaraq 70,43 dollar olub.xeber100.com

Neft İxrac edən Ölkələr Təşkilatı üzrə gündəlik neft istehsalı artıb

Aprel ayında Neft İxrac edən Ölkələr Təşkilatı (OPEC) üzrə gündəlik neft istehsalı artıb.Azərtac xəbər verir ki, bu barədə OPEC-in aylıq hesabatında deyilir. Bildirilir ki, OPEC-in xam neft istehsalı apreldə mart ayı ilə müqayisədə gündəlik 12 min barrel artaraq 31 milyon 930 min barrel olub. OPEC-in dünya neft hasilatındakı payı isə dəyişməyərək 32,6 faiz təşkil edib.Ötən ay OPEC üzrə xam neft istehsalı ən çox Səudiyyə Ərəbistanı, Əlcəzair və İranda artım göstərib. Belə ki, apreldə mart ayı ilə müqayisədə Səudiyyə Ərəbistanının sutkalıq neft hasilatı 46 min 500 barrel, Əlcəzairdə 17 min 700 barrel və İranda 10 min barrel artıb.Venesuela, Qabon və Nigeriyada isə neft istehsalı azalıb. İqtisadi və siyasi baxımdan çətinliklər yaşayan Venesuelada gündəlik neft istehsalı apreldə martla müqayisədə 41 min 700 barrel azalaraq 1 milyon 436 barrelə düşüb. Keçən ay Qabonda gündəlik neft hasilatı 9 min 300 barrel, Nigeriyada isə 8 min 300 barrel azalıb.Apreldə dünya üzrə 2 min 170 neft quyusu istismara verilib. Bu quyulardan 561-i OPEC-ə üzv olan ölkələrdədir.xeber100.com

Beynəlxalq Aeroportun məlumatı əsasında…

Heydər Əliyev Beynəlxalq Aeroportu 2018-ci ilin ilk dörd ayı ərzində 1 milyon 239 min sərnişinə xidmət göstərib. Bu göstərici ötən ilin analoji göstəricisindən 15 faiz çoxdur.Aeroportun mətbuat xidmətindən Azərtac-a bildirilib ki, “Azərbaycan Hava Yolları” (AZAL) milli aviadaşıyıcısının payına 495 min sərnişin, milli loukoster “Buta Airways”in payına isə 139 min sərnişin düşüb.1 milyon 66 min sərnişin (ümumi sərnişin dövriyyəsinin 86 faizi) beynəlxalq reyslərlə daşınıb. Beynəlxalq sərnişinlərin ümumi sayının 30 faizi AZAL-ın, 13 faizi isə “Buta Airways”in payına düşüb.Hazırda Beynəlxalq Aeroportu 40-dan çox istiqamət üzrə 30 aviaşirkətə xidmət göstərir. Ən məşhur beynəlxalq istiqamətlərin onluğuna əvvəlki kimi İstanbul, Moskva, Dubay, Kiyev, Doha, Şarja, Tbilisi, Bağdad, Tehran və Sankt-Peterburq daxildir. Yanvar-aprel ayları ərzində bu istiqamətlərə 818 min sərnişin uçub.Beynəlxalq Aeroportunun yeni aerovağzal kompleksi (Terminal 1) 2014-cü ilin aprel ayında istifadəyə verilib. Onun ümumi sahəsi 65 min kvadratmetr təşkil edir.2018-ci ilin may ayında Beynəlxalq Aeroportu dünyada müxtəlif aviaşirkətlər və hava limanları tərəfindən göstərilən xidmətlərin keyfiyyətinin öyrənilməsi üzrə ixtisaslaşan Böyük Britaniyanın nüfuzlu konsaltinq şirkəti “Skytrax”ın ən yüksək 5 ulduzuna layiq görülüb.Beynəlxalq Aeroportu ardıcıl olaraq ikinci dəfə Rusiya və MDB ölkələrinin bütün hava limanları arasında göstərilən xidmət səviyyəsinə görə ən yaxşılar siyahısına başçılıq edərək “Skytrax World Airport Awards” mükafatına layiq görülüb.xeber100.com

ICE London birjasında Brent markalı neftin dəyəri azalıb

Dünya birjalarında neft ucuzlaşıb."Apa-Economics" xəbər verir ki, Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin qiyməti 1 barelə görə 0,85 dollar və ya 1,19% azalaraq 70,51 dollar təşkil edib.ICE London qitələrarası birjasında Brent markalı neftin 1 barelinin dəyəri isə 0,35 dollar ya 0,45% azalaraq 77,12 dollar təşkil edib.xeber100.com

Sonuncu hərraclarda qızılın unsiyasının qiyməti…

Amerika fond bazarında "Dow Jones" indeksi 0,37% - 24 831,17 bəndədək artıb, NASDAQ isə 0,03% - 7 402,88 bəndədək azalıb, "S&P 500" 0,17% - 2 727,72 bəndədək bahalaşıb."Apa-Economics" xəbər verir ki, Avropa fond bazarlarında "FTSE 100" indeksi 0,31% - 7 724,55 bəndədək bahalaşıb, Almaniya DAX-ı 0,17% - 13 001,24 bəndədək, Fransa CAC-40-ı 0,07% - 5 541,94 bəndədək ucuzlaşıb.COMEX-də sonuncu hərraclarda qızılın unsiyasının qiyməti 3,90 dollar azalaraq 1 318,40 dollara, gümüşün unsiyasının qiyməti 0,06 dollar azalaraq 16,70 dollara satılıb.xeber100.com

“Azeri Light” markalı neftin qiyməti ucuzlaşıb

Dünya birjalarında neftin qiyməti ucuzlaşıb.Azərtac xəbər verir ki, “Azeri Light” markalı neftin bir barrelinin qiyməti 0,19 dollar ucuzlaşaraq 77,65 dollar təşkil edib.Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,11 dollar azalaraq 77,36 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,04 dollar ucuzlaşaraq 71,32 dollar olub.xeber100.com

“Azərbaycan Xəzər Dəniz Gəmiçiliyi” QSC-nin məlumatı

“Azərbaycan Xəzər Dəniz Gəmiçiliyi” QSC-nin Xəzər Dəniz Neft Donanmasına məxsus “Ehram Xalıqov” təchizat-yedək gəmisinin əsaslı təmiri yekunlaşıb.“Azərbaycan Xəzər Dəniz Gəmiçiliyi” QSC-nin mətbuat katibliyindən Azərtac-a bildirilib ki, təmir işləri “Bibiheybət” Gəmi Təmiri Zavodunda aparılıb.Gəminin baş mühərrikləri, əsas və ehtiyat nasosları, boru sistemləri, energetik qurğuları və idarəetmə avadanlıqları, sükan və köməkçi sükan qurğusu təmir olunub.Gəmidə iki ədəd yeni köməkçi mühərrik quraşdırılıb, işıqlandırma sistemi tamamilə yeniləri ilə əvəzlənib.Bundan başqa, təmir zamanı gəmi heyətinin yaşayış və xidməti otaqları da unudulmayıb. Belə ki, kayutlarda yeni şkaf və çarpayılar quraşdırılıb, sanitar qovşaqlarda və yeməkxanada təmir işləri aparılıb.Təmir çərçivəsində “Ehram Xalıqov” gəmisinin sualtı və suüstü hissələri təmizlənərək rənglənib.Gəmi dəniz sınağından uğurla keçib və istismara qaytarılıb.“Ehram Xalıqov” gəmiçiliyin digər təchizat gəmiləri kimi dənizdəki neft-qaz layihələrinin təminatında – neft və qazçıxarma obyektlərinin təchizatında, bilavasitə ağır konstruksiyaların, qazma qurğuların yedəklənməsində, lövbərlərin daşınmasında yaxından iştirak edəcək.xeber100.com

“Flynas” aviaşirkətinin Bakıya olan uçuşlarının vaxtı məlum olub

Səudiyyə Ərəbistanına məxsus “Flynas” aviaşirkətinin Ər-Riyad və Dammamdan Bakıya olan uçuşlarının vaxtı məlum olub.Azərtac xəbər verir ki, bu barədə aviaşirkət öz “twitter” hesabında məlumat yayıb.Bildirilib ki, Ər-Riyad-Bakı aviareysi iyunun 8-dən, Dammam-Bakı aviareysi isə iyun ayının 15-dən başlayacaq. Hər iki aviareys üzrə uçuşlar həftədə 3 dəfə həyata keçiriləcək.xeber100.com

“Azəriqaz” İstehsalat Birliyinin məlumatına görə…

Azərbaycanda təbii qazla təmin olunan abonentlərin sayı 2 milyon 126 min 910-a çatıb.SOCAR-ın “Azəriqaz” İstehsalat Birliyindən Azərtac-a bildirilib ki, bu ilin yanvar-aprel ayları ərzində əhali sektoru üzrə 31 min 62 yeni abonent qeydiyyata alınıb. Bunun da 19 min 717-si Bakı, Abşeron və Sumqayıt, 11 min 345-i isə regionlar üzrədir. Yeni abonentlərin sayının artmasında abonent bazasının daha da genişləndirilməsi istiqamətində işlərin aparılması, yaşayış məntəqələrinin qazlaşdırılması və qaz təminatının bərpa edilməsi, həmçinin təbii qazla təmin olunmuş ərazilərin genişlənən hissələrindəki fərdi yaşayış evlərinin qazlaşdırılması olub.Bundan başqa, Bakı şəhəri, ətraf qəsəbə və kəndlərdə abonentlərin qaz təchizatının yaxşılaşdırılması məqsədilə qaz kəmərlərinin yenidən qurularaq şəbəkənin genişləndirilməsi istiqamətində aparılan məqsədyönlü işlər öz müsbət nəticəsini göstərib. Aparılan işlər nəticəsində ölkə üzrə təbii qazla təmin olunan abonentlərin sayı 2 milyon 126 min 910-a çatıb.xeber100.com