“Trans-Adriatik” qaz boru kəmərinin inşası çərçivəsində

Azərbaycan təbii qazını Avropaya daşıyacaq “Trans-Adriatik” (TAP) qaz boru kəmərinin inşası çərçivəsində Yunanıstandakı Axios çayı üzərində 1820 metrlik sahədə qazma işi başa çatdırılıb.Azərtac xəbər verir ki, bu barədə boru kəmərinin operatoru olan TAP AG şirkəti məlumat yayıb. Bildirilir ki, bu mühəndislik işi nəticəsində bitki və heyvan növləri heç bir təsirə məruz qalmayıb.Qeyd edək ki, TAP qaz boru kəməri layihəsi üzrə işlərin - mühəndis, təchizat və tikinti işləri də daxil olmaqla ümumilikdə 70 faizi yekunlaşıb. Boru kəmərinin Yunanıstan və Albaniya hissəsinin 610 kilometrində borular torpağa basdırılıb. TAP-ın 215 kilometrlik Albaniya hissəsində isə 150 kilometr boru xəndəyə endirilib.İndiyədək Cənub Qaz Dəhlizinə daxil olan layihələrdə “Cənub Qaz Dəhlizi” QSC-nin mülkiyyətində olan iştirak paylarının maliyyələşdirilməsinə 9 milyard dollar investisiya qoyulub. Bu vəsaitin 0,7 milyard dollar TAP layihəsinə xərclənib.Boru kəmərinin Adriatik dənizindən keçəcək 105 kilometrlik hissəsinin tikintisini həyata keçirəcək İtaliyanın “Saipem S.p.A” şirkəti hazırda mikrotunel sahələrində çalışır. Burada müvəqqəti yol və sahə hazırlığı tamamlanıb. TAP-ın podratçısı hazırda mikrotunelin tikintisini həyata keçirmək üçün çuxurun qazılması işlərini görür. TAP-ın keçdiyi 3 ölkədə işçilər 61,5 milyon kilometr yol qət edib və 22,5 milyon nəfər-saat iş görülüb. Layihə qrafikə uyğun icra edilir və TAP 2020-ci ilədək Azərbaycanın “Şahdəniz” yatağından ilk qazı almağa hazır olacaq.TAP Avropa İttifaqı üçün prioritet enerji layihələrindən olan “Cənub Qaz Dəhlizi”nin bir seqmentini təşkil edir. Boru kəmərinin təməli 2016-cı il mayın 17-də Yunanıstanın Saloniki şəhərində qoyulub. Layihənin ümumi dəyəri 4,5 milyard avro olacaq. Buraya 2009-cu ildən bəri davam edən dizayn və mühəndislik işləri də daxil edilib. “Şahdəniz” konsorsiumu ilk qaz satışını 2018-ci ildə Türkiyəyə və Gürcüstana həyata keçirəcək. Avropaya ilk qazın verilməsi isə bundan təxminən 1 il sonra 2020-ci ilin əvvəllərində planlaşdırılır.xeber100.com  

“Kapital Bank” yeni layihəsini təqdim edib

“Kapital Bank” Azərbaycanda ilk dəfə "Mobil elektron imza" layihəsini təqdim edib.Bankdan Azərtac-a bildiriblər ki, Nəqliyyat, Rabitə və Yüksək Texnologiyalar Nazirliyi Məlumat Hesablama Mərkəzi ilə “Kapital Bank” arasında reallaşan "Mobil elektron imza" layihəsinin təqdimatı keçirilib. Bu layihə bank əməliyyatlarının rahat şəkildə aparılması ilə yanaşı, sənədlərin imzalama prosesinin sürətli, təhlükəsiz və elektron şəkildə həyata keçirilməsinə imkan yaradacaq.Təqdimat mərasimində “Kapital Bank”ın İdarə Heyəti sədrinin müavini, baş informasiya inzibatçısı Nahid Zeynalov və Bank Məhsulları departamentinin direktoru İqbal Rüstəmov, həmçinin Məlumat Hesablama Mərkəzinin Marketinq şöbəsinin müdiri Ceyhun Məmmədov, Milli Sertifikat Xidmətləri Mərkəzinin müdir müavini Həbib Abbasov və digər qonaqlar iştirak edib.“Ötən ilin sonunda “Kapital Bank”ın Müşahidə Şurası tərəfindən bankın 2018-2020-ci illər ərzində həyata keçəcək strateji planı təsdiqlənib. Strateji hədəflərdən ən mühümü rəqəmsal bankçılığa keçid ilə bağlı idi. İlin əvvəlində yeni BirBank tətbiqini müştərilərin ixtiyarına verdik. İlin sonunadək isə rəqəmsal filialımızın açılışını etməyi planlaşdırırıq. Bu gün təqdim edilən bu yenilik də rəqəmsal bankçılığa keçidin bariz nümunəsidir”, - deyə “Kapital Bank”ın İdarə Heyətinin sədrinin müavini, baş informasiya inzibatçısı Nahid Zeynalov bildirib.xeber100.com  

“Turizm sərgisi – istiqamət Azərbaycan” devizi altında…

Varşavada “Turizm sərgisi - istiqamət Azərbaycan” devizi altında Polşadakı səfirliyimizdə turizm sərgisi təşkil olunub.Diasporla İş üzrə Dövlət Komitəsindən Azərtac-a bildirilib ki, Varşava Azərbaycanlılar Birliyi (VAB) tərəfindən təşkil olunan sərgidə Polşa ictimaiyyətinə ölkəmizin turizm potensialı haqqında geniş məlumat verilib, müxtəlif videoçarxlar göstərilib.Turizm sərgisinin təşkilatçısı, VAB-ın sədri Rəsul Məmmədov bildirib ki, Odlar yurdu Azərbaycan istər tarix, istərsə də mədəniyyət baxımından olduqca zəngindir. Məhz elə bu səbəbdəndir ki, hər bir əcnəbi vətəndaşın turistik istiqamət xəritəsində Azərbaycan mütləq şəkildə olmalıdır.Qeyd olunub ki, “ASAN Viza” xidməti qonaqların rahatlığını tam təmin edir və minimum 3 saat maksimum 3 iş günü ərzində onlayn vizanın verilməsi prosedurunu həyata keçirir.Sonda tədbir iştirakçılarına Azərbaycanın Polşadakı səfirliyi tərəfindən müxtəlif kitablar və məlumat broşürləri paylanılıb.xeber100.com

Əmlak Məsələləri Dövlət Komitəsi qarşıdakı dövr üçün hədəflərini açıqlayıb

Əmlak Məsələləri Dövlət Komitəsi əmlak idarəçiliyində qarşıdakı dövr üçün hədəflərini açıqlayıb. Yeni hədəflər bunlardır: əmlakın qeydiyyatında vətəndaşın xidmət məkanında deyil, xidmətin vətəndaşın yanında olması; özəlləşdirmənin tam elektronlaşması və şəffaflıq; dövlət əmlakının idarə edilməsində beynəlxalq standartlara əsaslanan korporativ idarəetmə prinsiplərinin tətbiqi; torpaqların elektron kadastr uçotunun yaradılması və sistemli idarə edilməsi; torpaqlardan səmərəli istifadə edilməsində Peyk nəzarət sisteminin tətbiqi; bütün xidmətlərin vahid Metaməlumat sisteminə inteqrasiyasının təmin edilməsi; müasir kadr potensialı ilə çevik idarəetmə.ƏMDK-dan Azərtac-a bildirilib ki, bu hədəflər komitə tərəfindən 2018-ci ilin yanvar-mart ayları ərzində görülmüş işlər və qarşıda duran vəzifələrə dair keçirilən geniş müşavirədə açıqlanıb.xeber100.com

“Light” markalı xam neftin bir barrelinin qiyməti…

“Light” markalı xam neftin bir barrelinin qiyməti 2014-cü ilin noyabrından indiyədək ilk dəfə 70 dolları keçib.Azərtac xəbər verir ki, “Brent” markalı xam neftin bir barrelinin qiyməti isə son 3,5 ilin maksimumuna çataraq 75,57 dollar təşkil edib.Hazırda Londonun ICE birjasında “Brent” markalı neftin bir barreli 75,54 dollara, Nyu-Yorkun NYMEX birjasında “Light” neftinin bir barrelinin qiyməti 70,40 dollara alıcı axtarır.xeber100.com  

Avtobusların hərəkət sxemində dəyişiklik edilib

Bakı Olimpiya Stadionundan Heydər Əliyev prospektinə keçid və müxtəlif səviyyəli yol qovşağının istifadəyə verilməsi ilə əlaqədar “Koroğlu” Nəqliyyatı Mübadilə Mərkəzi ilə ətraf kənd və qəsəbələri əlaqələndirən 22 marşrut xətti üzrə (24, 62, 93, 101, 107, 131, 136, 139, 148, 150, 160, 163, 166, 171, 172, 173, 187, 189, 198, 204, 216, 217) avtobusların hərəkət sxemində dəyişiklik edilib.Azərtac xəbər verir ki, bu barədə Bakı Nəqliyyat Agentliyindən məlumat verilib.Bildirilib ki, “Koroğlu” Nəqliyyatı Mübadilə Mərkəzindən çıxan avtobuslar artıq Ziya Bünyadov prospekti və “Böyük Şor” qovşağına daxil olmadan yollarına davam edəcək. Dəyişiklik sayəsində ətraf kənd və qəsəbələrə gedən avtobusların artıq məsafə qət etməsinin qarşısı alınır ki, bu da sərnişinlərin mənzilbaşına daha tez çatması və digər nəqliyyat vasitələrinin hərəkətinin intensivliyinin artması baxımından əhəmiyyətlidir.xeber100.com  

Mayın 8-nə olan USD/AZN rəsmi məzənnəsi açıqlanıb

Azərbaycan Mərkəzi Bankı (AMB) mayın 8-nə olan USD/AZN rəsmi məzənnəsini açıqlayıb.Bankdan Azərtac-a bildiriblər ki, Azərbaycan Mərkəzi Bankının mayın 8-dən etibarən USD/AZN rəsmi məzənnəsi 1,7000 manat səviyyəsində müəyyən olunub.xeber100.com

XXIII Beynəlxalq Neft-Qaz və Neft-Kimya Sərgisi açılıb

Tehranın Sərgilər Mərkəzində XXIII Beynəlxalq Neft-Qaz və Neft-Kimya Sərgisi açılıb. Sərginin açılış mərasimində İranda səfərdə olan Azərbaycanın energetika naziri Pərviz Şahbazov iştirak edib.Azərtac xəbər verir ki, İranın dövlət rəsmilərinin iştirakı ilə açılan sərgidə 1200 yerli və 880 xarici şirkət təmsil olunub. Mayın 9-dək davam edəcək sərgidə Azərbaycanı SOCAR təmsil edir. Azərbaycanla yanaşı sərgidə İspaniya, Almaniya, Türkiyə, Yaponiya, Finlandiya, Qazaxıstan, İsveç, Rusiya və başqa ölkələrin şirkətləri öz məhsullarını sərgiləyir və xidmətlərini təqdim edir.İrana səfəri çərçivəsində Azərbaycanın energetika naziri Pərviz Şahbazov bu ölkənin neft naziri Bijən Namdar Zəngənə ilə görüşüb.Görüşdə digər sahələrdə olduğu kimi enerji sahəsində də Azərbaycan ilə İranın əməkdaşlıq əlaqələrinin inkişaf etdiyi vurğulanıb. Nəzərə çatdırılıb ki, Xəzər dənizində müvafiq blokların birgə işlənməsi ilə bağlı imzalanan sənəd hər iki dövlətin enerji sahəsinin inkişafına öz töhfəsini verəcək.xeber100.com  

“AtaSığorta” ASC-nin məlumatı əsasında…

“Son 50 ildə rəqəmsal texnologiyalar sahəsində nə qədər irəliləyiş baş veribsə, növbəti 5 ildə 10 dəfə daha sürətlə inkişaf gedəcək”.Apa-Economics”in məlumatına görə, bunu bu gün Bakıda “Pullman” otelində ölkəmizin aparıcı şirkətlərinin dəstəyi və iştirakı ilə “Rəqəmsal Biznes Trendləri” devizi altında keçirilən II Maliyyə və İnvestisiya Forumunda (FIF2018) "AtaSıorta" ASC-nin İdarə Heyətinin sədr müavini Orxan Məmmədov deyib.Onun sözlərinə görə, ənənəvi rəqabət sərhədləri pozulub: "Bu gün banklarla super marketlər rəqabət aparır. Yəni, bu gün sahələr arasında rəqabət gedir. Bu da daha da böyük inkişafa səbəb olacaq".Sığorta şirkətinin rəsmisi bildirib ki, hazırda bu tendensiyalardan istifadə edən şirkətlər qazanır: “Bəzi şirkətlər müştərinin sosial şəbəkəsini öyrənməklə onun barəsində məlumatları toplayır. Bu gün şirkətlər qarşısında duran əsas məsələ kibertəhlükəsizlikdir. Bu kibertəhlüksizlik qorxusundan bəzi şirkətlər yenilənməyə, elektronılaşmaya, rəqəmsalaşmaya getmirlər. Onlar məlumatların bu rəqəmsallaşma ilə oğurlana biləcəyindən və ya hakerlərin əllərinə keçməsindən qorxurlar”.xeber100.com

Vergi qanunvericiliyinə dəyişiklik paketi hazırlanıb

“2019-cu il üçün vergi qanunvericiliyinə dəyişiklik paketi hazırlanıb”. “Apa-Economics”in məlumatına görə, bunu bu gün Bakı şəhəri “Pullman” otelində ölkəmizin aparıcı şirkətlərinin dəstəyi və iştirakı ilə “Rəqəmsal Biznes Trendləri” devizi altında keçirilən II Maliyyə və İnvestisiya Forumunda (FIF2018) Vergilər Nazirliyinin Vergi siyasəti və strateji araşdırmalar departamentinin baş direktorunun müavini Nicat İmanov deyib.“Məlumdur ki, dövlətin əsas hədəfləri gəlir və vergi siyasətinin, biznes mühitinin yaxşılaşdırılması, əlverişli vergi mühitinin yaradılmasıdır. Vergi orqanının və ödəyicisinin arasında portnyorluğun yaxşılaşdırılmasıdir ki, burada etibarlılıq mühitinin yaradılması əsas şərtdir. Məhz bu məqsədlə hər il qanunvericilikdə edilən dəyişikliklər sahibkarlıq mühinin yaxşılaşdırılması, vergi yükünü optimallaşdırılması, vergi nəzarəti mexanizmlərinin həyata keçirilməsindən ibarətdir”, - deyə N.İmanov vurğulayıb.N.İmanov qeyd edib ki, 2017-ci ildə vergi qanunvericiliyində dəyişiklik həyata keçirilməyib: “2016-cı ilin dekabr ayında böyük bir paket dəyişilkliklər olub. Böyük dəyişiklikdən sonra ən azı 1 il gözləmək lazımdır ki, bu, öz effektini göstərsin. Əlbəttə qanunvericiliyin tez-tez dəyişməsi məqsədimiz deyil. Ancaq qanunvericilikdə olan müəyyən qaydaların dəyişilməsi uyğunlaşma xarakterlidir. 2018-ci il üçün dəyişiklik olmasa da 2019-cu il üçün dəyişiklik paketi hazırlanıb. Qarşıda duran bu məqsədlərə çatmaq üçün şəffaf mühitin olması zərurudir. Dövlət orqanı və sahibkar arasıda ədalətlilik prinsipi olmalıdır. Vergi nəzarətinin sahibkar tərəfindən bəyan edilməsi əsas məqsəddir. Məhz bu məqsədlə də bir neçə normativ sənədlər təsdiq olunub. Əldə edilmiş gəlir və xərclərin uçotunun aparılması, elektron- qaimə fakturaların tətbiqi artıq oz effektini göstərir. Sahibkarlar artıq anlayırlar ki, vergini yayındırmaq olmaz. Dövlət orqanı nə qədər açıq olsa, şəffalıq mühiti, vergi nəzarəti tədbirlərinin azalmasına şərait yaratmış olarlar”.xeber100.com