“Hestourex” sərgisi çərçivəsində seçim toplantısı təşkil olunub

Sağlamlıq və Termal Turizmə Dəstək Assosiasiyanın sədri Ruslan Quliyev Ümumdünya Sağlamlıq Turizmi Təşkilatının (ÜSTT) prezidenti seçilib.Apa-nın məlumatına görə, Antalyada keçirilən “Hestourex” (Səhiyyə, idman və alternativ turizm) sərgisi çərçivəsində beynəlxalq təşkilatın seçim toplantısı təşkil olunub. Seçimdə 22 ölkədən 48 nümayəndə iştirak edib.Tədbirdə səsvermə ilə təşkilatın altı vitse-prezidenti və prezidenti elan olunub. Təşkilata rəhbərlik Birləşmiş Ərəb Əmirliklərindən Azərbaycana keçib. Eyni zamanda, Sağlamlıq və Termal Turizmə Dəstək Assosiasiyanın idarə heyətinin üzvü Ceyhun Aşurov ÜSTT-nin baş katibinin müavini seçilib.Toplantıda çıxış edən Ruslan Quliyev Azərbaycan sağlamlıq turizminin imkanları və gələcək perspektivlər barədə məlumat verib, təşkilatın platformasını elan edib.O, jurnalistlərə açıqlamasında bildirib ki, bu seçim Azərbaycanda sağlamlıq turizminin inkişafına yeni töhfə verəcək və ölkə turizminin bu istiqamət üzrə tanıdılmasına geniş imkanlar yaradacaq: “Bu təşkilatda fəal üzvlüyümüz Azərbaycan Mədəniyyət və Turizm Nazirliyinin dəstəyi ilə reallaşıb. Ötən beş ildə ölkəmizin turizm potensialın tanınmasına böyük əmək sərf olunub. Biz çalışacağıq ki, rəhbərliyimiz dövründə də bu istiqamətdə işlərimizi davam etdirək. 22 ölkədən 48 nümayəndənin qatıldığı belə bir möhtəşəm tədbirdə Azərbaycanın Ümumdünya Sağlamlıq Turizmi Təşkilatına səsvermə yolu ilə rəhbər seçilməsi bir daha ölkəmizin dünyada artan nüfuzundan xəbər verir. Toplantının nəticələrinə görə 2019-cu ildə Beynəlxalq Sağlamlıq Turizm Forumu Azərbaycanda keçiriləcək. Bu da ölkəmizdə turizmin daha da genişlənməsinə təkan verəcək”.Qeyd edək ki, 60 ölkənin, o cümlədən, Rusiya, Böyük Britaniya, Almaniya, Türkiyə, Hindistan kimi ölkələrin təmsil olunduğu beynəlxalq quruma Azərbaycan 2014-cü ildən üzvdür.xeber100.com

“AzeriLight” markalı neftin dəyəri ucuzlaşıb

Azərbaycan nefti ucuzlaşıb."Apa-Economics" xəbər verir ki, "AzeriLight" markalı neftin 1 barelinin dəyəri 0,81 dollar və ya 1,17% ucuzlaşaraq 69,13 dollar təşkil edib.xeber100.com

Avtomobil Yolları Dövlət Agentliyi açıq tender elan edib

Azərbaycan Avtomobil Yolları Dövlət Agentliyi “M-1 Bakı-Quba-Rusiya Federasiyası ilə dövlət sərhədi avtomobil yoluna alternativ yeni yolun tikintisi” layihəsinə texniki nəzarət üzrə məsləhət xidmətlərinin satınalınması ilə əlaqədar açıq tender elan edib.Agentlikdən “Apa-Economics”ə verilən məlumata görə, tender iştirakçıları müqaviləni yerinə yetirmək üçün lazımi maliyyə və texniki imkanlara malik olmalıdırlar. Tenderdə iştirak etmək istəyənlər 500 manat iştirak haqqını Azərbaycan Avtomobil Yolları Dövlət Agentliyinin hesabına köçürdükdən sonra Azərbaycan dilində tərtib olunmuş əsas şərtlər toplusunu ala bilərlər.Tender iştirakçılarından tələb olunan sənədlər 19 may 2018-ci il saat 15:00-a qədər bir nüsxədə, tender təklifi isə 11 iyun 2018-ci il saat 17:00-a qədər ikiqat zərfdə bağlanmış və möhürlənmiş şəkildə iki nüsxədə Agentliyə təqdim edilməlidir. Tender zərflərinin açılışı proseduru 12 iyun 2018-ci il saat 17:00-da keçiriləcək.xeber100.com

“Kapital Bank” təqdim edir

"Kapital Bank" onlayn əməliyyatlara və yeni texnologiyalara üstünlük verən müştərilərə "BirBank" tətbiqini təqdim edir.Bankdan Azərtac-a bildiriblər ki, istifadəçilər 1 dəqiqə vaxt sərf edərək "Kapital Bank"ın istənilən ödəniş kartı və ya mobil nömrə ilə onlayn qeydiyyatdan keçməklə xidmətdən yararlana bilərlər.Əgər müştərinin istifadə etdiyi smartfon və ya planşet barmaq izi funksiyasını dəstəkləyirsə, tətbiqə barmaq izi ilə daxil olmaq mümkündür. "BirBank" vasitəsilə "Kapital Bank" müştəriləri hesabları, ödəniş kartları, kredit və depozitlərini banka gəlmədən idarə edə bilərlər.Yeni tətbiq vasitəsilə istifadəçilər, həmçinin bir sıra innovativ əməliyyatları həyata keçirə bilərlər: tətbiqə istənilən bankın ödəniş kartını əlavə etmək və bu kart vasitəsilə bir sıra əməliyyatlar həyata keçirmək, telefon kitabçasında olan, tətbiqi yükləyən digər istifadəçiyə pul göndərmək və ya ondan pul qəbul etmək və s.Bundan başqa, tətbiq vasitəsilə kommunal, rabitə ödənişlərini həyata keçirmək, istənilən bank kartına köçürmələr etmək, həmçinin ödəniş şablonları yaratmaq mümkündür. Yeni tətbiqdə "Kapital Bank"ın yaxınlıqda olan filial və ATM-lərini tapmaq, valyuta məzənnələrini izləmək mümkündür.xeber100.com

Neftin qiyməti müxtəlif istiqamətlərdə dəyişib

Dünya birjalarında neftin qiyməti müxtəlif istiqamətlərdə dəyişib.Azərtac xəbər verir ki, “Azeri Light” markalı neftin bir barrelinin qiyməti 0,49 dollar bahalaşaraq 69,94 dollar olub.Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,31 dollar ucuzlaşaraq 68,02 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,34 dollar azalaraq 63,20 dollar təşkil edib.xeber100.com

İqtisadiyyat Nazirliyinin məlumatı əsasında…

Azərbaycan Dünya Turizm Təşkilatı ilə əlaqələrini genişləndirəcək.İqtisadiyyat Nazirliyinin mətbuat xidmətindən  bildiriblər ki, bu barədə iqtisadiyyat naziri Şahin Mustafayevin ölkəmizdə səfərdə olan Dünya Turizm Təşkilatının baş katibi Zurab Pololikaşvili ilə görüşündə vurğulanıb. Nazir Şahin Mustafayev Azərbaycanda son illərdə turizmin sürətlə inkişaf etdiyini, ölkəmizdə bir sıra beynəlxalq əhəmiyyətli tədbirlərin keçirildiyini, Azərbaycana gələn turistlərin və xarici qonaqların sayının artdığını, Bakıda və regionlarda turizmin inkişafı üçün müasir infrastrukturun yaradıldığını diqqətə çatdırıb, bu sahənin inkişafı üçün nəzərdə tutulan tədbirlər barədə məlumat verib. Qeyd olunub ki, turizmin inkişafı Azərbaycan iqtisadiyyatının prioritet istiqamətlərindəndir və ölkəmizin bu sahədə böyük potensialı var. Azərbaycanda turizm üzrə ixtisaslaşmış ali təhsil müəssisəsi – Azərbaycan Turizm Universiteti fəaliyyət göstərir. Viza rejiminin sadələşdirilməsi turizmin inkişafında önəmli göstəricilərdəndir və hazırda Azərbaycanda tətbiq olunan "ASAN Viza" sistemi vasitəsilə turistlərə qeyri-iş günlərindən asılı olmayaraq 3 saat ərzində viza verilir. Bu isə ölkəmizə gələn turistlərin sayının artmasına böyük təkan verir. Dünya Turizm Təşkilatı ilə əməkdaşlıq imkanlarından danışan iqtisadiyyat naziri ölkəmizdə sənayenin müxtəlif sahələri üzrə ixtisaslaşmış parkların fəaliyyət göstərdiyini və turizm sahəsində də belə bir parkın yaradılması imkanlarını diqqətə çatdırıb. Bundan başqa, Azərbaycanın turizm potensialına dair birgə təqdimatlar təşkil edilə bilər və bu sahədə Azərbaycanda İxracın və İnvestisiyaların Təşviqi Fondu (AZPROMO) ilə əməkdaşlıq məqsədəuyğundur.Dünya Turizm Təşkilatının baş katibi Zurab Pololikaşvili ölkəmizə səfərindən, Azərbaycan Respublikasının Prezidenti İlham Əliyev tərəfindən qəbul edilməsindən və aparılan müzakirələrdən məmnunluğunu ifadə edib. Azərbaycanın turizm sahəsində böyük potensialının olduğunu qeyd edən Zurab Pololikaşvili ölkəmizdə turizmin inkişafına, təmsil etdiyi təşkilatla əməkdaşlığa dair fikirlərini bildirib, Azərbaycanda Beynəlxalq Təhsil Mərkəzinin yaradılmasına, ixtisaslı kadrların hazırlanmasına, regional turizmin inkişafına, bu sahəyə investisiya qoyuluşuna dair layihələrə, təbliğat-təşviqat kampaniyalarına və müxtəlif həvəsləndirici tədbirlərlə bağlı təkliflər səsləndirib.xeber100.com

Neftin qiyməti müxtəlif istiqamətlərdə dəyişib

Dünya birjalarında neftin qiyməti müxtəlif istiqamətlərdə dəyişib.Azərtac xəbər verir ki, “Azeri Light” markalı neftin bir barrelinin qiyməti 0,41 dollar ucuzlaşaraq 69,45 dollar olub.Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,28 dollar bahalaşaraq 68,30 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,22 dollar artaraq 63,59 dollar təşkil edib.xeber100.com

Xəzər Dəniz Gəmiçiliyinin məlumatı

Azərbaycan Xəzər Dəniz Gəmiçiliyinə məxsus “Dağıstan” gəmi-bərəsinin modernləşdirilməsi yekunlaşıb.Gəmiçiliyin mətbuat katibliyindən Azərtac-a bildirilib ki, uzunluğu 154,5 metr, eni 18,3 metr olan “Dağıstan” gəmisi 1984-cü ildə keçmiş Yuqoslaviyanın (indiki Xorvatiya) Pula şəhərində tikilib. Beş il əvvəl istismardan çıxarılan “Dağıstan” bərəsinin yenidən təmir və modernləşdirilməsi barədə qərar qəbul edilib. Öz dövrü üçün unikal gəmilərdən hesab edilən bərənin modernləşdirilməsi bir il müddətində tam olaraq Azərbaycan Xəzər Dəniz Gəmiçiliyinin mühəndis-texniki personalı tərəfindən “Zığ” Gəmi Təmiri və Tikintisi Zavodunda reallaşdırılıb. Gəmiçilik tarixində ilk bu cür modernləşdirmə layihəsi də elə qurumun adıçəkilən heyəti tərəfindən hazırlanıb.Gəmi-bərənin bütün idarəetmə sistemləri modernləşdirilib. Əsas işlərdən biri isə bərənin maşın şöbəsində reallaşdırılıb.“Dağıstan” bərəsinin istifadəetmə müddəti bitmiş iki köməkçi mühərriki “Hyundai” markalı mühərriklərlə əvəzlənib. Yeni quraşdırılan və 1000 kilovat gücündə olan mühərriklər əvvəlkilərlə müqayisədə daha qənaətcil, effektiv və avadanlığa göstəriləcək xidməti asanlaşdırmaq baxımından sərfəlidir.Modernləşdirilmiş “Dağıstan” gəmisi Xəzərdə yeganə bərə operatoru olan “Azərbaycan Xəzər Dəniz Gəmiçiliyi” QSC-nin bərə donanmasında özünəməxsus yer alıb. Gəminin artıq Transxəzər Beynəlxalq Nəqliyyat Marşrutu üzrə istismarına start verilib.“Dağıstan” gəmi-bərəsi Azərbaycanın tranzit cəlbediciliyinin artırılması və regionun ən iri nəqliyyat-logistika mərkəzinə çevrilməsi istiqamətində aparılan dövlət siyasətinin həyata keçirilməsində mühüm rol oynayacaq.xeber100.com  

İşçi Qrupun XI toplantısı keçirilib

Hesablama Palatasının icmal büdcənin təhlili sektorunun müdiri Zaur Vəliyev INTOSAI-ın (Ali Audit Qurumlarının Beynəlxalq Təşkilatı) təşkilatçılığı ilə Roma şəhərində Əsas Milli Göstəricilər üzrə İşçi Qrupun XI toplantısında iştirak edib.Palatanın mətbuat xidmətindən Azərtac-a bildiriblər ki, iclasda İtaliya, ABŞ, Çin, İndoneziya, Braziliya, Səudiyyə Ərəbistanı, Slovakiya, Avstriya, Finlandiya, Bolqarıstan, Qazaxıstan, Rusiya, Belarus Ali Audit Qurumlarının əməkdaşları, həmçinin INTOSAI Peşəkar müraciətlər forumu, INTOSAI İnkişaf Təşəbbüsü (IDI), Almaniya Texniki Əməkdaşlıq Təşkilatının (GIZ) ekspertləri, İtaliya Büdcə ofisinin rəhbəri və Roma Universitetinin akademik heyəti təmsil olunublar.İclasda Əsas Milli Göstəricilər üzrə ekspert qrupunun 2017-ci ilin aprel ayından 2018-ci ilin mart ayına qədər fəaliyyəti haqqında hesabatı, INTOSAI-ın işçi qrupunun eyni dövrü əhatə edən fəaliyyəti haqqında hesabat, Rusiya Federasiyası Hesablama Palatası tərəfindən hazırlanan Əsas Milli Göstəricilərin və makroiqtisadi göstəricilərin auditi qaydaları, həmçinin üzv dövlətlərdən ABŞ, İtaliya, Avstriya, İndoneziya və Səudiyyə Ərəbistanı ali audit qurumlarının Dayanıqlı İnkişaf Məqsədlərinin fəaliyyət auditi ilə bağlılığı mövzusunda təqdimatları dinlənilib.xeber100.com

“AtaBank” ASC-nin məlumatına görə…

"AtaBank" ASC və "Visa" beynəlxalq ödəmə sistemi müştərilərinə 2018-ci ildə Rusiyada keçiriləcək FIFA World Cup™ 2018 futbol üzrə Dünya Çempionatına getmək şansını qazanmaq imkanı verir.Bankdan Azərtac-a bildiriblər ki, martın 29-dan aprelin 29-dək keçiriləcək birgə lotereyada iştirak etmək üçün "AtaBank"ın istənilən "Visa" plastik kartı ilə Azərbaycanda və ya xaricdə, o cümlədən onlayn alış-veriş zamanı 10 manatdan başlayaraq nağdsız ödəniş etmək kifayətdir. Ödənişləri "AtaBank" "Visa" plastik kartı ilə aparın və bu yay futbol həyəcanını canlı izləyin.Qeyd edək ki, 1993-cü ildən fəaliyyət göstərən "AtaBank" ASC 100 faiz yerli kapitala malik, qabaqcıl texnologiyalı universal Azərbaycan bankıdır. Bank Bakıda və ölkənin müxtəlif regionlarında 31 filial və şöbəsi vasitəsilə korporativ və fərdi müştərilərə tam xidmətlər spektrini təqdim edir.xeber100.com