Neft Fondunun iştirakı ilə hərrac keçirilib

Martın 29-da Mərkəzi Bankda Dövlət Neft Fondunun da iştirakı ilə hərrac keçirilib.Bankdan Azərtac-a bildiriblər ki, hərracda manatın ortaçəkili məzənnəsi 1,7000 səviyyəsində formalaşıb.xeber100.com

Turizm Assosiasiyasının yeni komitəsi təsis edilib

Azərbaycan Turizm Assosiasiyasının (AzTA) yeni komitəsi təsis edilib.Azərtac-a bu barədə qurumun idarə heyətinin üzvü Göydəniz Qəhrəmanov məlumat verib.“AZTA –nın idarə heyətinin qərarı ilə turizm bələdçiləri ilə iş üzrə komitə yaradılıb. Yeni komitənin artıq ilk iclası keçirilib. İclasda inzibati məsələlər müzakirə olunub. Yeni yaranmış bələdçilərlə iş üzrə komitənin rəhbəri vəzifəsinə Samirə Quliyeva seçilib. Bununla da Azərbaycan Turizm Assosiasiyasının komitələrinin sayı 5-ə çatıb. Bunlar gəlmə turizm, getmə turizm, nəqliyyat məsələləri, otellərlə iş və bələdçilərlə iş üzrə komitələrdir”, – deyə Göydəniz Qəhrəmanov bildirib.Qeyd edək ki, Samirə Quliyeva “Guide Services” şirkətinin rəhbəridir.xeber100.com

“Caspian Energy Forum Tbilisi – 2018”in vaxtı dəyişdirilib

“Caspian Energy Georgia” şirkəti tərəfindən təşkil olunan V Beynəlxalq “Caspian Energy Forum Tbilisi – 2018”in vaxtı dəyişdirilərək 2018-ci il aprelin 18-dən mayın 8-nə keçirilib.Forumun tarixinin dəyişdirilməsi Azərbaycanda və onun hüdudlarından kənarda təşkil olunan beynəlxalq tədbirlərdə iştirak edən şirkətlərin çoxsaylı xahişləri ilə əlaqədardır.“Caspian European Club”un sədrinin birinci müavini və baş icraçı direktoru Telman Əliyev Azərtac-a bildirilib ki, əsas iştirakçılarından biri Gürcüstan olan bir sıra iri regional enerji və nəqliyyat layihələrinin həyata keçirilməsi, həmçinin beynəlxalq biznes ictimaiyyətinin nümayəndələrində Gürcüstan iqtisadiyyatına böyük maraq yaradan əlverişli investisiya şəraiti və işgüzar mühitlə əlaqədar, foruma Avropa, Amerika və Asiya qitəsini təmsil edən çox sayda iştirakçının qatılacağı gözlənilir.O, həmçinin qeyd edib ki, açılış mərasimində Gürcüstanın Baş naziri Georgi Kvirikaşvilinin və hökumətin Gürcüstanın iqtisadi blokunu təmsil edən üzvlərinin iştirakı nəzərdə tutulub. V Beynəlxalq “Caspian Energy Forum Tbilisi – 2018”ə Gürcüstan hökuməti, Azərbaycan hökuməti və “Caspian European Club” rəsmi dəstək verir.xeber100.com

Neftin qiyməti müxtəlif istiqamətlərdə dəyişib

Dünya birjalarında neftin qiyməti müxtəlif istiqamətlərdə dəyişib.Azərtac xəbər verir ki, “Azeri Light” markalı neftin bir barrelinin qiyməti 0,24 dollar ucuzlaşaraq 71,27 dollar olub.Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,17 dollar bahalaşaraq 71,06 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,28 dollar artaraq 66,54 dollar təşkil edib.xeber100.com

Alman-Azərbaycan biznes-forumu keçiriləcək

Aprelin 10-da Alman-Azərbaycan Xarici Ticarət Palatası (AHK) "Tibbi Turizm" üzrə Alman-Azərbaycan biznes-forumu keçirəcək.Azərtac Alman-Azərbaycan Xarici Ticarət Palatasına istinadla xəbər verir ki, biznes-forum Berlin şəhərinin kardiologiya, neyrocərrahiyyə və onkologiya üzrə ixtisaslaşan klinikaların nümayəndə heyətinin Azərbaycana səfəri ilə əlaqədar olaraq "Berlin biznes və texnologiya tərəfdaşı" GmbH ilə əməkdaşlıq çərçivəsində təşkil edilir.Tədbirin əsas məqsədi yeni işgüzar əməkdaşlıq üçün mövcud imkanları müəyyənləşdirmək və alman klinikaları, tibb müəssisələri və onların azərbaycanlı tərəfdaşlarına səhiyyədə rəqəmsal texnologiyaların tətbiqi və eləcə də tibbi turizm üzrə layihə və təkliflərini təqdim etməkdir.Forum zamanı iştirakçılar yeni biznes imkanları əldə edə, yeni layihələr tanıya və Alman-Azərbaycan sıx əməkdaşlığının bir hissəsi olaraq şəbəkələrini genişləndirə bilərlər.Qeyd edək ki, Azərbaycanda səhiyyə müəssisələrinin yenidən qurulması, həyata keçirilən zəruri proqramlar, layihələr və qabaqcıl texnologiyaların tətbiqi, yeni kadr potensialının hazırlanması Azərbaycan hökumətinin prioritet istiqamətlərindəndir. Bu layihələrdə beynəlxalq əməkdaşlıq önəmli rol oynayır. Xüsusən, səhiyyə sahəsində dünya üzrə rəqabətədavamlı texnologiya və innovasiyaları ilə aparıcı mövqeyə malik olan Almaniya bu baxımdan Azərbaycana əhəmiyyətli partnyorluq imkanları təklif edir.xeber100.com

“ABB-Moskva” maliyyə vəsaitlərinin cəlb olunması şərtlərini dəyişdirib

Azərbaycan Beynəlxalq Bankının Rusiyada ləğv olunan törəməsi "ABB-Moskva" bu ilin martın 20-dən "Təcili" əmanəti üzrə maliyyə vəsaitlərinin cəlb olunması şərtlərini dəyişdirib."Apa-Economics" bankın saytına istinadən xəbər verir ki, "ABB-Moskva" "Universal", "Elite+" və "Xüsusi" əmanətləri üzrə vəsait cəlbini dayandırıb."ABB-Moskva" fəaliyyətinin dayandırılması və bağlanmış filialların müştərilərinin çoxsaylı müraciətlərini nəzərə alaraq əmanət müqavilələrinə vaxtından əvvəl xitam verilməsi üçün güzəştli şərtlər təqdim edir. "ABB-Moskva" əmanətçilərə əmanətin bütün növləri üzrə müqavilələrə əlavə razılaşma imzalamağı təklif edir. Əlavə razılaşma ilk tələbdə əmanət müqaviləsini dayandırmaq hüququ verməklə əmanətçiyə bankın faizlərlə birlikdə əmanəti tam həcmdə əldə etməyə imkan verəcək", - deyə məlumatda vurğulanıb.Məlumatda o da bildirilib ki, "ABB-Moskva"nın filialları bu ilin aprelin 27-dək bağlanacaq.Xatırladaq ki, martın 14-də keçirilmiş Bankın Səhmdarlarının Ümumi Yığıncağında “Bank “MBA-Moskva”, “ABB-Gürcüstan” və “Biznes-Rabitə” MMC-nin fəaliyyətinin dayandırılması qərara alınıb.Qeyd edək ki, martın 5-də "ABB-Moskva" Sankt-Peterburq və Yekaterinburqdakı filiallarının bağlanacağını elan edib. Martın 5-dən bu filiallarda əmanət qəbulu və pul köçürülməsi xidməti dayandırılıb, əmanətlərin qaytarılması prosesi heç bir məhdudiyyət olmadan həyata keçirilir.xeber100.com

Brent markalı neftin dəyəri azalıb

Dünya birjalarında neft ucuzlaşıb."Apa-Economics" xəbər verir ki, Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin qiyməti 1 barelə görə 0,29 dollar və ya 0,44% azalaraq 65,59 dollar təşkil edib.ICE London qitələrarası birjasında Brent markalı neftin 1 barelinin dəyəri isə 0,15 dollar və ya 0,21% azalaraq 70,30 dollar təşkil edib.xeber100.com

Nyu-Yorkun NYMEX əmtəə birjasında

Dünya birjalarında neft bahalaşıb."Apa-Economics" xəbər verir ki, Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin qiyməti 1 barelə görə 1,58 dollar və ya 2,46% artaraq 65,88 dollar təşkil edib.ICE London qitələrarası birjasında Brent markalı neftin 1 barelinin dəyəri isə 1,54 dollar və ya 2,23% artaraq 70,45 dollar təşkil edib.xeber100.com

İxracın və İnvestisiyaların Təşviqi Fondunun məlumatı

Bu ilin 26-27 aprel tarixlərində Çexiyanın Praqa şəhərində “Praqa İşgüzar Görüşləri” adlı maliyyə-iqtisadi forumu keçiriləcək.Apa Azərbaycanda İxracın və İnvestisiyaların Təşviqi Fonduna (Azpromo) istinadən məlumat verir ki, forum MDB İcraiyyə Komitəsinin dəstəyi ilə MDB Maliyyə-Bank Şurası tərəfindən təşkil olunur.Forumda milli və kommersiya banklarının və birjaların rəhbərləri, maliyyə qurumları və bank birliklərinin nümayəndələri, o cümlədən innovasiya və investisiya şirkətlərinin rəhbər şəxslərinin iştirakı gözlənilir. Forumun işgüzar proqramında MDB iştirakçı dövlətləri və Avropa İttifaqının maliyyə bazarlarının yeni qarşılıqlı əlaqə formatları, ixracın maliyyələşdirilməsi, rəqəmsal iqtisadiyyatın inkişafı, həmçinin inteqrasiya yönümlü investisiya layihələrinin təqdimatı kimi məsələlər müzakirə olunacaq."Bununla əlaqədar olaraq, "Praqa işgüzar görüşləri forumunun iştirakçıları iri biznesin nümayəndələri, investorlar və mütəxəssislərlə görüşmək imkanı əldə edəcəklər. MDB İcraiyyə Komitəsi Azərbaycan işgüzar dairələrini tədbirdə iştiraka dəvət edir", - deyə məlumatda vurğulanıb.xeber100.com

Dünya birjalarında neftin qiyməti…

Bu gün birjadakı ticarət zamanı Brent markalı neftin qiyməti 70 dollara çatıb.Apa-nın xəbərinə görə, neftin qiyməti 70,20 dolları keçib, sonra isə korreksiya nəticəsində bir qədər aşağı düşüb.Qiymət artımına Səudiyyə Ərəbistanı enerji naziri Xalid əl-Falihin açıqlamaları təsir edib. Xalid əl-Falih bildirib ki, OPEC, Rusiya və digər ölkələr hasilatın azaldılması barədə razılaşmanı 2019-cu ildə də davam etdirməlidir. 2017-ci ilin yanvarından bəri tərəflər bazarda təklifi azaltmaq üçlün hasilat həcmini gündə 1,8 milyon barel ixtisar edirlər.xeber100.com