“Bakı Metropoliteni” QSC: “Xocəsən” stansiyası ilk sərnişinlərini qəbul edir

“Xocəsən” stansiyası ilk sərnişinlərini qəbul edir. “Bakı Metropoliteni” QSC-nin sədr müavini Hidayət Məmmədovun sözlərinə görə, “Xocəsən” stansiyası “Bakımetrolayihə” İnstitutunun mütəxəssisləri tərəfindən layihələndirilib. Stansiyanın istismara verilməsi ilə “Bənövşəyi xətt”in sərnişinləri artıq 7 vaqondan ibarət qatarlardan istifadə edə biləcək. Bakı metrosunun sayca 27-ci stansiyası olan “Xocəsən” “Bakmil”dən fərqli olaraq sərnişindaşımalarına daha intensiv cəlb ediləcək. Metropolitenin mətbuat katibi Bəxtiyar Məmmədov isə qatarların intervalı ilə bağlı məsələyə toxunub. Qeyd edib ki, “Bənövşəyi xətt”də qatarlar “Avtovağzal” stansiyasından 8 dəqiqəlik intervalla hərəkət edir. Həmin stansiyadan sərnişinlər bir qatardan bir “Xocəsən” stansiyasına gələ biləcək: “Avtovağzaldan hərəkət edən qatarlar bir dəfə “8 Noyabr”, növbəti dəfə “Xocəsən” stansiyasına daxil olacaq və bunun nəticəsində də “Xocəsən”dən yola düşən qatarların intervalı 16 dəqiqə təşkil edəcək. Gələcəkdə sərnişinlərin sıxlığı və bir sıra məsələlər nəzərə alınaraq qatarların intervalı dəyişdirilə bilər”. Qeyd edək ki, Azərbaycan Respublikasının Prezidenti İlham Əliyevin iştirakı ilə dekabrın 23-də Bakı Metropoliteninin “Xocəsən” elektrik deposunun və “Xocəsən” stansiyasının açılışı olub.xeber100.com

Dekabrın 23-nə olan USD/AZN rəsmi məzənnəsi açıqlanıb

Azərbaycan Mərkəzi Bankı (AMB) dekabrın 23-nə olan USD/AZN rəsmi məzənnəsini açıqlayıb. AMB-dən bildirilib ki, bankın dekabrın 23-dən etibarən USD/AZN rəsmi məzənnəsi 1,7000 manat səviyyəsində müəyyən olunub.xeber100.com

Bakı-Naxçıvan-Bakı aviareyslərinin sərnişinlərinin daşınmasına başlanılır

“Azərbaycan Hava Yolları” (AZAL) aviaşirkəti təxirə salınmış Bakı-Naxçıvan-Bakı marşrutu üzrə reyslərin sərnişinlərinin daşınması üçün hazırda bütün lazımi tədbirləri görür. AZAL-dan bildirilib ki, Bakı-Naxçıvan marşrutu üzrə dekabrın 17-nə planlaşdırılan “J2-251” (saat 07:00) və “J2-253” (saat 11:50) nömrəli reyslər dekabrın 19-u yerli vaxtla saat 16:00-da, Bakı-Naxçıvan marşrutu üzrə bu günə planlaşdırılan “J2-252” (saat 10:20) və “J2-254” (saat 15:10) nömrəli reyslər isə bu gün yerli vaxtla saat 18:20-da həyata keçiriləcək. Sözügedən reysin sərnişinləri AZAL-ın ən böyük geniş gövdəli təyyarəsi “Airbus A340” ilə Naxçıvan hava limanına yola düşəcəklər. Təxirə salınmış reyslərin sərnişinləri hava limanının qeydiyyat masasına öncədən yaxınlaşmalıdırlar. AZAL digər təxirə salınmış reyslərin sərnişinlərindən uçuşlar haqqında ən son məlumatları aviaşirkətin rəsmi sosial şəbəkə səhifələrində və kütləvi informasiya vasitələrində izləmələrini xahiş edir. Onların cədvəli tezliklə dərc olunacaq. Bununla yanaşı, xüsusilə qeyd edilir ki, uçuşların təhlükəsizliyi məqsədilə bütün reyslər yalnız əlverişli hava şəraitində həyata keçiriləcək.xeber100.com

İnternet olmadan dövlət mobil tətbiqlərindən istifadə olunacaq

Vətəndaşlar internet trafiki olmadan dövlət mobil tətbiqlərindən istifadə edə biləcəklər. Bu sözləri İnnovasiya və Rəqəmsal İnkişaf Agentliyinin rəhbəri İnarə Vəliyeva deyib: "Hazırda bu layihə “Azercell” ilə test rejimindədir. Nəticə uğurlu olduqdan sonra “Bakcell” və “Azerfon”un da bu prosesə cəlb olunması planlaşdırılır".xeber100.com

“Azərbaycan Hava Yolları” aviaşirkəti Özbəkistana uçuş proqramını genişləndirir

“Azərbaycan Hava Yolları” (AZAL) aviaşirkəti Özbəkistana uçuş proqramını genişləndirir və Bakı-Fərqanə-Bakı marşrutu üzrə biletləri satışa çıxarır. AZAL-ın məlumatına görə, aviaşirkət bu şəhərə ilk uçuşunu dekabrın 15-də həyata keçirəcək, uçuşlar həftədə bir dəfə - cümə axşamı yerinə yetiriləcək. Qeyd edək ki, Azərbaycanın milli aviadaşıyıcısı AZAL, həmçinin Özbəkistanın digər iki şəhərinə - Daşkənd və Səmərqəndə uçuşlar həyata keçirir. Qeyd olunan reyslərə müəyyən edilmiş daşıma şərtlərinə uyğun olan və mövcud epidemioloji məhdudiyyətlər şəraitində uçuşuna icazə verilən sərnişinlər buraxılacaq.xeber100.com  

“Azəristiliktəchizat” ASC və Asiya İnkişaf Bankı arasında görüş keçirilib

“Azəristiliktəchizat” ASC və Asiya İnkişaf Bankı (ADB) arasında görüş keçirilib. “Azəristiliktəchizat”dan bildirilib ki, görüşdə ASC–nin fəaliyyətinin gücləndirilməsi və müasirləşdirilməsi istiqamətində aparılan islahatlar barədə məlumat verilib və texniki yardımın mümkünlüyü haqqında ətraflı müzakirələr aparılıb. Diqqətə çatdırılıb ki, 2005-ci ildə yaradılan “Azəristiliktəchizat” hazırda ölkə ərazisində 180 min mənzilə və 3000-ə yaxın kommersiya və büdcədən maliyyələşən təsisatlara xidmət göstərir. Prezident İlham Əliyevin 2022-ci il 29 aprel tarixli “İstilik təchizatı sahəsində ilahatların sürətləndirilməsi və səmərləliliyin artırılması ilə bağlı tədbirlər haqqında” Sərəncamından irəli gələn yeni strateji vəzifələr barədə məlumat verilib. ADB-nin Azərbaycandakı ofisinin rəhbəri xanım Kandis MakDeyqan istilik enerjisi sektorunda islahatların vacibliyini vurğulayıb və bu sahədə əməkdaşlıq imkanlarını nəzərdən keçirəcəklərini bildirib.xeber100.com

MDB dövlətlərin Gömrük Xidməti Rəhbərləri Şurasının 75-ci iclası keçirilib

Qazaxıstanın Aktau şəhərində MDB dövlətlərin Gömrük Xidməti Rəhbərləri Şurasının 75-ci iclası keçirilib.Tədbirdə Azərbaycan Respublikası Dövlət Gömrük Komitəsi sədrinin birinci müavini, sədr vəzifəsini müvəqqəti icra edən, gömrük xidməti general-leytenantı Şahin Bağırovun rəhbərliyi ilə nümayəndə heyəti iştirak edib.Komitənin Mətbuat və İctimaiyyətlə Əlaqələr İdarəsindən bildirilib ki, iclasda əqli mülkiyyət hüquqlarının pozulmasının tətbiq edildiyi mallara münasibətdə məlumat mübadiləsinin reqlamenti ilə bağlı müzakirələrdə Şahin Bağırov xüsusilə, gömrük orqanları tərəfindən coğrafi göstəricilərin və əmtəə nişanlarının yanlış göstərilməsi hallarına qarşı mübarizənin gücləndirilməsinin və bu məsələnin davamlı diqqətdə saxlanılmasının vacibliyini vurğulayıb. Belə ki, artan ticarət dövriyyəsi zamanı bu cür yanlış göstəriciləri olan malların dövriyyəyə buraxılmasına qarşı əvvəlcədən gömrük orqanları tərəfindən aidiyyəti tədbirlər həyata keçirilməlidir.xeber100.com Qeyd edilib ki, nəqliyyat vasitələrinin gömrük plombları altında daşınmasının xüsusi texniki qaydaları mövcud olduğundan bu sahədə də zəruri işlər görülməlidir. Bu məsələlər beynəlxalq konvensiyalardan irəli gələrək nəqliyyat vasitələrinin qoşqu hissələrinə hər hansı kənar predmetlərin yerləşdirilməsi hallarının qarşısının alınmasında xüsusi önəm daşıyır.İclasda, həmçinin gömrük məsələləri ilə bağlı bir sıra müzakirələr də aparılıb.xeber100.com  

Azərbaycan Mərkəzi Bankı USD/AZN rəsmi məzənnəsini açıqlayıb

Azərbaycan Mərkəzi Bankı (AMB) dekabrın 12-nə olan USD/AZN rəsmi məzənnəsini açıqlayıb.AMB-dən bildirilib ki, USD/AZN rəsmi məzənnəsi 1,7000 manat səviyyəsində müəyyən olunub.xeber100.com

Dünya Bankı dəyəri 3,2 milyard dollar olan 49 layihə həyata keçirib

Dünya Bankı indiyədək Azərbaycanda dəyəri 3,2 milyard dollar olan 49 layihə həyata keçirib.Bu barədə dekabrın 7-də iqtisadiyyat nazirinin müavini Səməd Bəşirli “Azərbaycan yaşıl inkişafa doğru” hesabatının təqdimat mərasimində deyib.Nazir müavini bildirib ki, 3 layihənin icrası davam edir.xeber100.com

“Azeri Light” markalı neftin bir barelinin qiyməti 5 dollar azalıb

Azərbaycan neftinin qiyməti ucuzlaşıb.“Azeri Light” markalı neftin bir barelinin qiyməti 5 dollar azalaraq 82,09 dollar olub.Xatırladaq ki, Azərbaycan neftinin bir barelinin bu il ərzində maksimum qiyməti martın 9-da (135,99) qeydə alınmışdı.xeber100.com