14-cü Azərbaycan Beynəlxalq Kənd Təsərrüfatı sərgisi keçirilir

Bu gün Bakı Ekspo Mərkəzində 14-cü Azərbaycan Beynəlxalq Kənd Təsərrüfatı (“Caspian Agro 2021”) və 26-cı Azərbaycan Beynəlxalq Qida Sənayesi (“InterFood Azerbaijan 2021”) sərgiləri işə başlayıb. Koronavirus pandemiyası ilə əlaqədar yaranmış 2 illik fasilədən sonra ənənəvi formatda keçirilən ilk sərgi Nazirlər Kabineti yanında Operativ Qərargahın karantin rejimi tələblərinə tam əməl olunmaqla təşkil olunub.Kənd Təsərrüfatı Nazirliyinin İctimaiyyətlə əlaqələr və informasiya təminatı şöbəsindən Azərtac-a bildirilib ki, açılış mərasimində çıxış edən kənd təsərrüfatı naziri İnam Kərimov Prezident İlham Əliyevin həyata keçirdiyi məqsədyönlü siyasət nəticəsində ölkəmiz özünün keyfiyyətcə yeni inkişaf mərhələsinə qədəm qoyduğunu deyib. Bildirib ki, iqtisadiyyatımızın bütün sahələrində, o cümlədən aqrar sahədə dinamik inkişaf davam edir. Ali Baş Komandanın rəhbərliyi ilə müzəffər Ordumuzun işğal altında olan torpaqlarımızı azad etməsi həmin ərazilərdə aqrar sahəni yenidən inkişaf etdirmək üçün böyük imkanlar yaradıb. Kənd təsərrüfatında mütərəqqi innovasiya və texnologiyalardan daha geniş istifadənin təmin olunması əsas vəzifələrdəndir. Bu baxımdan müasir texnologiyaların və ən yaxşı təcrübələrin transferində beynəlxalq aqrar sərgilər böyük əhəmiyyətə malikdir.Tədbirdə çıxış edən Kiçik və Orta Biznesin İnkişafı Agentliyinin İdarə Heyətinin sədri Orxan Məmmədov və “Caspian Event Organisers” şirkətinin regional direktoru Edvard Stron bugünkü sərgini işgüzar əlaqələrin bərpa edilməsi və yeni əməkdaşlığın qurulması baxımından mühüm platforma adlandırıblar.xeber100.com  

ABŞ neft qiymətlərinə dair proqnozunu açıqlayıb

ABŞ neft qiymətlərinə dair proqnozunu açıqlayıb.Azərtac Birləşmiş Ştatların Enerji İnformasiya Administrasiyasının (EIA) yaydığı məlumata istinadla xəbər verir ki, cari ildə “Brent” markalı xam neftin bir barelinin orta qiymətinin 65,19 dollar olacağı nəzərdə tutulur. Ötənaykı proqnoz isə 62,26 dollar/barel idi.EIA bildirib ki, ikinci rübdə “Brent”in orta qiyməti 67,44 dollar/barel, ilin ikinci yarısında 66 dollar/barel olacaq.Gələn il “Brent” neftinin orta qiyməti 60,40 dollar/barel təşkil edəcək. Əvvəlki proqnoz 61 dollar/barel idi.“Light” markalı xam neftin orta qiymətinin bu il 61,85 dollar/barel, növbəti ildə isə 56,74 dollar/barel olacağı gözlənilir. Ötənaykı proqnozlar 2021-ci il üçün 58,91 dollar/barel, 2022-ci il üzrə 56,99 dollar/barel olmuşdu.xeber100.com

Avropa çempionatının oyunları ilə əlaqədar həftəsonu ictimai nəqliyyat işləyəcək

Avropa çempionatının Bakıda keçiriləcək oyunu ilə əlaqədar iyunun 12-də ictimai nəqliyyat işləyəcək.Azərtac xəbər verir ki, həmin gün paytaxtda sərnişin avtobusları və metro fəaliyyət göstərəcək.Qeyd edək ki, bu barədə Nazirlər Kabinetinin Qərarında bildirilib.İyunun 13-də saat 00:00-dan iyunun 14-də saat 06:00-dək isə ictimai nəqliyyatın, o cümlədən “Bakı Metropoliteni” QSC-nin fəaliyyəti dayandırılır.xeber100.com

“Light” markalı neftin bir barelinin qiyməti 0,81 dollar bahalaşıb

Dünya birjalarında neft qiymətləri bahalaşır.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barelinin qiyməti 0,58 dollar artaraq 71,89 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barelinin qiyməti isə 0,81 dollar bahalaşaraq 69,62 dollar olub.xeber100.com

“Buta Airways” xüsusi reyslər həyata keçirməyə başlayıb

Aşağıbüdcəli aviadaşıyıcı “Buta Airways” bu gündən etibarən Bakıdan Həştərxan şəhərinə xüsusi reyslər həyata keçirməyə başlayıb.Azərtac aviaşirkətə istinadla xəbər verir ki, uçuşlar həftədə bir dəfə - həftənin cümə axşamı günləri Bakı-Həştərxan-Bakı istiqamətində yerinə yetirilir.Ölkədəki epidemioloji vəziyyətlə bağlı tətbiq edilmiş məhdudiyyətləri və qaydaları nəzərə alaraq aviaşirkət biletləri yalnız iki tarif üzrə təklif edir - "Standart" və "Super". Hər iki tarifə ödənişsiz qaydada yer seçimi və hava limanında qeydiyyat opsiyaları daxildir.Qeyd edilən reyslərə biletlər "Buta Airways" aviaşirkətinin rəsmi saytında (“Super” və “Standart” tarifləri üzrə) və akkreditə olunmuş agentliklərində (yalnız “Super” tarifi üzrə) mövcuddur. Aviabiletlərin qiyməti 55 avrodan başlayır.Pandemiya dövründə həmin reyslərə həm gediş, həm gəliş zamanı Heydər Əliyev Beynəlxalq Aeroportunun 1-ci Terminalında xidmət göstərilir. Reyslərə mövcud epidemioloji məhdudiyyətlər şəraitində uçuş icazəsi olan kateqoriyalı sərnişinlər qəbul olunur.xeber100.com

Mərkəzi Bank iyunun 3-nə olan USD/AZN rəsmi məzənnəsini açıqlayıb

Azərbaycan Mərkəzi Bankı (AMB) iyunun 3-nə olan USD/AZN rəsmi məzənnəsini açıqlayıb.AMB-dən Azərtac-a bildirilib ki, bankın iyunun 3-dən etibarən USD/AZN rəsmi məzənnəsi 1,7000 manat səviyyəsində müəyyən olunub.xeber100.com

Bakı Fond Birjasında qısamüddətli notların yerləşdirilməsi üzrə hərrac keçiriləcək

İyunun 2-də Bakı Fond Birjasında (BFB) Azərbaycan Mərkəzi Bankının (AMB) qısamüddətli notlarının yerləşdirilməsi üzrə hərrac keçiriləcək.BFB-dən Azərtac-a bildirilib ki, hərraca çıxarılan notların həcmi 100 milyon manat, bir notun nominal dəyəri 100 manat, tədavül müddəti 28 gündür. Notlar iyunun 30-da ödəniləcək.Hər bir bank tərəfindən təqdim edilən sifarişlərin ümumi sayı 2-dən (1 rəqabətli və 1 qeyri-rəqabətli) çox olmamalıdır. Notların buraxılışının 20 faizdən çox olmamaq şərtilə qeyri-rəqabətli sifarişlərin qəbul edilməsinə icazə verilir. Hərracda toplanmış tələb təklifdən çox olduğu halda, təklif emitent tərəfindən ilkin olaraq hərraca çıxarılmış məbləğ maksimum 20 faizədək artırıla bilər. Hərrac nəticəsində bağlanılan əqdlər üzrə hesablaşmalar T+0 rejimində həyata keçiriləcək. Təqdim olunan sifarişlər üzrə qiymət diapazonu 99.5167-99.5543 AZN təşkil edir. Mərkəzi Bankın qısamüddətli notlarının alıcıları qismində yalnız lisenziya əsasında fəaliyyət göstərən yerli banklar çıxış edə bilər.xeber100.com

Dövlət Statistika Komitəsinin məlumatına görə…

Apreldə nəqliyyat sektorunda fəaliyyət göstərən müəssisələr və fiziki şəxslər tərəfindən 15,7 milyon ton yük daşınıb.Bu barədə Azərtac-a Dövlət Statistika Komitəsindən bildirilib.Xatırladaq ki, martda daşınan yüklərin həcmi 16,4 milyon ton olub.xeber100.com

“Brent” markalı neftin bir barelinin qiyməti 0,04 dollar artıb

Dünya birjalarında neft qiymətləri bahalaşıb.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barelinin qiyməti 0,04 dollar artaraq 69,50 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barelinin qiyməti isə 0,06 dollar bahalaşaraq 66,91 dollar olub.xeber100.com

Dünya birjalarında neft qiymətləri müxtəlif istiqamətlərdə dəyişib

Dünya birjalarında neft qiymətləri müxtəlif istiqamətlərdə dəyişib.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barelinin qiyməti 0,11 dollar artaraq 68,76 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barelinin qiyməti isə 0,03 dollar ucuzlaşaraq 66,04 dollar olub.xeber100.com