“Recexpo III” sərgisi çərçivəsində

Noyabrın 29-da “Recexpo III” sərgisi çərçivəsində Əmlak Məsələləri Dövlət Komitəsi (ƏMDK) tərəfindən "Daşınnaz əmlak, özəlləşdirmə və investisiyalar" mövzusunda beynəlxalq konfrans keçirilir.Azərtac xəbər verir ki, Bakı Ekspo Mərkəzində təşkil olunan konfransda Almaniya, Yunanıstan, Türkiyə, Birləşmiş Ərəb Əmirlikləri (BƏƏ), Belarus, Birləşmiş Krallıq, Polşa, Macarıstan, Portuqaliya, İspaniya və digər ölkələrin dövlət qurumlarının, eləcə də xarici ölkələrin ölkəmizdəki səfirliklərinin, beynəlxalq təşkilatların 100-dən çox nümayəndəsi iştirak edir.Konfransın məqsədi daşınmaz əmlak idarəçiliyi və özəlləşdirmə, o cümlədən ölkəmizdə daşınmaz əmlak bazarının formalaşdırılması sahəsində xarici ölkələrin aidiyyəti dövlət, qeyri-hökumət və özəl qurumları ilə əlaqələrin qurulmasıdır. Eyni zamanda, beynəlxalq təşkilatlarla qarşılıqlı əməkdaşlığın inkişafı, habelə bu sahələrdə birgə fəaliyyət imkanları və beynəlxalq təcrübə haqqında geniş müzakirələrin aparılması da əsas vəzifələrdəndir. Həmçinin ölkəmizdəki özəlləşmə imkanlarının və perspektivlərinin nümayişi, yerli və xarici investor kütləsinin özəlləşmə prosesinə cəlb edilməsi də tədbirin məqsədlərindəndir.Əmlak Məsələləri Dövlət Komitəsinin sədri Kərəm Həsənov bildirib ki, Azərbaycanda əsası ümummilli lider Heydər Əliyev tərəfindən qoyulan iqtisadi siyasət hazırda Prezident İlham Əliyev tərəfindən uğurla davam etdirilir. Ölkə başçısının rəhbərliyi ilə aparılan iqtisadi islahatlar son nəticədə makroiqtisadi göstəricilərin, habelə ölkə iqtisadiyyatına daxil olan xarici investisiyaların artmasına səbəb olub. Bu məqsədlə genişmiqyaslı islahatlar həyata keçirilir. Nəticədə investorların hüquq və mənafelərinin qorunması, mülkiyyətin toxunulmazlığı, yerli və xarici sahibkarlara bərabər şəraitin yaradılması təmin edilib.xeber100.com

Londonun ICE birjasında neftin qiyməti ucuzlaşıb

Azərbaycan neftinin qiyməti ucuzlaşıb.Azərtac xəbər verir ki, “AzəriLayt” markalı neftin bir barrelinin qiyməti 0,36 dollar ucuzlaşaraq 64,69 dollar olub.Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,24 dollar ucuzlaşaraq 63,60 dollar, Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti isə 0,36 dollar azalaraq 57,75 dollar təşkil edib.xeber100.com

İkinci İpək Yolu beynəlxalq konfransı işə başlayıb

Tbilisidə İkinci İpək Yolu beynəlxalq konfransı işə başlayıb. İki gün davam edəcək konfransda 50 ölkədən mindən çox nümayəndə iştirak edir.Azərtac xəbər verir ki, tədbirdə Azərbaycanı nəqliyyat, rabitə və yüksək texnologiyalar naziri Ramin Quluzadə, “Azərbaycan Dəmir Yolları” QSC-nin sədri Cavid Qurbanov, “Azərbaycan Xəzər Dəniz Gəmiçiliyi” QSC-nin rəisi Rauf Vəliyev və digər rəsmi şəxslər təmsil edirlər.Tədbiri Gürcüstanın Baş naziri Giorgi Kvirikaşvili açaraq ölkəsinin tarixi İpək Yoluna böyük önəm verdiyini bildirib. Baş nazir Gürcüstanın iqtisadi inkişafı, beynəlxalq layihələrdə iştirakı, investisiya imkanları barədə ətraflı məlumat verib.Konfransda ilk dəfə olaraq Ukrayna və Moldovanın baş nazirləri və Sloveniya baş nazirinin müavini iştirak edirlər.Konfransda böyük İpək Yolunun inkişafı, regional təhlükəsizlik, iqtisadi, enerji, infrastruktur layihələri, logistika, regional əməkdaşlıq məsələləri müzakirə olunacaq.Tədbirdə, həmçinin həyata keçirilən iri regional neft və qaz layihələri, eləcə də Bakı-Tbilisi-Qars dəmir yolu layihəsi diqqət mərkəzində olacaq.xeber100.com

III Azərbaycan Beynəlxalq Daşınmaz Əmlak və İnvestisiya Sərgisi açılıb

Noyabrın 28-də Bakı Ekspo Mərkəzində Əmlak Məsələləri Dövlət Komitəsi (ƏMDK), “Elan Expo” və “Atılım Fuarcılık” şirkətlərinin təşkilatçılığı ilə Azərbaycan Beynəlxalq Daşınmaz Əmlak və İnvestisiya Sərgisi (“RecExpo III”) açılıb.Azərtac xəbər verir ki, sərginin açılış mərasimində bir sıra xarici dövlətlərin ölkəmizdəki səfirləri, nüfuzlu yerli və xarici investisiya, tikinti və əmlak şirkətlərinin rəhbərləri iştirak ediblər.Sərgidə Azərbaycanla yanaşı, Türkiyə, Birləşmiş Ərəb Əmirlikləri (BƏƏ), Qətər, Birləşmiş Krallıq, Portuqaliya, Fransa, İspaniya, Polşa, İtaliya, Rusiya, Andorra və Gürcüstandan 70-ə yaxın daşınmaz əmlak şirkəti, investisiya qurumları və digər təşkilatlar təmsil olunur. Bu beynəlxalq tədbirdə 150-dən çox tikinti və inşaat layihələri təqdim edilir.xeber100.com

Azərbaycan-Belarus işgüzar görüşü keçiriləcək

Belarus Respublikasının Qrodno şəhərinin iş adamlarından ibarət nümayəndə heyətinin ölkəmizə səfəri çərçivəsində dekabrın 7-də Bakıda Azərbaycan-Belarus işgüzar görüşü keçiriləcək.Azərbaycanda İxracın və İnvestisiyaların Təşviqi Fondundan (AZPROMO) Azərtac-a bildiriblər ki, Belarus nümayəndə heyətinə Qrodno şəhərinin icra komitəsinin sədri Meçislav Qoy rəhbərlik edəcək. Tədbirə iqtisadiyyatın müxtəlif sahələrində fəaliyyət göstərən 7 Belarus şirkətinin qatılacağı gözlənilir.İşgüzar görüş İqtisadiyyat Nazirliyinin dəstəyi və AZPROMO-nun təşkilatçılığı ilə baş tutacaq.xeber100.com

Neft Fondunun da iştirakı ilə hərrac keçirilib

Noyabrın 28-də Mərkəzi Bankda Dövlət Neft Fondunun da iştirakı ilə hərrac keçirilib.Bankdan Azərtac-a bildiriblər ki, hərracda manatın ortaçəkili məzənnəsi 1,7001 səviyyəsində formalaşıb.xeber100.com

“Brent” markalı neftin qiyməti ucuzlaşıb

Dünya birjalarında neftin qiyməti ucuzlaşıb.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,02 dollar ucuzlaşaraq 63,84 dollar, Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti isə 0,25 dollar azalaraq 58,70 dollar təşkil edib.xeber100.com

Mərkəzi Bank depozit hərracının nəticələrini açıqlayıb

Mərkəzi Bank tərəfindən vəsaitlərin cəlb edilməsi üzrə depozit hərracının nəticələri açıqlanıb.Bankdan Azərtac-a bildiriblər ki, noyabrın 27-də Mərkəzi Bank tərəfindən vəsaitlərin cəlb edilməsi üzrə keçirilmiş növbəti depozit hərracında tələb 903,10 milyon manat, hərracın nəticəsində bağlanılmış depozit əqdləri üzrə orta ölçülmüş faiz dərəcəsi isə 10,01 faiz təşkil edib.xeber100.com

“AtaHolding”in məlumatı əsasında…

Dekabrın 5-də "Excelsior Hotel & Spa Baku" otelində "Otelçilikdə PR-in təşkili" mövzusunda seminar keçiriləcək."AtaHolding"dən Azərtac-a bildiriblər ki, seminarda "AtaHolding" korporativ kommunikasiyalar şöbəsinin rəisi Dilara Zamanova, "Azərbaycan Public Relation Association" idarə heyətinin üzvü, "Əlibəyov Consulting" şirkətinin rəhbəri Vəli Əlibəyov adıçəkilən mövzuda təqdimatla çıxış edəcəklər. Seminarda otel sahəsində çalışan iştirakçı PR mütəxəssisləri bu sahədə öz təcrübələrini bölüşəcək və mövzu ətrafında fikir mübadiləsi aparılacaq.D.Zamanova bildirib ki, tədbirin keçirilməsində məqsəd otel sahəsində çalışan PR mütəxəssislər arasında təcrübə mübadiləsi aparmaq və gələcəkdə bu sahədə keçiriləcək təlimlər sahəsində əməkdaşlıq imkanlarının müzakirəsidir: "Bu gün turizmin əsas sahələrindən biri olan və Azərbaycanda da çoxsaylı otellərin tikilib istifadəyə verilməsi ilə sürətlə inkişaf edən otelçilik turizmi ilə bağlı PR, otelin təklif etdiyi məhsul və ya xidmətin müştəridə xoş və müsbət münasibət, bu sahədə qarşılıqlı anlaşma formalaşdırılmasını ehtiva edir. Otelçilik turizmi üzrə PR bacarıqlarının artırılması hazırda olduqca önəmlidir. Bu seminarın təşkili də bu məqsədə, eləcə də ümumilikdə Azərbaycanda turizmin inkişafına xidmət etmiş olur".xeber100.com

Enerji Xartiyası Konfransının 28-ci sessiyası keçiriləcək

Noyabrın 28-29-da 2017-ci ildə Enerji Xartiyası Konfransına sədrlik edən Türkmənistanın paytaxtı Aşqabadda təşkilatın 28-ci sessiyası keçiriləcək.Azərtac-ın xüsusi müxbiri xəbər verir ki, Aşqabad sessiyası müvafiq sahə üzrə nazirliklərin, iştirakçı və müşahidəçi ölkələrin, həmçinin bir sıra beynəlxalq, regional qurumların rəhbərlərini və nümayəndələrini bir araya toplayacaq.Enerji Xartiyası Konfransının 28-ci sessiyasının işi iki hissədə - nizamnamə və nazirlər səviyyəsində keçiriləcək. Forumun gündəliyinə Enerji Xartiyasının builki işinin yekunları, həmçinin onun fəaliyyətinin təkmilləşdirilməsi və gələcəyin dayanıqlı enerji təminatı məqsədi ilə əməkdaşlığın gücləndirilməsinə aid geniş məsələlər kompleksi daxildir.Türkmənistan Prezidenti Qurbanqulu Berdiməhəmmədovun energetika sahəsində irəli sürdüyü və dünya birliyi tərəfindən dəstəklənmiş beynəlxalq təşəbbüslərin praktiki olaraq reallaşdırılması mövzusuna xüsusi diqqət ayrılacaq.Forum çərçivəsində müvafiq sahə üzrə sərgi təşkil olunacaq.Enerji Xartiyası Konfransının 28-ci sessiyasının nəticələrinə dair Yekun sənədin qəbul ediləcəyi gözlənilir.xeber100.com