Neft İxrac Edən Ölkələr Təşkilatının nazirlərinin videokonfrans vasitəsilə iclası keçiriləcək

Neft İxrac Edən Ölkələr Təşkilatının (OPEC) nazirlərinin dekabrın 3-də videokonfrans vasitəsilə iclası keçiriləcək.TASS xəbər verir ki, iclas “OPEC+” ölkələrinin dekabrın 4-nə nəzərdə tutulan və videokonfrans formatında keçiriləcək iclası ərəfəsində baş tutacaq.Qeyd edək ki, OPEC ölkələrinin nümayəndələrinin belə görüşü adətən ildə iki dəfə keçirilir. Təşkilatın sonuncu iclası iyunun 29-da baş tutub.xeber100.com

“Azəriqaz” İB-nin “Açıq mikrofon” aksiyaları keçiriləcək

Növbəti həftə (dekabrın 5-6 və 8-9 tarixləri) daha 4 rayonda saat 11:00-dan 12:00-dək “Azəriqaz” İB-nin “Açıq mikrofon” aksiyaları keçiriləcək.İB-dən bildirilib ki, aksiya həftənin 1-ci günü Quba rayonunda (Gənclər Parkı), 2-ci günü Qusar rayonunda (Rəsm Qalereyasının qarşısı), 4-cü günü Xaçmaz rayonunda (Zəfər Parkı), 5-ci günü isə Xızı rayonunda (Heydər Əliyev Parkı) baş tutacaq.Vətəndaşlar qeyd olunan ünvanlara yaxınlaşaraq “Açıq mikrofon” aksiyasının imkanlarından maksimum istifadə edərək, öz problem və təkliflərini rahat şəkildə ifadə edə bilərlər.xeber100.com

İqtisadiyyat Nazirliyində növbəti könüllü fəaliyyəti təşkil edilir

İqtisadiyyat Nazirliyində növbəti könüllü fəaliyyəti təşkil edilir.Nazirlikdən bildirilib ki, bununla bağlı müraciətlər dekabrın 30-dək qəbul ediləcək. Könüllülər sırasına qoşulmaq istəyən gənclər İqtisadiyyat Nazirliyinin internet səhifəsində “Könüllü fəaliyyəti” bölməsinə daxil olmaqla elektron müraciət edə və ya CV-ni Nazirliyə təqdim edə bilərlər. Könüllülük müddətini uğurla başa vuran gənclərə sertifikatlar veriləcək. Seçim zamanı ingilis, rus dilləri və kompüter biliklərinə malik olan şəxslərə üstünlük veriləcək.xeber100.com

Mərkəzi Bankda Dövlət Neft Fondunun iştirakı ilə valyuta hərracı keçirilib

Dekabrın 1-də Mərkəzi Bankda Dövlət Neft Fondunun da iştirakı ilə valyuta hərracı keçirilib.Bankdan bildirilib ki, hərracda tələb 82,9 milyon ABŞ dolları təşkil edib və tam təmin olunub. Hərracda manatın ortaçəkili məzənnəsi 1,7000 səviyyəsində formalaşıb.xeber100.com

“Azeri Light” markalı neftin bir barelinin qiyməti 2,85 dollar azalıb

Azərbaycan neftinin qiyməti ucuzlaşıb.“Azeri Light” markalı neftin bir barelinin qiyməti 2,85 dollar azalaraq 84,03 dollar olub.Xatırladaq ki, Azərbaycan neftinin bir barelinin bu il ərzində maksimum qiyməti martın 9-da (135,99) qeydə alınmışdı.xeber100.com

İqtisadi əlaqələrinin inkişafı istiqamətləri müzakirə olunub

Rusiya Federasiyası Tatarıstan Respublikasının Baş nazirinin müavini, Tatarıstan Respublikasının sənaye və ticarət naziri Oleq Korobçenkonun rəhbərlik etdiyi nümayəndə heyəti İxracın və İnvestisiyaların Təşviqi Agentliyində (AZPROMO) olub.AZPROMO-dan bildirilib ki, agentliyin rəhbəri Yusif Abdullayev qurumun fəaliyyət istiqamətləri və hədəfləri, ölkəmizdə yaradılmış əlverişli biznes və investisiya mühiti barədə məlumat verib, Bakıda keçiriləcək Azərbaycan-Tatarıstan biznes forumunun iş adamları arasında iqtisadi-ticarət əlaqələrinin inkişafına töhfə verəcəyini vurğulayıb.Tatarıstan Respublikasının Baş nazirinin müavini, Tatarıstan Respublikasının sənaye və ticarət naziri Oleq Korobçenko ölkəsinin Azərbaycanla tərəfdaşlığa önəm verdiyini qeyd edib, Tatarıstan-Azərbaycan iqtisadi əlaqələrinin inkişafı istiqamətləri barədə fikirlərini bölüşüb.Görüşdə Azərbaycan məhsullarının ixracı, investisiya və sair sahələrdə əməkdaşlığın genişləndirilməsi barədə fikir mübadiləsi aparılıb.xeber100.com

“Light” markalı neftin bir barelinin qiyməti 1,66 dollar ucuzlaşıb

Dünya birjalarında neft qiymətləri ucuzlaşıb.Londonun ICE (“InterContinental Exchange Futures”) birjasında “Brent” markalı neftin bir barelinin qiyməti 1,71 dollar azalaraq 83,63 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barelinin qiyməti isə 1,66 dollar ucuzlaşaraq 76,28 dollar olub.xeber100.com

Noyabrın 29-30-da sığorta sahəsində attestasiya keçiriləcək

Noyabrın 29-30-da sığorta sahəsində attestasiya keçiriləcək.Azərbaycan Respublikası Mərkəzi Bankından bildirilib ki, “Sığorta sahəsində attestasiyanın təşkili və keçirilməsi” Qaydasının 2.4-cü bəndinə əsasən, 10 sığorta vasitəçisi Mərkəzi Bankda (Bakı şəhəri, Bülbül prospekti 27) keçiriləcək attestasiyaya dəvət olunurlar. Attestasiyaya buraxılmaq üçün şəxsiyyət vəsiqəsi təqdim edilməlidir.xeber100.com

Dünya birjalarında neft qiymətləri ucuzlaşıb

Dünya birjalarında neft qiymətləri ucuzlaşıb.Londonun ICE (“InterContinental Exchange Futures”) birjasında “Brent” markalı neftin bir barelinin qiyməti 0,16 dollar azalaraq 88,2 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barelinin qiyməti isə 0,12 dollar ucuzlaşaraq 80,83 dollar olub.xeber100

Əməkdaşlığın genişləndirilməsi müzakirə edilib

Serbiyaya səfər çərçivəsində Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov Serbiyanın Kiçik və Orta Müəssisələr Assosiasiyasının prezidenti Velimir Vukadin ilə görüşüb.KOBİA-dan bildirilib ki, görüşdə Azərbaycan və Serbiya sahibkarları arasında əməkdaşlığın genişləndirilməsi üçün fikir mübadiləsi aparılıb.xeber100.com