“Caspian European Club” çərçivəsində

“Caspian European Club” çərçivəsində gömrük rejiminin sadələşdirilməsi məsələləri üzrə təkliflər müzakirə edilib.Azərtac xəbər verir ki, oktyabrın 25-də “Caspian European Club” çərçivəsində Dövlət Gömrük Komitəsinin sədri, gömrük xidməti general-polkovniki Aydın Əliyevin iştirakı ilə biznes-forum təşkil olunub. Biznes-forumda klubun şirkət rəhbərlərinin gömrük nizamlanması və gömrük rejiminin sadələşdirilməsi məsələləri üzrə təşəbbüs və təklifləri müzakirə edilib.xeber100.com

“The Jerusalem Post” qəzeti yazır…

srailin nüfuzlu ingilisdilli “The Jerusalem Post” qəzetində Bakı Şopinq Festivalı haqqına geniş məqalə dərc edilib. Tanınmış jurnalist Arye Qutun müəllifi olduğu məqalədə qeyd olunur ki, bu ilin aprel-may aylarında keçirilən ilk festivalın nəticəsi kifayət qədər uğurlu olub. Belə ki, yalnız aprel ayı ərzində ölkəyə 187,577 turist gəlib, festivalın keçirilməsindən isə dövlət büdcəsinə 5,6 milyon manat vəsait daxil olub.Bu barədə Azərtac-a Azərbaycan Konqreslər Bürosundan məlumat verilib.Müəllif yazır ki, ikinci festival isə öz yenilikləri ilə yadda qalacaq və ölkəyə daha çox turist cəlb edəcək. AZAL və Azərbaycan Konqreslər Bürosunun birgə təşkilatçılığı ilə Azərbaycana ucuz tur paketlərin təşkili məhz buna hesablanıb. Hazırda bu kampaniya çərçivəsində dünyanın 10 şəhərindən Bakıya bazar qiymətinə nisbətən daha münasib qiymətlərlə tur-paketlər təklif edilir. Bu tur-paketlərlə ölkəyə səfər edənlər festival müddətində etdikləri alış-verişin ƏDV-nin bir qismini geri almaqla yanaşı, həm də təşkil olunacaq müxtəlif daxili turlar sayəsində öz istirahətlərini daha da maraqlı edə bilərlər.Qəzetdə qeyd edilir ki, adı çəkilən turlara sığorta, transfer, şopinq turlarda iştirak da daxildir. Turistlərə təklif olunan imkanlar arasında onlara verilən hədiyyələr də xüsusilə maraqlıdır. Belə ki, alış-verişin stimullaşdırılması üçün yalnız turistlər üçün hədiyyə kartları təklif ediləcək ki, həmin kartlar vasitəsilə Festival iştirakçısı olan bəzi mağazalarda minimum 10 faiz endirim əldə etmək mümkün olacaq. İstifadə edilməyən hədiyyə kartları isə festivalın sonuna qədər turizm şirkətinə geri qaytarıla bilər.Müəllif sonda israilli turistləri də bu imkandan yararlanmağa və Bakı Şopinq Festivalına qatılmağa dəvət edir.xeber100.com

“AzəriLayt” markalı neftin qiyməti ucuzlaşıb

Azərbaycan neftinin qiyməti ucuzlaşıb.Azərtac xəbər verir ki, “AzəriLayt” markalı neftin bir barrelinin qiyməti 0,21 dollar ucuzlaşaraq 58,30 dollar olub.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,13 dollar bahalaşaraq 52,03 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti isə 0,13 dollar artaraq 57,50 dollar təşkil edib.xeber100.com

“Azərsu” Açıq Səhmdar Cəmiyyətinin məlumatı

Bakının bəzi ərazilərində içməli suyun verilməsində məhdudiyyətlər olacaq.“Azərsu” Açıq Səhmdar Cəmiyyəti istehlakçıların içməli su təchizatının yaxşılaşdırılması istiqamətində yenidənqurma işlərini davam etdirir.“Azərsu” ASC-nin ictimaiyyətlə əlaqələr şöbəsindən Azərtac-a bildiriblər ki, Bakı şəhəri Binəqədi rayonu Fərman Məlikov küçəsindən keçən magistral su xəttində yenidənqurma işlərinin aparılması ilə əlaqədar oktyabrın 24-də gün ərzində Binəqədi rayonu 7-ci və 8-ci mikrorayonlarının bəzi ərazilərinə, eləcə də Azadlıq prospekti, Cəfər Xəndan və F.Məlikov küçələrinin bir hissəsinə içməli suyun verilməsində məhdudiyyətlər olacaq.xeber100.com  

Mərkəzi Bankda hərrac keçirilib

Oktyabrın 24-də Mərkəzi Bankda Dövlət Neft Fondunun da iştirakı ilə hərrac keçirilib.Bankdan Azərtac-a bildiriblər ki, hərracda manatın ortaçəkili məzənnəsi 1,7002 səviyyəsində formalaşıb.xeber100.com

“El Economista” portalı yazır…

İspaniyanın eleconomista.es portalında “Neftdən sonra necə yaşamalı? Sinqapur və Azərbaycan günəş və pambığı seçir” sərlövhəli geniş məqalə dərc edilib.Azərtac xəbər verir ki, məqalədə Azərbaycan hökumətinin qeyri-neft sektorunun inkişafına xüsusi diqqət ayırmasından, xüsusilə pambıqçılığın sürətlə inkişaf etdirilməsindən söz açılır.İspaniya portalı yazır ki, Azərbaycanda son 2 ildə pambığın əkin sahəsi 136 min hektara çatdırılıb. Pambıqçılıqda 200 min nəfər insanın məşğulluğunun təmin ediləcəyi qeyd edilir. Bu rəqəm neft sektorunda çalışanlarla müqayisə edilir və pambıqçılığın əhalinin məşğulluğu baxımından böyük potensialı qabardılır.xeber100.com

İqtisadiyyat Nazirliyinin məlumatına əsasən…

İqtisadiyyat Nazirliyində İnnovasiya Müsabiqəsi Komissiyasının ilk iclası keçirilib.İqtisadiyyat Nazirliyinin mətbuat xidmətindən bildiriblər ki, tədbirdə komissiyaya üzv olan aidiyyəti qurumların - Təhsil, Gənclər və İdman, Nəqliyyat, Rabitə və Yüksək Texnologiyalar nazirliklərinin, "ASAN xidmət"in və Alternativ və Bərpa Olunan Enerji Mənbələri üzrə Dövlət Agentliyinin, beynəlxalq təşkilatların nümayəndələri iştirak ediblər.Komissiyanın sədri, iqtisadiyyat nazirinin müavini Sevinc Həsənova dünyada baş verən müasir inkişaf meyilləri, iqtisadiyyatın davamlı inkişafının təmin edilməsi, rəqabətqabiliyyətliliyinin və ixrac potensialının artırılması, ətraf mühitin mühafizəsinin gücləndirilməsi baxımından innovasiyaların mühüm əhəmiyyətini vurğulayıb. Qeyd olunub ki, dayanıqlı inkişafın təmin olunması məqsədilə qəbul edilmiş strateji sənədlərin mühüm hədəflərindən biri də innovasiyaların təşviqidir. Belə ki, Azərbaycan Respublikası Prezidentinin 2012-ci il 29 dekabr tarixli Fərmanı ilə təsdiq edilmiş "Azərbaycan 2020: gələcəyə baxış" İnkişaf Konsepsiyasında, həmçinin müxtəlif sektorları əhatə edən Strateji Yol xəritələrində innovasiya ilə əlaqədar bir sıra hədəflər müəyyənləşdirilib. Nazir müavini diqqətə çatdırıb ki, Azərbaycan BMT-nin 17 Dayanıqlı İnkişaf Məqsədi və 169 hədəfi özündə birləşdirən yeni qlobal Dayanıqlı İnkişaf Məqsədləri təşəbbüsünə qoşulub və BMT-nin 2030-cu ilədək Dayanıqlı İnkişaf üzrə Gündəliyinin məqsədlərindən biri də məhz möhkəm infrastruktur qurmaq, inklüziv və dayanıqlı sənayeləşdirməni təşviq etmək və innovasiyaları həvəsləndirməkdir.Sonra İqtisadiyyat Nazirliyinin dayanıqlı inkişaf şöbəsinin əməkdaşı Elnur İbrahimov Respublika İnnovasiya Müsabiqəsinin məqsədi və əhəmiyyəti barədə təqdimatla çıxış edib.İclasda komissiya üzvü olan dövlət qurumlarının və beynəlxalq təşkilatların nümayəndələrinin təklifləri dinlənilib, müzakirələr aparılıb, qiymətləndirmə və müsabiqə sahələri təsdiqlənib.xeber100.com

Dünya birjalarında neftin qiyməti…

Dünya birjalarında neftin qiyməti bahalaşmaqda davam edir.Azərtac xəbər verir ki, Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,26 dollar bahalaşaraq 52,10 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti isə 0,14 dollar artaraq 57,89 dollar təşkil edib.xeber100.com

Turizmin inkişaf perspektivləri müzakirə olunacaq

Kiyevdə Azərbaycanla Ukrayna arasında turizmin inkişaf perspektivləri müzakirə olunacaq.Azərtac xəbər verir ki, Azərbaycanın mədəniyyət və turizm nazirinin müavini Nazim Səmədovun rəhbərlik etdiyi nümayəndə heyəti oktyabrın 24-də Kiyevdə keçiriləcək Azərbaycan-Ukrayna turizm sahəsində birgə komissiyanın iclasında iştirak edəcək.İclasda turistlərə xidmət məqsədilə müxtəlif mülkiyyət formalı Azərbaycan və Ukrayna müəssisələri və təşkilatları, turizm cəmiyyətləri arasında işgüzar əlaqələrin inkişafı, habelə onların birgə fəaliyyəti, həm mütəşəkkil, həm də fərdi turizmin onun müxtəlif formalarında inkişafı, o cümlədən sərgilərdə, yarmarkalarda, konfranslarda, simpozium və seminarlarda, digər reklam-informasiya və elmi-praktik beynəlxalq turizm tədbirlərində iştirakı məsələləri müzakirə ediləcək.Bundan başqa tərəflər Azərbaycanla Ukrayna arasında bərabərlik və qarşılıqlı fayda əsasında turizm mübadiləsinin daha da inkişaf etdirilməsi üçün hüquqi bünövrənin təkmilləşdirilməsini də müzakirə edəcəklər.xeber100.com

Əmlak Məsələləri Dövlət Komitəsi tərəfindən yeni hərrac elan olunub

Əmlak Məsələləri Dövlət Komitəsi (ƏMDK) tərəfindən noyabrın 21-də keçirilməsi nəzərdə tutulan yeni hərrac elan olunub. Hərraca ümumilikdə 162 dövlət əmlakı çıxarılıb. Bunlardan 25-i səhmdar cəmiyyət, 43-ü kiçik dövlət müəssisə və obyekti, 75-i istifadəsiz qeyri-yaşayış sahəsi, 19-u isə nəqliyyat vasitəsidir.Komitədən Azərtac-a bildirilib ki, hərracda əmlak sahibi olmaq istəyən vətəndaşın cəmi 2 sadə proseduru yerinə yetirməsi kifayətdir. Birinci mərhələdə komitənin elektron xidmətlər portalı vasitəsilə sifariş verilir, ikinci mərhələdə isə əmlakın satış qiymətinin 10 faizi məbləğində behi ödənilməklə hərracda iştirakçı statusu qazanılır. Qeyd edək ki, sifarişlər hərracın keçirilməsinə 3 bank günü qalanadək verilməlidir.Xatırladaq ki, istənilən şəxs və ya media üzvü hərrac günü gəlib hərracda iştirak edərək prosesi izləyə bilər. Eyni zamanda, hərrac zalındakı böyük monitorlar vasitəsilə respublikanın digər şəhər və rayonlarında keçirilən hərraclar da canlı izlənilir.Əmlak Məsələləri Dövlət Komitəsi yerli və xarici investorları, sahibkarları, iş adamlarını və mülkiyyət sahibi olmaq istəyən hər kəsi özəlləşdirilmədə fəal iştirak etməyə dəvət edir.xeber100.com