Dövlət Gömrük Komitəsinin məlumatına görə…

Bugünkü reallıq ondan ibarətdir ki, kərə yağı dünya birjalarında bahalaşır.Azərtac xəbər verir ki, bunu Dövlət Gömrük Komitəsinin sədri Aydın Əliyev jurnalistlərə müsahibəsində deyib.Qurum rəhbəri bildirib ki, DGK-nin vəzifəsi ölkəyə idxal olunan və ölkədən ixrac olunan yüklərin rəsmiləşdirilməsindən ibarətdir. "Bugünkü reallıq ondan ibarətdir ki, kərə yağı dünya birjalarında bahalaşır. Bu da ölkəyə gətirilən məhsulun qiymətinə təsirsiz ötüşmür. Əsas idxalçı ölkələrdən biri də Yeni Zelandiyadır. Gömrük orqanlarının vəzifəsi ölkəyə gətirilən yükün rəsmiləşdirilməsindən ibarətdir", - deyə Aydın Əliyev bildirib.xeber100.com

İctimai Şuraya seçkilərin keçirilmə vaxtı müəyyənləşib

Azərbaycan Respublikasının Energetika Nazirliyinin fəaliyyət istiqamətləri üzrə hüquqi aktların qəbulunda, nazirliyin fəaliyyətinə ictimai nəzarətin təşkilində vətəndaşların və vətəndaş cəmiyyəti institutlarının iştirakını təmin etmək məqsədilə yaradılacaq İctimai Şuraya seçkilərin vaxtı dəqiqləşib.Nazirlikdən Azərtac-a bildirilib ki, “İctimai iştirakçılıq haqqında” Azərbaycan Respublikası Qanununa (22 noyabr 2013-cü il, № 816-IVQ), bu qanunun tətbiqi barədə Azərbaycan Respublikası Prezidentinin 2014-cü il 16 yanvar tarixli, 89 nömrəli fərmanına və Nazirlər Kabinetinin 2014-cü il 30 may tarixli 171 nömrəli Qərarı ilə təsdiq edilmiş “İctimai şuranın vətəndaş cəmiyyəti institutları tərəfindən seçilməsinə dair Əsasnamə”yə uyğun olaraq Energetika Nazirliyi yanında İctimai Şura üzvlüyünə 9 nəfərin namizədliyi qeydə alınıb.xeber100.com

Beynəlxalq Valyuta Fondunun təqdimatında

Beynəlxalq Valyuta Fondunun (BVF) ekspertləri iqtisadiyyatın inkişafının yenidən baxılmış proqnozunu təqdim ediblər. Onlar bildirirlər ki, dünya iqtisadiyyatının hazırkı vəziyyəti ötən ildəkindən xeyli dərəcədə fərqlənir.BVF ekspertləri hazırda dünya iqtisadiyyatının onların əvvəlki proqnozları ilə müqayisədə daha yüksək sürətlə inkişaf etməsini təsdiqləyirlər.Azərtac xəbər verir ki, BVF-in tədqiqat bölməsinin direktoru Mauri Obstfeld deyib: “Biz qlobal iqtisadiyyatın bu il 3,6 faiz, gələn il isə 3,7 faiz artım təşkil edəcəyini gözləyirik. Bu, bizi sevindirməyə bilməz, çünki artım bir sıra regionlarda - həm inkişaf etmiş ölkələrdə, həm Asiyanın keçid iqtisadiyyatı ölkələrində, həm də Avropada eyni vaxtda baş verir”.Rusiyanı çıxmaq şərtilə, bütövlükdə MDB ölkələrində iqtisadiyyatın bu il 2,9 faiz, gələn il isə 3,3 faiz artacağı proqnozlaşdırılır.Eyni zamanda, BVF iqtisadçılarının fikrincə, iqtisadiyyatın bərpası fonunda əməkhaqqı hətta zəngin ölkələrdə də son dərəcə yavaş artır. Bundan başqa, iqtisadi artım hər yerdə müşahidə olunmur: neft ixrac edən ölkələrdə, həmçinin qeyri-sabit vəziyyət yaranmış ölkələrdə, əsasən, Yaxın Şərqdə, Latın Amerikasında, Şimali Afrika və Böyük Səhradan cənubda yerləşən Afrika ölkələrində vəziyyət daha ağırdır.BVF-in hesablamalarına görə, iqtisadiyyatın nikbin göstəricilərinin arxasında uzunmüddətli dövrdə məhsuldarlığın zəif artımı müşahidə olunur. İnkişaf etmiş ölkələrdə 2017-ci ildən 2022-ci ilədək olan dövrdə adambaşına istehsalın həcmi 1,4 faiz artacaq. 1996-cı ildən 2005-ci ilədək bu göstərici 2,2 faiz təşkil edib.xeber100.com

“PAŞA Həyat” 112,192 milyon manat həcmində sığorta haqqı toplayıb

Cari ilin 9 ayında "PAŞA Həyat" tərəfindən ümumilikdə 112,192 milyon manat həcmində sığorta haqqı toplanılıb ki, bu da 2016-ci ilin müvafiq dövrü ilə müqayisədə 50,389 milyon manat və ya 81,5 faiz çoxdur.Şirkətin ictimaiyyətlə əlaqələr üzrə meneceri Elnur Hüseynquluyev Azərtac-a bildirib ki, hesabat dövründə baş vermiş müxtəlif sığorta hadisələrinə görə, "PAŞA Həyat" tərəfindən 38,288 milyon manat həcmində ödəniş edilib. Ödənişlər müvafiq dövrlə müqayisədə 12,691 milyon manat və ya 50 faiz artıb."PAŞA Həyat" şirkəti 2011-ci ilin fevral ayından fəaliyyət göstərir. Cari il sentyabrın 1-nə cəmiyyətin nizamnamə kapitalının həcmi 40,250 milyon manat təşkil edib.Şirkət müştərilərə sərfəli şərtlərlə müxtəlif həyat sığortası məhsulları, o cümlədən "həyatın müddətli sığortası", "istehsalatda bədbəxt hadisələrdən icbari sığorta", "yığım tərkibli yaşam sığortası", "sağalmaz xəstəliklərdən sığorta", "Ailəmin PAŞA Güvənliyi", "Davamlı təhsil" adlı fərdi könüllü həyat sığortası məhsulları təklif edir.xeber100.com

Neftin qiyməti müxtəlif istiqamətlərdə dəyişir

Dünya birjalarında neftin qiyməti bahalaşmaqda davam edib.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,03 dollar bahalaşaraq 49,61 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,02 dollar artaraq 55,81 dollar təşkil edib.Azərtac xəbər verir ki, “AzəriLayt” markalı neftin bir barrelinin qiyməti isə 0,02 dollar bahalaşaraq 56,99 dollar olub.xeber100.com

Nəqliyyat mübadilə mərkəzləri yaradılacaq

Bakı şəhərində quraşdırılmış dayanacaq məntəqələrinin yerləri təhlil olunub, beynəlxalq təcrübəyə əsaslanan yeni dislokasiya planı hazırlanıb. Tıxacların qarşısının alınması, şəhərin mərkəz hissəsi ilə şəhər ətrafının əlaqələndirilməsi, sərnişinlərin nəqliyyat sistemindən rahat və asan istifadəsi məqsədilə “Koroğlu” metro stansiyasının yaxınlığında və Lökbatan qəsəbəsində layihələndirilmiş nəqliyyat mübadilə mərkəzləri artıq fəaliyyət göstərir. “Dərnəgül”, “Avtovağzal” və “28 May” metro stansiyalarının yaxınlığında da analoji qovşaqların təşkili planlaşdırılır.Azərtac xəbər verir ki, bu barədə Bakı Nəqliyyat Agentliyinin baş direktoru Vüsal Kərimli məlumat verib.V.Kərimli bildirib ki, paytaxtımızın mərkəzi hissələrində sərnişin-piyada təhlükəsizliyini təmin etmək məqsədilə 1100 ədəd piyada keçidinin monitorinqi aparılıb, bunlardan 398-nin yenidən planlaşdırılaraq salınması nəzərdə tutulur. Sağlamlıq imkanları məhdud insanların istifadə etməsi mümkün olmayan 32 ədəd yeraltı piyada keçidinin, pandussuz səkilərin vəziyyəti araşdırılıb və 534 ədəd səkidə pandusun təşkili üçün satınalma prosedurlarına başlanıb. Bu baxımdan piyada keçidlərində işıqforların və sərnişin təhlükəsizliyi üçün məlumatlandırıcı yol nişanlarının quraşdırılması zəruridir.Eyni zamanda, şəhərin ən çox tıxac yaranan, nəqliyyatın hərəkətini çətinləşdirən ərazilərinin ilkin təhlilləri aparılıb, problemdən çıxış yolları elmi-texniki cəhətdən araşdırılıb. 74 yol kəsişməsində, Tbilisi prospektində dörd əsas kəsişmədə, Şərifzadə küçəsində, Heydər məscidi qarşısında, üçüncü mikrorayon dairəsində, Həsənoğlu-Təbriz küçələrinin kəsişməsində nəqliyyat problemlərinin aradan qaldırılması, “20 Yanvar” dairəsində nəqliyyat axını və sərnişin-piyada təhlükəsizliyinin yaxşılaşdırılması üzrə az investisiya tələb edən layihələr, habelə 17 ədəd yerüstü keçidin tikilməsi ilə bağlı təkliflər hazırlanıb.xeber100.com

Azad İqtisadi Zona yaradılacaq

Heydər Əliyev Beynəlxalq Aeroportunda Azad İqtisadi Zona yaradılacaq.Azərtac xəbər verir ki, bu barədə məlumatı "Azərbaycan Hava Yolları" QSC-nin prezidenti Cahangir Əsgərov bu gün Bakıda keçirilən Caspian Air Cargo Summit 2017 VII Beynəlxalq konfransında deyib.O bildirib ki, layihənin icrası üçün qanunvericilik bazası artıq təsdiq edilib. Onun icrası ilə bağlı tədbirlər planı hazırlanır.xeber100.com  

AZAL öz təyyarə parkını genişləndirir

Azərbaycan Hava Yolları" QSC (AZAL) öz təyyarə parkını genişləndirir.Hazırda 4 ədəd “Boeing 787 Dreamliner” və 2 ədəd “Boeing 747-8 F” tipli təyyarələrin alınması üzrə hazırlıq işləri aparılır.Azərtac xəbər verir ki, bunu “Azərbaycan Hava Yolları" QSC-nin prezidenti Cahangir Əsgərov bu gün Bakıda keçirilən Caspian Air Cargo Summit 2017 VII Beynəlxalq konfransında deyib.Cahangir Əsgərovun sözlərinə görə, bu təyyarələrin alınmasına dair müqavilələr bu ilin sonuna kimi imzalanacaq.xeber100.com

Nyu-Yorkun NYMEX birjasında neftin qiyməti…

Dünya birjalarında neftin qiyməti bahalaşıb.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,18 dollar bahalaşaraq 49,47 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti isə 0,10 dollar artaraq 55,72 dollar təşkil edib.xeber100.com

Azərbaycan-Belarus biznes-forumu keçiriləcək

Belarus iş adamlarından ibarət nümayəndə heyətinin ölkəmizə səfəri çərçivəsində oktyabrın 17-də Bakıda Azərbaycan-Belarus biznes-forumu keçiriləcək. Tədbir İqtisadiyyat Nazirliyinin dəstəyi və Azərbaycanda İxracın və İnvestisiyaların Təşviqi Fondunun (AZPROMO) təşkilatçılığı ilə baş tutacaq.AZPROMO-dan Azərtac-a bildiriblər ki, biznes-foruma iqtisadiyyatın müxtəlif sahələrində fəaliyyət göstərən 15-dək Belarus şirkətinin qatılacağı gözlənilir.xeber100.com