“2014-2018-ci illərdə sosial-iqtisadi inkişaf”…

“Azəriqaz” İstehsalat Birliyi (İB) tərəfindən 40 yaşayış məntəqəsinə təbii qaz verilib.Birliyin ictimaiyyətlə əlaqələr şöbəsindən Azərtac-a bildirilib ki, “Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı”nın icrası məqsədilə “Azəriqaz” İstehsalat Birliyi tərəfindən təxirə salınmaz işlər həyata keçirilir. Belə ki, əhali istehlakçılarının mənzillərində istismar edilən istismar müddəti başa çatmış sayğaclar yenisi ilə əvəzlənir, yeni qaz kəmərləri çəkilir və istismara yararsız vəziyyətdə olan qaz tənzimləyiciləri yeniləri ilə əvəz edilir.İstehlakçıların qaz təchizatının yaxşılaşdırılması, şəbəkənin qaz nəqletmə imkanlarının artırılması və yaşayış məntəqələrinin qazlaşdırılması üçün birlik tərəfindən cari ilin yanvar-avqust ayları ərzində 958,3 kilometr yeni qaz kəməri quraşdırılıb, qaz kəmərləri şəbəkəsinin təhlükəsiz və normal rejimdə istismarının təmin olunması üçün isə 143,3 kilometr qaz kəməri əsaslı təmir olunub.Aparılan tikinti-quraşdırma işləri nəticəsində Goranboy, Ağcabədi, Bərdə, Şəki, Ucar, Quba, Qusar, Oğuz, İmişli, Saatlı, Sabirabad, Lerik, Ağstafa, Xaçmaz və Masallı rayonları üzrə 40 yaşayış məntəqəsi qazlaşdırılaraq təbii qazla təmin edilib.xeber100.com

Neft hasilatının azaldılması üzrə sazişin müddəti müzakirə edilib

Neft İxrac edən Ölkələr Təşkilatı (OPEC) neft hasilatının azaldılması üzrə sazişin müddətinin uzadılmasını müzakirə edir.Azərtac “bloomberght.com”a istinadla xəbər verir ki, OPEC kartelə üzv və bəzi qeyri-OPEC ölkələri ilə əldə edilən və gələn ilin mart ayının sonunda başa çatacaq neft hasilatının azaldılması üzrə sazişin müddətinin 3 ay və daha uzun vaxta uzadılmasını nəzərdən keçirir.OPEC-ə yaxın mənbələrin məlumatına görə, sazişin müddətinin 2018-ci ilin ikinci yarısının sonunadək uzadılması əsas müzakirə mövzusudur. Sazişin müddətinin 3 aydan daha uzun vaxta uzadılması isə OPEC+ nazirlərinin tərtib etdikləri fövqəladə vəziyyətə dair ssenarilərə uyğun reallaşa bilər.Həmçinin hasilat kvotasının daha da azaldılması Liviya və Nigeriyanın yenidən istehsala başlaması ilə birgə OPEC-in istehsalının hazırkı səviyyələrində qalması üçün lazım olacaq.Digər bir mənbəyə görə isə müzakirə edilən variantlardan biri də sazişin müddətinin 6 ay uzadılmasıdır.Xatırladaq ki, ötən il noyabrın 30-da OPEC üzrə gündəlik neft hasilatının 1,2 milyon barrel azaldılaraq 32,5 milyon barrelə endirilməsi barədə razılıq əldə olunub. Dekabrın 10-da isə Vyanada OPEC üzvləri ilə təşkilata daxil olmayan 11 ölkə, o cümlədən Azərbaycan ümumi hasilatın sutkada 558 min barrel azaldılması barədə sazişə imza atıb. Bu il mayın 25-də OPEC Nazirlər Şurasının 172-ci iclası çərçivəsində OPEC-ə üzv və qeyri-üzv dövlətlər arasında neft hasilatının azaldılmasına dair sazişin müddətinin 2018-ci ilin birinci rübünün sonunadək uzadılması barədə razılıq əldə olunub.xeber100.com

AZPROMO-nun məlumatı əsasında

Sentyabrın 19-20-də Bakıda Rusiya Federasiyasının Həştərxan vilayətindən gələn şirkətlərlə ikitərəfli görüşlər keçiriləcək.Azərbaycanda İxracın və İnvestisiyaların Təşviqi Fondundan (AZPROMO) Azərtac-a bildiriblər ki, tədbirdə Rusiya şirkətlərinin ekspozisiyaları nümayiş etdiriləcək.xeber100.com

Dünya birjalarında neftin qiyməti…

Dünya birjalarında neftin qiyməti bahalaşıb.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,38 dollar bahalaşaraq 47,86 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti isə 0,23 dollar artaraq 54,01 dollar təşkil edib.xeber100.com

Əmlak Məsələləri Dövlət Komitəsi yeni hərrac elan edib

Əmlak Məsələləri Dövlət Komitəsi (ƏMDK) tərəfindən oktyabrın 10-da keçirilməsi nəzərdə tutulan yeni hərrac elan olunub.Komitədən Azərtac-a bildirilib ki, hərraca ümumilikdə 70 dövlət əmlakı çıxarılıb. Bunlardan 20-si səhmdar cəmiyyət, 21-i kiçik dövlət müəssisə və obyekti, 10-u istifadəsiz qeyri-yaşayış sahəsi, 19-u isə nəqliyyat vasitəsidir.Komitədən bildiriblər ki, istənilən şəxs və ya media üzvü hərrac günü gəlib hərracda iştirak edərək prosesi izləyə bilər. Eyni zamanda, hərrac zalındakı böyük monitorlar vasitəsilə respublikanın digər şəhər və rayonlarında keçirilən hərraclar da canlı izlənilir.Əmlak Məsələləri Dövlət Komitəsi yerli və xarici investorları, sahibkarları, iş adamlarını və mülkiyyət sahibi olmaq istəyən hər bir kəsi özəlləşmədə fəal iştirak etməyə dəvət edir.-si səhmdar cəmiyyət, 21-i kiçik dövlət müəssisə və obyekti, 10-u istifadəsiz qeyri-yaşayış sahəsi, 19-u isə nəqliyyat vasitəsidir.xeber100.com

“Azərbaycan Dəmir Yolları” QSC-nin məlumatı

“Azərbaycan Dəmir Yolları” QSC-nin Sərnişin daşımaları Departamentinin kollektivi yeni dərs ilinin başlaması ilə əlaqədar gücləndirilmiş iş rejiminə keçib.“Azərbaycan Dəmir Yolları” QSC-nin ictimaiyyətlə əlaqələr şöbəsindən Azərtac-a bildirilib ki, yeni dərs ilində sərnişinlər rahat və ucuz nəqliyyat vasitəsi kimi dəmir yolunun xidmətlərindən istifadə edəcək.Departamentin kollektivi sərnişin qatarlarında xidmət mədəniyyətinin yüksəldilməsi istiqamətində ciddi işlər görür. Yeni dərs ili ərəfəsində, sərnişin sıxlığının artması ilə əlaqədar, ölkə daxilində hərəkət edən sərnişin qatarlarına tələb olunan sayda vaqonun qoşulması təmin edilir.QSC sərnişinlərin nəzərinə çatdırır ki, sərnişin qatarlarına bilet satışı 10 gün qabaqcadan, əlavə vaqonlara isə bilet satışı həmin vaqon qatara qoşulan gün həyata keçirilir.xeber100.com

Bakı Expo Mərkəzində beynəlxalq sərgi keçiriləcək

Azərbaycan Ticarət və Sənaye Palatasının dəstəyi ilə sentyabrın 23-25-də Bakı Expo Mərkəzində ilk dəfə "Shoesstar Caspian ayaqqabı və dəri malları" beynəlxalq sərgisi keçiriləcək. Sərgiyə Azərbaycan, Gürcüstan və İrandan ayaqqabı istehsalı ilə məşğul olan sahibkarlar və iş adamları dəvət olunur.Azərbaycanda İxracın və İnvestisiyaların Təşviqi Fondundan Azərtac-a bildiriblər ki, sərgidə 10 ölkənin 30-dan çox ticarət markasının ayaqqabı, çanta, aksesuar, çətir və dəri məmulatlarına qulluq üçün vasitələri təqdim olunacaq. Sərgidə iştirak edən dünya brendləri arasında "Marco Tozzi", "Tamaris", "Caprice", "Jenny", "Flioraj", "Romika", "Glamour", "Beppi", "Carmella", "Refresh", "Bass D", "Analpa", "Keddo" və başqaları da var.xeber100.com

“EXPO 2017 Astana” beynəlxalq sərgisində

Qazaxıstanın paytaxtı Astanada keçirilən “EXPO 2017” beynəlxalq sərgisində iştirakçı ölkələrin ən yaxşı pavilyonlarının mükafatlandırılması mərasimi keçirilib.Mükafatlar 115 iştirakçı ölkə arasında bir necə nominasiyada, dizaynı və mövzunun bir neçə kateqoriyada açıqlanması üzrə müəyyənləşdirilib.Sərgidə 400-700 kvadratmetrlik sahədəki pavilyonlar arasında “Sərgi dizaynı” nominasiyasında mövzunun geniş açıqlanması üzrə Azərbaycan pavilyonu gümüş mükafata layiq görülüb. 700 kvadratmetrdən çox sahəsi olan pavilyonlar arasında Rusiya subyektlərin açıqlanması, Almaniya isə ən yaxşı dizayn üzrə qızıl mükafata layiq görülüb.Beynəlxalq sərgidə Azərbaycan pavilyonu ən çox ziyarət edilən pavilyonların ilk beşliyinə daxil olub. Azərbaycan pavilyonu ziyarətçilərin ən çox maraq göstərdiyi 10 ekspozisiya arasında dördüncü yerdədir. 400 kvadratmetrdən artıq sahəyə malik olan Azərbaycan pavilyonunda ölkəmizin enerji resursları, tarixi və mədəniyyəti nümayiş etdirilir. Ziyarətçilər burada, həmçinin Bakıya virtual tur da edə bilərlər.Xatırladaq ki, Heydər Əliyev Mərkəzi və Energetika Nazirliyi tərəfindən təşkil edilən Azərbaycan pavilyonu “Enerji Yurdu - keçmişdən gələcəyə daşınan enerji” konsepsiyası əsasında hazırlanıb.xeber100.com

“Brent” markalı neftin qiyməti ucuzlaşıb

Dünya birjalarında neftin qiyməti ucuzlaşıb.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 1,61 dollar ucuzlaşaraq 47,48 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti isə 0,71 dollar azalaraq 53,78 dollar təşkil edib.xeber100.com

“Brent” markalı neftin qiyməti ucuzlaşıb

Dünya birjalarında neftin qiyməti ucuzlaşıb.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 1,61 dollar ucuzlaşaraq 47,48 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti isə 0,71 dollar azalaraq 53,78 dollar təşkil edib. xeber100.com