Dünya birjalarında neftin qiyməti…

Dünya birjalarında neftin qiyməti bahalaşmaqda davam edir.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,59 dollar bahalaşaraq 46,81 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti isə 0,68 dollar artaraq 49,78 dollar olub.xeber100.com

“Gulfood” sərgisində iştirak etmək üçün ixracatçıların müraciətləri qəbul edilib

İqtisadiyyat Nazirliyi gələn il fevralın 18-22-də Birləşmiş Ərəb Əmirliklərinin Dubay şəhərində keçiriləcək "Gulfood" Beynəlxalq ərzaq sərgisində vahid ölkə stendində iştirak etmək üçün ixracatçıların müraciətlərinin qəbulunu elan edib.İqtisadiyyat Nazirliyinin mətbuat xidmətindən bildiriblər ki, vahid ölkə stendində maksimum 50 şirkət iştirak edəcək. İştirakçılar müsabiqə əsasında seçiləcək. Müsabiqənin təşkilatçısı İqtisadiyyat Nazirliyi və Azərbaycanda İxracın və İnvestisiyaların Təşviqi Fondudur (AZPROMO).Müsabiqə Azərbaycan Respublikası İqtisadiyyat Nazirliyi Kollegiyasının 2016-cı il 18 oktyabr tarixli qərarı ilə təsdiq edilmiş "Dəstək tədbirlərində iştirak edəcək ixracatçıların seçilməsi üçün müsabiqənin təşkili və keçirilmə Qaydası" əsasında noyabrın 17-də AZPROMO-da təşkil olunacaq.Seçim meyarları: ixracatçının nümayiş olunacaq məhsulları üzrə istehsal potensialı – 10 bal, nümayiş olunacaq məhsulların hədəf ölkəyə ixrac potensialı – 10 bal, sahibkarın əvvəllər ixrac təcrübəsinin olub-olmaması (2015-ci ildə ixrac etdiyi məhsullarının miqdarını göstərməklə – 5 bal). Meyarların cəmi üzrə keçid balı minimum 20 baldır.Vahid ölkə stendində iştirak etmək üçün ərizə, nümayiş olunacaq məhsulların siyahısı, sahibkarın istehsal və ixrac potensialı və əvvəllər ixrac təcrübəsinin olmasına dair sənədlər və ya məlumatlar oktyabrın 30-dək AZPROMO-ya təqdim edilməlidir.xeber100.com

Azərbaycan-Avropa İttifaqı biznes-forumu keçiriləcək

İyunun 8-də Bakıda Azərbaycan-Avropa İttifaqı biznes-forumu keçiriləcək. Tədbir İqtisadiyyat Nazirliyinin dəstəyi, Avropa İttifaqının Azərbaycandakı nümayəndəliyi, Alman-Azərbaycan Xarici Ticarət Palatası və Azərbaycanda İxracın və İnvestisiyaların Təşviqi Fondunun (AZPROMO) birgə təşkilatçılığı ilə baş tutacaq.AZPROMO-dan Azərtac-a bildiriblər ki, biznes-foruma iqtisadiyyatın müxtəlif sahələrində fəaliyyət göstərən Avropa şirkətlərinin qatılacağı gözlənilir.xeber100.com

İqtisadiyyat Nazirliyinin məlumatına görə…

İqtisadiyyat Nazirliyi gələn il fevralın 5-dən 9-dək Moskva şəhərində keçiriləcək "PRODEXPO" beynəlxalq ərzaq sərgisində vahid ölkə stendində iştirak üçün ixracatçıların müraciətlərinin qəbulunu elan edib.Nazirliyin mətbuat xidmətindən bildiriblər ki, vahid ölkə stendində maksimum 50 şirkət iştirak edəcək. İştirakçılar müsabiqə əsasında seçiləcək. Müsabiqənin təşkilatçısı İqtisadiyyat Nazirliyi və Azərbaycanda İxracın və İnvestisiyaların Təşviqi Fondudur (AZPROMO).Müsabiqə Azərbaycan Respublikası İqtisadiyyat Nazirliyi Kollegiyasının 2016-cı il 18 oktyabr tarixli 19 nömrəli qərarı ilə təsdiq edilmiş "Dəstək tədbirlərində iştirak edəcək ixracatçıların seçilməsi üçün müsabiqənin təşkili və keçirilmə Qaydası" əsasında oktyabrın 27-də AZPROMO-da təşkil olunacaq.Seçim meyarları: ixracatçının nümayiş olunacaq məhsulları üzrə istehsal potensialı – 10 bal, nümayiş olunacaq məhsulların hədəf ölkəyə ixrac potensialı – 10 bal, sahibkarın əvvəllər ixrac təcrübəsinin olub-olmaması (2015-ci ildə ixrac etdiyi məhsullarının miqdarını göstərməklə – 5 bal). Meyarların cəmi üzrə keçid balı minimum 20 baldır.Vahid ölkə stendində iştirak etmək üçün ərizə; nümayiş olunacaq məhsulların siyahısı; sahibkarın istehsal və ixrac potensialı və əvvəllər ixrac təcrübəsinin olmasına dair sənədlər və ya məlumatlar oktyabrın 2-dək AZPROMO-ya təqdim edilməlidir.xeber100.com

1,8 milyard kilovat-saata yaxın elektrik enerjisi istehsal olunub

Cari ilin aprel ayında ölkənin enerji sistemində 1,8 milyard kilovat-saata yaxın elektrik enerjisi istehsal olunub.“Azərenerji” ASC-nin ictimaiyyətlə əlaqələr və mətbuat xidmətindən Azərtac-a bildiriblər ki, “Azərenerji” tərəfindən aprel ayında istehsal edilən elektrik enerjisinin həcmi 1,769 milyard kilovat-saatdır.Bununla yanaşı, ay ərzində ölkənin enerji sisteminin əlaqəsi olan qonşu dövlətlər ilə elektrik enerjisi mübadiləsi davam etdirilib.“Azərenerji” ASC tərəfindən bu ilin ilk 4 ayı ərzində istehsal edilən elektrik enerjisinin həcmi 7,897 milyard kilovat-saatdır. Ötən ilin ilk 4 ayı üzrə isə bu göstərici 7,570 milyard kilovat-saat olub.Qeyd edək ki, ötən ilin aprel ayı ölkə üzrə 1,676 milyard kilovat-saat elektrik enerjisi istehsal edilib.xeber100.com

“AzəriLayt” markalı neftin qiyməti 0,15 dollar bahalaşıb

Azərbaycan neftinin qiyməti bahalaşıb.Azərtac xəbər verir ki, “AzəriLayt” markalı neftin bir barrelinin qiyməti 0,15 dollar bahalaşaraq 49,94 dollar təşkil edib.xeber100.com

“Goldman Sachs”ın hesabatına əsasən…

Qlobal bazarda neftin qiyməti stabilliyi itirmək üzrədir.Azərtac xəbər verir ki, bu barədə dünyanın qabaqcıl investisiya banklarından olan “Goldman Sachs”ın hesabatında deyilir. Hesabata görə, ABŞ-dakı şist nefti istehsalçıları ilə Neft İxrac edən Ölkələr Təşkilatına (OPEC) üzv ölkələr arasında ciddi rəqabət var. Bu da qiymətə mənfi təsir edir.ABŞ-da artan xam neft istehsalı OPEC ilə Rusiyanın ötən il noyabrın 30-da neft hasilatının həcminin azaldılması üzrə razılaşmasının təsirlərini əksinə çevirir. Nəticədə razılaşmanın bu ilin ikinci yarısında davam etmə ehtimalı da riskə girir.Qeyd edək ki, qlobal bazarda xam neftin qiyməti ötən gün son 5 ayın ən aşağı səviyyəsinə enib. ABŞ-ın xam neft hasilatı isə son 5 ayda 6,9 faiz çoxalıb. Belə ki, ABŞ-ın neft hasilatı keçən il noyabr ayının sonundakı gündəlik orta hesabla 8,7 milyon barrelldən ötən həftə 9,3 milyon barrelədək yüksəlib.xeber100.com

“Bakı Metropoliteni” QSC-nin məlumatı

“Xətai” metro stansiyasının orta zalı istifadəyə verilib.Azərtac xəbər verir ki, bu barədə “Bakı Metropoliteni” QSC-nin mətbuat xidmətinin rəhbəri N.Paşayev deyib.O bildirib ki, yenidənqurmadan sonra metro stansiya görkəmini tam dəyişib. “Xətai” metro stansiyasının orta zalında əsaslı təmir, yenidənqurma və sağlamlaşdırma tədbirləri başa çatdırılıb. Artıq sərnişinlər stansiyanın sərnişinpaylama funksiyasını yerinə yetirən orta zaldan maneəsiz istifadə edəcəklər. Qeyd edək ki, “Xətai” və “Cəfər Cabbarlı” metro stansiyaları arasında gediş-gəlişi tam məhdudlaşdırmamaqla burada təmir-yenidənqurma işlərini mərhələli şəkildə həyata keçirir.N.Paşayev qeyd edib ki, stansiyanın istifadəyə verilən orta zalı görkəmini tamamilə dəyişib. Yol divarının aşağı hissəsində düzülmüş iki cərgəli mərmər üzlüklü səth ağ rəngli alüminium divar-tavan kompozisiyası ilə əvəzlənib. Birinci yolda olduğu kimi, orta zal da “Durlum “GmbH” şirkətinin korroziyaya davamlı özəl metal asma tavan, divar lövhələri və LED işıqlandırma sistemləri ilə təchiz edilib. Metro stansiyalarında ilk dəfə istifadə olunan bu materiallarla yanaşı, bəzi hissələrdə mərmər-qranit örtükdən də istifadə olunub. Təmir zamanı orta zalda görkəmli dövlət xadimi və mütəfəkkir, şair Şah İsmayıl Xətaiyə həsr olunmuş memarlıq kompozisiyası demontaj olunub. Buna səbəb 27 il əvvəl qurulmuş kompozisiyanın stansiyanın ağır hidrogeoloji mühitinin, mürəkkəb və aqressiv mikroiqlim şəraitinin təsiri nəticəsində fiziki aşılanmaya məruz qalmasıdır. Həmin kompozisiyanın vəziyyətini dəqiq qiymətləndirmək və yenidən qurulmasının mümkünlüyünü araşdırmaq üçün “Bakı Metropoliteni” QSC-nin rəhbərliyi Azərbaycan Rəssamlar İttifaqına müraciət edib və mütəxəssislərin daxil olduğu xüsusi komissiya yaradılıb.xeber100.com  

“Brent” markalı neftin qiyməti ucuzlaşıb

Qlobal bazarda xam neftin qiyməti son 5 ayın ən aşağı səviyyəsinə enib.Azərtac xəbər verir ki, "Brent" markalı neftin qiyməti 47 dollar/barrelə, "Layt"ın qiyməti isə 44 dollar/barrelədək ucuzlaşıb. Beləliklə, hər iki neft növünün bir barrelinin qiyməti ötən il noyabrın 30-dan bu günədək ən aşağı səviyyəyə geriləyib. Həmin tarixdə Neft İxrac edən Ölkələr Təşkilatına (OPEC) üzv ölkələr və Rusiya xam neft hasilatı bu ilin ilk yarısınadək azaltmaq barədə qərar qəbul etmiş, nəticədə neftin qiyməti həmin gün 9 faiz artım göstərmişdi.OPEC və Rusiya arasındakı bu müqavilənin ardından qlobal bazarda neftin qiyməti son 5 ayda 50-55 dollar/barrel arasında dəyişib. Lakin son həftələrdə neftin qiyməti aşağı düşməyə başlayıb. İki həftə əvvəl təxminən 7 faiz ucuzlaşan neft hazırda daha 5 faizə yaxın qiymət itkisinə məruz qalıb.Analitiklər müqavilənin bu ilin ikinci yarısını da əhatə etməsi məsələsində qeyri-müəyyənliyin davam etdiyini bildirirlər. OPEC-in mayın 25-də Avstriyanın paytaxtı Vyanada keçirəcəyi toplantının bazar və neftin qiyməti üçün əhəmiyyəti vurğulanır.Bundan başqa, ABŞ-ın artan xam neft hasilatı qlobal təklifi də artırır və bu, qiymətin aşağı düşməsinə səbəb olur. Ölkənin Enerji İnformasiya Administrasiyasının (EIA) məlumatına görə, dünyanın ən böyük üçüncü neft istehsalçısı olan ABŞ-ın neft hasilatı keçən il noyabr ayının sonundakı gündəlik orta hesabla 8,7 milyon barrelldən ötən həftə 9,3 milyon barrelədək yüksəlib. Beləliklə də, ABŞ-ın xam neft hasilatı son 5 ayda 6,9 faiz çoxalıb. EIA-nın məlumatına görə, ölkədə neft istehsalı son 11 həftədir artmaqda davam edir.xeber100.com

“Azərişıq” ASC-nin məlumatına görə…

“Azərişıq” ASC IV İslam Həmrəyliyi Oyunlarına hazırlıq işlərini tam başa çatdırıb.ASC-dən Azərtac-a bildiriblər ki, operativliyi təmin etmək məqsədilə mərkəzi qərargah yaradılıb, əhatəli tədbirlər planı hazırlanıb. İdman oyunlarının keçiriləcəyi yerləri, habelə bununla bağlı digər obyektləri qidalandıran yarımstansiya və transformator məntəqələrində quraşdırılan rele mühafizəsi, avtomat qurğuların istismarı üzrə təlimatların təkmilləşdirilməsi, yarışlar zamanı növbə çəkəcək əməliyyat heyətinin və məsul şəxslərin təkrar treninqlərə cəlb olunması və əks-qəza məşqlərinin keçirilməsi təmin edilib.Keçirilən məşqlər heyətin zəruri biliklərini aşkar etməyə imkan yaradıb, eləcə də işçilərdə operativ məlumatların alınması və sərəncamların verilməsi vərdişləri aşılayıb. Əks-qəza məşqlərinə İslam Həmrəyliyi Oyunlarının baş tutacağı 17 əsas və 6 köməkçi obyekti qidalandıran 25 yarımstansiya və 12 transformator məntəqəsi üzrə ümumilikdə 292 əməkdaş cəlb olunub.Bundan əlavə, yarışların keçiriləcəyi günlərdə elektrik enerji təchizatında fasiləsizliyi təmini məsələsinin operativ həlli üçün Oyunların Əməliyyat Komitəsi ilə koordinasiyalı fəaliyyətin təşkili razılaşdırılıb.xeber100.com