Avropa İttifaqı-Azərbaycan biznes-forumunda…

Son 10 ildə Azərbaycanda əsas kapitala yatırılan vəsaitin 46 faizi və ya 20 milyard dolları Avropa İttifaqının payına düşür.Bu barədə iyunun 8-də Bakıda keçirilən Avropa İttifaqı-Azərbaycan biznes-forumunda iqtisadiyyat naziri Şahin Mustafayev məlumat verib. O qeyd edib ki, eyni zamanda, Avropa İttifaqı Azərbaycana 582 milyon avro məbləğində yardım göstərib.xeber100.com

Neftin qiyməti müxtəlif istiqamətdə dəyişib

Dünya birjalarında neftin qiyməti müxtəlif istiqamətdə dəyişib.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,22 dollar ucuzlaşaraq 47,97 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,17 dollar azalaraq 49,95 dollar olub.Azərtac xəbər verir ki, “AzəriLayt” markalı neftin bir barrelinin qiyməti isə 0,10 dollar bahalaşaraq 49,73 dollar təşkil edib.xeber100.com

Beynəlxalq Bank barədə müsbət qərar qəbul edilib

Nyu-York məhkəməsinin ardınca London məhkəməsi də "Azərbaycan Beynəlxalq Bankı"nın (ABB) aktivlərinin, habelə hüquqlarının xarici kreditorların iddia tələblərindən qorunması ilə bağlı müsbət qərar qəbul edib.Bankdan Azərtac-a bildiriblər ki, qərara əsasən, ABB-nin xarici öhdəliklərinin könüllü restrukturizasiyası prosesi zamanı xarici kreditorlar bankın aktivlərinə qarşı tələblər irəli sürə bilməyəcək. Bu qərar ABB-nin xarici kreditorlar qarşısındakı öhdəliklərinin könüllü restrukturizasiyası prosesini dəstəkləyir.Məlum olduğu kimi, ABB-nin bir sıra xarici maliyyə institutlarından cəlb etdiyi xarici valyutada borcların bu plana uyğun olaraq birbaşa dövlətə ötürülməsi nəzərdə tutulur. Bu proses bankın yalnız xarici öhdəliklərini əhatə edir. Bütün digər öhdəliklər, o cümlədən Azərbaycan Respublikası vətəndaşlarının, hüquqi şəxslərin və digər qeyri-rezidentlərin milli və xarici valyutada qorunan və qorunmayan, tələbli (cari) və müddətli əmanətləri üzrə əməliyyatlar isə cari rejimdə həyata keçirilir.xeber100.com

Mərkəzi Bankın məlumatına görə…

İyunun 9-da Mərkəzi Bankı tərəfindən vəsaitlərin cəlb edilməsi üzrə depozit hərracı keçiriləcək.Azərtac Mərkəzi Banka istinadla xəbər verir ki, hibrid hərracda 200 milyon manat məbləğində vəsaitin cəlbi nəzərdə tutulur. Depozit hərracının müddəti 14 gündür. "Bloomberg" ticarət sistemində keçiriləcək hərrac üzrə faiz dərəcələri 12,01-14,99 faiz təşkil edir.xeber100.com

“Kapital Bank” filial şəbəkəsinin optimallaşdırılması layihəsi çərçivəsində…

"Kapital Bank" filial şəbəkəsinin optimallaşdırılması layihəsi çərçivəsində Bakı şəhəri, Qaradağ rayonu, Lökbatan qəsəbəsi, Binə ticarət mərkəzində yeni şöbəsini istifadəyə verib.Bankdan Azərtac-a bildiriblər ki, müştərilər yeni konsepsiya əsasında təmir edilən şöbədə müasir bank xidmətlərindən istifadə edə bilərlər. Şöbə ilkin olaraq həftə içi saat 09:00-dan 17:00-dək, gələcəkdə isə şənbə və bazar günləri də daxil olmaqla fəaliyyət göstərəcək."Kapital Bank"ın yeni şöbəsi, müştərilərə hesablaşma-kassa əməliyyatları, əmanətlər, plastik kartlar, pul köçürmələri, kommunal, rabitə və digər xidmətlərin ödənişləri, valyuta mübadiləsi və sair bank xidmətlərini təklif edir. Yeni şöbə müştərilərə ən yüksək səviyyədə xidmət göstərmək üçün bütün zəruri şəraitə və imkanlara malikdir.Qeyd edək ki, "Kapital Bank" filial şəbəkəsinin transformasiyası istiqamətində müəyyən tədbirlər həyata keçirir. 2017-ci ildə yeni "Bravo" və "Nərimanov Kart Mərkəzi" filialları, "Buzovna" və "Dəmiryol" şöbələri fəaliyyətə başlayıb, "Həzi Aslanov", "Qubadlı" və "Göyçay" filialları yeni ünvana köçürülüb. Bankın yenilənmiş filiallarında vahid korporativ interyer dizayn standartları tətbiq edilib və bu proses hazırda davam edir. Cari ildə daha bir sıra şəhər və region filiallarının yeni konsepsiyaya uyğun əsaslı təmir olunması, yeni filial və şöbələrin açılması planlaşdırılır.Azərbaycanda ən böyük filial şəbəkəsinə malik olan "Kapital Bank" 92 filialı və 6 şöbəsi ilə müştərilərin xidmətindədir. Bankın məhsul və xidmətləri barədə daha ətraflı məlumat almaq üçün www.kapitalbank.az saytına, 196 Sorğu Mərkəzinə və ya bankın müxtəlif sosial şəbəkələrdə olan səhifələrinə müraciət etmək olar.xeber100.com

“AzəriLayt” markalı neftin qiyməti ucuzlaşıb

Dünya birjalarında neftin qiyməti ucuzlaşıb.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,16 dollar ucuzlaşaraq 47,24 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,16 dollar azalaraq 49,31 dollar olub.Azərtac xəbər verir ki, “AzəriLayt” markalı neftin bir barrelinin qiyməti isə 0,89 dollar ucuzlaşaraq 49,63 dollar təşkil edib.xeber100.com

Dəniz Təhlükəsizliyi Komitəsinin 98–ci sessiyası keçiriləcək

İyunun 7-16-da Beynəlxalq Dəniz Təşkilatının (BDT) Böyük Britaniyanın paytaxtı London şəhərində yerləşən baş qərargahında Təşkilatın Dəniz Təhlükəsizliyi Komitəsinin 98–ci sessiyası keçiriləcək. 1995–ci ildən Azərbaycan Respublikasının üzv olduğu adıçəkilən Beynəlxalq Təşkilatın sessiyasında Azərbaycanı Dövlət Dəniz Administrasiyasının rəisi Qüdrət Qurbanovun rəhbərlik etdiyi nümayəndə heyəti təmsil edəcək.Dəniz Administrasiyasının mətbuat xidmətindən Azərtac-a bildirilib ki, keçiriləcək sessiyanın gündəliyində etimadnamələr haqqında məruzə, Beynəlxalq Dəniz Təşkilatının digər üzvlərinin qərarları, əsas sənədlərə dair düzəlişlərin qəbulu və nəzərdən keçirilməsi, BDT–nin sənədlərinin erkən tətbiqi, dənizdə təhlükəsizliyin artırılmasına dair tədbirlər, yeni gəmilərin inşa edilməsinə dair standartlar, yük və konteynerlərin daşınması, çirklənmənin qarşısının alınması və cavab tədbirləri, insan amili, təlim və növbəçəkmə, gəmi dizaynı və konstruksiyası, naviqasiya, kommunikasiya, axtarış və xilasetmə, gəmi sistemləri və avadanlıqları, yeni tədbirlərin tətbiq edilməsi üçün potensial imkanların yaradılması, dəniz üzgüçülüyünün təhlükəsizliyinin qiymətləndirilməsi, gəmilərə edilən silahlı basqın və dəniz quldurluğu, qeyri-qanuni miqrasiya, BDT alətlərinin implementasiyası, beynəlxalq təşkilatlarla əlaqələr və digər mühüm məsələlərin müzakirəsi nəzərdə tutulub.xeber100.com

Manatın ortaçəkili məzənnəsi 1,7022 səviyyəsində formalaşıb

İyunun 6-da Mərkəzi Bankda Dövlət Neft Fondunun da iştirakı ilə hərrac keçirilib.Mərkəz Bankdan Azərtac-a bildiriblər ki, hərracda manatın ortaçəkili məzənnəsi 1,7022 səviyyəsində formalaşıb.xeber100.com

“Rabitə və Kontent. Qafqaz 2017” beynəlxalq forumu keçiriləcək

İyunun 19-dan 23-dək Gürcüstanın Borjomi şəhərində “Rabitə və Kontent. Qafqaz 2017” beynəlxalq forumu keçiriləcək. Forum konvergensiya nəticəsində bir çox ümumi müzakirə mövzuları olan telekommunikasiya və media sahələrinə həsr ediləcək.İnformasiya Mərkəzindən Azərtac-a bildirilib ki, həmin beynəlxalq tədbirdə Azərbaycandan dövlət və aidiyyəti sahə təşkilatlarının, telekanalların, informasiya texnologiyaları şirkətlərinin və mobil rabitə daxil olmaqla telekommunikasiya operatorlarının nümayəndələrinin iştirakı gözlənilir.Forum zamanı biznes və sahə konvergensiyası, Qafqaz ölkələri, Mərkəzi və Şərqi Avropa və Qazaxıstanda həmin sahənin inkişafının hazırkı vəziyyəti və perspektivləri, həmçinin hökumət, sahə assosiasiyaları və biznesin qarşılıqlı əlaqələri müzakirə ediləcək. Ən böyük marağa səbəb olacaq mövzulardan biri də yeni xidmət və texnologiyaların praktiki tətbiqinə həsr ediləcək ki, onların da araşdırılması üçün telekom sənayesi liderlərinin müvafiq “biznes-keysləri” təqdim olunacaq. Həmçinin forum zamanı operator və mediaqrup/telekanalların münasibətləri də müzakirə olunacaq.xeber100.com

“Azərbaycan Dəmir Yolları” QSC-nin məlumatına görə…

Azərbaycan, Gürcüstan və İranın dəmir yolları Fars körfəzi regionundan və Hindistandan yüklərin Avropaya və əks istiqamətdə daşınması işlərini koordinasiya etmək üçün işçi qrupu yaradacaq.“Azərbaycan Dəmir Yolları” QSC-nin ictimaiyyətlə əlaqələr şöbəsindən Azərtac-a bildirilib ki, bununla bağlı Gürcüstanın paytaxtı Tbilisi şəhərində “Azərbaycan Dəmir Yolları” QSC-nin sədri Cavid Qurbanov, “Gürcüstan Dəmir Yolu” SC-nin sədri Mamuka Baxtadze və İran Dəmir Yolunun baş direktoru Səid Məhəmmədzadə arasında üçtərəfli görüş zamanı qərar qəbul edilib.Görüşdə yüklərin (konteyner daşımaları) Fars körfəzi regionundan və Hindistandan (Azərbaycan və Gürcüstandan keçməklə) Avropaya və əks istiqamətdə quru yolla daşımalarının təşkili, Fars körfəzi regionundan və Hindistandan (Azərbaycan və Gürcüstandan keçməklə) Avropaya və əks istiqamətdə Azərbaycan və İran limanlarının vasitəsilə yük daşımalarının (konteyner daşımaları) təşkili, tərəflərin dəmir yollarında yük vaqonlarının təkər arabacıqlarının dəyişdirilərək (1520 millimetr standartlı izdən 1435 millimetr standartlı izə və əksinə keçirilərək) hərəkəti məsələləri müzakirə olunub.xeber100.com