“Brent” markalı neftin bir barelinin qiyməti 0,76 dollar artıb

Dünya birjalarında neft qiymətləri bahalaşıb.Londonun ICE (“InterContinental Exchange Futures”) birjasında “Brent” markalı neftin bir barelinin qiyməti 0,76 dollar artaraq 95,68 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barelinin qiyməti isə 0,62 dollar bahalaşaraq 89,63 dollar olub.xeber100.com

Avqustun 10-da sığorta sahəsində attestasiya keçiriləcək

Avqustun 10-da sığorta sahəsində attestasiya keçiriləcək.Azərbaycan Respublikası Mərkəzi Bankından bildirilib ki, “Sığorta sahəsində attestasiyanın təşkili və keçirilməsi” Qaydasının 2.4-cü bəndinə əsasən, 8 namizəd Mərkəzi Bankda (Bakı şəhəri, Bülbül prospekti 27) keçiriləcək attestasiyaya dəvət olunurlar. Attestasiyaya buraxılmaq üçün şəxsiyyət vəsiqəsi təqdim edilməlidir.xeber100.com

Mərkəzi Bank avqustun 3-nə olan USD/AZN rəsmi məzənnəsini açıqlayıb

Azərbaycan Mərkəzi Bankı (AMB) avqustun 3-nə olan USD/AZN rəsmi məzənnəsini açıqlayıb.AMB-dən Azərtac-a bildirilib ki, bankın avqustun 3-dən etibarən USD/AZN rəsmi məzənnəsi 1,7000 manat səviyyəsində müəyyən olunub.xeber100.com

“Azeri Light” markalı neftin bir barelinin qiyməti 4,56 dollar azalıb

Azərbaycan neftinin qiyməti ucuzlaşıb.“Azeri Light” markalı neftin bir barelinin qiyməti 4,56 dollar azalaraq 112,32 dollar olub.Xatırladaq ki, Azərbaycan neftinin bir barelinin bu il ərzində maksimum qiyməti martın 9-da (135,99) qeydə alınmışdı.xeber100.com

Mərkəzi Bankda Dövlət Neft Fondunun iştirakı ilə valyuta hərracı keçirilib

İyulun 26-da Mərkəzi Bankda Dövlət Neft Fondunun da iştirakı ilə valyuta hərracı keçirilib.Bankdan Azərtac-a bildirilib ki, hərracda tələb 15,8 milyon ABŞ dolları təşkil edib və tam təmin olunub. Hərracda manatın ortaçəkili məzənnəsi 1,7000 səviyyəsində formalaşıb.xeber100.com

Dövlət Gömrük Komitəsinin məlumatına görə…

İyunda Azərbaycanda ticarət əməliyyatlarının dəyəri 4 milyard 284 milyon ABŞ dolları olub.Dövlət Gömrük Komitəsindən Azərtac-a verilən məlumata görə, ticarət əməliyyatlarının ümumi dəyərinin 3 milyard 62,7 milyon dolları ixracın, 1 milyard 221,3 milyon dolları isə idxalın payına düşüb.xeber100.com

Dövlət Vergi Xidmətinin məlumatına görə…

Meyvə-tərəvəz istehsalçısı olan kəndli əkin sahəsinin dərmanlanması üçün ƏDV qeydiyyatında olan hüquqi şəxslə müqavilə bağladıqda hüquqi şəxs tərəfindən göstərilən aqrotexniki xidmətlərə görə Əlavə Dəyər Vergisi tətbiq edilirmi?Dövlət Vergi Xidməti xəbər verir ki, Vergi Məcəlləsinə 2022-ci ilin yanvarın 1-dən edilmiş dəyişikliyə əsasən, kənd təsərrüfatı məhsullarının istehsalçılarına aqrotexniki xidmətlərin göstərilməsi ƏDV-dən azaddır.Sözügedən Məcəlləyə görə, ƏDV qeydiyyatında olan hüquqi şəxs tərəfindən kənd təsərrüfatı məhsullarının istehsalçısına göstərilən aqrotexniki xidmətlərin dəyərinə ƏDV tətbiq edilmir.xeber100.com

“Azeri Light” markalı neftin bir barelinin qiyməti 6,19 dollar azalıb

Azərbaycan neftinin qiyməti ucuzlaşıb.“Azeri Light” markalı neftin bir barelinin qiyməti 6,19 dollar azalaraq 113,91 dollar olub.Xatırladaq ki, Azərbaycan neftinin bir barelinin bu il ərzində maksimum qiyməti martın 9-da (135,99) qeydə alınmışdı.xeber100.com

Energetika Nazirliyi: Ölkədə 23,4 milyard kubmetr təbii qaz hasil edilib

Altı ay ərzində ölkədə 23,4 milyard kubmetr təbii qaz hasil edilib.Energetika Nazirliyindən Azərtac-a bildirilib ki, qazın 6,9 milyard kubmetri “Azəri-Çıraq-Günəşli”dən, 12,6 milyard kubmetri “Şahdəniz”dən, 3,9 milyard kubmetri SOCAR üzrə hasil olunub. Ötən ilin müvafiq dövrünə nisbətən 15,1 faiz, yəni 3,1 milyard kubmetr artımla qaz hasil edilib.2022-ci ilin ilk yarısında xaricə qaz satışı 11,2 milyard kubmetr təşkil edib ki, bu da ötən ilin müvafiq dövrü ilə müqayisədə 25,7 faiz çoxdur. Cari ilin yanvar-iyun aylarında Türkiyəyə 4,3 milyard kubmetr, Avropaya 5,4 milyard kubmetr, Gürcüstana isə 1,5 milyard kubmetr qaz satılıb. Bu dövrdə BTC boru kəməri sisteminə 55 milyon kubmetr qaz verilib. Qeyd edək ki, bu müddətdə Türkiyəyə TANAP-la 2,9 milyard kubmetrə yaxın qaz nəql olunub.xeber100.com

“Azərsu” bayram günlərində gücləndirilmiş iş rejimində çalışacaq

“Azərsu” ASC Qurban bayramı ilə əlaqədar qeyri-iş günlərində gücləndirilmiş iş rejimində çalışacaq.ASC-dən bildirilib ki, qeyri-iş günlərində həm mərkəzi idarə aparatında, həm də regional, yerli sukanal idarələri və sahələrində 24 saatlıq növbətçilik təmin olunacaq. Bu məqsədlə “Azərsu”nun sədr müavinləri, departament və şöbə rəisləri səviyyəsində növbətçilik cədvəli təsdiq edilib. Əhalinin içməli su təchizatında dayanıqlığın təmin olunması məqsədilə heç bir planlı fasilə olmayacaq, qəza xidmətləri, “955” Zəng mərkəzi fasiləsiz fəaliyyət göstərəcək.İstehlakçılardan xahiş olunur içməli su təchizatı və kanalizasiya xidmətlərində yaranacaq problemlərlə əlaqədar ASC-nin “955” Zəng mərkəzinə müraciət etsinlər. Eyni zamanda, vətəndaşlar (055) 209-95-59 vatsap nömrəsi və feysbuk sosial şəbəkəsi vasitəsilə də müraciətlərini ünvanlaya bilərlər.Abonentlərin diqqətinə çatdırılır ki, bayram və qeyri-iş günlərində əhalinin içməli su ilə təchizatında dayanıqlılığın təmin olunması məqsədilə bütün lazımi təşkilatı və texniki tədbirlər görüləcək.xeber100.com