Əməkdaşlıq perspektivləri müzakirə olunub

Azərbaycan Respublikası Kənd təsərrüfatı nazirinin müavini S.Talıbovun rəhbərlik etdiyi nümayəndə heyəti BMT-nin Ərzaq və Kənd Təsərrüfatı Təşkilatının (FAO) 40-cı sessiyasında iştirak etmək üçün İtaliyada rəsmi səfərdə olub.Nazirlikdən Azərtac-a bildiriblər ki, səfər çərçivəsində S.Talıbov FAO-nun baş direktorunun müavini Daniel Gustafson ilə görüşüb.Görüş zamanı S.Talıbov Azərbaycan Respublikası ilə FAO arasında əməkdaşlığın yüksək səviyyədə olduğunu qeyd edərək, ölkəmizdə kənd təsərrüfatı sahəsində həyata keçirilən institusional islahatlar barədə ətraflı məlumat verib. Nazir müavini Azərbaycan Respublikası Prezidentinin kənd təsərrüfatının inkişafı məqsədilə imzaladığı sərəncamlar və bu sahəyə göstərilən dövlət dəstəyi barədə söz açıb, dövlətimizin başçısı tərəfindən təsdiq olunmuş “Azərbaycan Respublikasında Kənd Təsərrüfatı Məhsullarının istehsalı və emalına dair Strateji Yol Xəritəsi”nin önəmini vurğulayaraq, FAO ilə gələcək əməkdaşlığın bu sənəddə nəzərdə tutulmuş fəaliyyətlər çərçivəsində davam etdirilməsinin vacibliyini diqqətə çatdırıb.xeber100.com

BMT-nin Xəbərlər Mərkəzinin məlumatı

BMT-nin iclasında aviasiya terrorizminin qarşısının alınması yolları müzakirə edilib.Dünyanın bütün dövlətləri aeroportlarda yoxlama prosedurlarını və nəzarəti, habelə mülki aviasiyada terror təhlükəsinin qarşısının alınması məqsədilə aeroport infrastrukturlarının təhlükəsizliyini möhkəmləndirməlidirlər.Azərtac BMT-nin Xəbərlər Mərkəzinə istinadla bildirir ki, bu fikri Nyu-Yorkda BMT Təhlükəsizlik Şurasının Terrorizmə Qarşı Mübarizə Komitəsinin və Beynəlxalq Mülki Aviasiya Təşkilatının (ICAO) himayəsi ilə keçirilən iclasın iştirakçıları söyləyiblər.ICAO-nun baş katibi Fan Lyu vurğulayıb ki, terrorçu qruplar aeroportlarda təhlükəsizliyin təmini sistemində istənilən boşluqdan istifadə etməyə çalışırlar. Beynəlxalq birliyin vəzifəsi əməkdaşlıq yolu və yoxsul ölkələrə texniki yardım göstərməklə bu boşluqları aşkar etmək və aradan qaldırmaqdır. Hər gün dünyada 100 min mülki təyyarə 10 milyon sərnişin daşıyır. Aviareyslərdə sərnişinlərin sayı ildə 3,5 milyard nəfər təşkil edir.Belçika, Türkiyə və Birləşmiş Ştatlarda aeroportlara hücumlar, Somalinin “Daallo” aviaşirkətinə məxsus sərnişin təyyarəsində bomba partlayışı aviasiyada terror təhlükələrinə dair ciddi xəbərdarlıqlardır.Fan Lyu vurğulayıb ki, ICAO-nun himayəsi altında hava hərəkəti təhlükəsizliyinin təmin olunmasına dair bir sıra standartlar, prinsiplər və təlimatlar hazırlanıb və Beynəlxalq Mülki Aviasiya haqqında Çikaqo Konvensiyasının əlavələrinə daxil edilib.xeber100.com

“AzəriLayt” markalı neft ucuzlaşıb

Azərbaycan nefti ucuzlaşıb.Azərtac xəbər verir ki, “AzəriLayt” markalı neftin bir barrelinin qiyməti 2,16 dollar ucuzlaşaraq 47,25 dollar təşkil edib.xeber100.com

“Maliyyə Savadlılığı: Peşəkar karyeraya aparan yol”…

Mərkəzi Bank bu ilin birinci yarısında hər biri iki mərhələdən ibarət olan "Maliyyə Savadlılığı: Peşəkar karyeraya aparan yol" adlı müsabiqə xarakterli 5 təlim keçirib.Mərkəzi Bankdan Azərtac-a bildiriblər ki, bankın təşəbbüsü ilə keçirilən və 150 tələbənin iştirak etdiyi bu təlimlərin birinci mərhələsindən uğurla keçənlər ikinci mərhələdə iştirak etmək hüququ qazanıblar. İkinci mərhələsini də müvəffəqiyyətlə başa vuran 71 tələbəyə sertifikat verilib. Eyni zamanda, tələbələrin CV-ləri və yekun test imtahanı üzrə balları internatura proqramında iştirak etmək imkanı qazanmaq üçün müvafiq bank-maliyyə qurumlarına təqdim olunub.Bu günədək sözügedən layihənin 40 məzunu layihədə iştirak edən bank-maliyyə qurumlarında təcrübə proqramlarına cəlb olunub. Qeyd  edək ki, təlimlərin keçirilməsində məqsəd maliyyə savadlılığının gənclər arasında ictimai dəyər kimi tanınmasına nail olmaq, tələbələri bank-maliyyə sektorunun işi ilə yaxından tanış etmək, onlara karyera quruculuğu işində kömək göstərmək və bank-maliyyə qurumlarının təcrübə proqramlarına dəstək olmaqdır.xeber100.com

Əmanətlərin Sığortalanması Fondunun məlumatı

Ləğv prosesində olan "Atrabank" ASC-nin və "Royalbank" ASC-nin əmlakları satışa çıxarılıb.Əmanətlərin Sığortalanması Fondundan Azərtac-a bildiriblər ki, fond ləğv prosesində olan "Atrabank" ASC-nin balansında olan 2 ədəd inzibati binanı, 2 ədəd inkassator tipli avtonəqliyyat vasitəsini, o cümlədən "Royalbank" ASC-nin balansında olan mebel avadanlıqlarını hərrac yolu ilə satışa çıxarıb.xeber100.com

Vergilər Nazirliyinin məlumatına əsasən…

2017-ci ilin yanvar-iyun ayları ərzində vergiödəyiciləri tərəfindən dövlət büdcəsinə 3 milyard 352 milyon 375,58 min manat məbləğində vəsait ödənilib.Vergilər Nazirliyinin Media və Kommunikasiya Mərkəzindən Azərtac-a bildirilib ki, proqnoz tapşırığına 102,5 faiz əməl olunub.xeber100.com

“Bakı Metropoliteni” QSC – 50

“Bakı Metropoliteni” QSC 50 illik yubileyinə hazırlıqları davam etdirir.Bu barədə “Bakı Metropoliteni” QSC-nin mətbuat xidmətinin rəhbəri Azərtac-a açıqlamasında deyib.O bildirib ki, artıq bütün stansiyalarda və keçidlərdə Bakı metrosunun 50 illik yubileyinə həsr edilmiş lövhələr quraşdırılıb, müxtəlif sahələrdən çəkilmiş fotoşəkillərdən kollaj hazırlanıb.Bundan başqa,“Yarım əsr xidmətinizdə” sloqanıyla görülən işlərlə yanaşı, həmçinin bu sloqanla bəzədilən 1 ədəd yubiley qatarı da istifadəyə verilib, qatarın oturacaqlarına Metropolitenin loqoları vurulub.Hazırda ikinci belə qatarın təmiri aparılır.xeber100.com

İKT sahəsində əməkdaşlıq imkanları müzakirə edilib

“Huawei” şirkəti Bakı Limanı ilə əməkdaşlığa dəvət olunub.İqtisadiyyat naziri Şahin Mustafayevin iyulun 7-də Çinin “Huawei” şirkətinin Mərkəzi Asiya və Qafqaz regionu üzrə vitse-prezidenti Hou Tao ilə keçirdiyi görüşdə İKT sahəsində əməkdaşlıq imkanlarını müzakirə edilib.Nazirliyin mətbuat xidmətindən bildirilib ki, nazir Şahin Mustafayev Azərbaycan və Çin arasında iqtisadi əlaqələrin genişləndiyini, qarşılıqlı səfərlərin və keçirilən görüşlərin əməkdaşlığın inkişafında rolunu vurğulayıb. Qeyd edilib ki, qeyri-neft sektorunun, o cümlədən İKT-nin inkişafı Azərbaycan iqtisadiyyatının prioritet istiqamətlərindəndir və indiyədək bu sahədə bir sıra işlər görülüb. Azərbaycan İKT sahəsində dünyanın tanınmış şirkətləri ilə əməkdaşlıqda maraqlıdır. Bu ilin may ayında Çində keçirilən “Bir kəmər - bir yol” iqtisadi inkişaf strategiyası üzrə keçirilən Yüksək Səviyyəli Beynəlxalq Forum çərçivəsində Azərbaycan və Çin arasında digər sahələrlə yanaşı, İKT sahəsində əməkdaşlıq imkanları da müzakirə edilib. Bu baxımdan dünyada aparıcı şirkətlərdən olan “Huawei” ilə korporativ sahədə, rəqəmsal iqtisadiyyat və s. kimi istiqamətlər üzrə əməkdaşlıq edilə bilər. “Huawei” şirkətinin Naxçıvanda fiziki cəhətdən qüsurlu insanlara “elektron təhsil” sistemi hədiyyə etməsini yüksək qiymətləndirib, Bakı Ələt Ticarət Limanında görülmüş işlər barədə məlumat verərək, şirkəti burada yaradılmış əlverişli vergi və gömrük rejimindən yararlanmaqla əməkdaşlığa dəvət edib.“Huawei” şirkətinin fəaliyyəti barədə məlumat verən Hou Tao İKT sahəsində dünyada tanınmış şirkətlərdən olan şirkətin 170-dən çox ölkədə, o cümlədən 2001-ci ildən Azərbaycanda fəaliyyət göstərdiyini, “Huawei” şirkətinin ölkəmizdə fəaliyyətini daha da genişləndirməkdə maraqlı olduğunu bildirib.xeber100.com

“Sığorta və sığorta mədəniyyəti” mövzusunda təlim təşkil edilib

"PAŞA Həyat" sığorta şirkəti maarifləndirmə və korporativ sosial məsuliyyət proqramı çərçivəsində "Sığorta və sığorta mədəniyyəti" mövzusunda növbəti – 100-cü təlimini təşkil edib.Şirkətin ictimaiyyətlə əlaqələr xidmətindən Azərtac-a bildiriblər ki, müxtəlif universitetlərdən 40-a yaxın tələbənin iştirak etdiyi təlimdə təlimçi Pərviz Quliyev tərəfindən tələbələrə sığortaya aid mövcud qanunvericilik bazası, sığortanın mahiyyəti, sığorta mədəniyyətini formalaşdıran amillər, sığorta müqaviləsi, təkrarsığorta, sığorta riskləri, dünya və yerli sığorta bazarının vəziyyəti barədə ətraflı məlumatlar verib. Təlim zamanı tələbələrə həyat sığortası ilə bağlı müvafiq suallar verilib. Düzgün cavab verən tələbələr "PAŞA Həyat"ın xüsusi hədiyyələri ilə mükafatlandırılıb.Təlimin sonunda şirkətin mətbuat xidmətinin rəhbəri Elnur Hüseynquluyev "Sığorta və sığorta mədəniyyəti" mövzusunda keçirilən təlimin ölkənin sığorta bazarında ən uzunmüddətli təlim layihəsi kimi qeyd edib: "Sözügedən təlimə 2013-cü ilin iyul ayından start verilib. Artıq 4 ildir ki bu təlim davam edir. İndiyədək 2500-ə yaxın tələbə bizim təlimlərdən yararlanıb. Danılmazdır ki, "Sığorta və sığorta mədəniyyəti" mövzusunda keçirilən təlim Azərbaycan sığorta bazarında ən uzunmüddətli təlim layihəsidir. Məqsədimiz iqtisadi sahədə təhsil alan tələbələrin, sığorta sahəsində bilik və bacarıq qabiliyyətlərini daha da artırmaq, eyni zamanda, cəmiyyəti sığorta sahəsi haqqında maarifləndirməklə yanaşı, sığorta bazarının inkişafına dəstək olmaqdır".xeber100.com  

“Layt” markalı neftin qiyməti azalıb

Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,54 dollar azalaraq 45,89 dollar təşkil edib.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti isə 0,57 dollar azalaraq 48,44 dollar olub.xeber100.com