Azərbaycan Mərkəzi Bankı USD/AZN rəsmi məzənnəsini açıqlayıb

Azərbaycan Mərkəzi Bankı (AMB) mayın 20-nə olan USD/AZN rəsmi məzənnəsini açıqlayıb.AMB-dən Azərtac-a bildirilib ki, bankın mayın 20-dən etibarən USD/AZN rəsmi məzənnəsi 1,7000 manat səviyyəsində müəyyən olunub.xeber100.com

Azərbaycan Avropa İttifaqı ölkələrindən ən çox İtaliyaya məhsul göndərib

Yanvar-aprel aylarında Azərbaycan Avropa İttifaqı (Aİ) ölkələri arasında ən çox İtaliyaya məhsul ixrac edib.Dövlət Gömrük Komitəsindən Azərtac-a bildirilib ki, Azərbaycanın dörd ayda ən çox məhsul ixrac etdiyi Aİ-yə üzv ölkələr İtaliya, Portuqaliya və Yunanıstan olub. İtaliyaya ixrac olunan məhsulların dəyəri 5 milyard 833,4 milyon ABŞ dolları, Portuqaliya 400,5 milyon dollar, Yunanıstan isə 365,7 milyon dollar təşkil edib.xeber100.com

15-ci Azərbaycan Beynəlxalq Kənd Təsərrüfatı sərgisi keçirilir

Mayın 18-də Bakı Ekspo Mərkəzində 15-ci Yubiley Azərbaycan Beynəlxalq Kənd Təsərrüfatı (Caspian Agro 2022) və 27-ci Azərbaycan Beynəlxalq Qida Sənayesi (InterFood Azerbaijan) sərgiləri işə başlayıb.Azərbaycan Respublikasının Baş naziri Əli Əsədov, kənd təsərrüfatı naziri İnam Kərimov, Türkiyənin kənd təsərrüfatı və meşə naziri Vahid Kirişçi, İsrailin kənd təsərrüfatı və kənd yerlərinin inkişafı naziri Oded Forer, Gürcüstanın ətraf mühit və kənd təsərrüfatı nazirinin müavini George Xanişvili və digər ölkələrin rəsmi şəxsləri “Caspian Agro 2022” və “InterFood Azerbaijan” sərgiləri ilə tanış olublar.Baş nazirə məlumat verilib ki, “Caspian Agro” Azərbaycanda kənd təsərrüfatı sahəsində ən böyük beynəlxalq sərgidir. Rekord sayda milli və regional stendlərin nümayiş olunduğu builki sərgilərdə 101-i yerli, 348-i xarici şirkət olmaqla ümumilikdə 24 ölkədən 449 şirkət iştirak edir. Sərgi Azərbaycan Respublikasının aqrar-sənaye kompleksində mütərəqqi texnologiyaların tətbiqi, kənd təsərrüfatı sahəsinin yerli və xarici mütəxəssisləri arasında təcrübə mübadiləsi, qarşılıqlı faydalı işgüzar əlaqələrin gücləndirilməsi üçün bazarda praktiki vasitə kimi özünü doğruldub. Sərgi kənd təsərrüfatı sektorunun ən əsas iştirakçılarını, yerli və xarici mütəxəssisləri, aralarında idxalçılar, ixracatçılar, distribütorlar, topdan və pərakəndə satış təmsilçiləri, eləcə də fermerlərin yer aldığı minlərlə peşəkar ziyarətçini bir araya gətirib.Bu il “Caspian Agro” sərgisi “ağıllı kənd”, süni intellekt, IT xidmətləri, pilotsuz uçuş aparatları (dronlar) kimi bölmələri əhatə edən “Smart Agro” istiqamətini təqdim edir. Sərgi çərçivəsində “Smart Agro: Kənd təsərrüfatında innovasiyaların təbliği” mövzusunda konfrans keçirilib. Sərgidə “Smart Agro” çərçivəsində artıq icrasına başlanan və eləcə də işğaldan azad edilmiş Qarabağda həyata keçirilməsi planlaşdırılan layihələr təqdim olunub.Qeyd edək ki, hər il təşkilatçılar regionlardan gələn fermerlər üçün sərgi üzrə turlar təşkil edirlər. Bu tədbir çərçivəsində fermerlər ən son sənaye yenilikləri ilə tanış ola bilirlər. Bu il 40-a yaxın rayondan fermerlər üçün turlar təşkil olunub.15-ci Yubiley Azərbaycan Beynəlxalq Kənd Təsərrüfatı “Caspian Agro 2022” və 27-ci Azərbaycan Beynəlxalq Qida Sənayesi “InterFood Azerbaijan 2022” sərgilərində Azərbaycan Respublikasının Kiçik və Orta Biznesin İnkişafı Agentliyinin (KOBİA) dəstəyi ilə qida sənayesi və kənd təsərrüfatı sahələrində fəaliyyət göstərən mikro və kiçik sahibkarlıq subyektləri öz məhsul və xidmətlərini təqdim edirlər.“Caspian Agro 2022” və “InterFood Azerbaijan 2022” sərgiləri Azərbaycan Respublikası Kənd Təsərrüfatı Nazirliyinin aktiv dəstəyi və iştirakı ilə keçirilir. Sərgilər Kiçik və Orta Biznesin İnkişafı Agentliyi, Qida Təhlükəsizliyi Agentliyi, Azərbaycan Qida və İçki Sənayeçiləri Assosiasiyası, Azərbaycan Respublikasının İxracın və İnvestisiyaların Təşviqi Agentliyi - AZPROMO, Birləşmiş Millətlər Təşkilatının Ərzaq və Kənd Təsərrüfatı Təşkilatı (FAO) və Azərbaycan Respublikası Sahibkarlar (İşəgötürənlər) Təşkilatları Milli Konfederasiyası tərəfindən dəstəklənir.Sərgilər mayın 20-də başa çatacaq.xeber100.com

“Light” markalı neftin bir barelinin qiyməti 1,55 dollar ucuzlaşıb

Dünya birjalarında neft qiymətləri ucuzlaşıb.Londonun ICE (“InterContinental Exchange Futures”) birjasında “Brent” markalı neftin bir barelinin qiyməti 1,92 dollar azalaraq 109,63 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barelinin qiyməti isə 1,55 dollar ucuzlaşaraq 108,94 dollar olub.xeber100.com  

Dünya birjalarında neft qiymətləri bahalaşmaqda davam edib

Dünya birjalarında neft qiymətləri bahalaşmaqda davam edib.Londonun ICE (“InterContinental Exchange Futures”) birjasında “Brent” markalı neftin bir barelinin qiyməti 4,10 dollar artaraq 111,55 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barelinin qiyməti isə 4,36 dollar bahalaşaraq 110,49 dollar olub.xeber100.com

“Light” markalı neftin bir barelinin qiyməti 0,77 dollar ucuzlaşıb

Dünya birjalarında neft qiymətləri ucuzlaşıb.Londonun ICE (“InterContinental Exchange Futures”) birjasında “Brent” markalı neftin bir barelinin qiyməti 0,94 dollar azalaraq 105 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barelinin qiyməti isə 0,77 dollar ucuzlaşaraq 102,32 dollar olub.xeber100.com

“Şimal-Cənub” Beynəlxalq Nəqliyyat Dəhlizi ilə bağlı müzakirə aparılacaq

Rusiyanın Baş nazirinin müavini, Rusiya-İran Hökumətlərarası İqtisadiyyat və Ticarət sahələrində Əməkdaşlıq üzrə Dövlət Komissiyasının həmsədri Aleksandr Novak gələn həftə Tehrana səfər edəcək.Bu barədə məlumatı İranın xarici işlər nazirinin beynəlxalq iqtisadi məsələlər üzrə müavini Mehdi Səfəri verib. O bildirib ki, A. Novak İranın birinci vitse-prezidenti Məhəmməd Muhbir ilə görüşəcək. Görüşdə turistlər üçün viza rejiminin qarşılıqlı olaraq sadələşdirilməsi, iki dövlət arasındakı maliyyə, neft-qaz, tranzit və nəqliyyat sahələri üzrə əməkdaşlıq məsələləri müzakirə ediləcək.Müzakirələr zamanı “Şimal-Cənub” Beynəlxalq Nəqliyyat Dəhlizinin formalaşması istiqamətində atılan addımlara və bu dəhlizin əsas seqmenti olan Rəşt-Astara dəmir yolunun inşasına da toxunulacaq.Nəzərə çatdıraq ki, Rəşt-Astara yolu artıq istifadəyə verilən Qəzvin-Rəşt dəmir yolunun davamıdır. “Şimal-Cənub” Beynəlxalq Nəqliyyat Dəhlizi ilə Cənub-Şərqi Asiya və körfəz ölkələrindən Avropaya, həmçinin əks istiqamətə yola salınan yüklər İranın Bəndər-Abbas və Çabahar limanlarından Qəzin-Rəşt-Astara (İran) – Astara (Azərbaycan) dəmir yolu ilə daşınacaq.Mütəxəssislər hesab edir ki, dəmir yolu tam istifadəyə verildikdən sonra birinci il 4,5 milyon ton yük və 250 min sərnişin daşınacaq. Yol 10 ildən sonra 11 milyon ton yük və 500 min sərnişin daşımaq imkanına malik olacaq. Rəşt-Astara dəmir yolunun uzunluğu 160 kilometrdir. Hazırda yolun tikintisi davam edir.xeber100.com

“Şahdəniz” üzrə fəaliyyətlərə 759 milyon dollar əməliyyat xərcləri çəkilib

Cari ilin birinci rübündə “Şahdəniz” üzrə fəaliyyətlərə təxminən 759 milyon dollar əməliyyat xərcləri və təxminən 88 milyon dollar əsaslı xərclər çəkilib.“BP Azerbaijan” şirkətindən Azərtac-a bildirilib ki, bu xərclərin böyük əksəriyyəti “Şahdəniz 2” layihəsinə aid olub.Qeyd edək ki, “Şahdəniz”də iştirak payları belədir: BP (operator – 29,99 faiz), LUKoyl (19,99 faiz), TPAO (19 faiz), SOCAR (14,35 faiz), NİKO (10 faiz), Cənub Qaz Dəhlizi (6,67 faiz).xeber100.com

“Azeri Light” markalı neftin bir barelinin qiyməti 3,39 dollar artıb

Azərbaycan neftinin qiyməti bahalaşıb.“Azeri Light” markalı neftin bir barelinin qiyməti 3,39 dollar artaraq 116,94 dollar olub.Xatırladaq ki, Azərbaycan neftinin bir barelinin bu il ərzində maksimum qiyməti martın 9-da (135,99) qeydə alınmışdı.xeber100.com

“Xəzər dialoqu” Beynəlxalq Assambleyası keçiriləcək

Mayın 11-də Moskvada “Xəzər dialoqu” Beynəlxalq Assambleyası keçiriləcək.Assambleyanın əsas təşkilatçısı və operatoru “Xəzərin elm və innovasiyaları” Assosiasiyasıdır. Əyani və onlayn formatda keçiriləcək Assambleya çərçivəsində “Xəzər dialoqu - yeni şəraitdə inkişaf” plenar sessiyası, Xəzər diplomatik görüşlər, ekspert platformaları, “Xəzər bizim evimizdir” fotosərgi və “Xəzəryanı dövlətlərin informasiya məkanında Xəzər dənizinin çağırışları və problemləri” mövzusunda dəyirmi masanın keçirilməsi planlaşdırılır.Hazırda Azərbaycan da daxil olmaqla, 7 ölkədən 215 nəfər Assambleyanın tədbirlərində iştirakını təsdiqləyib.Beynəlxalq Assambleyanın məruzəçiləri və diskussiyalarda iştirak edənlər arasında MDB İcraiyyə Komitəsinin, Azərbaycan, İran, Qazaxıstan, Türkmənistan, Belarus və Niderland şirkətləri və kütləvi informasiya vasitələrinin, Tehran Konvensiyası, Xəzər Komitəsinin katibliyinin, hakimiyyət orqanları, elmi və təhsil müəssisələri, təbiəti mühafizə təşkilatlarının rəhbərləri və nümayəndələri var.xeber100.com