Mərkəzi Bankda Dövlət Neft Fondunun iştirakı ilə valyuta hərracı keçirilib

Aprelin 5-də Mərkəzi Bankda Dövlət Neft Fondunun da iştirakı ilə valyuta hərracı keçirilib.Bankdan Azərtac-a bildirilib ki, hərracda tələb 68 milyon ABŞ dolları təşkil edib və tam təmin olunub. Hərracda manatın ortaçəkili məzənnəsi 1,7000 səviyyəsində formalaşıb.xeber100.com

Azərbaycan-İordaniya biznes forumu keçiriləcək

Aprelin 17-də Əmmanda Azərbaycan-İordaniya biznes forumu keçiriləcək.Azərbaycanın İordaniyadakı səfirliyinə istinadla xəbər verir ki, tədbirdə Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədovun rəhbərliyi ilə nümayəndə heyətinin iştirakı gözlənilir.Tədbirdə iqtisadi əməkdaşlıq əlaqələrinin inkişaf yolları müzakirə ediləcək, əməkdaşlıq sahələri haqqında fikir mübadiləsi aparılacaq.xeber100.com

“Light” markalı neftin bir barelinin qiyməti 1,01 dollar azalıb

Dünya birjalarında neft qiymətləri azalıb.Londonun ICE (“InterContinental Exchange Futures”) birjasında “Brent” markalı neftin bir barelinin qiyməti 0,32 dollar ucuzlaşaraq 104,39 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barelinin qiyməti isə 1,01 dollar azalaraq 99,27 dollar olub.xeber100.com  

Bakı Fond Birjasında qısamüddətli notlarının yerləşdirilməsi üzrə hərrac keçiriləcək

Aprelin 4-də Bakı Fond Birjasında (BFB) Azərbaycan Mərkəzi Bankının qısamüddətli notlarının yerləşdirilməsi üzrə hərrac keçiriləcək.BFB-dən Azərtac-a bildirilib ki, hərraca çıxarılan notun həcmi 30 milyon manat, nominal dəyəri 100 manat, tədavül müddəti 84 gündür. Notlar iyunun 27-də ödəniləcək. Hərracın gedişi zamanı hər bir bank tərəfindən təqdim edilən sifarişlərin ümumi sayı 2-dən artıq (1 rəqabətli və 1 qeyri-rəqabətli) olmamalıdır və verilmiş sifarişlərin nominal məbləği hərraca çıxarılmış notların həcmindən artıq olmamalıdır. Notların buraxılışının 20 faizdən artıq olmamaq şərti ilə qeyri-rəqabətli sifarişlərin qəbul edilməsinə icazə verilir. Hərracda toplanmış tələb təklifdən çox olduğu halda təklif emitent tərəfindən ilkin olaraq hərraca çıxarılmış məbləğin maksimum 20 faizinə qədər artırıla bilər. Hərrac nəticəsində bağlanılan əqdlər üzrə hesablaşmalar T+0 rejimində həyata keçiriləcək. Azərbaycan Respublikasının Mərkəzi Bankının qısamüddətli notlarının alıcıları qismində yalnız lisenziya əsasında fəaliyyət göstərən yerli banklar çıxış edə bilər.xeber100.com

“Caspian Energy Club” üzvlərinin ümumi iclası keçirilib

“Caspian Energy Club” üzvlərinin ümumi iclası keçirilib. Toplantı çərçivəsində martın 16-dan 18-dək keçirilmiş seçkilərin nəticəsi elan olunub. Seçkilərin nəticəsinə görə, “Caspian Energy Club”un idarə heyətinin sədri, idarə heyətinin üzvləri, komitə və işçi qrupların sədr və üzvləri müəyyənləşib.Bu barədə Azərtac-a “Caspian Energy Club” qrupunun sədri və baş icraçı direktoru Telman Əliyev məlumat verib.“Olduqca maraqlı və pozitiv seçkilər keçdi. Hər bir namizəd qələbəyə layiq idi. Bu prosesdə klub üzvlüyünə maraq ilbəil artır. Builki seçkilərdə müxtəlif yerlər üzrə 40-dan artıq namizəd və 500-ə yaxın seçici var idi”, - deyə T.Əliyev bildirib.“Caspian Energy Club”un əvvəlki heyətinə, Savaş Uzana, Avni Dəmirçiyə, Fərid Məmmədova, Rəşad Abbasova, Zərifə Həmzəyevaya və Nəriman Məmmədova xüsusi təşəkkürümü bildirmək istəyirəm. Onlar pandemiya dövründə bu ağır yükü öz üzərinə götürərək, iki il ərzində biznes-hökumət dialoqunda fəal iştirak edib və biznes-netvorkinq üçün beynəlxalq platformanı idarə ediblər. Bu çətin mərhələdə idarə heyətinin üzvləri əvəzsiz dəstək göstərib, böyük dəyişikliklərə həvəsləndirib, həmçinin “Caspian Energy Club”a yeni iştirakçıların cəlb olunmasına kömək ediblər. Klubun idarə heyətinin və komitə rəhbərliyinin müntəzəm fəaliyyəti sayəsində biz netvorkinq üçün “CEO Breakfast”, “CEO Tea”, “CEO Cocktail” kimi yeni unikal formatlar yaratdıq. Onların hər biri “Caspian Energy Club”un vizit kartına çevriliblər. Mən, həmçinin icra komitəsinə və “Caspian Energy Club” komandasına minnətdarlığımı bildirmək istəyirəm. Onlar 2020-ci il martın 30-dan bu günədək onlayn və offlayn formatda 280-ə yaxın tədbirin təşkilində böyük səylə iştirak ediblər”, - deyə Telman Əliyev söyləyib.Sıralarında dünyanın 50 ölkəsindən 5 mindən artıq şirkət və təşkilatı birləşdirən “Caspian Energy Club” 2002-ci ilin iyununda yaradılıb. “Biznes-hökumət” dialoqunun fəal iştirakçısı olan “Caspian Energy Club”un əsas məqsədi Azərbaycanda və Klubun fəaliyyət göstərdiyi digər ölkələrdə investisiya və işgüzar mühitin yaxşılaşdırılmasından, həmçinin B2G, B2B və B2C formatlarında dialoqların stimullaşdırılmasından və onlarda fəal iştirak etməkdən ibarətdir.xeber100.com  

Azərbaycanda pul bazası aprelin 1-nə 14 milyard 359,6 milyon manat təşkil edib

Azərbaycanda pul bazası aprelin 1-nə 14 milyard 359,6 milyon manat təşkil edib.Azərtac Mərkəzi Banka istinadla xəbər verir ki, bu göstərici ötən ayla müqayisədə 414 milyon manat çoxdur.xeber100.com

“Azeri Light” markalı neftin bir barelinin qiyməti 4,4 dollar azalıb

Azərbaycan neftinin qiyməti ucuzlaşıb.“Azeri Light” markalı neftin bir barelinin qiyməti 4,4 dollar azalaraq 112,28 dollar olub.Xatırladaq ki, Azərbaycan neftinin bir barelinin bu il ərzində maksimum qiyməti martın 9-da (135,99) qeydə alınmışdı.xeber100.com

Dövlət Gömrük Komitəsinin məlumatına görə…

İki ayda 114,4 min ton qara metallar və onlardan hazırlanan məmulatlar idxal edilib.Azərtac Dövlət Gömrük Komitəsinə istinadla xəbər verir ki, idxal edilən qara metallar və onlardan hazırlanan məmulatların dəyəri 150,9 milyon dollar olub.Xatırladaq ki, ötən ilin eyni dövründə dəyəri 105,5 milyon dollar olmaqla 86,3 min ton qara metallar və onlardan hazırlanan məmulatlar idxal edilib.xeber100.com

“Azeri Light” markalı neftin bir barelinin qiyməti 0,26 dollar azalıb

Azərbaycan neftinin qiyməti ucuzlaşıb.“Azeri Light” markalı neftin bir barelinin qiyməti 0,26 dollar azalaraq 119,31 dollar olub.Xatırladaq ki, Azərbaycan neftinin bir barelinin bu il ərzində maksimum qiyməti martın 9-da (135,99) qeydə alınmışdı.xeber100.com

Beynəlxalq Telekommunikasiya İttifaqı Şurasının növbəti iclası başlayıb

Cenevrə şəhərində Beynəlxalq Telekommunikasiya İttifaqı (BTİ) Şurasının növbəti iclası öz işinə başlayıb. İclasda ölkəmizi rəqəmsal inkişaf və nəqliyyat nazirinin müavini Rövşən Rüstəmovun rəhbərlik etdiyi nümayəndə heyəti təmsil edir.Rəqəmsal İnkişaf və Nəqliyyat Nazirliyindən Azərtac-a bildirilib ki, tədbir çərçivəsində BTİ-nin fəaliyyəti ilə bağlı hesabatlar dinlənilib, cari il və gələcək illər üzrə fəaliyyət planlarının, maliyyə sənədlərinin və bir sıra digər məsələlərin müzakirəsi aparılıb.Tədbirin ilk günü nazir müavini Rövşən Rüstəmov məruzə ilə çıxış edərək, Azərbaycanda İKT infrastrukturunun inkişafı və rəqəmsal transformasiya üzrə görülən işlər barədə məlumatları iştirakçıların diqqətinə çatdırıb.Nazir müavini qeyd edib ki, ölkəmizdə əhalinin demək olar, 85 faizi internetdən istifadə edir: “Biz ölkəmizin genişzolaqlı infrastrukturuna sərmayə qoymağa və GPON, LTE texnologiyalarını tətbiq etməklə milli genişzolaqlı layihələri həyata keçirməyə davam edirik. Məqsədimiz FTTH (Fiber to the Home) şəbəkələrindən istifadə edərək sabit genişzolaqlı internet abunəçilərinin faizini artırmaq və 2024-cü ilə qədər minimum 25 Mb/s sürətli genişzolaqlı internetin tam əhatə dairəsinə nail olmaqdır”.Nazir müavini ölkəmizdə bu istiqamətdə dövlət-özəl tərəfdaşlığının genişləndirilməsinə önəm verildiyini bildirib.Rövşən Rüstəmov vurğulayıb ki, Azərbaycanda bütün əhali mobil şəbəkə ilə əhatə olunub, mobil genişzolaqlı internet geniş yayılıb. Hər 100 nəfərə düşən aktiv mobil genişzolaqlı xidmət abunəçilərinin sayı 73-ə bərabərdir.Nazir müavini əlavə edib ki, rabitə rəqəmsal transformasiyanın ilkin şərtidir və bu, hazırda bir çox ölkələrdə, o cümlədən Azərbaycanda strateji hədəflərdən biridir. Bu məsələdə ölkəmiz Beynəlxalq Telekommunikasiya İttifaqının əhəmiyyətli roluna böyük önəm verir. Belə ki, BTİ hökumətlərin və digər maraqlı tərəflərin əməkdaşlıq etmək, ən yaxşı təcrübələri bölüşmək və çətin problemləri həll etmək üçün bir araya gəldiyi vacib platformadır.Rövşən Rüstəmov, eyni zamanda, cari ilin sentyabr-oktyabr aylarında Buxarest şəhərində keçiriləcək Səlahiyyətli Konfransda Azərbaycanın növbəti müddət üzrə Şura üzvlüyünə və ölkəmizin nümayəndəsi Sahibə Həsənovanın təşkilatın Radio Tənzimləmə Bürosunun üzvlüyünə namizədliklərinin irəli sürüldüyünü bəyan edib.xeber100.com