“Light” markalı neftin bir barrelinin qiyməti isə 0,57 dollar ucuzlaşıb

Dünya birjalarında neft qiymətləri ucuzlaşır.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,59 dollar geriləyərək 40,64 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,57 dollar ucuzlaşaraq 38,58 dollar olub.xeber100.com

“Azeri Light” markalı neftin qiyməti artaraq 39,31 dollar təşkil edib

Azərbaycan neftinin qiyməti bahalaşır.Azərtac xəbər verir ki, “Azeri Light” markalı neftin bir barrelinin qiyməti 1,56 dollar artaraq 39,31 dollar təşkil edib.Qeyd edək ki, “qara qızıl”ın qiymətləri ABŞ-dakı prezident seçkiləri fonunda dolların zəifləməsi, eləcə də “OPEC+”un hasilat məhdudiyyətlərini artırmaqla bağlı planını təxirə saldığına dair bazar gözləntiləri ilə bahalaşır.xeber100.com

“Azərkosmos” ASC tərəfindən 30,9 milyon ABŞ dolları dəyərində xidmət

Cari ilin yanvar-sentyabr aylarında “Azərkosmos” ASC tərəfindən 30 ölkəyə 30,9 milyon ABŞ dolları dəyərində xidmət (peyk telekommunikasiya xidmətləri və optik peyk xidmətləri) ixrac edilib ki, bu da ötən ilin müvafiq dövrü ilə müqayisədə 2 faiz artım deməkdir.Azərtac İqtisadi İslahatların Təhlili və Kommunikasiya Mərkəzinin “İxrac İcmalı”nın oktyabr sayına istinadla xəbər verir ki, “Azərkosmos”un xidmət ixracından əldə etdiyi gəlir onun ümumi gəlirlərinin 89 faizini təşkil edib.Sentyabrda ASC 11 ölkəyə 522 min dollar dəyərində xidmət ixrac edib. “Azərkosmos”un cari ilin yanvar-sentyabr aylarında xidmət ixracı həyata keçirdiyi əsas ölkələr ABŞ, Birləşmiş Krallıq, Fransa, Malayziya və Birləşmiş Ərəb Əmirlikləri olub.xeber100.com

Dövlət Neft Fondunun iştirakı ilə növbəti valyuta hərracı keçirilib

Oktyabrın 29-da Azərbaycan Mərkəzi Bankında (AMB) Dövlət Neft Fondunun iştirakı ilə növbəti valyuta hərracı keçirilib.AMB-dən Azərtac-a bildirilib ki, hərracda tələb 62,9 milyon ABŞ dolları təşkil edib və tam təmin olunub. Hərracda manatın ortaçəkili məzənnəsi 1,7000 səviyyəsində formalaşıb.xeber100.com

Dəniz nəqliyyatı ilə ümumilikdə 67 min 141 ton yük daşınıb

Sentyabrda dəniz nəqliyyatı ilə ümumilikdə 67 min 141 ton yük daşınıb ki, bu yüklərin dəyəri 58,4 milyon ABŞ dolları təşkil edib.Dövlət Gömrük Komitəsindən Azərtac-a verilən məlumata görə, ötən ay dəniz nəqliyyatı ilə ixrac olunan 12 min ton yükün dəyəri 4,4 milyon dollar təşkil edib. Bu nəqliyyat növü ilə idxal edilən yüklərin həcmi 55 min 109 ton, dəyəri isə 54 milyon dollar olub.xeber100.com

Oktyabrın 28-nə olan USD/AZN rəsmi məzənnəsi açıqlanıb

Azərbaycan Mərkəzi Bankı (AMB) oktyabrın 28-nə olan USD/AZN rəsmi məzənnəsini açıqlayıb.AMB-dən Azərtac-a bildirilib ki, bankın oktyabrın 28-dən etibarən USD/AZN rəsmi məzənnəsi 1,7000 manat səviyyəsində müəyyən olunub.xeber100.com

İçməli suyun verilməsində məhdudiyyət olacaq

Magistral su xəttində baş vermiş qəza ilə əlaqədar oktyabrın 23-də gün ərzində Suraxanı rayonunun Hövsan qəsəbəsinə içməli suyun verilməsində məhdudiyyət olacaq.Bu barədə Azərtac-a “Azərsu” ASC-nin mətbuat xidmətindən bildirilib.xeber100.com

Bakı Fond Birjasında qısamüddətli istiqrazlar üzrə hərrac keçiriləcək

Oktyabrın 27-də Bakı Fond Birjasında (BFB) Maliyyə Nazirliyinin dövlət qısamüddətli istiqrazları üzrə hərrac keçiriləcək.BFB-dən Azərtac-a bildirilib ki, diskontlu, qısamüddətli dövlət istiqrazlarının həcmi 30 milyon AZN, nominal dəyəri 100 AZN, tədavül müddəti 364 gündür. İstiqrazlar 2021-ci il oktyabrın 26-da ödəniləcək. “PAŞA Kapital İŞ” QSC anderrayter vəzifəsində çıxış edir.Hərrac zamanı qeyri-rəqabətli sifarişlərin istiqrazların buraxılışının 20 faizdən çox olmamaq şərtilə qəbul edilməsinə icazə verilir. Bundan əlavə, hərrac iştirakçıları tərəfindən istiqrazların alınması üçün verilən sifarişlərin həcmi emitent tərəfindən hərraca çıxarılmış istiqrazların həcminin 20 faizdən aşağı olduğu təqdirdə, emitent bu sifarişləri qəbul etməyə bilər.Hərrac zamanı dövlət istiqrazlarına tələb təklifi üstələyəcəyi və qiymət emitenti qane edəcəyi halda isə emitent tərəfindən təklif edilən istiqrazların həcmi 50 faizədək artırıla bilər.Hərracda iştirak etməkdə maraqlı olan şəxslər birja üzvü olan investisiya şirkətlərinə müraciət edə bilərlər. Birja üzvlərinin əlaqə vasitələri BFB-nin internet saytının (www.bfb.az) “Üzvlər” bölməsində yerləşdirilib.xeber100.com

Dövlət Gömrük Komitəsinin məlumatı əsasında…

Cari ilin yanvar-sentyabr aylarında Azərbaycandan 65,6 min ton polipropilen ixrac edilib.Dövlət Gömrük Komitəsindən (DGK) Azərtac-a bildirilib ki, hesabat dövründə ixrac edilən polipropilenin dəyəri isə 53 milyon ABŞ dolları olub.Qeyd edək ki, Sumqayıt Kimya Sənaye Parkında “SOCAR Polymer” layihəsi üzrə inşa olunan polipropilen zavodunun illik istehsal gücü 184 min tondur. Zavodun açılışı 2018-ci il iyulun 18-də Azərbaycan Prezidenti İlham Əliyev və İtaliya Prezidenti Sercio Mattarellanın iştirakı ilə olub. Həmin il oktyabrın 5-dən polipropilenin ixracına başlanılıb.xeber100.com

Dövlət Statistika Komitəsinin məlumatı əsasında…

Oktyabrın 1-i vəziyyətinə əsasən, ölkədə iqtisadi fəal əhalinin sayı 5 milyon 249,1 min nəfər olub.Dövlət Statistika Komitəsindən Azərtac-a bildirilib ki, onlardan 4 milyon 884,9 min nəfərini məşğul əhali təşkil edib.xeber100.com