Yanvar-noyabr aylarında ticarət dövriyyəsi 5 milyon dolları keçib

Yanvar-noyabr aylarında Azərbaycan ilə Moldova arasında ticarət dövriyyəsi 5 milyon dolları keçib.Bu barədə Azərtac-a Moldovanın Milli Statistika Bürosundan məlumat verilib.Bildirilib ki, hesabat dövründə ölkəmizin Moldovadan idxal etdiyi məhsulun dəyəri 4,5 milyon dollara yaxın olub. Azərbaycandan Moldovaya isə 630 min dollarlıq məhsul ixrac edilib.Xatırladaq ki, ötən il Azərbaycanla Moldovanın ticarət dövriyyəsi 7 milyon dollara yaxın olub.xeber100.com

“Azeri Light” markalı neftin qiyməti 67,72 dollar təşkil edib

Azərbaycan neftinin qiyməti ucuzlaşıb.Azərtac xəbər verir ki, “Azeri Light” markalı neftin bir barrelinin qiyməti 1,71 dollar geriləyərək 67,72 dollar təşkil edib.Qeyd edək ki, Azərbaycan neftinin bir barrelinin qiyməti 2001-ci ilin dekabrında minimuma enərək 19,15 dollar, 2008-ci ilin iyulunda isə maksimuma yüksələrək 149,66 dollar olub.xeber100.com

Azərbaycan Banklar Assosiasiyasının təşkilatçılığı ilə…

Gələn il mayın 14-15-də Bakıda "FINTEX Summit" keçiriləcək.Azərtac xəbər verir ki, Azərbaycan Banklar Assosiasiyasının təşkilatçılığı ilə keçiriləcək sammitdə rəqəmsallaşma, yeni trendlər, innovativ yanaşma üzrə müzakirələr aparılacaq.xeber100.com

Manatın ortaçəkili məzənnəsi 1,7000 səviyyəsində formalaşıb

Dekabrın 19-da Mərkəzi Bankda Dövlət Neft Fondunun da iştirakı ilə hərrac keçirilib.Bankdan Azərtac-a bildirilib ki, hərracda manatın ortaçəkili məzənnəsi 1,7000 səviyyəsində formalaşıb.xeber100.com

“Azeri Light” markalı neftin bir barrelinin qiyməti 69,47 dollar təşkil edib

Azərbaycan neftinin qiyməti ucuzlaşır.Azərtac xəbər verir ki, “Azeri Light” markalı neftin bir barrelinin qiyməti 0,64 dollar geriləyərək 69,47 dollar təşkil edib.Qeyd edək ki, Azərbaycan neftinin bir barrelinin qiyməti 2001-ci ilin dekabrında minimuma enərək 19,15 dollar, 2008-ci ilin iyulunda isə maksimuma yüksələrək 149,66 dollar olub.xeber100.com

İçməli suyun verilməsində məhdudiyyət olacaq

Bakının Səbail rayonunun 3 küçəsində içməli suyun verilməsi dayandırılacaq.“Azərsu” ASC-nin İctimaiyyətlə əlaqələr şöbəsindən Azərtac-a bildirilib ki, rayonun Fikrət Əmirov küçəsindən keçən magistral su xəttində baş vermiş qəzanın aradan qaldırılması ilə əlaqədar dekabrın 18-də gün ərzində F.Əmirov, Üzeyir Hacıbəyli və Xaqani küçələrinin bir hissəsinə içməli suyun verilməsində məhdudiyyət olacaq.xeber100.com

Dövlət Gömrük Komitəsinin məlumatı əsasında…

Cari ilin 11 ayında dəniz nəqliyyatı ilə ümumilikdə 1,4 milyon tona yaxın yük daşınıb ki, bu yüklərin dəyəri 848,9 milyon ABŞ dolları təşkil edib.Dövlət Gömrük Komitəsindən Azərtac-a verilən məlumata görə, bu dövrdə dəniz nəqliyyatı ilə ixrac olunan 312,8 min ton yükün dəyəri 140,6 milyon dollar təşkil edib. Bu nəqliyyat növü ilə idxal edilən yüklərin həcmi 1 milyon tondan çox, dəyəri isə 708,3 milyon dollar olub.xeber100.com

“Azərbaycan Xəzər Dəniz Gəmiçiliyi” QSC-nin məlumatına görə…

“Azərbaycan Xəzər Dəniz Gəmiçiliyi” QSC-nin (ASCO) sifarişi ilə “Bakı gəmiqayırma zavodu” MMC-də inşasının növbəti mərhələsinin davam etdirilməsi məqsədilə yeni suya salınan “RoPax” tipli “Azərbaycan” bərə-gəmisi gələn ilin mayında istismara veriləcək.Azərtac xəbər verir ki, bu barədə ASCO-nun mətbuat xidmətinin rəhbəri Mehman Mehdiyev deyib.O qeyd edib ki, bu gəminin gövdə hissəsinin inşası 100 faiz başa çatıb. Qalan tikinti və quraşdırma işləri gəmiqayırma zavodunun yanalma körpüsündə davam etdiriləcək. Bu məqsədlə gəmi-bərə zavodun tikinti-quraşdırma sahəsindən üzən dok üzərindən hidravlik arabacıqlarla suya salınıb. Unikal “RoPax” tipli gəmi-bərənin uzunluğu 154,50 metr, eni 17,7 metr, sürəti 14 uzelə bərabərdir. Gəmi 56 vaqon-çən, 50 yük maşını və 100 sərnişin daşımaq imkanına malikdir. Heyət sayı 30 nəfərdən ibarət olacaq bu gəminin konsepsiyası Odessa Dəniz Mühəndisliyi Bürosu və ASCO-nun təcrübəli mütəxəssisləri ilə birgə hazırlanıb. “Azərbaycan” bərə gəmisi, eləcə də hazırda inşası davam edən daha 1 ədəd eyni tipli bərə gəmisi “Şərq-Qərb” nəqliyyat dəhlizi üzrə Xəzər üzərindən keçən və artmaqda olan tranzit yüklərin daşınmasına mühüm töhfə verəcək.xeber100.com

Mərkəzi Bank depozit hərracının nəticələrini açıqlayıb

Mərkəzi Bank vəsaitlərin cəlb edilməsi üzrə depozit hərracının nəticələrini açıqlayıb.Bankdan Azərtac-a bildirilib ki, dekabrın 16-da Mərkəzi Bank tərəfindən vəsaitlərin cəlb edilməsi üzrə keçirilmiş növbəti depozit hərracında tələb 745,7 milyon manat, hərracın nəticəsində bağlanılmış depozit əqdləri üzrə orta ölçülmüş faiz dərəcəsi isə 5,76 faiz təşkil edib.xeber100.com

“BUDMA-2020” beynəlxalq inşaat sərgisi keçiriləcək

Gələn il fevralın 4-7-də Polşanın Poznan şəhərində “BUDMA-2020” beynəlxalq inşaat sərgisi keçiriləcək.Azərtac xəbər verir ki, sərgidə Azərbaycan da daxil olmaqla 30-dan çox ölkədən 800-dək şirkətin iştirakı gözlənilir.BUDMA 1978-ci ildən bəri Mərkəzi və Şərqi Avropanın ən iri inşaat sərgisi sayılır. Burada hər il tikinti sahəsinin ən yeni texnologiyaları və nailiyyətləri təqdim olunur. Sərgi tematik salonlara bölünəcək, hər birində uyğun qapı və pəncərə, dam örtükləri, taxta məhsulları, habelə tikinti vasitələrini daşımaq üçün nəzərdə tutulmuş logistika avadanlıqları nümayiş olunacaq.Mütəxəssislər və qonaqlar üçün 100-dən çox təqdimat və seminarın da təşkil olunacağı bildirilir.xeber100.com