“YARAT” Müasir İncəsənət Mərkəzi təqdim edir

İyulun 1-də “YARAT” Müasir İncəsənət Mərkəzində Musiqi Bayramı təşkil olunacaq. Bu musiqi bayramı dünyanın 120 ölkəsində, eləcədə 30 ildir Fransada ənənəvi olaraq qeyd edilir.Azərtac xəbər verir ki, peşəkar və professional musiqiçilərin, musiqisevər publikanın küçələrə axışdığı, şən və bayram ab-havasında keçirilən bu Musiqi Bayramı təmənnasız olaraq hər kəs üçün, eləcə də ifa olunma tərzindən asılı olmayaraq bütün musiqi janrlarına açıqdır.Qeyd edək ki, həmin gün Azərbaycandakı Fransız İnstitutu, Fransanın ölkəmizdəki səfirliyi, “YARAT” Müasir İncəsənət Mərkəzi, Paris Bistro, "İçərişəhər" Dövlət Tarix-Memarlıq Qoruğu İdarəsi, Hard Rock Cafe və Milli Turizm Təbliğat Bürosunun tərəfdaşlığı ilə Bakının müxtəlif yerlərində musiqi tədbirləri təşkil olunacaq.xeber100.com

“İpək Yolu” VIII Beynəlxalq Musiqi Festivalı başlayıb

İyunun 27-də Azərbaycanın qədim sənət və mədəniyyət mərkəzlərindən olan Şəkidə növbəti musiqi bayramı – Şəki “İpək Yolu” VIII Beynəlxalq Musiqi Festivalı başlayıb.Azərtac xəbər verir ki, festivalda Türkiyə, Yaponiya, Polşa, Macarıstan, İran və Gürcüstandan gəlmiş rəqs və musiqi qrupları, ifaçılar, həmçinin Azərbaycanın tanınmış musiqi kollektivləri iştirak edirlər.Bu dəqiqələrdə “Marxal” müalicə-istirahət kompleksinin Yay Teatrında təşkilatçı qurumların rəsmilərinin, şəhər ictimaiyyətinin nümayəndələrinin və musiqisevərlərin iştirakı ilə festivalın təntənəli açılış mərasimi keçirilir.xeber100.com

“Astana EXPO-2017” beynəlxalq sərgi çərçivəsində…

Astanada “Oxuyan dünyada - oxuyan millət” adlı beynəlxalq simpozium keçirilir.“Astana EXPO-2017” beynəlxalq sərgi çərçivəsində keçirilən simpoziumda “Mədəniyyət və cəmiyyət: mütaliə, bilik proseslərinin innovasiya və transformasiyası”, “Kitabxana müasir rəqəmsal texnologiya və mədəniyyətlərarası kommunikasiya kontekstində”, “Uşaq ədəbiyyatı və müasir təhsil: tendensiyalar və perspektivlər”, “Kitabxana və muzeylər: sosial mədəni mühitdə rolu və funksiyaları”, “Millətin mədəni irsinin yazılı abidələri” mövzuları üzrə çıxışlar və müzakirələr aparılacaq.Beynəlxalq tədbir çərçivəsində TÜRKSOY-un təqdim etdiyi “Türk dünyasının rəngləri” adlı fotosərgi də nümayiş olunur.İki gün davam edəcək simpozium çərçivəsində türkdilli dövlətlərin milli kitabxana direktorlarının V Beynəlxalq konfransı keçiriləcək.xeber100.com

“Art Tower” qalereyasında rəsm sərgisi açılacaq

İyunun 30-da Bakıdakı “Art Tower” qalereyasında tanınmış amerikalı gənc rəssam Mətyu Sekutanın fərdi rəsm sərgisi açılacaq. Sərgi Mədəniyyət və Turizm Nazirliyi və “İçərişəhər” Dövlət Tarix-Memarlıq Qoruğu İdarəsinin dəstəyi, “Arts Concil Azerbaijan” QHT-sinin təşkilatçılığı ilə keçiriləcək. Bu barədə Azərtac-a “Arts Concil Azerbaijan” təşkilatının rəhbəri Dadaş Məmmədov məlumat verib.Ekspozisiyada ABŞ və Azərbaycan arasında müxtəlif sahələrdə əməkdaşlığa dair əsərlər yer alacaq.Sərgi iyulun 10-dək davam edəcək.Qeyd edək ki, Mətyu Sekuta ABŞ-ın Azərbaycandakı səfiri Robert Sekutanın oğludur.xeber100.com

“Baku – Soul of Art” beynəlxalq rəqs və sənət festivalı keçiriləcək

İyulun 13-dən 16-dək Azərbaycan Gənclər İttifaqı və Rəqs Assosiasiyası paytaxtımızda “Baku - Soul of Art” beynəlxalq rəqs və sənət festivalını keçirəcək.Azərtac xəbər verir ki, bu barədə məlumat Azərbaycan Rəqs Assosiasiyasının “facebook” səhifəsində yer alıb.Dörd gün davam edəcək festival rəqsin milli və müasir istiqamətlərini, habelə Bakının ən gözəl yerlərinə ekskursiyaları əhatə edəcək. Festivalın sonuncu gününün tədbirləri Dənizkənarı Milli Parkda keçiriləcək.Festival çərçivəsində uşaqları və böyükləri maraqlı əyləncə proqramları da gözləyir.xeber100.com

Beynəlxalq Türk Xalqları Mədəniyyəti Konqresi keçiriləcək

Türkiyənin paytaxtı Ankarada doqquzuncu Beynəlxalq Türk Xalqları Mədəniyyəti Konqresi keçiriləcək.Anadolu agentliyinin məlumatına görə, Türkiyənin Mədəniyyət və Turizm Nazirliyinin təşəbbüsü əsasında gerçəkləşəcək beynəlxalq tədbirdə iştirak edən 14 ölkə arasında ölkəmizin də adı var.Konqresdə iştirak etmək istəyən dövlətlər türk və ya ingilis dilində 250- 500 sözdən ibarət bəyanat xülasələri ilə aragem.kultur.gov.tr elektron ünvanına müraciət etməlidirlər.Noyabr ayına planlaşdırılan qurultay çərçivəsində 42 iclasın keçiriləcəyi və 180 bəyannamənin qəbulu nəzərdə tutulur.Qeyd edək ki, 1975-ci ildən ənənəvi olaraq təşkil edilən qurultay beş ildən bir keçirilir. Qurultayın son iclası 2011-ci ildə İzmirdə reallaşıb.xeber100.com

Musiqi Akademiyasında məzun günü qeyd olunub

Üzeyir Hacıbəyli adına Bakı Musiqi Akademiyasında (BMA) təntənəli məzun günü qeyd olunub. BMA-dan Azərtac-a bildirilib ki, tədbirdə təhsil nazirinin müavini F.Qurbanov, BMA-nın tələbə, müəllim heyəti və ictimaiyyət nümayəndələri iştirak edib.Tədbirdə BMA-nın rektoru F.Bədəlbəyli çıxış edərək gənclərə rəhbəri olduğu ali təhsil ocağının yaşatdığı ənənələrə daim sadiq olmağı tövsiyə edib.Təhsil nazirinin müavini F.Qurbanov gənc məzunları təbrik edərək, onlara gələcək həyatlarında uğurlar arzulayıb.xeber100.com

“Baku Fashion Club” təşkilatının təqdimat mərasimi keçiriləcək

“Excelsior Hotel & Spa Baku” otelinin dəstəyi ilə iyunun 29-da "Baku Fashion Club" (BFC) təşkilatının təqdimat mərasimi keçiriləcək.Azərtac xəbər verir ki, Azərbaycanın moda sahəsinin nümayəndələri arasında geyim və aksesuar dizaynerləri, fəşn-bloggerlər, populyar modellər, jurnalistlər, moda butiklərinin və şou-rumların nümayəndələri, bayerlər, stilist-imicmeykerlər və s. olacaqlar. Müntəzəm müştərək görüşlər keçiriləcək, burada klubun iştirakçıları dostluq şəraitində sərbəst tanış ola, ünsiyyət qura, təcrübə və fikir mübadiləsi apara, maraqlandıqları məsələləri müzakirə edə biləcəklər.Qeyd edək ki, “Baku Fashion Club”unun təşkilatı olan "BFC" - FMS Modelsin prezidenti və "Baku Fashion Night" moda layihəsinin təşkilatçısı Lyubov Qutorova-Poyraza məxsusdur.xeber100.com

Opera və Balet Teatrı mövsümə qala-konsertlə yekun vurub

Akademik Opera və Balet Teatrı mövsümə möhtəşəm qala-konsertlə yekun vurub.Teatrdan Azərtac-a məlumat verilib ki, konsertdə truppanın aparıcı solistləri və gənc balet artistlərinin ifasında P.Çaykovski, N.Rimski-Korsakov, Ş-K. Sen-Sans, L.Minkus, M.Ravel, F.Şopen, S.Puni, E.Helsted və başqa bəstəkarların musiqiləri əsasında balet nömrələri təqdim edilib.Qala-konsertdə simfonik orkestri Xalq Artisti, professor Yalçın Adıgözəlov idarə edib. Paytaxt sakinləri ilə yanaşı, xarici qonaqların da qatıldığı konsert proqramı maraqla qarşılanıb.xeber100.com

Azərbaycan mədəniyyəti günləri çərçivəsində…

Daşkənddəki Azərbaycan Mədəniyyət Mərkəzinin (AMM) layihəsi və təşkilatçılığı ilə Səmərqənddə keçirilən Azərbaycan mədəniyyəti günləri çərçivəsində şəhərin Mərkəzi park-bulvarında “Azərbaycan milli libasları - Qarabağ geyimləri”nin dəb sərgisi keçirilib.AMM-nin direktoru Samir Abbasov təkrarsız və zəngin mədəniyyətimiz haqqında danışıb, Azərbaycan mədəniyyətinin beşiyi Qarabağda azərbaycanlıların yaratdığı zəngin mədəni irs barədə məlumat verib.“Qarabağ” şikəstəsinin sədaları altında AMM-nin milli geyimlər kolleksiyasına aid Qarabağın qadın və kişi libaslarını podiumda Ə.Nəvai adına Səmərqənd Dövlət Universitetinin gənc modelyer qızları nümayiş etdirib, bu geyimlərin özünəməxsusluğu haqqında geniş məlumat verilib.İştirakçılara dəb sərgisi çərçivəsində Azərbaycanın ayrılmaz tərkib hissəsi olan Qarabağda xalqımızın yaratdığı zəngin mədəniyyət, mədəni irs təqdim edilib, milli geyimlərin hər bir xalqın qədim tarixini, zəngin mədəniyyətinin göstəricisi olduğu vurğulanıb.Qeyd edək ki, sərginin sonunda Daşkənddəki Qlier adına İxtisaslaşmış Akademik Musiqi Liseyinin tələbə və şagirdləri Qarabağa həsr olunmuş musiqilər ifa ediblər.xeber100.com