21 fevral Beynəlxalq Ana Dili Günüdür

Fevralın 21-i bütün dünyada Beynəlxalq Ana Dili Günü kimi qeyd olunur. 1999-cu ilin noyabrında Banqladeş səfirinin təşəbbüsü ilə UNESCO tərəfindən fevralın 21-i Beynəlxalq Ana Dili Günü elan edilib.Beynəlxalq Ana Dili Günü 1952-ci il fevralın 21-də Banqladeşin Benqal şəhərində öz ana dilinin rəsmi dil olması uğrunda mübarizə aparan 4 tələbənin öldürülməsi hadisəsini bir daha insanların xatirəsində canlandırır.Dil hər bir millətin maddi və mənəvi irsini qoruyan və inkişaf etdirən ən mühüm və ən güclü vasitədir. Hər bir insan öz ana dilini yaxşı bilməli və onu qorumalıdır. Ana dili insanın mənəvi aləminin zənginləşməsində, dünyagörüşünün genişlənməsində, mükəmməl təhsil almasında, öz soydaşları ilə ünsiyyət qurmasında mühüm rol oynayır. Ana dili millətin özünəməxsusluğunu qorumaqla yanaşı, tərcümə vasitəsilə başqa xalqların mədəni irsi ilə tanış olmağa, onlarla ünsiyyət qurmağa imkan yaradır.xeber100.com

“TÜRKSOY və türk dünyası” mövzusunda konfrans keçirilib

Beynəlxalq Türk Mədəniyyəti Təşkilatı (TÜRKSOY) və İstanbul Böyükşəhər Bələdiyyəsinin birgə təşkilatçılığı ilə “TÜRKSOY və türk dünyası” mövzusunda konfrans keçirilib. Tədbir çərçivəsində “TÜRKSOY-Azərbaycan”, “TÜRKSOY-Qazaxıstan”, “TÜRKSOY-Qırğızıstan” kitablarının təqdimat mərasimi də olub.İstanbuldakı “Türk Dünyası” Mədəniyyət Mərkəzində keçirilən mərasimdə diplomatlar, elm və mədəniyyət xadimləri, tanınmış ədəbiyyatçılar, kitabsevərlər iştirak ediblər.Mərasimin rəsmi açılışında TÜRKSOY-un baş katibi, professor Düsen Kaseinov və İstanbul “Kültür və sənət nümunələri” şirkətinin baş direktoru Nevzat Kütük çıxış ediblər.TÜRKSOY-un fəaliyyətini əks etdirən sənədli filmin nümayişindən sonra konfrans işinə davam edib.xeber100.com

Xocalı faciəsinin ildönümü ilə əlaqədar bir sıra tədbirlər keçiriləcək

Bakı Şəhər Mədəniyyət və Turizm Baş İdarəsi Xocalı faciəsinin 25-ci ildönümü ilə əlaqədar bir sıra tədbirlər keçirəcək. Fevralın 26-da idarənin kollektivi Xocalı soyqırımı qurbanlarının xatirəsinə ucaldılmış “Ana harayı” abidəsini ziyarət edəcək.Baş idarədən Azərtac-a bildirilib ki, qurumun tabeliyində olan mədəniyyət müəssisələrində sərgilər, anım gecələri, “dəyirmi masa”lar, ədəbi-bədii kompozisiyalar, məlumat saatları və mühazirələr keçiriləcək. İdarənin şəbəkəsinə daxil olan müəssisələrdə Azərbaycan Respublikası Mədəniyyət və Turizm Nazirliyinin kinematoqrafiya şöbəsinin və “Yaddaş” sənədli filmlər studiyasının birgə təşkilatçılığı ilə Azərbaycanın Milli qəhrəmanları haqqında çəkilmiş sənədli filmlər də nümayiş olunacaq.xeber100.com

“Palazzo Brancaccio” sarayında ədəbi-musiqili tamaşa nümayiş etdirilib

Xocalı soyqırımının 25-ci ildönümü ilə bağlı Azərbaycanın İtaliyadakı səfirliyi və “Espressione d'Arte” Assosiasiyasının birgə təşkilatçılığı ilə Romanın tarixi “Palazzo Brancaccio” sarayında “10 hekayə. Bunlar həqiqət ola bilərdi...” adlı ədəbi-musiqili tamaşa nümayiş etdirilib. Tədbirə İtaliyanın dövlət qurumlarının nümayəndələri, parlament üzvləri, İtaliyada akkreditə olunan diplomatik korpusun təmsilçiləri, ölkənin mədəniyyət, elm, akademik dairələrinin tanınmış şəxsləri, jurnalistlər də daxil olmaqla ümumilikdə 250-dən çox tamaşaçı qatılıb.Əvvəlcə tədbir üçün hazırlanmış “Qarabağın səsi” adlı videoçarx təqdim edilib. Tanınmış xanəndə Tacir Şahmalıoğlunun ifasında “Bayatı-şiraz” muğamının sədaları altında Qarabağın Azərbaycanın tarixi-əzəli torpağı olmasını, habelə Ermənistanın hərbi təcavüzü nəticəsində torpaqlarımızın viran qalmasını göstərən kadrlar nümayiş etdirilib.Sonra İtaliya parlamentində Azərbaycanla dostluq qrupunun sədri, senator Sercio Divina çıxış edərək ermənipərəst çevrələrin Xocalı soyqırımı barədə həqiqətlərin yayılmasına mane olduqlarını, bu kimi tədbirlərin Azərbaycan həqiqətlərinin beynəlxalq ictimaiyyətə çatdırılmasındakı əhəmiyyətini vurğulayıb. Xocalı qətliamının Ermənistanın işğalçılıq siyasətinin tərkib hissəsi olduğunu söyləyən senator BMT və digər beynəlxalq təşkilatlar tərəfindən münaqişə barədə qəbul edilmiş sənədlərin uzun illər keçsə də yerinə yetirilməməsinin qəbuledilməzliyini bildirib.xeber100.com

Xalça Muzeyinin təşkilatçılığı ilə…

Fevralın 21-də Binəqədi Rayon İcra Hakimiyyəti və Azərbaycan Xalça Muzeyinin birgə təşkilatçılığı ilə “Xalçaçılıq sənətini yaşat və təbliğ et” layihəsinin yekun tədbiri təşkil olunacaq.Muzeydən Azərtac-a bildirilib ki, tədbir dövlət başçısının “Azərbaycan xalça sənətinin qorunması və inkişaf etdirilməsi haqqında” Azərbaycan Respublikası Qanununun icrasının təmin edilməsi barədə Fərmanına uyğun olaraq keçiriləcək. İştirakçılar Azərbaycan Xalça Muzeyini ziyarət edəcək və onlara eksponatlar haqqında geniş məlumat veriləcək. Həmçinin layihəni uğurla başa vuran gənclərə sertifikat təqdim olunacaq.Layihənin əsas məqsədi respublikamızın bütün bölgələrində Azərbaycan xalqının sevə-sevə yaşatdığı, əsrlər boyu qoruduğu xalçaçılıq sənəti tarixinin öyrənilməsi, müvafiq sahənin dirçəlişi və gənc nəsillərə təbliği məqsədilə xalçaçılıq üzrə tədris planı təşkil etməkdir. Layihəyə ilk dəfə Gəncə şəhərindən start verilib.xeber100.com

“YARAT” Müasir İncəsənət Mərkəzi təqdim edir

Fevralın 24-də “YARAT” Müasir İncəsənət Mərkəzinin ARTIM layihə məkanında gənc rəssamlar Hatəm Əlizadə, Mousa Bəyzadə, Əli Həsənov, Novruz Məmmədov, Filipp Messner, Seymur Seyidbəyli və Sabit Zamanovun əsərlərindən ibarət “Disfoniya” sərgisinin finisaj tədbiri təşkil olunacaq.Azərtac xəbər verir ki, “Təbəssüm, təbəssümü unutma!” adlı tədbirə hər kəs qatıla bilər. Tədbirin məzmunu 1977-ci ildə “Voyacer 1” kosmik aparatının göyərtəsində kosmosa göndərilən qızıl valdan (üzərində səs yazılmış yastı çarx) ilhamlanaraq təşkil olunub. Tədbir çərçivəsində Mousa Bəyzadə tərəfindən tərtib edilmiş və “Voyacer” qızıl valdakı mahnıların da əlavə edildiyi musiqilər səslənəcək. Tədbirin adı isə Seymur Seyidbəylinin “Daxili söhbət” əsərindən götürülüb. Qeyd edək ki, bu əsərdə bütün cəmiyyətlərdə hər bir insanın gec-tez qarşılaşacağı davranış və qavrama ilə bağlı qanunlardan bəhs edilir. Amma bu qanun və dəyərlərə uzaq kosmos perspektivindən baxdıqda onlar absurd və qəribə görünə bilər.xeber100.com

Ədəbi-bədii kompozisiya gecəsi keçiriləcək

Martın 21-də Heydər Əliyev Sarayında “Muğam və mənəviyyat” adlı ədəbi-bədii kompozisiya gecəsi keçiriləcək.Sarayın mətbuat xidmətindən Azərtac-a bildirilib ki, gecədə Xalq artistləri Arif Babayev, Səkinə İsmayılova, Nəzakət Teymurova, Aygün Bayramova, Gülyanaq Məmmədova, Əməkdar artistlər Almaz Orucova, Ehtiram Hüseynov, Azərbaycan Televiziyasının solistləri Kamilə Nəbiyeva, Mirələm Mirələmov, Səbinə Ərəbli, Ayşən Mehdiyeva və Fəraməz Gərmrudi çıxış edəcək. Gecədə muğam və təsniflər təqdim olunacaq.Fəraməz Gərmrudinin təqdimatında keçiriləcək gecədə xanəndələri “Könül” ansamblı müşayiət edəcək.Biletləri şəhərin kassalarından və “ASAN xidmət” mərkəzlərindən, həmçinin iticket.az saytından onlayn əldə etmək olar.xeber100.com

Rus Dram Teatrı mart repertuarını təqdim edir

Rus Dram Teatrının mart repertuarında böyüklər və uşaqlar üçün maraqlı tamaşalar yer alıb.Azərtac teatrın mart ayı üçün repertuarını təqdim edir: 3 mart - “Artistin taleyi” 4 mart – “Ər arvadını atıb getdi” 5 mart – “Afina axşamları” 10 mart - “Hekayəti Müsyö Jordan həkimi-nəbatat və dərviş Məstəli şah cadukuni-məşhur” 11 mart - “Məhəbbətlə zarafat etmirlər” 12 mart – “Senyor Todero-xuliqan” (premyera) 17 mart- “Yeddi gözəl” 18 mart - “Şəhrizadın daha bir gecəsi” 19 mart - “Xalam Bundu” 24 mart – Qastrol tamaşası, Tbilisi 25 mart – “Kazanova: sevgi dərsləri” 26 mart – “Əli və Nino” (premyera) Uşaqlar üçün: 4, 24 mart – “Nağılı tap-1!” 5, 25 mart – “Nağılı tap-2!” 11 mart - “Çar Saltan, knyaz Qvidon və Qu quşu şahzadəsi haqqında nağıl” 12, 23 mart - “Durnabalığının buyruğu ilə” 18 mart – “Güləbətin tikən qız və süpürgəçi” 19, 26 mart – “Nağılı tap-5!” 22 mart - “Gəlin, nağıla baxaq” Böyüklər üçün tamaşalar saat 19:00-da, uşaqlar üçün tamaşalar isə saat 12:00-da başlanır.xeber100.com  

“Türk dünyasının öncülləri” adlı növbəti konfransda…

Beynəlxalq Türk Mədəniyyəti Təşkilatının (TÜRKSOY) ənənəvi “Türk dünyasının öncülləri” adlı növbəti konfransı böyük Azərbaycan şairi Məhəmməd Hüseyn Şəhriyarın vəfatının 110 illiyinə həsr olunub.Konfransda Azərbaycan Dövlət Pedaqoji Universitetinin professoru Elman Quliyevin Şəhriyarın həyat və yaradıcılığına həsr etdiyi məruzəsi dinlənilib.Sonra TÜRKSOY-un baş katibi, professor Düsen Kaseinov və başqalarının çıxışları olub.TÜRKSOY tərəfindən 2017-ci ilin “Molla Pənah Vaqif ili” elan olunduğunu diqqətə çatdıran D.Kaseinov Azərbaycan ədəbiyyatının inkişafında Şəhriyar yaradıcılığının yeri və rolunu yüksək qiymətləndirib. O bildirib ki, Şəhriyar görkəmli Azərbaycan ədibləri Mirzə Ələkbər Sabir, Molla Pənah Vaqif və digərlərinin əsərlərindən yetərincə bəhrələnərək öz poeziya yaradıcılığını zənginləşdirə bilmişdir.TÜRKSOY və Anadolu Universitetinin təşkilatçılığı ilə Şəhriyar yaradıcılığına həsr olunan daha bir anım mərasimi isə Türkiyənin Əskişəhər şəhərində keçirilib.xeber100.com

“Muzeylər – mədəniyyətlər arasında körpüdür”…

Fevralın 19-da Milli İncəsənət Muzeyində “Muzeylər - mədəniyyətlər arasında körpüdür” adlı proqram təqdim ediləcək.Muzeydən Azərtac-a bildirilib ki, proqram dövlətimiz tərəfindən geniş təbliğ edilən multikulturalizm ideyalarının dəstəyi və inkişafına həsr edilib. Proqram çərçivəsində dünya xalqlarının ənənəvi, rəngarəng, yaddaqalan bayramları və adət-ənənələrinin muzeydə qeyd edilməsi nəzərdə tutulur. İlk olaraq Bakıdakı Rusiya İnformasiya-Mədəniyyət Mərkəzinin dəstəyi ilə Rusiya regionlarında ən tanınmış və geniş surətdə qeyd edilən Maslenitsa bayramına həsr olunmuş xüsusi proqram təqdim ediləcək.xeber100.com