Dağıstan Mədəniyyəti Günlərinin rəsmi açılış mərasimi keçirilib

Mayın 12-də Heydər Əliyev Sarayında Dağıstan Mədəniyyəti Günlərinin rəsmi açılış mərasimi keçirilib. Apa-nın xəbərinə görə, Azərbaycan Mədəniyyət və Turizm Nazirliyinin dəstəyi ilə keçirilən tədbirdə dövlət və hökumət rəsmiləri, deputatlar, mədəniyyət və incəsənət xadimləri, Azərbaycan və Dağıstan ictimaiyyətinin nümayəndələri iştirak ediblər. Sarayın foyesində Dağıstan xalqlarının dekorativ-tətbiqi sənətinə həsr olunan sərgi nümayiş etdirilib. Sərgidə Dağıstan aid milli geyimlər, silahlar, zərgərlik məmulatları, xalçalar və s.  təqdim olunub. Tədbirin rəsmi hissəsində çıxış edən Milli Məclisin sədri Oqtay Əsədov Azərbaycanda Dağıstan Mədəniyyəti Günlərinin keçirilməsinin ölkənin həyatında mühüm mədəni hadisə olduğunu qeyd edib: “İki Qafqaz xalqını əsrlər boyu dostluq, ortaq din, adət-ənənələr bir-birinə bağlayıb. Biz ortaq tarixi yol qət etmişik”. Milli Məclisin sədri Azərbaycan ilə Rusiya arasında dostluq münasibətlərinin möhkəmlənməsində prezident İlham Əliyevin və həmkarı Vladimir Putinin töhfələrini xüsusi qeyd edərək, Azərbaycanın Rusiyanın 70 subyekti ilə iqtisadi və 30 subyekti ilə mədəni əlaqələr qurduğunu vurğulayıb. Oqtay Əsədov Dağıstanın Azərbaycan ilə Rusiya arasında dostluğun möhkəmlənməsində mühüm körpü rolu oynadığını qeyd edib.  “Azərbaycanda müxtəlif xalqların və dinlərin nümayəndələri sülh və dostluq şəraitində yaşayırlar. Avarlar, ləzgilər və digər xalqların nümayəndələrini Azərbaycan xalqı ilə qardaşlıq əlaqələri bağlayır. Azərbaycanlılar Dağıstanın mədəniyyətinə böyük sevgi ilə yanaşırlar, həmçinin dağıstanlılar da bizim mədəni irsimizə yüksək maraq göstərirlər”, - deyə spiker qeyd edib. Milli Məclisin sədri prezident İlham Əliyevin görkəmli bəstəkar, SSRİ Xalq Artisti Murad Kajlayevi Azərbaycan və Rusiya arasında mədəni əlaqələrin inkişafına verdiyi töhfəyə görə “Dostluq” ordeni ilə təltif etdiyini bildirib. Parlament sədri  mayın 12-də Azərbaycan Milli Məclisi və Dağıstan Xalq Məclisi arasında əməkdaşlıq haqqında saziş imzalandığını qeyd edərək, Rusiyaya Dağlıq Qarabağ münaqişəsinin həlli ilə bağlı göstərdiyi səylərə görə minnətdarıq edib: “Azərbaycan regionda sülhün tərəfdarıdır”.Dağıstan Respublikasının başçısı Ramazan Abdulatipov  dostluq münasibətlərinə verdiyi yüksək qiymətə görə Azərbaycan rəhbərliyinə minnətdarlığını bildirərək Azərbaycan və Dağıstanın din, mədəniyyət və tarix baxımından qardaş olduqlarını qeyd edib: “Bu əlaqələrin möhkəmlənməsinə   Heydər Əliyev və Prezident V.Putin verib. Bu gün mən prezident İlham Əliyevin qəbulunda olarkən bir sıra mühüm məsələləri müzakirə etdik. Bir daha əmin oldum ki, ölkələrimizi sıx iqtisadi əməkdaşlıq birləşdirir. İstərdim ki, mədəni əlaqələr də möhkəmlənsin”. Sonra tamaşaçılara proqramın bədii hissəsi təqdim edilib. Tədbirdə “Ləzginka” Dövlət Akademik Rəqs Ansamblı, “Dağıstan” Dövlət Mahnı və Rəqs Ansamblı, “Xasavyurt” Uşaq-Gənclər Rəqs Ansamblı və digər qruplar çıxış ediblər. Dağıstan dövlət teatrlarının aktyorları ölkənin orta əsr həyatına dair “Dərbənd qapıları”, “Aşıqların yarışı” və s. adlı səhnəciklər nümayiş etdiriblər.xeber100.com

“Azərbaycanın tarixi şəhəri olan Şuşadakı əksər memarlıq abidələri təhlükə altındadır”…

Özbəkistanın Ziyouz.uz portalında “Azərbaycanın tarixi şəhəri olan Şuşadakı əksər memarlıq abidələri təhlükə altındadır” adlı məqalə yayılıb. Müəllif Sobircan Yoqubov yazır ki, ABŞ-ın Montana Universitetinin professoru Tomas Qolts bu barədə Azərbaycanın Trend Agentliyinə bildirib. O qeyd edib ki, Qarabağ Dövlət Tarix Muzeyi, Şuşa Dövlət Dram Teatrı, Gövhərağa məscidi və digər abidələr məhv olmaq təhlükəsi qarşısındadır. Məqalədə qeyd edilir ki, Qarabağ xanlığının paytaxtı olmuş, mədəni abidələrlə zəngin, Azərbaycan muğam sənətinin beşiyi olan Şuşa şəhəri Ermənistan qoşunları tərəfindən 1992-ci il mayın 8-də işğal olunub. Şəhərdə etnik təmizləmə aparılıb, 23 min şuşalı qaçqın vəziyyətinə düşüb, 279 mədəniyyət abidəsi, dini abidələr, muzeylər, kitabxanalar və digər infrastrukturlar məhv edilib. Məqalədə Dağlıq Qarabağın və Şuşa şəhərinin tarixi haqqında məlumat verilir. Qeyd edilir ki, Ermənistan-Azərbaycan, Dağlıq Qarabağ münaqişəsinin tənzimlənməsi ilə əlaqədar uzun illərdir ATƏT-in Minsk qrupu fəaliyyət göstərir və bu illər ərzində heç bir konkret iş görülməyib. BMT Təhlükəsizlik Şurası ermənilərin işğal etdiyi Azərbaycan torpaqlarından qeyd-şərtsiz çıxarılması ilə bağlı dörd qətnamə qəbul edib, bu sənədlər də indiyədək yerinə yetirilmir.xeber100.com

“Eurovision-2016” mahnı müsabiqəsinin ikinci yarımfinalı…

Mayın 12-də Bakı vaxtilə gecə saat 00:00-da “Globe” Arenada “Eurovision-2016” mahnı müsabiqəsinin ikinci yarımfinalı keçiriləcək.Azərtac-ın müxbiri xəbər verir ki, ikinci yarımfinalın açılışında qonaqlar maraqlı şounun şahidi olacaqlar. Ənənəyə uyğun olaraq “Eurovision-2016” şousunun aparıcıları Petra Mede və ötən il müsabiqədə qalib olmuş isveçli Mans Zelmerlov tamaşaçıları salamlayacaq və xüsusi performansla iştirakçı ölkənin hər birinin adını səsləndirəcəklər. “Bir araya gələk” devizi altında keçirilən 61-ci “Eurovision” mahnı müsabiqəsinin ikinci yarımfinalında Latviya, Polşa, İsveçrə, İsrail, Belarus, Serbiya, İrlandiya, Makedoniya, Litva, Avstraliya, Sloveniya, Bolqarıstan təmsilçiləri səhnə şoularını təqdim edəcəklər. Səsvermə üçün ayrılmış vaxtda səhnədə müsabiqənin təşkilatçıları tərəfindən hazırlanmış şou nümayiş etdiriləcək. Konsertdə maraqlı məqam isə səhnə arxasındakı monitorlarda nümayiş etdirilən hər bir ölkənin təqdimatında təmsilçilərin iştirak etməsi olacaq. Müsabiqənin yeni qaydalarına əsasən böyük beşlik ölkədən bu dəfə Böyük Britaniya, Almaniya, İtaliya təmsilçiləri zalda canlı iştirak edəcək, ifalarının videoçarxı tamaşaçılara nümayiş etdiriləcək. Sonra səsvermənin nəticələri elan ediləcək. İkinci yarımfinaldan sonra finala vəsiqə qazanmış 10 ölkə təmsilçisinin iştirakı ilə mətbuat konfransı keçiriləcək.xeber100.com

Dünya Moda Həftəsi keçiriləcək

Mayın 15-dən etibarən Bakıda keçiriləcək Dünya Moda Həftəsində azərbaycanlı dizaynerlər ilə yanaşı, onların ukraynalı, gürcü və litvalı həmkarları da iştirak edəcək. Həftənin xüsusi qonaqları sırasında Türkiyənin aparıcı modelyeri Ahmed Günəş və xoreoqraf Asif Çağlı da olacaq. Azərtac xəbər verir ki, bu sözləri jurnalistlərə açıqlamasında “Baku Fashion Week” layihəsi üzrə təşkilatçı Hafiz Ağayev deyib. Bildirilib ki, nümayişin təşkilat komandasının üzvlərindən biri belaruslu quruluşçu rejissor Nina Drakodur.Builki moda həftəsi qeyri-adi yerdə keçiriləcək. Belə ki, Bakı Beynəlxalq Dəniz Vağzalı dünya moda markalarının və brendlerinin orijinal nümayişlərinin keçirildiyi yerlər arasına daxil olacaq. Moda həftəsi hər zaman özünəməxsusluğu ilə seçilən “pret-a-porte” kişi geyimləri markası sayılan “Plus Que Ma Vie”nin nümayişi ilə açılacaq.xeber100.com

“Xəcalət” dramı əsasında hazırlanmış eyniadlı tamaşa nümayiş olunacaq

Mayın 13-də Azərbaycan Dövlət Akademik Milli Dram Teatrının səhnəsində yazıçı-dramaturq Hüseynbala Mirələmovun iki hissəli “Xəcalət” dramı əsasında hazırlanmış eyniadlı tamaşa nümayiş olunacaq. Teatrın mətbuat xidmətindən Azərtac-a  bildirilib ki, səhnə əsəri Əməkdar İncəsənət Xadimi Bəhrəm Osmanovun quruluşunda təqdim ediləcək. Tamaşanın quruluşçu rəssamı, Əməkdar Rəssam İsmayıl Məmmədov, musiqi tərtibatçısı isə Xalq Artisti Siyavuş Kərimidir. Əsas rolları Xalq artistləri Nurəddin Mehdixanlı, Ramiz Novruz, aktyorlar Xədicə Novruzlu, Əlvida Cəfərov, Məzahir Cəlilov ifa edəcəklər. Səhnə əsəri Qarabağ müharibəsində çiyin-çiyinə vuruşan, lakin müharibədən sonra uzun müddət bir-birindən ayrı düşən iki dostun görüşündən bəhs edir. Həmçinin, tamaşada müharibənin yaratdığı faciələr bir ailənin timsalında verilib və qaçqınlığın bu gün dünyanı narahat edən qlobal problemə çevrilməsinə xüsusi diqqət yetirilib. Tamaşa boyu bir dəfə də olsun güllə səsi eşidilməsə də, dramaturq müharibənin doğurduğu faciələri, insanlara gətirdiyi fiziki və mənəvi əzabları dolğun təsvir edə bilib. “Xəcalət” pyesi dünyanı dolaşan müharibə kabusuna, zorakılığa qarşı yönəlmiş, insanları ən çətin anlarda belə ləyaqətli, mətin və mübariz olmağa səsləyən bir əsərdir.xeber100.com

Qırğızıstanda milli musiqi və vokal sənətimizdən nümunələr səsləndiriləcək

Azərbaycan Dövlət Opera və Balet Teatrının bir qrup əməkdaşı Qırğızıstana qastrol səfərinə dəvət alıb. Teatrın mətbuat xidmətindən Azərtac-a bildirilib ki, gənc dirijor, beynəlxalq müsabiqələr laureatı Əyyub Quliyev və teatrın solistləri, Əməkdar artistlər Fərid Əliyev və İlahə Əfəndiyeva oktyabrın 12-dən 16-dək Qırğızıstanın paytaxtı Bişkekdə qastrol səfərində olacaqlar. Yaradıcı kollektiv oktyabrın 16-da T.Satılqanova adına Qırğızıstan Milli Filarmoniyasında keçiriləcək möhtəşəm qala konsertdə çıxış edəcək. Türkdilli ölkələrdən və MDB-dən dəvət olunmuş ən yaxşı sənətçilərin iştirakı ilə baş tutacaq konsertdə həmyerlilərimiz klassik dünya bəstəkarları ilə yanaşı, həm də milli musiqi və vokal sənətimizdən nümunələr səsləndirəcəklər.xeber100.com

İran filmləri həftəsi keçiriləcək

İran İslam Respublikasının ölkəmizdəki səfirliyinin Mədəniyyət Mərkəzinin və Azərbaycan Respublikası Mədəniyyət və Turizm Nazirliyinin birgə təşkilatçılığı ilə Bakıda İran filmləri həftəsi keçiriləcək. Azərtac xəbər verir ki, kino həftəsinin açılış mərasimi mayın 14-də Nizami Kino Mərkəzində baş tutacaq. İran filmləri həftəsi çərçivəsində Nizami Kino Mərkəzində mayın 14-dən 17-dək müvafiq olaraq “143-cü çuxur”, “Bir dişləm qənd”, “Bu gün”, “Nəqqaşlıq hovuzu” filmləri nümayiş etdiriləcək.xeber100.com

“Eurovision-2016” mahnı müsabiqəsinin birinci yarımfinalı keçiriləcək

Bu gün “Eurovision-2016” mahnı müsabiqəsinin birinci yarımfinalı keçiriləcək. Yarımfinal şousu yerli vaxtla saat 00.00-da “Globe” Arenada başlayacaq. Bu şou İsveçin rəsmi yayım hüququ olan “SVT” telekanalı tərəfindən canlı yayımlanacaq. Birinci yarımfinal mərhələsində 18 ölkə finala keçmək uğrunda yarışacaq. Finala daha çox səs toplamış 10 ölkə vəsiqə qazanacaq.Azərtac-ın müxbiri xəbər verir ki, yarımfinal mərhələsində iştirak edən 18 ölkənin ifaçılarının çıxışlarından dərhal sonra 15 dəqiqə ərzində təmsilçilərin səs göndərmək hüququ olacaq. Yarışmanın qaydalarına əsasən, Azərbaycan ərazisindən birinci yarımfinalda iştirak edən ölkələrə səs vermək olmaz. Finala vəsiqə qazanmış 10 ölkənin təmsilçiləri canlı şoudan sonra mətbuat konfransı keçirəcək. Bu mətbuat konfransında püşkatma nəticəsində finala keçən 10 ölkənin mayın 14-də “Globe” Arenanın səhnəsində çıxış ardıcıllığı müəyyən olunacaq.xeber100.com

“Naxışlarda yaşayan Şuşa”…

Bu gün Xalça Muzeyində Şuşa şəhərinin işğalının 24-cü ildönümünə həsr olunmuş “Naxışlarda yaşayan Şuşa” adlı tədbir keçirilib. APA-nın məlumatına görə, Mədəniyyət və Turizm Nazirliyi Azərbaycan Xalça Muzeyinin Şuşa filialının hazırladığı “Naxışlarda yaşayan Şuşa” adlı tədbirin keçirilməsində məqsəd tarixi diyarımız olan Qarabağın işğalı zamanı maddi və mədəni abidələrimizə vurulan ziyan və onların talan olunaraq məhv edilməsi problemini ictimaiyyətə çatdırmaqdır. Tədbir Azərbaycan dövlət himninin səsləndirilməsi və Azərbaycanın ərazi bütövlüyü uğrunda canlarından keçmiş şəhidlərimizin müqəddəs ruhlarının bir dəqiqəlik sukütla yad edilməsilə başlayıb. Daha sonra Xalça Muzeyinin direktoru Şirin Məlikova 1985-ci ildə Şuşada yaradılan Azərbaycan Xalçası və Xalq Tətbiqi Sənəti Dövlət muzeyi Şuşa filialının işğal zamanı xilas edilmiş eksponatlardan ibarət hazırlanmış kataloqu təqdim edib. Azərbaycan Xalçası və Xalq Tətbiqi Sənəti Dövlət Muzeyi Şuşa filialının eksponatlarını işğal ərəfəsində Şuşadan necə və hansı şəraitdə çıxarılaraq xilas edilməsi barədə əməkdar mədəniyyət işçisi, sənətşünaslıq üzrə elmlər doktoru, professor Röya Tağıyeva, Mədəniyyət və Turizm Nazirliyi Şuşa şəhər Mədəniyyət və Turizm idarəsinin müdiri Zahid Abbasov və Şuşa filialının keçmiş müdiri Hicran Əliyeva öz təəsüratlarını bölüşüblər. Tədbirin bədii hissəsində ı Mədəniyyət və Turizm Nazirliyi Şuşa Musiqili Dram teatrının aktyorları Şükufə Musayeva (Xan qızı Natəvan), Nazir Rüstəmov (Fətəli şah), Mətanət Eres (Ağabəyim ağa) və Rasəf Mehdiyevin (Molla Pənah Vaqif) iştirakı ilə, rejissor Hüseynbala Mirələmovun “Güllələnmiş heykəllərin fəryadı” adlı tamaşasından bir səhnə təqdim edilib. Yaşar Muradovun ifasında “Şuşa” mahnısı, Bəxşeyiş Mehdiyevin ifasında “Qarabağ şikəstəsi”, Teymur Məmmədovun ifasında isə Şuşaya həsr olunmuş şeir səslənib. Bülbül adına Orta İxtisas Musiqi məktəbinin məzunu Ağaniftulla Məmmədli “Şəhid arzuları” adlı mahnı ifa edib. Şuşa Rəsm Qalereyasının direktoru, rəssam Rövşən Bayramovun “Şuşa xatirələri” adlı rəsm sərgisi də tədbir iştirakçılarına təqdim edilib. Sonda muzey bələdçiləri tədbir iştirakçılarını hazırda fəaliyyətini Azərbaycan Xalça Muzeyində davam etdirən Şuşa filialının 3-cü mərtəbədə sərgilənən eksponatları ilə yaxından tanış edib.xeber100.com

“ÇÖLÇÜ” filmi Beynəlxalq Kinofestivalda nümayiş olunacaq

Şamil Əliyevin “ÇÖLÇÜ” filmi Rumıniyanın Buxarest şəhərində keçiriləcək Beynəlxalq Kinofestivalda nümayiş olunacaq. Festival 20-25 may 2016-cı il tarixləri arasında keçiriləcək. “PAMANTENİ” Birliyi və Black Sea Arts təşkilatçılığı ilə keçiriləcək Kinofestivala 9 ölkənin  filmləri nümayiş olunmaq üçün seçilmişdir.  Əsas məqsədi dünya xalqlarının mənəvi və mədəni dəyərlərinin təbliği, mübadiləsi, kinomatoqrafın inkişafına yeni, müsbət meyarların gətirilməsidir. Qeyd edək ki, “Çölçü” bədii filmi indiyədək sayına görə 29 Beynəlxalq kinofestivalı və forumlarda iştirak etmiş bir neçə mükafat və Diplomlara layiq görülmüşdür. Azərbaycan Respublikası Mədəniyyət və Turizm Nazirliyinin sifarişi ilə “Azərbaycanfilm” Kinostudiyasında lentə alınmış “Çölçü” filminin ssenari müəllifi Vidadi Həsənov, operatoru Rafiq Quliyev, rəssamları Rafiq Nəsirov və İbrahim Aminovdur. Filmdə Vidadi Həsənov, Bəhruz Vaqifoğlu, Cavidan Məmmədov və başqaları çəkilib. “Çölçü” filminin süjeti belədir: Şəhər həyatından uzaqda, təbiətlə ünsiyyətdə gənc çölçü yaşayır. Atası Ulu ona çölçülük həyatının sirlərini öyrədir. Atası vəfat edəndən sonra o, qəsəbədən gəlmiş qızla tanış olur. Bu qızla tanışlıq onun həyatında yeni səhifə açır, böyük, onun bixəbər olduğu dünyaya daxil olur... “ÇÖLÇÜ”nün mükafatları: V DIDOR International Film Festival (Tajikistan – Dushanbe, 2012) SPECIAL JURY DIPLOMA – “FOR FAIRYTALE REALITY” JÜRİNİN XÜSUSU MÜKAFATI – “NAĞILVARİ HEKAYƏTƏ GÖRƏ” HUMAY – XXIII, NATIONAL AWARD (BEST FILM), May 2013 (HUMAY MILLI MÜKAFATI) XIV INTERNATIONAL TELEKINOFORUMA "TOGETHER", (YALTA – UKRAINE, 5-11 September,2013), The movie "Steppe man", "Azerbaijanfilm", Baku, Azerbaijan, - "For creative research." (YARADICILIQ AXTARIŞINA GÖRƏ) XV Rainbow Film Festival, from Sunday 25 May to 1 June 2014, London, UK “BEST FEATURE FILM” (“ƏN YAXŞI BƏDİİ FİLM”) «INTERNATIONAL MOVIE AWARDS - 2014», 24th September, Jakarta, Indonesia PLATINUM AWARDS Steppe Man (Azerbaijan Republic), directed by Shamil Aliyev Director ÇÖLÇÜ  (Azərbaycan Respublikası),  Şamil Əliyev –  ƏN YAXŞI REJİSSOR III Uluslararası Van Gölü Film Festivalı, 23-29 sentyabr, 2014. Van, Türkiyə İNCİ KEFALI ÖDÜLÜ / PEARL MULLET AWARD EN İYİ CİNEMA FİLMİ (ƏN YAXŞI BƏDİİ FİLM –BAŞ MÜKAFAT) –ÇÖLÇÜ / BEST FEATURE FILM – STEPPE MAN EN İYİ YÖNETMEN (ƏN YAXŞI REJİSSOR)– ŞAMİL ƏLİYEV (ÇÖLÇÜ)/ BEST DIRECTOR –SHAMIL ALIYEV (STEPPE MAN) EN İYİ SSENARYO (ƏN YAXŞI SSENARİ) – VİDADİ HASANOV (ÇÖLÇÜ)/ BEST SCREENWRITER – VIDADI HASANOV (STEPPE MAN) EN İYİ KADIN OYUNÇU (ƏN YAXŞI QADIN AKTİSA)– SALOME DEMURİA (ÇÖLÇÜ) / BEST ACTRESS (STEPPE MAN) II NOIDA INTERNATIONAL FILM FESTIVAL-2015 Best Director- Jury , «Steppe man», Director: Shamil Aliyev “Ən yaxşı rejissor”, “Cölçü”, rejissor Şamil Əliyev WORLD FILM AWARDS -2015 (INDONESIA, JAKARTA) “GOLDEN WORLD AWARDS 2015”, Steppe man, directed by Shamil Aliyev - International film 86-cı Amerika Kino Akademyası(2014) Amerika Oscar mükafatının uzun siyahısında Azərbaycanı təmsil edib. Azərbaycan Respublikası Mədəniyyət və Turizm Nazirliyinin sifarişi ilə “Azərbaycanfilm” Kinostudiyasında lentə alınmış “Çölçü” filminin ssenari müəllifi Vidadi Həsənov, operatoru Rafiq Quliyev, rəssamları Rafiq Nəsirov və İbrahim Aminovdur. Filmdə Vidadi Həsənov, Bəhruz Vaqifoğlu, Cavidan Məmmədov və başqaları çəkilib. “Çölçü” filminin süjeti belədir: Şəhər həyatından uzaqda, təbiətlə ünsiyyətdə gənc Çölçü yaşayır. Atası Ulu ona çölçülük həyatının sirlərini öyrədir. Atası vəfat edəndən sonra o, qəsəbədən gəlmiş qızla tanış olur. Bu qızla tanışlıq onun həyatında yeni səhifə açır, böyük, onun bixəbər olduğu dünyaya daxil olur... FESTİVALAR: XXI “KINOSHOK” Film Festival (Russia – Anapa, September 14-22, 2012) VIII EURASIA International Film Festival (Kazakhstan – Almaty, 2012) V DIDOR International Film Festival (Tajikistan – Dushanbe, 2012) SPECIAL JURY DIPLOMA – “FOR FAIRYTALE REALITY” JÜRİNİN XÜSUSU MÜKAFATI – “NAĞILVARİ HEKAYƏTƏ GÖRƏ” XVI BLACK NIGHTS International Film Festival (Estonia – Tallinn, 2012) 35th Cairo International Film Festival (Egypt- Cairo, 2012) 13th  Tbilisi International Film Festival (Georgia – Tbilisi, 2012) XXIV Ankara International film Festival (Turkey –Ankara, March 14-24, 2013) XXII International Film Festival “Golden Knight (Russia – Khabarovsk . May 21-31, 2013,)  HUMAY – XXIII, NATIONAL AWARD (BEST FILM), May 2013 (HUMAY MILLI MÜKAFATI) IX Kazan International Festival of Muslim Cinema, (Russia – Tatarstan, September 5-11, 2013) XIV INTERNATIONAL TELEKINOFORUMA "TOGETHER", (YALTA – UKRAINE, 5-11 September,2013), The movie "Steppe man", "Azerbaijanfilm", Baku, Azerbaijan, - "For creative research." (YARADICILIQ AXTARIŞINA GÖRƏ) 62th International Film Festival Mannheim-Heidelberg (Germany, 31 October – 10 November, 2013) IV  Malatya International Film Festival (Turkey, Malatya, 15-21 November, 2013) 13th Dhaka International Film Festival (Dhaka, Bangladesh, January 10 – 18 , 2014) 19.42th International film festival FEST (Belgrade, 28th February till 9th of March LIST of BEST FOREIGN LANGUAGE FILM 86th OSCAR AWARDS -2013/14 V CINEMA MUNDI INTERNATIONAL FILM FESTIVAL , 20.02 -02.03 2014, BRNO, CZECH REPUBLIC 15th Rainbow Film Festival, from Sunday 25 May to 1 June 2014, London, UK “BEST FEATURE FILM” (“ƏN YAXŞI BƏDİİ FİLM”)-Baş Mükafat 3rd Madrid International Film festival 2014 (11 -19 July, 2014, Madrid – Spain) SALENTO INTERNATIONAL FILM FESTIVAL, (21-28 June, 2014, Tricase, Italy) «FRIENDS’MOVIE » INTERNATIONAL FILM FORUM (September 21- -25) Moscow, Russia «INDIAN CINE FILM FESTIVAL- 2014. 27 September, Lonavala, Mumbai-Pune (INDIA) «INTERNATIONAL MOVIE AWARDS - 2014», 24thSeptember, Jakarta, Indonesia PLATINUM AWARDS / PLATİNUM MÜKAFARI Steppe Man (Azerbaijan Republic), directed by Shamil Aliyev Best Director / Ən yaxşı rejissor Uluslararası Van Gölü Film Festivalı, 23-29 sentyabr, 2014. Van, Türkiyə İNCİ KEFALI ÖDÜLÜ / PEARL MULLET AWARD EN İYİ CİNEMA FİLMİ (ƏN YAXŞI BƏDİİ FİLM –BAŞ MÜKAFAT) –ÇÖLÇÜ / BEST FEATURE FILM – STEPPE MAN EN İYİ YÖNETMEN (ƏN YAXŞI REJİSSOR)– ŞAMİL ƏLİYEV (ÇÖLÇÜ)/ BEST DIRECTOR –SHAMIL ALIYEV (STEPPE MAN) EN İYİ SSENARYO (ƏN YAXŞI SSENARİ) – VİDADİ HASANOV (ÇÖLÇÜ)/ BEST SCREENWRITER – VIDADI HASANOV (STEPPE MAN) EN İYİ KADIN OYUNÇU (ƏN YAXŞI QADIN AKTİSA)– SALOME DEMURİA (ÇÖLÇÜ) / BEST ACTRESS (STEPPE MAN) “AKBUZAT” Beynəlxalq Milli və Etnik Kinofestivalı, Rusiya – Başkortostan – Ufa, 27-29 noyabr 2014 II NOIDA INTERNATIONAL FILM FESTIVAL -2015,(INDIA – DELHI. 14FEBRUARY 2015) BEST DIRECTOR – JURY, SHAMIL ALIYEV IX BYRON BAY INTERNATIONAL FILM FESTIVAL, (AUSTRALIA - BYRON BAY, 6-9 MARCH, 2015) WORLD FILM AWARDS -2015 (INDONESIA, JAKARTA. 4-19 June, 2015) “GOLDEN WORLD AWARDS 2015”, Steppe man, directed by Shamil Aliyev - International film