VI Bakı Beynəlxalq Kitab Sərgi-Yarmarkası keçiriləcək

Mədəniyyət Nazirliyinin təşkilatçılığı ilə sentyabrın 27-dən 29-dək Bakı İdman Sarayında (Bakı şəhəri, Səbail rayonu, Neftçilər prospekti 26A, Xalça Muzeyinin yanı) VI Bakı Beynəlxalq Kitab Sərgi-Yarmarkası keçiriləcək.Azərtac xəbər verir ki, VI Bakı Beynəlxalq Kitab Sərgi-Yarmarkası böyük Azərbaycan şairi İmadəddin Nəsiminin 650 illiyinə həsr olunub.Sərgi-yarmarka zamanı 3 gün boyunca 81 yerli və 22 ölkədən 40 xarici nəşriyyat, poliqrafiya müəssisəsi, kitab evləri və s. qurumlar öz nəşrlərini sərgiləyəcək və kitablarının satışını həyata keçirəcəklər. Eyni zamanda, sərgi çərçivəsində tanınmış şair-yazıçıların, elm adamlarının iştirakı ilə çoxsaylı kitab təqdimatları, imza günləri və s. tədbirlər təşkil olunacaq.VI Bakı Beynəlxalq Kitab Sərgi-Yarmarkasında keçiriləcək tədbirlərin Proqramı olduqca zəngindir.VI Bakı Beynəlxalq Kitab Sərgi-Yarmarkası çərçivəsində “Kitabxanalar mobil informasiya mərkəzi kimi” mövzusunda beynəlxalq elmi-praktik konfrans, “Beynəlxalq əməkdaşlıq zalı”nın açılışı, Xarici ölkələrin milli kitabxanalarında mühafizə olunan Nəsimi əlyazmalarının surətlərindən (30 əlyazma) ibarət sərgisinin açılışı, TÜRKSOY Beynəlxalq Təşkilatı ilə birlikdə Başqırdıstanın xalq şairi Mustay Kərimin anadan olmasının 100 illiyinə həsr olunmuş konfrans və “Mustay Kərimin əsərləri türk dillərində” kitabının təqdimatı, “Azərbaycan Kitabının Dünyaya Tanıdılması” layihəsi çərçivəsində İmaddədin Nəsiminin 650 illiyi münasibətilə Türkiyədə çap olunmuş “Nesimi “İrak Divanı” kitabının təqdimatı, Jest dili ilə mp4 formatda tərcümə edilərək nəşr olunmuş 10 adda elektron kitabın və “Bərpanəşr” layihəsi çərçivəsində Brayl əlifbası ilə nəşr olunmuş 11 adda kitabın təqdimatı, eləcə də bu qəbildən olan onlarla tədbirin keçirilməsi nəzərdə tutulur.xeber100.com

Beynəlxalq xalça eskizi müsabiqəsinin yekun sərgisi açılacaq

Azərbaycan Milli Xalça Muzeyində sentyabrın 28-də böyük mütəfəkkir İmadəddin Nəsiminin 650 illik yubileyinə həsr olunmuş beynəlxalq xalça eskizi müsabiqəsinin yekun sərgisi açılacaq.Milli Xalça Muzeyinin təşkilatçılığı ilə II Nəsimi - şeir, incəsənət və mənəviyyat Festivalı çərçivəsində baş tutacaq sərginin açılışında Azərbaycan Milli Xalça Muzeyinin direktoru Şirin Məlikova və Xalq rəssamı Eldar Mikayılzadə çıxış edəcək.Azərbaycan Milli Xalça Muzeyindən Azərtac-a bildirilib ki, tədbirdə müsabiqənin qalibləri mükafatlandırılacaqlar.Qeyd edək ki, müsabiqəyə Azərbaycan, Fransa, İtaliya, Hindistan, Rusiya və digər ölkələrdən 35 nəfər qatılıb və onlar ümumilikdə 51 xalça eskizi təqdim ediblər. I və II yerin sahibləri münsiflər heyəti tərəfindən müəyyənləşib. III yerə layiq görülən əsər isə Azərbaycan Milli Xalça Muzeyinin “facebook” səhifəsində açıq səsvermə nəticəsində, münsiflər heyətinin həmin yerə layiq gördüyü 7 eskiz arasından seçilib.Sərgidə qaliblərin eskizləri əsasında Azərbaycan Milli Xalça Muzeyinin Ənənəvi texnologiya şöbəsinin işçilərinin toxuduğu üç xalça tədbir iştirakçılarının önündə kəsiləcək və adət-ənənəyə uyğun, şirniyyat süfrəsi ilə təqdim olunacaq. Eyni zamanda, Xalq rəssamı Eldar Mikayılzadənin yubiley münasibətilə yaratdığı “Nəsimi” xalçası və müsabiqəyə təqdim edilmiş bütün eskizlər sərgilənəcək.xeber100.com

Opera və Balet Teatrı oktyabr ayının repertuarını təqdim edir

Azərbaycan Dövlət Akademik Opera və Balet Teatrının yaradıcı kollektivi gələn ay tamaşaçıların görüşünə maraqlı səhnə əsərləri ilə gələcək.Sənət ocağının oktyabr ayı üçün nəzərdə tutduğu repertuarını təqdim edirik. 2 oktyabr – “Traviata” 6 oktyabr – “Şah İsmayıl” 8 oktyabr – “Min bir gecə” 12 oktyabr – “Şəhrizad”, “Bolera” 13 oktyabr – “Arşın mal alan” 15 oktyabr – “Nəsimi” 16 oktyabr – “Aşıq Qərib” 19 oktyabr – “İl Tabarro” 20 oktyabr – “Məhəbbət tanqosu” 23 oktyabr – “Trubadur” 27 oktyabr – “Sevil” 30 oktyabr – “Romeya və Cülyetta”, “Karmen suita”.xeber100.com

“Xalqların adət-ənənələri və mətbəxi” adlı festival keçirilib

Daşkənddəki Botanika bağında “Xalqların adət-ənənələri və mətbəxi” adlı festival keçirilib.Azərtac xəbər verir ki, festivala Azərbaycanın Özbəkistandakı səfiri Hüseyn Quliyev, digər ölkələrin səfirləri və diplomatları, beynəlxalq təşkilatların nümayəndələri, ictimaiyyət təmsilçiləri, diasporumuzun üzvləri və jurnalistlər qatılıb.Festivalda iştirak edən ölkələr öz xalqlarının mədəniyyətini, mahnı və rəqslərini, mətbəx nümunələrini nümayiş etdiriblər.Ölkəmizi bu tədbirdə Azərbaycanın Özbəkistandakı səfirliyi nəzdindəki Heydər Əliyev adına Azərbaycan Mədəniyyət Mərkəzi (AMM) təmsil edib.xeber100.com    

“YARAT” Müasir İncəsənət Mərkəzində növbəti performans…

Sentyabrın 26-da “YARAT” Müasir İncəsənət Mərkəzində rəssam Fərhad Fərzəliyevin “Runanşah” adlı video və səs performansı təqdim olunacaq.Azərtac xəbər verir ki, bu əsər, şahidlərin sözlərinə görə, Xəzər dənizində yaşayan balıq quyruqlu məxluq – Runanşah ilə bağlı müəllifin apardığı davamlı araşdırmalardan əldə edilən nəticələrin təqdimatıdır.Bu hekayənin kökü miflərə, Şərq slavyanlarının nağıl və miflərində yer alan möcüzəli su pəriləri, eləcə də Mesopotamiya folklorunda həm insana, həm də balığa bənzəyən amfibiya məxluqlara qayıdır.Əfsanəyə görə bu məxluqlar, bilik və bacarıqlarını quru sakinlərinə öyrətmək üçün sudan bayıra çıxırlar. Təqdimatdan sonra, rəssam Runanşah obrazını təmsil edən balıq geyimində mövzuya uyğun musiqili səs performansı ifa edəcək.xeber100.com

XI Üzeyir Hacıbəyli Beynəlxalq Musiqi Festivalı çərçivəsində

Sentyabrın 21-də Opera və Balet Teatrında XI Üzeyir Hacıbəyli Beynəlxalq Musiqi Festivalı çərçivəsində Cakomo Puççininin “Bohema” operası nümayiş olunub.Teatrdan verilən məlumata görə, xəbər verir ki, səhnə əsərini tanınmış italiyalı dirijor Lorenso Tassyeri idarə edib. Opera tamaşasında Mimi partiyası teatrın aparıcı solisti - Afaq Abbasova tərəfindən ifa olunub.Bundan başqa, operada əsas partiyalardan olan Rudolf və Marselini Ramiz Usmanov və BVladimir Qromov ifa edib.xeber100.com  

“Ölülər” pyesi əsasında hazırlanmış komediya-tamaşa nümayiş olunacaq

Milli Dram Teatrının səhnəsində Cəlil Məmmədquluzadənin “Ölülər” pyesi əsasında hazırlanmış eyniadlı iki hissəli komediya-tamaşa nümayiş olunacaq.Azərtac xəbər verir ki, oktyabrın 11-də teatrsevərlərin ixtiyarına veriləcək tamaşada bəstəkar Qara Qarayevin “Ölülər” əsəri üçün bəstələdiyi musiqi yeni versiyada təqdim ediləcək.“Ölülər”in Şeyx Nəsrullahı Xalq artisti Nurəddin Mehdixanlı, Kefli İsgəndəri isə Əməkdar artist Anar Heybətov olacaq.Xronometrajı 130 dəqiqə olan səhnə əsərində rəsmlərin quruluşu Azər Paşa Nemətova məxsusdur.xeber100.com  

Akademik Musiqili Teatrı 110-cu mövsümünü açıq elan edib

Sentyabrın 20-də Azərbaycan Dövlət Akademik Musiqili Teatrı 110-cu mövsümünü Üzeyir Hacıbəyli XI Beynəlxalq Musiqi Festivalı çərçivəsində dahi bəstəkarın “O olmasın, bu olsun” musiqili komediyası ilə açıq elan edib.Teatrdan verilən məlumata görə, bu səhnə əsəri uzun illər müxtəlif rejissorların təqdimatında nəinki ölkəmizin, həmçinin dünyanın bir çox teatrlarında göstərilib və böyük rəğbətlə qarşılanıb.Quruluşçu rejissoru Cənnət Səlimova olan səhnə əsərində rolları Xalq artisti Afaq Bəşirqızı (Sənəm), Əməkdar artist Şövqi Hüseynov (Məşədi İbad) və teatrın digər peşəkar aktyorları – Əməkdar artistlər – Ələkbər Əliyev, Novruz Qartal, Əzizağa Əzizov, Əkbər Əlizadə, Nadir Xasıyev, aktyorlar – Əliməmməd Novruzov, Səməd Xasıyev, Aydan Həsənova, Telnaz Hüseynova, Elməddin Dadaşov, Fərid Rzayev, kiçik yaşlı aktyorlar – Hüseyn Nağıyev, Rahib Məmmədzadə və başqaları ifa edib.Səhnə əsərində həmçinin, iranlı aktyor, Təbriz Teatrının rəhbəri Babək Nəhreyn hambal obrazını canlandırıb.xeber100.com

“YARAT” Müasir İncəsənət Mərkəzi təqdim edir

Sentyabrın 24-də “YARAT” Film Klubunun təşkilatçılığı ilə “Rus filmləri həftəsi” keçiriləcək.Azərtac xəbər verir ki, həftə ərzində iştirakçılar Rusiya istehsalı olan üç filmə - “Van Qoqlar”, “Annanın müharibəsi” və “Aleksandr Xristoforovun əbədi həyatı” adlı ekran əsərlərinə baxa biləcək.Filmlərin təqdimatı “Rossotrudniçestvo” təşkilatının Azərbaycandakı nümayəndəliyi və Nizami Kino Mərkəzinin birgə əməkdaşlığı çərçivəsində həyata keçirilir.“YARAT” Müasir İncəsənət Mərkəzində nümayiş olunacaq filmlərin təqdimatında hər kəs iştirak edə bilər.xeber100.com

18 sentyabr Milli Musiqi Günü kimi qeyd olunur

18 sentyabr - bəstəkar Üzeyir Hacıbəylinin dünyaya göz açdığı gün ölkəmizdə Milli Musiqi Günü kimi qeyd olunur. Azərtac xəbər verir ki, görkəmli bəstəkarın anadan olduğu gün həm də Üzeyir Hacıbəyliyə həsr olunmuş Beynəlxalq Musiqi Festivalının açılışı ilə əlamətdardır.Üzeyir Hacıbəyli təkcə musiqi bəstələmirdi, həm də xalq musiqisinin nəzəri əsaslarını gələcək nəslə çatdırmaq üçün müxtəlif vəsaitlər hazırlayırdı. 1945-ci ildə nəşr edilmiş “Azərbaycan xalq musiqisinin əsasları” adlı elmi əsəri Üzeyir Hacıbəylinin musiqişünas-alim olaraq mükəmməl fəaliyyətinin yadigarı kimi bu gün də musiqi dərsliyi kimi istifadə edilir. Bütün ömrü boyu Azərbaycan mədəniyyətinə, musiqisinə xidmət edən bu unudulmaz şəxsiyyət 300-dən çox xalq mahnısını nota salaraq, marş, kantata, fantaziya, mahnı və romanslar, kamera və xor əsərləri yazıb, yaradıb.xeber100.com