Kubada ənənəvi karnaval yürüşlərinə start verilib

Kubanın paytaxtında ənənəvi karnaval yürüşlərinə start verilib. Azərtac bandcuba.com saytına istinadla xəbər verir ki, builki rəngarəng yürüşlər Havananın 500 illik yubileyinə və bəstəkar və müğənni Benni Morenin 100 illiyinə həsr olunub.Karnaval yürüşlərinin başlanması münasibətilə Kuba paytaxtının sakinləri və qonaqların toplaşdığı qədim San-Karlos-de-la-Kabanya qədim qalasının qarşısındakı meydanda toplardan yaylım atəşi açılıb. Yağış və güclü külək səbəbindən tədbirin bir gün təxirə salınmasına baxmayaraq, karnavalın açılışı çox yaddaqalan olub. Belə ki, sahildə yerləşən Malekona meydanında on minlərlə insanın qarşısında və orkestrin müşayiəti ilə “karroslar” – rəngarəng geyimlərdə olan rəqs qruplarının keçidi olub. Sonra ölkənin müxtəlif bölgələrindən paytaxta gəlmiş ”komparsların” yürüşü təşkil edilib. Onların arasında məşhur “Tropikana” qrupu da latın rəqsləri və mahnılar ifa edib.Braziliyada keçirilən karnavaldan fərqli olaraq, Havana şənliklərində çıxış edən rəqs qrupları və müğənnilərin ifası jüri tərəfindən qiymətləndirilir.Gecəyarısına qədər davam edən karnaval yürüşləri minlərlə turisti cəlb edir. Bayram şənlikləri təkcə mərkəzi meydanda deyil, habelə Havananın müxtəlif rayonlarında keçirilir. 2019-cu ildə Havanada 5 karnaval yürüşü olacaq və onlardan sonuncusu avqustun 25-də keçiriləcək.xeber100.com

AKİ-nin rəhbər orqanlarının səlahiyyətləri təsdiq edilib

Ədliyyə Nazirliyi Azərbaycan Kinematoqrafçılar İttifaqının rəhbər orqanlarının səlahiyyətlərini təsdiq edib. Azərbaycan Kinematoqrafçılar İttifaqının mətbuat xidmətinin verdiyi xəbərə görə, Ədliyyə Nazirliyi İttifaqın bütün orqanlarının səlahiyyətlərini, o cümlədən AKİ sədri Rüstəm İbrahimbəyovun  səlahiyyətini təsdiq eidb. 16 iyul konfransında seçilmiş sədr və idarə heyətinin səlahiyyət müddəti 4(dörd)  ildir.Azərbaycan Kinematoqrafçılar İttifaqının katibi Əli İsa Cabarov bildirir ki, 1963-cü ildə təsis olunmuş İttifaqın heç vaxt qeydiyyat problemi olmayıb, sadəcə olaraq Nizamnaməsini  QHT-lər haqqında qanunun tələbinə uyğun hazırlamaq və rəhbər orqanları yenidən seçmək tələb olunurdu. 16 iyul konfransında bu məqsədin öhdəsindən uğurla gəldik.Xatırladaq ki, Ədliyyə Nazirliyi tərəfindən səlahiyyətləri təsdiq olunmuş İdarə Heyətinə AKİ sədri Rüstəm İbrahimbəyov, Anar, Rasim Balayev, Cəmil Fərəcov, Ziya Şıxlinskiy, Əli İsa Cabbarov,  Firəngiz Qurbanova, Baba Vəziroğlu, Məbud Məhərrəmov,  Şükufə Yusupova , Əsəd Əsədov , Həmidə Ömərova , Nizami Abbas, Tahir Əliyev, Lalə Əfəndiyeva, Oleq Səfərəliyev, Cavid İmamverdiyev və Mirbala Səlimli daxildir.xeber100.com

Rusiya Dövlət Akademik Böyük Teatrı təqdim edir

Oktyabrın 5-6-da Rusiya Dövlət Akademik Böyük Teatrında P.Çaykovskinin “İolanta” operası nümayiş olunacaq.Azərtac teatrın saytına istinadla xəbər verir ki, səhnə əsərində mavritaniyalı həkim İbn Hakianın partiyasını Azərbaycanın Xalq artisti Elçin Əzizov (bariton) ifa edəcək.2008-ci ildən Böyük Teatrın solisti olan Elçin Əzizov P.Çaykovskinin “İolanta” və “Qaratoxmaq qadın”, N.A.Rimski-Korsakovun “Çar gəlini”, J.Bizenin “Karmen”, M.Musorqskinin “Boris Qodunov”, C.Verdinin “Traviata”, “Don Karlos”, A.Borodinin “Knyaz İqor” operalarında yaddaqalan obrazlar yaradıb.xeber100.com

“Orfey 2019” beynəlxalq müsabiqə keçiriləcək

Avqustun 15-dən 17-dək Rusiyanın Çeçenistan Respublikasının paytaxtı Qroznı şəhərində SSRİ Xalq artisti Müslüm Maqomayevin xatirəsinə həsr olunmuş “Orfey 2019” beynəlxalq müsabiqə keçiriləcək.TASS agentliyi xəbər verir ki, bu barədə Çeçenistanın Mədəniyyət Nazirliyinin mətbuat xidməti məlumat yayıb.Məlumatda bildirilir ki, festivalın keçirilməsində məqsəd Maqomayevin yaradıcılığının təbliğ olunmasıdır. Müsabiqə yalnız “solo ifa” nominasiyası üzrə keçiriləcək. Yarışma 18-22, 23-27, 28-35 yaş kateqoriyaları arasında təşkil olunacaq. Müsabiqədə ikinci tura adlayacaq iştirakçılar Qran-Pri mükafatı uğrunda yarışacaq.xeber100.com

Beynəlxalq Muğam Mərkəzində Hindistan rəqs gecəsi təşkil ediləcək

Avqustun 16-da Beynəlxalq Muğam Mərkəzində (BMM) Hindistan rəqs gecəsi təşkil ediləcək.Muğam Mərkəzindən Azərtac-a bildirilib ki, Hindistanın “Bihu Hindistan folklor rəqs” qrupunun iştirakı ilə keçirilən tədbirdə nağılvari hind rəqsləri təqdim olunacaq. Qeyd edək ki, Beynəlxalq Muğam Mərkəzi fəaliyyət istiqamətində konsert və elmi-tədqiqat müəssisəsi olaraq birbaşa muğam və xalq musiqisi nümunələrinin, folklor musiqisinin, dünya klassiklərinin və müasir bəstəkarların əsərləri ilə yanaşı, dünya xalqlarının milli rəqslərini də təbliğ edir. Bu günə kimi BMM -nin “Etnomusiqi inciləri” layihəsi çərçivəsində Yunanıstan, İtaliya, Avstriya, İsrail və bir sıra ölkələrin musiqiçiləri Azərbaycan muğam ifaçıları ilə birlikdə konsert proqramları ilə çıxış ediblər.xeber100.com

Musiqili Teatrı 110-cu mövsümünü sentyabrın 20-də açacaq

Akademik Musiqili Teatrı 110-cu mövsümünü sentyabrın 20-də açacaq.Teatrın mətbuat xidmətindən  bildirilib ki, həmin gün dahi Üzeyir Hacıbəylinin ölməz əsəri – “O olmasın, bu olsun” ikihissəli musiqili komediyası nümayiş olunacaq.Əsrlərin sınağından çıxmış bu səhnə əsəri uzun illər müxtəlif rejissorların təqdimatında nəinki ölkəmizin, həmçinin dünyanın bir çox teatrlarında göstərilib və böyük rəğbətlə qarşılanıb.Qeyd edək ki, tamaşanın quruluşçu rejissoru Xalq artisti Cənnət Səlimovadır.xeber00.com

“YARAT” Müasir İncəsənət Mərkəzində yay düşərgəsi təşkil ediləcək

Avqustun 12-dən 16-dək “YARAT” Müasir İncəsənət Məkanında 8-12 yaşlı yaradıcı uşaqlar üçün yay düşərgəsi təşkil ediləcək.Azərtac xəbər verir ki, düşərgədə uşaqlar gələcəyin uğurlu modelyerlərini, rusiyalı rəssam Taus Maxaçevanın "Şarivari" və Koreya əsilli kanadalı sənətçi Zadi Çanın "Maqohalmi övladı və yaradılış sədası" adlı fərdi sərgilərinin geyim kolleksiyalarını və onların yaradıcılıq tarixini araşdırmaq və öz modalarını kəşf etmək imkanı qazanacaqlar. Düşərgədə bütün təlimlər Azərbaycan dilində keçiriləcək.Balaca iştirakçılar 5 gün ərzində iki irimiqyaslı sərgi ilə tanış olmaqla yanaşı, moda sənətinin tarixi, eskiz çəkmə qabiliyyəti və podium hərəkətlərini öyrənmək şansı əldə edəcəklər. Düşərgənin sonunda iştirakçılar hazırladıqları geyimləri moda axşamı podiumda nümayiş etdirəcəklər.

“İnsan və sivilizasiya” sənədli filmlərinin təqdimatı olacaq

"İnsan" sənədli trilogiyasına daxil olan "Neft" filmi Venesiya Beynəlxalq Film Festivalının "Ən yaxşı qısa filmi" nominasiyasının qalibi olub. Filimin rejissoru Murad İbrahimbəyovdur.M.İbrahimbəyov Rusiya Kinematoqrafiya İnstitutunun rejissorluq fakültəsində, Sergey Gerasimovun kursunu bitirib. Kinodakı fəaliyyəti dövründə üç tammetrajlı - "Qızıl buğaların valsı", "Gənc qadın üçün kişi", "Olmuş hadisə" və bir neçə qısametrajlı ("Dundukley", "Bir nəfər hamı üçün") filmlərini çəkib. Maqsud İbrahimbəyovun povesti əsasında çəkdiyi "Gənc qadın üçün kişi" filmi ABŞ, Latın Amerikası, Misir, Bolqarıstan, Polşa, Fransa, İspaniya, və Türkiyədə keçirilən kinofestivallarda nümayiş etdirilərək, müəllifinə bir sıra mükafatlar qazandırıb.Qeyd edək ki, xronikal kadrlardan ibarət olan "İnsan" sənədli trilogiyası filmini fəlsəfi esse də adlandırmaq olar. Rejissor sonralar mövzunu davam etdirərək “İnsan və sivilizasiya" mövsuzunda xronikal kadrlardan ibarət fəlsəfi sənədli filmlər yaradıb. "Mənim Dağıstanım. Etiraf" filmində rejissor SSRİ üzrə tanınmış şair Rəsul Həmzətovun yaradıcı portretini yaradıcı dildə təqdim edir.Azərbaycan Kinematoqrafçılar İttifaqıından xeber100.com saytına verilən məlumata görə, filmdə Rüstəm İbrahimbəyov, Yevgeniy Yevtuşenko, Vaxtanq Kikabidze iştirak edir.Avqustun 9-da Azərbycan Kinematoqrafçılar İttifaqının Kino Evində filmlərə baxış (saat 18.00-da) keçiriləcək.xeber100.com        

Opera və Balet Teatrında “Jizel” baleti nümayiş olunacaq

Sentyabrın 28-də Opera və Balet Teatrında A.Adanın “Jizel” baleti nümayiş olunacaq.Azərtac xəbər verir ki, səhnə əsərində Jizel rolunu Nigar İbrahimova, Alberti isə Stanislav Olşanski (Ukrayna) canlandıracaq.Qeyd edək ki, balet Ü. Hacıbəyli adına XI Beynəlxalq Musiqi Festivalı çərçivəsində təqdim olunacaq.xeber100.com

XI Beynəlxalq Musiqi Festivalı çərçivəsində

Sentyabrın 25-də R. Behbudov adına Azərbaycan Dövlət Mahnı Teatrında “Könül nəğmələri” adlı konsert proqramı təşkil olunacaq.Azərtac xəbər verir ki, Ü. Hacıbəyli XI Beynəlxalq Musiqi Festivalı çərçivəsində reallaşacaq konsertdə solistlər - Səbinə Ərəbli, Nadir Qafarzadə, Zaur Əmiraslanov, Rövşən Əziz, İlkin Fuadoğlu, Rövşən Qəhrəmanov, Səbinə Babayeva, Kənan Qədimov, Lalə Məmmədova, Pərviz Verdiyev, Aynur İsgəndərli və Könül Məmmədli iştirak edəcəklər.Konsertdə solistləri Tofiq Əhmədov adına Estrada-Simfonik Orkestri müşayiət edəcək.xeber100.com