Rus Dram Teatrı təqdim edir

2 fevral Rus Dram Teatrının səhnəsində Nil Saymonun pyesi əsasında hazırlanmış “Sonuncu ehtiraslı gənc” tamaşası nümayiş etdiriləcək.Azərtac xəbər verir ki, tamaşanın bədii rəhbəri Yuri Baliyev, rejissoru teatrın aktyoru İlkin Mehdiyevdir. Rollarda Əbdülqəni Əliyev (“Yuğ” teatrından), Natəvan Hacıyeva (Rus Dram Teatrından) çıxış edəcəklər.Ötən ilin dekabr ayında Sankt-Peterburqda Gənc Tamaşaçılar Teatrının səhnəsində oynanılmış bu tamaşa böyük maraqla qarşılanıb. Müstəqil və qeyri-dövlət layihəsinin iştirakçıları 24-cü “Milad paradı” Beynəlxalq Teatr Festivalının diplomu ilə təltif ediliblər.xeber100.com

Akademik Milli Dram Teatrı təqdim edir

Azərbaycan Dövlət Akademik Milli Dram Teatrında 20 Yanvar faciəsinin 28-ci ildönümü münasibətilə “Qarabağnamə” tamaşası nümayiş olunacaq.Teatrın mətbuat xidmətindən Azərtac-a bildirilib ki, İlyas Əfəndiyevin “Hökmdar və qızı” əsəri əsasında hazırlanan tamaşanın rejissoru Mərahim Fərzəlibəyov, quruluşçu rəssamı İsmayıl Məmmədovdur.Səhnə əsərində XVIII əsrdə Qarabağ xanlığının mərkəzi olan Şuşada baş vermiş tarixi hadisələrdən və Qarabağ hökmdarı İbrahim xanın ictimai-siyasi, ailə-məişət həyatından bəhs edir.O dövrdə xanlıqlara bölünmüş Azərbaycana yiyələnmək istəyən Rusiya və İranla siyasi əlaqələri və dostluq münasibətlərini bərqərar etməyə çalışan İbrahim xan erməni fitnəkarlığının qurbanı olur.xeber100.com  

“YARAT” Müasir İncəsənət Mərkəzi təqdim edir

“YARAT” Müasir İncəsənət Mərkəzinin budəfəki qonağı tanınmış idman ustası, məşhur kikboksçu Zabit Səmədov olacaq.Azərtac xəbər verir ki, yanvarın 17-də idmançı ilə reallaşacaq görüş zamanı o, idman təcrübəsi və nailiyyətləri barədə qonaqlara məlumat verəcək, onu qələbəyə aparan həyat yolundan danışacaq.Eyni zamanda, idmançı “YARAT”da nümayiş olunan “Dağılaraq zirvələrə doğru qalxırıq” adlı sərgisi ilə tanış olacaq, təəssüratlarını bölüşəcək.İdmançı ilə görüş arzusunda olan hər kəs tədbirdə iştirak edə bilər.xeber100.com

“Çölçü” filmi beynəlxalq mükafata layiq görülüb

Rejissor Şamil Əliyevin “Çölçü” filmi “Cult critic movie awards” bu ilin yanvar mövsümünün “Ən yaxşı bədii film” mükafatına layiq görülüb.Filmin rejissorunun verdiyi məlumata görə, mükafatın təqdimetmə mərasimi bu ilin ortalarında Hindistanın Kolkata şəhərində keçiriləcək.Qeyd edək ki, Mədəniyyət və Turizm Nazirliyinin sifarişi ilə “Azərbaycanfilm” kinostudiyasında istehsal olunmuş film bir sıra beynəlxalq festivallarda nümayiş olunaraq mükafatlara layiq görülüb. Xatırladaq ki, “Çölçü” filminin ssenari müəllifi Vidadi Həsənov, quruluşçu operatoru Rafiq Quliyev, quruluşçu rəssamları Rafiq Nəsirov və İbrahim Aminovdur. Rollarda Vidadi Həsənov, Bəhruz Vaqifoğlu, Cavidan Məmmədov və başqaları çəkilib.xeber100.com

Rəssamlar İttifaqında rəsm əsərlərindən ibarət sərgi açılacaq

Yanvarın 16-da Rəssamlar İttifaqının V. Səmədova adına sərgi salonunda Məlik Məmmədyarovun rəsm əsərlərindən ibarət sərgi açılacaq.Azərtac xəbər verir ki, Rəssamlar İttifaqının təşkilatçılığı ilə reallaşacaq sərgidə ziyarətçilər fırça ustasının 30-dən çox işinə baxa biləcək.Beş gün davam edəcək sərgidə rəssamın müxtəlif mövzulu sənət əsərləri nümayiş olunacaq.xeber100.com

İncəsənət Muzeyində “açıq qapı” günləri keçiriləcək

Milli İncəsənət Muzeyində “İpək xəzinələri: XVI-XVIII əsrlərdə Azərbaycan tikmələri” adlı unikal sərgi üzrə “açıq qapı” günləri keçiriləcək.Azərtac xəbər verir ki, yanvarın 13-14-də Höte İnstitutunun Bakı nümayəndəliyinin dəstəyi ilə baş tutacaq aksiyada paytaxt sakinləri və şəhərimizin qonaqları muzeyin fondunda qorunan nadir bədii incilərlə yanaşı, Londonun Viktoriya və Albert Muzeyi, Berlinin İslam İncəsənəti Muzeyi, Avropa və Azərbaycanda şəxsi kolleksiyalarda saxlanılan XVI-XVIII əsrlərə aid Azərbaycanın zəngin bədii xəzinəsini ödənişsiz izləmək imkanı əldə edəcəklər.Ziyarətçilər aksiya çərçivəsində həmçinin macar dizayneri Janet Jirmay tərəfindən təkmilləşdirilərək hazırlanmış perforasiya lentli musiqi qutusunu fırlamaqla naxışlar və xalçaların kodlaşdırılmış musiqisi ilə tanış ola biləcəklər.xeber100.com

“Bronx World Cinema” adlı film festivalına start verilib

Bu gündən etibarən ABŞ-ın Nyu-York şəhərində “Bronx World Cinema” adlı film festivalına start verilib.Mədəniyyət və Turizm Nazirliyindən Azərtac –a bildirilib ki, yanvarın 14-dək davam edəcək müəllif filmləri festivalında ölkəmizi rejissor Məzahir Həşimovun “Debüt” studiyasında lentə aldığı “Eliza” filmi təmsil edəcək.Bədii rəhbəri kinorejissor, Xalq Artisti Eldar Quliyev olan ekran əsərinin ssenari müəllifi Yelena Andreyeva, operatoru Yuri Varnovski, rejissor assistenti Cabir Hacıyev, montajçı Elşən Bağırovdur. Filmdə Dəniz Tacəddin, Toğrul Rza və Hicran Nəsirova rol alıb.Qeyd edək ki, 2011-ci ildən fəaliyyətə başlayan “Bronx World Cinema” festivalı dünya kinosunun təbliğinə xidmət edir. Müxtəlif mədəniyyətləri bir arada təqdim etmək festivalın əsas məqsədlərindəndir.xeber100.com

“YARAT” Müasir İncəsənət Mərkəzi təqdim edir

Yanvarın 14-də “YARAT” Müasir İncəsənət Mərkəzində uşaqlar üçün “Robotların köməyi ilə ətraf mühiti qoruyaq” adlı tədbir keçiriləcək.Azərtac xəbər verir ki, “Mars Academy”nin tərəfdaşlığı ilə reallaşacaq tədbir çərçivəsində dörd istiqamətdə peşəkar dərslər keçiriləcək, balacalar proqramlaşdırma, mühəndislik, robotiks və rəqəmsal incəsənət haqqında məlumat əldə edəcəklər.Eyni zamanda, uşaqlar robotların uyğun konstruksiyalarını toplayacaq, sonra onları ayrı-ayrılıqda proqramlaşdıracaqlar.Layihədə 5-12 yaş arası uşaqlar iştirak edə bilər.xeber100.com

“1990-cı il” adlı rəngkarlıq əsərinin təqdimatı keçiriləcək

Bakı Xətai Sənət Mərkəzində Faiq Əhmədovun “1990-cı il” adlı rəngkarlıq əsərinin təqdimatı keçiriləcək.Bu barədə Azərtac-a mərkəzin rəhbəri Zahid Əvəzov məlumat verib.Onun sözlərinə görə, Dövlət Rəsm Qalereyasının fondunda saxlanılan sənət əsəri 20 Yanvar faciəsi qurbanlarının xatirəsinə ithaf edilib.Təqdimat yanvarın 18-də mərkəzdə reallaşacaq “Azadlıq aşiqləri günü-20 Yanvar” adlı respublika uşaq rəsm müsabiqəsinin yekun sərgisi çərçivəsində gerçəkləşəcək.xeber100.com  

İncəsənət müsabiqəsi keçiriləcək

Yanvarın 13-də Rəşid Behbudov adına Mahnı Teatrında Azərbaycan Gənclər İttifaqının (AGİ) təşkilatçılığı ilə “Ümid 2018” incəsənət müsabiqəsi keçiriləcək.Azərtac xəbər verir ki, yarışmanın keçirilməsində məqsəd istedadlı uşaq və gəncləri tapmaq və onları üzə çıxartmaqdır. Müsabiqədə Gürcüstandan, İran, Ukrayna və Rusiyadan gələn qrupların vokal, musiqi və xoreoqrafik çıxışları dinləniləcək.“Ümid 2018” yarışmasında bir neçə janrlarda (folklor, klassik, estrada və incəsənətin bir neçə növləri – mahnı, teatr, vokal, bədii qiraət, xoreoqrafiya) iştirakçıların çıxışları gözlənilir. Yaş məhdudiyyəti yoxdur. 4 yaşdan başlayaraq hər bir kəs yarışmada iştirak edə bilər.Obyektivlik naminə çıxışlar zamanı iştirakçıların hansı studiya və ya məktəbi təmsil etdikləri açıqlanmayacaq. Seçim iştirakçının qeydiyyat nömrəsi ilə aparılır.Münsiflər heyətinə Azərbaycanın əməkdar artistləri və incəsənət xadimləri daxildir.xeber100.com