Travmatoloqlar Assosiasiyasının IX Konqresi işə başlayıb

Bakıda Azərbaycan Travmatoloqlar və Ortopedlər Assosiasiyasının IX Konqresi işə başlayıb.AZƏRTAC xəbər verir ki, Azərbaycan Ortopedlər və Travmatoloqlar Assosiasiyasının prezidenti Yaşar Cəlilov tədbirdə çıxış edərək bildirib ki, forumun işində Türkiyə, Rusiya və Gürcüstandan aparıcı ekspertlər iştirak edirlər. İkigünlük konqres çərçivəsində mütəxəssislərin travmatologiya və ortopediyanın aktual problemləri, travmatoloji-ortopedik yardımın təşkilinin müasir aspektləri, travmatologiya və ortopediyada innovativ texnologiyalar (osteosintez, endoprotezləşdirmə, artroskopiya və s.), dayaq-hərəkət sistemi xəstəlikləri zamanı şüa diaqnostikası barədə məruzələri dinləniləcək.Tədbirdə travmatologiya və ortopediya sahəsində problemlər barədə məruzələr dinlənilib, tibbin bu sahəsinin mütəxəssislərinin nailiyyətləri və problemləri müzakirə edilib.xeber100.com

Səhiyyə Nazirliyinin 2017-ci il üçün mülki müdafiə tədbirlər planına əsasən…

Səhiyyə Nazirliyinin İctimai Səhiyyə və İslahatlar Mərkəzi (İSİM) Gəncə və Göygöl, Daşkəsən və Samux Mərkəzi Rayon Xəstəxanalarının tabeliyində olan tibb müəssisələrinin müalicə işləri üzrə baş həkim müavinləri, ginekoloqlar üçün “Fövqəladə hallarda reproduktiv sağlamlığın qorunması” mövzusunda seminar keçirib.İSİM-dən Azərtac-a bildirilib ki, Səhiyyə Nazirliyinin 2017-ci il üçün mülki müdafiə tədbirlər planına əsasən təşkil olunmuş tədbirdə İSİM-in əməkdaşları - layihələrin əlaqələndirilməsi şöbəsinin müdiri Səbinə Babazadə və tibbi keyfiyyət standartları şöbəsinin həkim-metodisti Teymur Hüseynov çıxış ediblər. BMT-nin Əhali Fondunun İSİM-lə əməkdaşlığı çərçivəsində həyata keçirilən tədbirdə Daxili İşlər və Fövqəladə Hallar nazirliklərinin əməkdaşları də iştirak edib.İSİM-in nümayəndələri fövqəladə hallarda zərərçəkən əhalinin reproduktiv sağlamlığının təmin olunması və qorunması üçün Minimal Paket Xidmətlərinin (MİXP) göstərilməsi barədə seminar iştirakçılarına məlumat veriblər.xeber100.com

Dünya Səhiyyə Təşkilatının məlumatı

Dünya Səhiyyə Təşkilatının (DST) üzvləri olan dövlətlər doktor Tedros Adxanom Qebreyesusu DST-nin yeni baş direktoru vəzifəsinə seçiblər.Azərtac DST-nin saytına istinadla xəbər verir ki, Tedros Adxanom Qebreyesusun namizədliyi Efiopiya hökuməti tərəfindən irəli sürülüb. Yeni baş katibin beş illik səlahiyyət müddəti 2017-ci il iyulun 1-dən başlanacaq.DST-nin baş direktoru seçilənə qədər Tedros Adxanom Qebreyesus Efiopiyanın xarici işlər naziri (2012-2016-cı illər), Efiopiyanın səhiyyə naziri (2005-2012-ci illər) vəzifələrində çalışıb. Bu, həmçinin QİÇS, vərəm və malyariyaya qarşı mübarizə üzrə Qlobal Fondun və “Malyariyanı məhv edək!” (MME) Tərəfdaşlığının rəhbər orqanlarına başçılıq edib, Anaların, körpələrin və uşaqların mühafizəsi üzrə Tərəfdaşlığın idarə heyətinin sədri vəzifələrini tutub.Tedros Adxanom Qebreyesus Efiopiyanın səhiyyə naziri vəzifəsində işləyərkən ölkənin səhiyyə sistemində kompleks islahat aparılıb. Bu islahat çərçivəsində Efiopiyanın tibbi-sanitariya infrastrukturu əhəmiyyətli dərəcədə genişləndirilib, 3500 tibbi mərkəz istifadəyə verilib, 16.000 iş yeri yaradılıb. 38.000 yardımçı tibbi-sanitariya işçisi hesabına səhiyyə sahəsində əmək ehtiyatları güclənib, tibbi sığortanın əhatə dairəsini genişləndirməyə imkan verən maliyyə mexanizmləri işə salınıb.Xarici işlər naziri kimi Əddis-Əbəbə fəaliyyət proqramının razılaşdırılması səylərinə rəhbərik edib. Bu proqram çərçivəsində Davamlı inkişaf sahəsində hədəflərə nail olmaq üçün 193 ölkə zəruri maliyyə öhdəlikləri götürüb.Qlobal Fondun və MME Tərəfdaşlığının sədri olduğu müddətdə bu iki təşkilat üçün rekord məbləğdə maliyyə ayrılmasını təmin edib, malyariyaya qarşı mübarizə üzrə Qlobal Fəaliyyət Planı hazırlayıb. Bu plan çərçivəsində fəaliyyət Afrika hüdudlarını aşaraq Asiya və latın Amerikası ölkələrini əhatə edib.Tedros Adxanom Qebreyesus DST-nin baş direktoru vəzifəsində 2007-ci il yanvarın 1-dən bu vəzifədə çalışan Marqaret Çeni əvəz edəcək.xeber100.com

“AiF Zdorove” qəzeti yazır…

Pilləkənlə 10 dəqiqə aşağı-yuxarı enib-qalxmaq gümrahlığa kofein içməkdən daha yaxşı təsir göstərir. Rusiyanın “AiF Zdorove” qəzeti xəbər verir ki, ABŞ-dakı Corciya Universitetinin alimləri apardıqları təcrübədən sonra belə qənaətə gəliblər.Onların apardıqları təcrübədə xroniki yuxusuzluqdan əziyyət çəkən tələbələr iştirak ediblər. İştirakçılar ayrı-ayrı günlərdə ya kofein tərkibli həb qəbul ediblər, ya da yavaş sürətlə pilləkənlərlə 10 dəqiqə aşağı-yuxarı enib-qalxıblar. Bununla yanaşı onlar yaddaşı və diqqətin toplanmasını qiymətləndirən test suallarına da cavablar veriblər. Nəticələr pilləkənlə gəzintidən sonra iştirakçıların kofeinli həb içdikləri günlərə nisbətən özlərini daha gümrah hiss etdiklərini aşkara çıxarıb. Fiziki hərəkətlər və kofein isə onların koqnitiv qabiliyyətlərinə heç bir təsir göstərməyib.xeber100.com

Tibb Universitetində seminarlar təşkil olunacaq

Tibb Universitetinin (ATU) ortopedik stomatologiya kafedrasında tələbələr və rezidentlər üçün seminarlar keçirilir.ATU-nun mətbuat xidmətindən Azərtac-a bildiriblər ki, seminarda kafedranın müdiri Nazim Pənahov tədbir iştirakçılarına seminarın mahiyyətindən danışıb. Bildirilib ki, qeyri-iş günlərində təşkil olunan seminarlara ortopedik stomatologiya sahəsinin tanınmış mütəxəssisləri cəlb edilib.N.Pənahov bildirib: “Tədbirdə I və III kurs rezidentləri, eləcə də yuxarı kurs tələbələri iştirak edirlər. Onların sualları mütəxəssislər tərəfindən cavablandırılır. Sayca ikinci seminarımızdır və tədbiri davamlı olaraq hər ay keçirməsi nəzərdə tutulur. İlk seminarda ”Stomatologiyada 3D planlama və tomoqrafiya” mövzusunu seçmişdik. Seminarı ATU-nun ortopedik stomatologiya kafedrasının doktorantı Rüfət Hüseynov aparıb və çox müsbət qarşılanıb”.İkinci seminar ATU-nun ortopedik stomatologiya kafedrasının assistenti, tibb üzrə fəlsəfə doktoru Aslan Məmmədovun moderatorluğu ilə keçirilib. O, “Dişətrafı bioloji enin formalaşması-anatomiyası və əhəmiyyəti” mövzusunda məruzə ilə çıxış edib. Qeyd olunub ki, parodontologiyadan bəhs edən mövzu dünya stomatologiyasının aktual problemlərini əhatə edir.xeber100.com

Səhiyyə Nazirliyinin məlumatı

Respublika QİCS-lə Mübarizə Mərkəzində keçirilən bugünkü mətbuat konfransı hər il mayın üçüncü istirahət günü qeyd edilən QİÇS-dən dünyasını dəyişənlərin Ümumdünya Xatirə Gününə həsr olunub.Səhiyyə Nazirliyinin mətbuat xidmətindən Azərtac-a bildiriblər ki, QİÇS-dən vəfat edənlərin yad olunması cəmiyyət üzvlərini bu xəstəliyə yoluxma təhlükəsi haqqında düşünməyə, sosial mənşəyindən asılı olmayaraq hər kəsi bu təhlükəli virusdan qorunmağa çağırır.Tədbirdə çıxış edən Mərkəzin direktoru Esmira Alməmmədova bildirib ki, bu ilin üç ayı ərzində ölkəmizdə 108 nəfər İİV-ə yeni yoluxan aşkar edilib. Onlardan 107-si ölkə vətəndaşı, 1 nəfəri isə əcnəbi, o cümlədən 71-i kişi, 36-sı qadındır. Həmin dövrdə QİÇS mərhələsinə keçənlərin sayı 31 nəfər, İİV-infeksiyasından vəfat edənlərin sayı 19 nəfər olub.Onlardan 10 nəfər parenteral kontakt, 51 nəfər heteroseksual kontakt, 4 nəfər homoseksual kontakt nəticəsində, 4 nəfər anadan uşağa ötürülməklə, 39 nəfər isə yoluxma yolu ilə infeksiyaya tutulub.Ölkəmizdə ilk dəfə infeksiya aşkar edildiyi 1987-ci ildən bu il martın axırlarınadək Respublika QİÇS-lə Mübarizə Mərkəzində İİV-infeksiyası təsdiq olunmuş 5269 nəfər rəsmi qeydiyyatdadır. Onlardan 73,2 faizi kişi, 26,8 faizi qadındır. QİÇS mərhələsində olanların sayı 1383 nəfər, İİV-infeksiyasından vəfat edənlərin sayı isə 828 nəfər olub.İİV-lə yaşayanlardan 45,5 faizində yoluxma inyeksion narkotik istifadəsi nəticəsində, 43,2 faizində heteroseksual, 2 faizində isə homoseksual kontakt nəticəsində, 1,9 faizində anadan uşağa keçməklə, 0,03 faizində donor qanının köçürülməsi nəticəsində baş verib. 7,4 faizində yoluxma yolu müəyyən edilməyib.Mətbuat konfransında QİÇS-lə Mübarizə Mərkəzində İİV-lə yaşayanlara profilaktika, müalicə, qulluq və dəstək göstərilməsinin təmin edilməsi barədə məlumat verilib.2006-cı ilin noyabrından tətbiq edilən antiretrovirus müalicəsinə İİV-lə yaşayan 3,6 min nəfər cəlb edilib, onlardan 115 nəfərin müalicəsinə bu ilin əvvəllərindən başlanılib.2017-ci ilin I rübü ərzində nikaha daxil olmaq istəyənlərin tibbi müayinəsi çərçivəsində 30,4 min nəfərdən artıq vətəndaş İİV-ə görə müayinəyə cəlb olunub və onlardan 11 nəfərdə İİV-ə yoluxma halı aşkar edilib.Mətbuat konfransının sonunda İİV-ə yoluxma halları və ondan qorunma üsullarına dair hazırlanmış film nümayiş olunub.xeber100.com

Tibb Universitetinin məlumatı

Azərbaycan Tibb Universitetinin (ATU) tibbi profilaktika fakültəsində yeni növ treninqlər keçirilir.ATU-nun mətbuat xidmətindən Azərtac-a bildiriblər ki, aprelin ilk həftəsindən başlayaraq, universitetin tibbi profilaktika fakültəsində Obyektiv Strukturlaşdırılmış Praktik İmtahan (OSPİ) üsulu ilə treninqlər aparılır.Fakültənin dekanı Anar Ağayev OSPİ üsulunun yenilik olduğunu qeyd edib.Dekan bildirib: “Bu üsulla ilk dəfədir ki, fakültəmizdə imtahan olacaq. Tələbələrdə praktiki bacarıqlar əsasən peşə vərdişlərin formalaşması ilə müşayiət olunur. Tələbələr təhsil müddətində təcrübi bacarıqlara da yiyələnməlidirlər. Nəzəri biliklərin təcrübi bacarıqlara inteqrasiyası tibb sahəsində yüksək ixtisaslı mütəxəssislərin hazırlanması üçün müstəsna əhəmiyyət kəsb edir. Məhz bu baxımdan buraxılış kurslarına şamil olunan bu treninqləri tələbələr çox bəyənib, razılıq edirlər. Bacarıqların qiymətləndirilməsi üçün ən yaxşı üsullardan biri də son illərdə dünyanın əksər ölkələrində geniş tətbiq edilən, müasir tələblərə cavab verən OSPİ imtahan üsuludur. Bu üsul tələbələrin praktik və təcrübi bacarıqlarını eyni sınaqla ədalətli qiymətləndirməyə imkan verir”.Qeyd edək ki, fakültədəki treninqlər dekan Anar Ağayev və ATU-nun təhsilin keyfiyyətinin təminatı və innovasiya şöbəsinin müdiri Akif Qurbanovun nəzarəti altında keçirilib.xeber100.com

Uşaqların Beynəlxalq Müdafiəsi Günü münasibətilə…

1 İyun-Uşaqların Beynəlxalq Müdafiəsi Günü münasibətilə Milli Oftalmologiya Mərkəzində bir sıra aksiyalar təşkil olunacaq.Mərkəzdən Azərtac-a bildiriblər ki, uşaqlara həsr olunmuş gün münasibətilə iyunun 1-də bu tibb müəssisəsində “Uşaqların gözləri həmişə gülsün” adlı aksiya keçiriləcək.Aksiya çərçivəsində mərkəzin səyyar klinikası iyunun 1 və 2-də 124 saylı tam orta məktəbdə olacaq.Tədbirlər çərçivəsində uşaqların göz müayinəsindən keçmələri nəzərdə tutulur.xeber100.com

Səhiyyə Nazirliyinin məlumatına görə…

“Ailə Məcəlləsində dəyişikliklərin edilməsi haqqında” Qanunun tətbiqi ilə bağlı bəzi normativ hüquqi aktları təsdiq ilə əlaqədar 1 iyun 2015-ci il iyunun 1-dən nikaha daxil olmaq istəyənlər tibbi müayinədən keçirlər.Səhiyyə Nazirliyinin mətbuat xidmətindən Azərtac-a verilən məlumata görə, həmin Qanun tətbiq olunandan bu il aprelin sonuna qədər 268,2 min nəfər tibbi müayinədən keçib. Təkcə aprel ayı ərzində isə 9653 nəfər müayinə olunub.Ötən müddətdə müayinələrdən keçən cütlüklərin bəzilərində müxtəlif xarakterli infeksiyalar aşkar edilsə də, müayinədən keçən və nikaha daxil olmaq istəyənlərin sağlamlıq vəziyyəti ümumən qənaətbəxş təsir bağışlayıb. Aprel ayı ərzində müayinədən keçən 301 nəfərdə talassemiya daşıyıcılığı, 40 nəfərdə sifilis, 7 nəfərdə isə QİÇS aşkar olunub.xeber100.com

Səhiyyə Nazirliyinin məlumatına görə…

K.Y.Fərəcova adına Elmi-Tədqiqat Pediatriya İnstitutunda pediatriya ixtisası üzrə həkim-rezidentlər və həkim-pediatrlar üçün mühazirələr təşkil olunur. İnstitutun əməkdaşları ayda bir dəfə pediatriyanın ayrı-ayrı aktual problemləri mövzusunda mühazirələr oxuyurlar.Səhiyyə Nazirliyindən Azərtac-a verilən xəbərə görə, növbəti mühazirə mayın 18-də “Pediatriya klinikasında təxirəsalınmaz hallar” mövzusunda təşkil olunacaq.Bundan başqa institutda təhsil alan həkim-rezidentlər ayda bir dəfə pediatriyanın müxtəlif mövzularında prezentasiyalarla çıxış edirlər. Mayın 27-də “Nekrotik enterokolit. Etiologiya, klinika, diaqnostika və müalicə taktikası” mövzusunda rezident prezentasiyası keçiriləcək.xeber100.com