BBC Teleradio Korporasiyasının yaydığı məlumata görə…

BBC (“Bi-Bi-Si”) Teleradio Korporasiyasının yaydığı məlumata görə, dünya alimləri depressiya və posttravmatik stress kimi psixi xəstəliklərdən əziyyət çəkən adamlardan öləndən sonra öz beyinlərini elmə qurban verməyi xahiş edirlər.“RİA Novosti” agentliyi xəbər verir ki, bu, psixi və sinir pozulmalarının, o cümlədən Parkinson və Alsheymer xəstəliklərinin müalicəsi üçün dərmanlar hazırlamaq üçün lazımdır. Hazırda ABŞ-ın Massaçusets ştatının Boston şəhərində yerləşən və beyin toxumaları məsələləri ilə məşğul olan Harvard Tədqiqat Mərkəzində 3 mindən çox beyin nümunəsi saxlanılır. Bu mərkəz dünyada ən iri “beyin banklarından” biridir. Nümunələrin çoxu psixi və sinir pozulmalarından əziyyət çəkən insanlarındır.Tədqiqat Mərkəzinin başçısının sözlərinə görə, hazırda alimlərdə insan beynini tədqiq etmək üçün alətlər var. Yalnız xəstəliyinin səbəbləri öyrənilməli olan insanların toxumaları çatışmır.xeber100.com

Tibb Universitetində elmi konfrans keçirilib

Fevralın 17-də Azərbaycan Tibb Universitetinin (ATU) Tədris Cərrahiyyə Klinikasında Üçüncü orqan transplantasiyası günləri çərçivəsində elmi konfrans keçirilib.ATU-nun mətbuat xidmətindən Azərtac-a bildiriblər ki, tədbirdə klinikanın direktoru Surxay Hadıyev orqan köçürülməsi ilə bağlı türkiyəli həmkarlarla birgə tədbirlərin təşkilinin artıq ənənə halını aldığını qeyd edib. S.Hadıyev bildirib ki, mütəmadi olaraq səhiyyə işçilərimiz qarşılıqlı səfərlərdə olur, birgə beynəlxalq konfranslarda iştirak edirlər. Bu baxımdan, Tibb Universitetinin Türkiyənin bir sıra elmi təhsil müəssisələri, o cümlədən İnönü Universiteti ilə möhkəm əməkdaşlığı var.xeber100.com

Əhalinin icbari tibbi müayinədən keçirilməsi tapşırığına əsasən…

Əhalinin icbari tibbi müayinədən keçirilməsi tapşırığına əsasən, bütün respublika ərazisində olduğu kimi Xətai rayonunda da tibbi müayinə aylığı keçirilir.Xətai rayon icra hakimiyyətindən Azərtac-a bildiriblər ki, aksiya çərçivəsində bu rayonda yaşayan vətəndaşlar 6, 7, 28, 38 saylı Şəhər Poliklinikalarında, 22 saylı Birləşmiş Şəhər Xəstəxanasında və Zığ Sağlamlıq Mərkəzində tibbin müxtəlif sahələri üzrə müayinələrdən keçəcək, ehtiyacı olanlara ambulator və stasionar müalicə xidməti göstəriləcək.Aksiyanın yüksək səviyyədə aparılması məqsədilə Xətai rayon icra hakimiyyəti tərəfindən komissiya yaradılıb. Keçirilən aksiyanın əsas məqsədi insanlarda xəstəlikləri vaxtında aşkarlamaq və müalicəsini təşkil etməkdir.xeber100.com

Növbəti pulsuz tibbi müayinə keçiriləcək

Hər il respublikanın 18 yaşdan yuxarı əhalisinin mütləq əksəriyyəti tibbi müayinədən keçirilir, ehtiyacı olanlar ambulator və stasionar müalicəyə cəlb edilir, zərurət yarandıqda ixtisaslaşmış tibb müəssisələrinə göndərilirlər.Azərtac xəbər verir ki, növbəti tibbi müayinə 2017-ci il fevralın 15-dən mayın 15-dək ölkənin bütün yaşayış məntəqələri üzrə tibb müəssisələrində keçiriləcək.Bu mühüm tədbirin yüksək səviyyədə təşkili üçün şəhər və rayon icra hakimiyyətləri səhiyyə orqanları ilə birgə bütün təşkilati işləri həyata keçirəcək, əhali arasında izahat-maarifləndirmə işi aparılmaqla vətəndaşların əhatəli şəkildə tibbi müayinəyə cəlb olunmaları üçün zəruri tədbirlər görüləcək.xeber100.com

Səhiyyə Nazirliyinin məlumatı

Səhiyyə Nazirliyi bəzi dərman preparatlarından 3-12 yaşlı 12 uşağın ölümünə səbəb olması ilə bağlı yayılan xəbərlərə münasibət bildirib.Nazirlikdən apa-nın sorğusuna verilən cavabda bildirilib ki, Azərbaycanda belə hal qeydə alınmayıb: "Yayılan xəbərlər yanlışdır və həqiqətə uyğun deyil. Bu xəbərlər müxtəlif dövrlərdə və ölkələrdə həmin dərmanların əks təbliğatını aparmaq üçün yayılan spamlar-viruslardır".Nazirlik valideynləri yayılan belə xəbərlərə inanmağa çağırıb.Qeyd edək ki, sosial şəbəkələrdə yayılan xəbərlərə görə, 3-12 Yaşlı 12 uşaq qəflətən ölüb. Yarılma nəticəsində məlum olub ki, uşaqların hamısı dərman preparatından baş verən allergiyanın qurbanı olub. Reaksiya o qədər ciddi olub ki, uşaqlardan heç birini xəstəxanaya çatdırmaq mümkün olmayıb. Onlar ya evdə, ya da xəstəxana yolunda keçiniblər. Hazırda polis iş üzrə araşdırma aparır, amma bütün dərman preparatlarını satışdan götürmək mümkün olmayıb. Məlum olub ki, uşaqların qəbul etdiyi bütün dərman vasitələri ölkəyə kontraband yolu ilə gətirilib və təhlükəli saxta məhsuldur.xeber100.com

Bu gün Beynəlxalq Stomatoloq Günüdür

Hər il fevralın 9-da stomatoloqların peşə bayramı - Beynəlxalq Stomatoloq Günü qeyd olunur.Stomatoloq ən qədim peşələrdən biridir. Arxeoloqlar qazıntılar zamanı bu qədim sənətin nümayəndələrinin fəaliyyətlərinin çoxsaylı sübutlarını aşkar etmişlər. Qalıqlar hələ eramızdan əvvəl yeddi min il əvvələ təsadüf edir. Bayramın özü isə nisbətən gəncdir.Bu tarix təsadüfən seçilməyib. Həmin gün katolik kilsəsinin xristian şəhidi isgəndəriyyəli Apolloniya anılır. Xristianlıqdan dönməsi üçün Apolloniyaya dəhşətli işgəncələr verilib. Müqəddəs Apolloniyanın məruz qaldığı işgəncələrin atributu kəlbətin olub. Müqəddəs qadın bütün işgəncələrə davam gətirib, onu tonqalda yandırmaq ilə hədələyəndə, o, özü alovun içinə addımlayıb. Bu hadisə 249-cu il fevralın 9-da baş verib.O vaxtdan belə bir inanc yaranıb: “Santa Apollonia!” deyən kimi, dişağrısı keçir.xeber100.com

Tibb Universitetində bir sıra layihələrin icrası müzakirə olunub

Fevralın 7-də Azərbaycan Tibb Universitetinin (ATU) rektoru G.Gəraybəyli Dünya Bankının Avropa və Mərkəzi Asiya üzrə praktika meneceri Kristian Aedonun rəhbərlik etdiyi nümayəndə heyəti ilə görüşüb.ATU-dan Azərtac-a bildiriblər ki, rəhbərlik etdiyi ali təhsil müəssisəsi barədə qonaqlara ətraflı məlumat verən G.Gəraybəyli bildirib ki, ATU-da tədris sistemində daim islahatlar aparılır, təhsilin keyfiyyətinin artırılması istiqamətində fəaliyyət daha da təkmilləşdirilir. Qeyd olunub ki, universitet beynəlxalq əlaqələrin möhkəmləndirilməsinə ciddi önəm verir. Belə ki, bu əlaqələr fərqli təhsil sistemləri ilə tanışlıq, yeniliklərin tətbiqi və nəticədə tədrisin təkmilləşdirilməsinə yardım olur. Bu baxımdan Dünya Bankı ilə müştərək layihələrin həyata keçirilməsi çox əhəmiyyətlidir.K.Aedo Dünta Bankının təhsil sahəsində gördüyü işlər, dəstəklədiyi proqramlar haqqında məlumat verib. Bildirilib ki, səfərin əsas məqsədi təhsil üzrə milli prioritetləri müzakirə etmək və tələbə krediti proqramları üzrə seminar təşkil etməkdir. Buna görə də bank təmsilçiləri müvafiq dövlət qurumları, universitet rektorları və digərləri ilə görüşlər keçirirlər.xeber100.com

Diaqnostika Mərkəzində seminar keçirilib

Respublika Müalicəvi Diaqnostika Mərkəzi (RMDM) tərəfindən paytaxt otellərinin əməkdaşları üçün “Yuxarı tənəffüs yollarının kəskin respirator infeksiyaları” mövzusunda seminar keçirilib.RMDM-in mətbuat xidmətindən Azərtac-a bildiriblər ki, seminarda qulaq, burun, boğaz və baş boyun cərrahı Anar Əsgərov mövzu ilə bağlı təqdimatla çıxış edib. Təqdimatda yuxarı tənəffüs yolları, qrip və soyuqdəymənin fərqli simptomları, qrip və yuxarı tənəffüs yollarının kəskin respirator xəstəlikləri zamanı müalicə və qorunma yolları, sonrakı fəsadlaşmalar, nazofaringit, tonzillofaringit, kəskin bakterial rinosinusit, kəskin orta otitin əlamətləri, müayinə və müalicələri barədə məlumat verib.xeber100.com

Karolina Universitetinin məlumatına əsasən…

Uşaqların beyni üçün balığın tərkibində fosforun faydası hamıya məlumdur. Lakin ABŞ-ın Şimali Karolina Universitetinin alimləri müəyyən ediblər ki, beyinə birbaşa təsir edən balığın tərkibindəki Omega-3 yağ turşusu, daha dəqiq dokozageksaen turşusudur. Dokozageksaen Omega-3-ün tərkibində olan iki yağ turşusundan biridir ki, sinir hüceyrələrinin membranı 20 faizini bu maddə təşkil edir.Turşular sinir hüceyrələri arasında məlumatın ötürülməsində aparıcı rol oynayır ki, onların azlığı bu prosesin ləngiməsinə səbəb olur. “Arqumentı nedeli” saytı xəbər verir ki, 7-12 yaş arası uşaqlarda bu maddəni az qəbul etdikdə digərlərinə nisbətən dərslərində geriləmə müşahidə edilir. Məhz bu yaşlarda beyin strukturu yenidən biçimlənir. Bu baxımdan lazimi maddələrin qəbulu əqli fəaliyyətin düzgün inkişafı üçün çox vacibdir.xeber100.com

“İnkişafın dəstəklənməsi və izlənməsi rəhbərliyi” mövzusunda seminar keçirilib

Bakı şəhər Uşaq Bərpa Müalicə Mərkəzində həkim-pediatrlar üçün “İnkişafın dəstəklənməsi və izlənməsi rəhbərliyi” mövzusunda ikigünlük seminar keçirilib.İnstitutdan Azərtac-a bildirilib ki, UNICEF-in dəstəyi ilə təşkil olunan təlimdə inkişaf pediatriyası sahəsində mütəxəssis T.Seyidməmmədova paytaxtın və regionun müxtəlif tibb müəssisələrindən olan həkimlərinə uşaqların inkişaf və davranışına təsir edən tibbi, psixoloji və sosial amillər haqqında məlumat təqdim edib.xeber100.com