3 bal gücündə zəlzələ baş verib

Yanvarın 29-da Xəzər dənizində 3 bal gücündə zəlzələ baş verib.Azərbaycan Milli Elmlər Akademiyası nəzdində Respublika Seysmoloji Xidmət Mərkəzindən Azərtac-a bildirilib ki, yeraltı təkanlar yerli vaxtla saat 22.20-də qeydə alınıb.Ocağı 45 kilometr dərinlikdə yerləşən zəlzələ hiss olunmayıb.xeber100.com

Hidrometeorologiya Departamentindən xəbərdarlıq

Yanvarın 30-na gözlənilən hava proqnozu açıqlanıb.Ekologiya və Təbii Sərvətlər Nazirliyinin Milli Hidrometeorologiya Departamentindən Azərtac-a bildirilib ki, Bakıda və Abşeron yarımadasında hava şəraiti dəyişkən buludlu olacaq, arabir tutulacaq, gecə və axşam bəzi yerlərdə yağış, sulu qar yağacaq. Mülayim şimal-qərb küləyi əsəcək. Havanın temperaturunun gecə 0-3° şaxta, gündüz 1-5° isti olacağı gözlənilir.Gecə və səhər yolların buz bağlama ehtimalı var.Naxçıvan Muxtar Respublikasında bəzi yerlərdə qar yağacaq, duman olacaq. Qərb küləyi əsəcək. Temperatur gecə 7-12° şaxta, bəzi yerlərdə 17°-dək şaxta, gündüz 0-5° şaxta təşkil edəcək. Yollar buz bağlayacaq.Yuxarı Qarabağ: Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, həmçinin Daşkəsən-Gədəbəy rayonlarında hava əsasən yağmursuz keçəcək. Lakin gecə və axşam bəzi yerlərdə yağıntı olacağı, qar yağacağı gözlənilir. Ayrı-ayrı yerlərdə duman olacaq, qərb küləyi əsəcək. Temperaturun gecə 7-12° şaxta, gündüz 1-6° şaxta olacağı gözlənilir. Yollar buz bağlayacaq.Qazax, Gəncə, Goranboy, Tərtər, Ağdam, Füzuli, Cəbrayıl rayonlarında gecə və axşam bəzi yerlərdə yağıntılı olacağı, qar yağacağı gözlənilir. Gündüz əsasən yağmursuz keçəcək. Ayrı-ayrı yerlərdə duman olacaq, qərb küləyi əsəcək. Temperatur gecə 0-5° şaxta, gündüz 0-4° isti təşkil edəcək. Yollar buz bağlayacaq.Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz, Qusar rayonlarında bəzi yerlərdə yağıntı olacağı, qar yağacağı gözlənilir. Ayrı-ayrı yerlərdə duman olacaq, qərb küləyi əsəcək. Temperaturun gecə 3-8° şaxta, gündüz 3° şaxtadan 2°-dək isti, dağlarda gecə 12-17° şaxta, yüksək dağlıq ərazilərdə 15-20° şaxta, gündüz 3-8° şaxta olacağı gözlənilir. Yollar buz bağlayacaq.Mərkəzi-Aran: Mingəçevir, Yevlax, Göyçay, Ağdaş, Kürdəmir, İmişli, Ağcabədi, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında hava əsasən yağmursuz olacaq. Bəzi yerlərdə duman, çiskin müşahidə ediləcək, qərb küləyi əsəcək. Temperatur gecə 0-5° şaxta, gündüz 0-5° isti təşkil edəcək. Yollar buz bağlayacaq.Masallı, Yardımlı, Lerik, Lənkəran, Astara rayonlarında bəzi yerlərdə yağıntı olacağı, dağlıq ərazilərdə qar yağacağı gözlənilir. Dağlarda duman olacaq, şərq küləyi əsəcək. Havanın temperaturu gecə 0-2° isti, gündüz 3-5° isti, dağlarda gecə 5-10° şaxta, gündüz 3° şaxtadan 2°-dək isti olacağı gözlənilir. Yollar buz bağlayacaq.xeber100.com

Yanvarın 29-na gözlənilən hava proqnozu açıqlanıb

Azərbaycanda yanvarın 29-na gözlənilən hava proqnozu açıqlanıb.Ekologiya və Təbii Sərvətlər Nazirliyinin Milli Hidrometeorologiya Departamentindən Azərtac-a verilən məlumata görə, Bakıda və Abşeron yarımadasında havanın arabir yağıntılı olacağı, qar yağacağı gözlənilir. Mülayim şimal-qərb küləyi əsəcək.Havanın temperaturunun gecə 0-3° şaxta, gündüz 1-4° isti olacağı gözlənilir. Gecə və səhər yolların buz bağlama ehtimalı var.Atmosfer təzyiqi 765 mm civə sütunundan 768 mm civə sütununa yüksələcək, nisbi rütubət 85-95 faiz təşkil edəcək.Naxçıvan Muxtar Respublikasında arabir qar yağacağı gözlənilir. Bəzi yerlərdə intensiv olacağı ehtimalı var. Ayrı-ayrı yerlərdə duman olacaq. Qərb küləyi əsəcək.Havanın temperaturunun gecə 7-12° şaxta, bəzi yerlərdə 15-18° şaxta, gündüz 0-5° şaxta olacağı gözlənilir. Yolların buz bağlama ehtimalı var.Yuxarı Qarabağ: Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, həmçinin Daşkəsən-Gədəbəy rayonlarında arabir qar yağacağı gözlənilir. Bəzi yerlərdə intensiv olacağı ehtimalı var. Ayrı-ayrı yerlərdə duman olacaq. Qərb küləyi ayrı-ayrı yerlərdə arabir güclənəcək.Havanın temperaturunun gecə 8-13° şaxta, gündüz 0-5° şaxta olacağı gözlənilir. Yolların buz bağlama ehtimalı var.Qazax, Gəncə, Goranboy, Tərtər, Ağdam, Füzuli, Cəbrayıl rayonlarında havanın arabir yağıntılı olacağı, qar yağacağı gözlənilir. Bəzi yerlərdə intensiv olacağı ehtimalı var. Gündüz yağıntıda fasilə olacaq. Ayrı-ayrı yerlərdə duman olacaq. Qərb küləyi ayrı-ayrı yerlərdə arabir güclənəcək.Havanın temperaturunun gecə 1-6° şaxta, gündüz 1° şaxtadan 4°-dək isti olacağı gözlənilir. Yolların buz bağlama ehtimalı var.Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz, Qusar rayonlarında arabir qar yağacağı gözlənilir. Bəzi yerlərdə intensiv olacağı ehtimalı var. Ayrı-ayrı yerlərdə duman olacaq. Qərb küləyi ayrı-ayrı yerlərdə arabir güclənəcək.Havanın temperaturunun gecə 3-8° şaxta, gündüz 3° şaxtadan 2°-dək isti, dağlarda gecə 10-15° şaxta, gündüz 2-7° şaxta olacağı gözlənilir. Yolların buz bağlama ehtimalı var.Mərkəzi-Aran: Mingəçevir, Yevlax, Göyçay, Ağdaş, Kürdəmir, İmişli, Ağcabədi, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında havanın arabir yağıntılı olacağı, qar yağacağı gözlənilir. Gündüz yağıntıda fasilə olacaq. Gecə və səhər bəzi yerlərdə duman olacaq. Qərb küləyi ayrı-ayrı yerlərdə arabir güclənəcək.Havanın temperaturunun gecə 0-5° şaxta, gündüz 2-6° isti olacağı gözlənilir. Yolların buz bağlama ehtimalı var.Masallı, Yardımlı, Lerik, Lənkəran, Astara rayonlarında havanın arabir yağıntılı olacağı, qar yağacağı gözlənilir. Bəzi yerlərdə intensiv olacağı ehtimalı var. Səhər dağlarda duman olacaq. Şimal-şərq küləyi əsəcək.Havanın temperaturunun gecə 0-3°şaxta, gündüz 4-6° isti, dağlarda gecə 5-10° şaxta, gündüz 0-5° şaxta olacağı gözlənilir. Yolların buz bağlama ehtimalı var.xeber100.com

Prinston Universitetinin alimlərinin təhlili…

ABŞ-ın Prinston Universitetinin alimləri iqlim dəyişməsinin planetimizdə mülayim isti havanın olduğu günlərin tezliyinə və paylanmasına necə təsir göstərdiyini ilk dəfə qlobal şəkildə təhlil ediblər.“gismeteo.ru” saytı xəbər verir ki, tədqiqatçılar aşağıdakı parametrlərin - Selsi ilə 18-30 dərəcə istinin, 1 millimetrdən az yağıntının cəminin və Selsi ilə 20 dərəcədən aşağı şeh nöqtəsinin qiymətinin məcmusunu isti hava kimi götürüblər.İldə 74 günə bərabər olan cari qlobal orta göstərici sonrakı 20 il ərzində 4 gün, əsrin sonu üçün isə 6 gün azalacaq. Lakin orta enliklərdə - ABŞ-ın şimal və dağlıq hissələrində, Britaniya adaları və Şimali Avropada, Asiyanın şimal-şərqində, həmçinin Cənubi Amerika və Okeaniyanın cənubunda yaşayan əhali xüsusən bahar, yay və payızda isti hava şəraitinin 10-15 gün çoxaldığını müşahidə edəcəklər.İsti günlərin sayı tropik regionlarda daha çox azalacaq.xeber100.com

Ehtiyat fondundan 4 mln. manat ayrılıb

Ölkə başçısının sərəncamına əsasən ayrılan vəsait hesabına Cəbrayıl rayonunun Cocuq Mərcanlı qəsəbəsində ilkin mərhələdə 50 ev, məktəb, tibb məntəqəsi və digər sosial obyektlər tikiləcək.Azərtac xəbər verir ki, bunu Əmək və əhalinin sosial müdafiəsi naziri S.Müslümov jurnalistlərə müsahibəsində bildirib: "Vətəndaşlarımız öz yerlərinə qayıdacaqlar, yaşamağa və işləməyə başlayacaqlar. Bu gün onların hər hansı sosial təminat elementləri ilə təmin olunmasında heç bir problem yoxdur. Əsas məsələ məşğulluq və sosial sığorta məsələləridir".Xatırladaq ki, Cəbrayıl rayonunun 1994-cü ildə işğaldan azad edilmiş Cocuq Mərcanlı kəndinin bərpası ilə bağlı görüləcək işlər üçün 2017-ci il dövlət büdcəsində nəzərdə tutulmuş Azərbaycan Prezidentinin ehtiyat fondundan ilkin olaraq 4 mln. manat ayrılıb.xeber100.com

ANAMA-nın məlumatına görə…

Azərbaycan Respublikası Ərazilərinin Minalardan Təmizlənməsi üzrə Milli Agentliyin mütəxəssisləri (ANAMA) Fövqəladə Hallar Nazirliyinin Böhran Vəziyyətlərində İdarəetmə Mərkəzinin və Daxili İşlər Nazirliyinin “102” xidməti-zəng mərkəzi sisteminin məlumatlarına əsasən, Beyləqan rayonunun Haramı düzü adlanan ərazisində əkin sahəsində bir partlamamış hərbi sursat - 125 millimetrlik tank mərmisi “OF-26” aşkar ediblər. Həmin sursat zərərsizləşdirilməsi üçün götürülüb və iki yüz kvadratmetr ərazi yoxlanılıb.ANAMA-dan Azərtac-a bildiriblər ki, bu il yanvarın 1-dən 27-dək, ümumilikdə, agentlik tərəfindən Ağdam, Ağstafa, Füzuli, Şamaxı, Xızı, Beyləqan rayonları, Lənkəran və Gəncə şəhərlərində üç otlaq sahəsinə, bir əkin sahəsinə, bir hərbi hissənin yaxınlığına, su arxına, dəniz və yol kənarına, avtobaza ərazisinə, körpü ərazisinə baxış keçirilib. Baxış zamanı 1514 partlamamış hərbi sursat, 33 tank əleyhinə və iki piyada əleyhinə mina aşkar olunaraq zərərsizləşdirilib. Ümumilikdə 17 min 450 kvadratmetr ərazi yoxlanılıb.

Hidrometeorologiya Departamenti xəbərdarlıq edir

Sinoptiklər soyuq hava şəraitinin əlverişsiz olması ilə bağlı xəbərdarlıq edib.Ekologiya və Təbii Sərvətlər Nazirliyinin Milli Hidrometeorologiya Departamentindən Azərtac-a bildirilib ki, yanvarın 28-də Abşeron yarımadasında arabir güclənən xəzri küləyi və yağıntılı hava şəraiti fonunda soyuq diskomfortlu hava əksər insanlar üçün çox əlverişsizdir.xeber100.com

“Ekologiya ayı” çərçivəsində…

“Təmiz Şəhər” ASC tullantıların idarə olunması istiqamətində maarifləndirici layihələrin, aksiyaların keçirilməsini davam etdirir.Bakı şəhərinin müxtəlif məktəblərində elan edilən “Ekologiya ayı” çərçivəsində “Təmiz Şəhər” Bərk Məişət Tullantılarının Çeşidlənməsi və Bərk Məişət Tullantılarının Yandırılması zavodlarına tur təşkil edib.Qurumdan Azərtac-a bildirilib ki, zavodlara növbəti tur yanvarın 26-da paytaxtın 6 və 297 saylı orta məktəblərin şagirdlərinin iştirakı ilə keçirilib.Turda iştirak edən IV, V və VIII sinif şagirdləri zavodlarda iş prosesi ilə yaxından tanış olub, onlara müəssisələrin fəaliyyəti barədə ətraflı məlumat verilib. Bildirilib ki, Bakı şəhəri üzrə toplanan bərk məişət tullantılarının bir hissəsi Tullantıların Çeşidlənməsi Zavoduna təhvil verilir. Burada çeşidlənən tullantıların tərkibindəki təkrar emala yararlı metal, şüşə, plastik, kağız və s. materiallar ümumi kütlədən ayrılır və xammal kimi təkrar emal zavodlarına göndərilir.xeber100.com

Hava şəraitinin dəyişəcəyi ilə bağlı xəbərdarlıq

Sinoptiklər hava şəraitinin dəyişəcəyi ilə bağlı xəbərdarlıq edib.Ekologiya və Təbii Sərvətlər Nazirliyinin Milli Hidrometeorologiya Departamentindən Azərtac-a bildirilib ki, yanvarın 27-si gündüzdən ayın sonunadək Bakıda və Abşeron yarımadasında hava şəraitinin dəyişəcəyi, qeyri-sabit keçəcəyi, şimal-qərb küləyinin arabir güclənəcəyi gözlənilir. Arabir yağış yağacaq, bəzi yerlərdə sulu qara, qara keçəcək. Havanın temperaturu ötən günlərlə müqayisədə tədricən 3-5° aşağı enəcək.Yanvarın 27-də Abşeron yarımadasında gündüz güclü xəzri küləyi əsəcək ki, bu da meteohəssas insanlar üçün əlverişsizdir.Sabahdan etibarən ayın sonunadək şimal və qərb rayonlarından başlayaraq ölkə ərazisində hava şəraitinin qeyri-sabit keçəcəyi, yağış, sulu qar, qar yağacağı gözlənilir. Bəzi yerlərdə intensiv olacağı ehtimalı var. Qərb küləyi arabir ayrı-ayrı yerlərdə arabir güclənəcək. Havanın temperaturu tədricən 4-7° aşağı enəcək. Yolların buz bağlama ehtimalı var.xeber100.com

ANAMA-nın məlumatına görə…

Azərbaycan Respublikası Ərazilərinin Minalardan Təmizlənməsi üzrə Milli Agentliyin mütəxəssisləri (ANAMA) Fövqəladə Hallar Nazirliyinin Böhran Vəziyyətlərində İdarəetmə Mərkəzinə daxil olan məlumat əsasında Ağdam rayonunun Kiçikli kəndində su arxında bir partlamamış hərbi sursat (122 millimetrlik “OF-462” top mərmisi) aşkar ediblər. Həmin sursat zərərsizləşdirilməsi üçün götürülüb. Ümumilikdə 500 kvadratmetr ərazi yoxlanılıb.ANAMA-dan Azərtac-a bildiriblər ki, yanvarın 1-dən 23-dək agentlik tərəfindən Ağdam, Füzuli, Şamaxı, Xızı rayonlarında, Lənkəran və Gəncə şəhərlərində bir otlaq sahəsinə, bir hərbi hissənin yaxınlığına, su arxına, dəniz və yol kənarına, avtobaza ərazisinə baxış keçirilib. Baxış zamanı 1237 partlamamış hərbi sursat, 10 tank əleyhinə mina aşkar olunaraq zərərsizləşdirilib. Yoxlanılan ərazi 13 min 10 kvadratmetr təşkil edib.xeber100.com