“Dövlət bayrağı suverenliyin rəmzidir” mövzusunda tədbir keçirilib

Fövqəladə Hallar Nazirliyinin (FHN) Akademiyasında 9 noyabr – Dövlət Bayrağı Günü münasibətilə “Azərbaycan Respublikasının dövlət bayrağı Azərbaycan dövlətinin suverenliyinin rəmzidir” mövzusunda tədbir keçirilib. FHN-in mətbuat xidmətindən Azərtac-a bildiriblər ki, tədbir iştirakçıları əvvəlcə ulu öndər Heydər Əliyevin Akademiyanın həyətində ucaldılmış abidəsi önünə gül dəstələri qoyaraq, dahi şəxsiyyətin əziz xatirəsini ehtiramla yad ediblər.

“Qarabağ uğrunda döyüşlərin qəhrəmanlarını tanıyaq və tanıdaq”…

Azərbaycan Respublikası Müharibə, Əmək və Silahlı Qüvvələr Veteranları Təşkilatının Prezident yanında Qeyri-Hökumət Təşkilatlarına Dövlət Dəstəyi Şurasının yardımı ilə icra etdiyi “Qarabağ uğrunda döyüşlərin qəhrəmanlarını tanıyaq və tanıdaq” layihəsi çərçivəsində noyabrın 8-də seminar–müşavirə keçirilib. Azərtac xəbər verir ki, Respublika Veteranlar Təşkilatının binasında keçirilən tədbirdə çıxış edən bu qurumun sədr müavini Cəlil Xəlilov layihənin məqsədindən, icrası istiqamətində görülən işlərdən danışıb. Bildirib ki, tədbir Qarabağ uğrunda müharibədə şücaət göstərərək “Azərbaycanın Milli Qəhrəmanı” adına layiq görülmüş, eyni zamanda, bu ilin aprelində şəhid olan hərbçilərimizin həyatından və döyüş yolundan bəhs edir. Diqqətə çatdırılıb ki, layihə gənclərimizə xalqımızın qəhrəmanlıq tarixində mühüm xidmətləri olan şəxslərin şərəfli həyat yolunun daha yaxından tanıdılması, xalqa, dövlətə sədaqət, tariximizə hörmət ruhunun aşılanması, onların arasında vətənpərvərlik ruhunun gücləndirilməsi, milli mənəvi dəyərlərimizin, dövlətçilik ənənələrimizin təbliği istiqamətində dövlət orqanlarının işinə dəstək verilməsini nəzərdə tutur.xeber100.com

Ekologiya və Təbii Sərvətlər Nazirliyinin məlumatı…

Azərbaycanda noyabrın 8-nə gözlənilən hava proqnozu açıqlanıb. Ekologiya və Təbii Sərvətlər Nazirliyinin Milli Hidrometeorologiya Departamentindən Azərtac-a verilən məlumata görə, Bakıda və Abşeron yarımadasında hava dəyişkən buludlu, əsasən yağmursuz olacaq. Mülayim cənub küləyi əsəcək. Havanın temperaturunun gecə 9-11° isti, gündüz 13-17° isti olacağı gözlənilir. Naxçıvan Muxtar Respublikasında hava əsasən yağmursuz keçəcək. Cənub küləyi arabir güclənəcək. Havanın temperaturunun gecə 0-5° isti, dağlıq ərazilərdə 1-5° şaxta, gündüz 15-20° isti olacağı gözlənilir. Yuxarı Qarabağ: Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, həmçinin Daşkəsən-Gədəbəy rayonlarında hava əsasən yağmursuz keçəcək. Gecə və səhər bəzi yerlərdə duman olacaq. Cənub küləyi arabir güclənəcək. Havanın temperaturu gecə 0-5° isti, gündüz 9-14° isti təşkil edəcək. Qazax, Gəncə, Goranboy, Tərtər, Ağdam, Füzuli və Cəbrayıl rayonlarında hava əsasən yağmursuz keçəcək. Gecə və səhər bəzi yerlərdə duman olacaq. Cənub küləyi arabir güclənəcək. Havanın temperaturunun gecə 5-9° isti, gündüz 13-18° isti olacağı gözlənilir. Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz və Qusar rayonlarında hava əsasən yağmursuz keçəcək. Gecə və səhər bəzi yerlərdə duman olacaq. Cənub küləyi arabir güclənəcək. Havanın temperaturu gecə 3-8° isti, gündüz 11-16° isti, dağlarda gecə 2° şaxtadan 3°-dək isti, gündüz 6-11° isti təşkil edəcək. Mərkəzi Aran: Mingəçevir, Yevlax, Göyçay, Ağdaş, Kürdəmir, İmişli, Ağcabədi, Beyləqan, Sabirabad, Biləsuvar, Saatlı, Şirvan, Hacıqabul, Salyan və Neftçala rayonlarında hava əsasən yağmursuz keçəcək. Gecə və səhər bəzi yerlərdə duman olacaq. Cənub küləyi arabir güclənəcək. Havanın temperaturunun gecə 5-10° isti, gündüz 14-19° isti olacağı gözlənilir. Masallı, Yardımlı, Lerik, Lənkəran və Astara rayonlarında hava əsasən yağmursuz keçəcək. Səhər dağlarda duman olacaq. Cənub küləyi əsəcək. Havanın temperaturu gecə 8-11° isti, gündüz 14-18° isti, dağlarda gecə 1-6° isti, gündüz 9-14° isti təşkil edəcək.xeber100.com

“Çağrı mərkəzləri”nə ümumilikdə 20 331 müraciət daxil olub

Cari ilin oktyabr ayında Əmək və Əhalinin Sosial Müdafiəsi Nazirliyinin 142 və 190 - “Çağrı mərkəzləri”nə ümumilikdə 20 331 müraciət daxil olub. Nazirliyin ictimaiyyətlə əlaqələr şöbəsindən Azərtac-a bildiriblər ki, müraciətlərin 19 584-ü və ya 96,3 faizi Əmək və Əhalinin Sosial Müdafiəsi Nazirliyinin fəaliyyət dairəsinə aid məsələlərlə əlaqədar sorğu xarakteri daşıyıb. Həmin sorğuların hər biri ilə əlaqədar vətəndaşlara nazirliyin aidiyyəti struktur bölmələrinin məsul şəxsləri tərəfindən dolğun hüquqi izahatlar verilib. Digər 747 müraciət isə baxılmaq üçün müraciət vərəqəsi əsasında nazirliyin müvafiq struktur bölmələrinə göndərilib, obyektiv şəkildə araşdırılaraq nəticəsinə uyğun tədbirlər görülüb. Ötən ay 142 və 190 - “Çağrı mərkəzləri”nə daxil olan müraciətlərin 29 faizi sosial təminat, 10,9 faizi əmək qanunvericiliyi, 20,6 faizi nazirliyin elektron xidmətlərindən istifadə, 5,3 faizi tibbi-sosial ekspertiza və əlilliyi olan şəxslərin reabilitasiyası məsələlərinə aid olub. Eləcə də müraciətlərin 6,9 faizi məşğulluğun təminatı, 3 faizi fərdi uçotun təşkili, 8,4 faizi pensiya və müavinətlər, 10,5 faizi məcburi dövlət sosial sığorta, 5,4 faizi avtomatlaşdırılmış pensiya təyinatı məsələlərini əhatə edib. Sosial təminat sahəsində elektron texnologiyalar üzərində vətəndaşlar üçün şəffaf, əlçatan xidmətlərin mövcud olması bu sahə ilə bağlı müraciətlərin sayının oktyabr ayında da 14,8 faiz azalması ilə müşahidə olunub. Eyni zamanda ötən ay müraciətlərin sayı nazirliyin elektron xidmətlərindən istifadə məsələləri ilə bağlı 31,1 faiz və avtomatlaşdırılmış pensiya təyinatı məsələləri ilə bağlı 49,8 faiz çoxalıb. Bu da nazirliyin fəaliyyət sahələri üzrə elektron xidmətlərə ictimai marağın artmaqda davam etdiyini göstərir.xeber100.com

Ekologiya və Təbii Sərvətlər Nazirliyinin məlumatı…

Azərbaycanda noyabrın 5-nə gözlənilən hava proqnozu açıqlanıb. Ekologiya və Təbii Sərvətlər Nazirliyinin Milli Hidrometeorologiya Departamentindən Azərtac-a verilən məlumata görə, Bakıda və Abşeron yarımadasında havanın dəyişkən buludlu olacağı, əsasən yağmursuz keçəcəyi gözlənilir. Səhər bəzi yerlərdə zəif duman olacaq. Axşam isə buludluluğun artacağı, gecəyə doğru yarımadanın bəzi yerlərində çiskinli yağış yağacağı ehtimalı var. Mülayim şimal-qərb küləyi arabir güclənəcək. Havanın temperaturu gecə 8-10° isti, gündüz 12-16° isti təşkil edəcək. Naxçıvan Muxtar Respublikasında hava yağmursuz keçəcək. Qərb küləyi əsəcək, arabir güclənəcək. Havanın temperaturunun gecə 3° şaxtadan 2°-dək isti, dağlıq ərazilərdə 7° şaxta, gündüz 12-17° isti olacağı gözlənilir. Yuxarı Qarabağ: Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, həmçinin Daşkəsən-Gədəbəy rayonlarında hava əsasən yağmursuz keçəcək. Gecə və səhər bəzi yerlərdə duman olacaq. Qərb küləyi əsəcək, ayrı-ayrı yerlərdə arabir güclənəcək. Havanın temperaturunun gecə 0-5° şaxta, gündüz 3-8° isti olacağı gözlənilir. Qazax, Gəncə, Goranboy, Tərtər, Ağdam, Füzuli, Cəbrayıl rayonlarında hava yağmursuz keçəcək. Səhər bəzi yerlərdə duman olacaq. Qərb küləyi əsəcək, ayrı-ayrı yerlərdə arabir güclənəcək. Havanın temperaturunun gecə 1-6° isti, gündüz 10-15° isti olacağı gözlənilir. Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz və Qusar rayonlarında hava əsasən yağmursuz keçəcək. Arabir duman olacaq. Lakin axşam bəzi yerlərdə yağış yağacağı ehtimalı var. Qərb küləyi əsəcək, ayrı-ayrı yerlərdə arabir güclənəcək. Havanın temperaturu gecə 2° şaxtadan 3°-dək isti, gündüz 6-11° isti, dağlarda gecə 2-6° şaxta, gündüz 2-6° isti təşkil edəcək. Mərkəzi Aran: Mingəçevir, Yevlax, Göyçay, Ağdaş, Kürdəmir, İmişli, Ağcabədi, Beyləqan, Sabirabad, Biləsuvar, Saatlı, Şirvan, Hacıqabul, Salyan və Neftçala rayonlarında hava əsasən yağmursuz keçəcək. Səhər bəzi yerlərdə duman, axşam isə şərq rayonlarında çiskin olacağı ehtimalı var. Qərb küləyi əsəcək, ayrı-ayrı yerlərdə arabir güclənəcək. Gecə 2-7° isti, gündüz 12-17° isti olacaq. Masallı, Yardımlı, Lerik, Lənkəran və Astara rayonlarında hava əsasən yağmursuz keçəcək. Səhər dağlarda duman olacaq. Lakin axşam bəzi yerlərdə yağış yağacağı ehtimalı var. Şərq küləyi əsəcək. Havanın temperaturunun gecə 5-7° isti, gündüz 11-15° isti, dağlarda gecə 2° şaxtadan 3°-dək isti, gündüz 5-10° isti olacağı gözlənilir.xeber100.com

Təhsil Nazirliyinin təşkilatçılığı ilə “Bayraq yürüşü” keçiriləcək

Noyabrın 5-də Təhsil Nazirliyinin təşkilatçılığı ilə “Bayraq yürüşü” keçiriləcək. 9 noyabr - Azərbaycan Respublikasının Dövlət Bayrağı Günü ilə əlaqədar keçirilən yürüşdə Təhsil Nazirliyinin, nazirliyin tabeliyindəki qurumların əməkdaşları, Milli Məclisin deputatları, ali təhsil müəssisələrinin rektorları, tanınmış ziyalılar, QHT-nin nümayəndələri, müəllim, tələbə və şagirdlər iştirak edəcəklər. Nazirlikdən Azərtac-a bildiriblər ki, yürüşün keçirilməsinin əsas məqsədi milli atributlarımızın təbliği, gənclərə vətənpərvərlik hisslərinin və milli-mənəvi dəyərlərin aşılanmasıdır.xeber100.com

“Schneider Electric” şirkəti seminar keçirib

Bakı Ali Neft Məktəbində (BANM) “Schneider Electric” şirkətinin mütəxəssisləri tərəfindən seminar keçirilib.BANM-dən Azərtac-a bildiriblər ki, SOCAR-ın proseslərin avtomatlaşdırılması məsələləri ilə məşğul olan struktur bölmələrinin əməkdaşları üçün təşkil olunan seminarda “Azneft” İstehsalat Birliyinin, “Neftqazelmitədqiqatlayihə” İnstitutunun, “Azərsu” Açıq Səhmdar Cəmiyyətinin və digər qurumların nümayəndələri, eləcə də bu ali məktəbin müəllimləri və tələbələri iştirak ediblər. BANM-in tədris, elm və beynəlxalq əlaqələr üzrə prorektoru Ramiz Hümbətov diqqətə çatdırıb ki, bu ali təhsil ocağında “Schneider Electric” şirkəti tərəfindən keçirilən seminarlar artıq ənənə halını alıb. Bu cür tədbirlərin tez-tez keçirilməsinin vacibliyini vurğulayan prorektor seminar iştirakçılarına uğurlar arzulayıb. Sonra şirkətin Rusiyadan dəvət olunmuş ekspertlərinin - MDB ölkələri üzrə proseslərin avtomatlaşdırılması marketinqi və biznesin inkişafı üzrə menecer Natalia Nelse, MDB ölkələri üzrə İD PAC məhsul meneceri Nikolay Sobol və baş texniki məsləhətçi Yuri Serebrennikovun mühazirələri dinlənilib, müzakirələr aparılıb. Tədbirdə, həmçinin “Telemetriya, məsafədən SCADA və simsiz sensorlar” və “Neft və qaz sənayesi üçün Modicon M580 kontrollerlərin yeni nəsli” mövzularında dinlənilən məruzələr maraqla qarşılanıb.xeber100.com

Hidrometeorologiya Departamenti xəbərdarlıq edir

Azərbaycanda noyabrın 2-nə gözlənilən hava proqnozu açıqlanıb. Ekologiya və Təbii Sərvətlər Nazirliyinin Milli Hidrometeorologiya Departamentindən Azərtac-a verilən məlumata görə, Bakıda və Abşeron yarımadasında arabir yağış yağacağı gözlənilir. Yarımadanın bəzi yerlərində yağışın intensiv olacağı ehtimalı var. Şimal-qərb küləyinin arabir güclənəcəyi gözlənilir. Havanın temperaturu gecə 6-8° isti, gündüz 8-10° isti təşkil edəcək. Noyabrın 2-də Abşeron yarımadasında yağıntılı və arabir güclənən külək meteohəssas insanlar üçün əsasən əlverişsiz olsa da, havanın oksigenlə zəngin və təmiz olması müsbət amildir. Noyabrın 3-də meteoroloji amillərin zəif və mülayim tərəddüdü meteohəssas insanlar üçün nisbətən əlverişlidir.Naxçıvan Muxtar Respublikasında arabir yağış yağacağı, sulu qara, qara keçəcəyi gözlənilir. Bəzi yerlərdə yağıntının intensiv olacağı ehtimalı var. Qərb küləyi ayrı-ayrı yerlərdə arabir güclənəcək. Gecə 2-6° isti, bəzi yerlərdə 4°-dək şaxta, gündüz 7-12° isti olacaq. Yuxarı Qarabağ: Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, həmçinin Daşkəsən-Gədəbəy rayonlarında arabir sulu qar, qar yağacağı gözlənilir. Bəzi yerlərdə yağıntının intensiv olacağı ehtimalı var. Səhər ayrı-ayrı yerlərdə duman olacaq. Qərb küləyi ayrı-ayrı yerlərdə arabir güclənəcək. Havanın temperaturu gecə 1-6° şaxta, gündüz 0-5° isti təşkil edəcək. Qazax, Gəncə, Goranboy, Tərtər, Ağdam, Füzuli və Cəbrayıl rayonlarında arabir yağış yağacağı gözlənilir. Bəzi yerlərdə yağışın intensiv olacağı, dağlıq ərazilərdə sulu qara keçəcəyi ehtimalı var. Səhər saatlarında duman olacaq. Qərb küləyi ayrı-ayrı yerlərdə arabir güclənəcək. Havanın temperaturu gecə 1-6° isti, gündüz 6-10° isti olacaq. Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz və Qusar rayonlarında arabir yağış, bəzi yerlərdə sulu qar, qar yağacağı gözlənilir. Yağıntının intensiv olacağı ehtimalı var. Səhər ayrı-ayrı yerlərdə duman olacaq. Qərb küləyi ayrı-ayrı yerlərdə arabir güclənəcək. Havanın temperaturunun gecə 2° şaxtadan 3°-dək isti, gündüz 4-7° isti, dağlarda gecə 3-6° şaxta, gündüz 3° şaxtadan 2°-dək isti olacağı gözlənilir. Mərkəzi Aran: Mingəçevir, Yevlax, Göyçay, Ağdaş, Kürdəmir, İmişli, Ağcabədi, Beyləqan, Sabirabad, Biləsuvar, Saatlı, Şirvan, Hacıqabul, Salyan və Neftçala rayonlarında havanın arabir yağıntılı olacağı gözlənilir. Bəzi yerlərdə yağıntının intensiv olacağı ehtimalı var. Qərb küləyi ayrı-ayrı yerlərdə arabir güclənəcək. Gecə 2-6° isti, gündüz 7-11°isti olacaq. Masallı, Yardımlı, Lerik, Lənkəran və Astara rayonlarında arabir yağış yağacağı gözlənilir. Bəzi yerlərdə yağışın intensiv olacağı, dağlıq ərazilərdə sulu qara, qara keçəcəyi ehtimalı var. Səhər dağlarda duman olacaq. Şimal-şərq küləyi ayrı-ayrı yerlərdə arabir güclənəcək. Havanın temperaturu gecə 6-8° isti, gündüz 8-12° isti, dağlarda gecə 2° şaxtadan 3°-dək isti, gündüz 3-6° isti təşkil edəcək.xeber100.com

Əmək və Əhalinin Sosial Müdafiəsi Nazirliyinin məlumatı…

Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun İnsan Alveri Qurbanlarına Yardım Mərkəzi tərəfindən cari ildə 70 şəxs ehtiyac duyduqları yardımlarla təmin olunub. Nazirliyin ictimaiyyətlə əlaqələr şöbəsindən Azərtac-a bildirilib ki, onlardan 50 nəfərini Daxili İşlər Nazirliyinin İnsan Alverinə qarşı Mübarizə Baş İdarəsi tərəfindən yönləndirilmiş insan alveri qurbanları, 20 nəfərini isə qeyri-hökumət təşkilatları tərəfindən yönləndirilmiş insan alverinin qurbanına çevrilmək təhlükəsi olan insanlar təşkil edib. Bu şəxslər mərkəzin xidmətləri ilə əhatə olunub və onlardan bir çoxuna ehtiyacları nəzərə alınmaqla eyni vaxtda bir neçə növdə yardımlar göstərilib. Ümumilikdə 30 nəfərə hüquqi, 36 nəfərə psixoloji, 13 nəfərə tibbi yardım göstərilməsi təmin edilib, 31 nəfərin məşğulluğuna, 15 nəfərin peşə hazırlığına cəlb olunmasına müvafiq kömək göstərilib. Bu insanların əksəriyyətinin sosial reabilitasiyasına nail olunub, eləcə də insan alverinin qurbanına çevrilmək təhlükəsi aradan qaldırılıb. İnsan alveri qurbanlarının və insan alverinin qurbanına çevrilmək təhlükəsi ilə üzləşmiş şəxslərin bir hissəsi ilə işlər isə davam etdirilir.xeber100.com

Strateji planın imzalandığı gün…

Beynəlxalq Qara Dəniz Günü 1996-cı ildə altı Qara dəniz ölkəsi – Bolqarıstan, Rumıniya, Türkiyə, Gürcüstan, Rusiya və Ukrayna tərəfindən bu dənizin bərpasına və mühafizəsinə dair Strateji planın imzalandığı günün şərəfinə hər il oktyabrın 31-də qeyd olunur. Qara dəniz mühitinin hərtərəfli tədqiqi göstərib ki, bu dənizin həyat qabiliyyəti əvvəlki otuz illə müqayisədə xeyli pisləşib. Günün təsis edilməsi dünya birliyinin diqqətini kvotadan artıq balıq ovlanmasının, suyun çirklənməsinin və qlobal istiləşmənin dənizə bərpa edilə bilməyən ziyan vurduğuna cəlb etmək məqsədi daşıyır. Azərtac xəbər verir ki, həmin gün iştirakçı ölkələrdə Qara dənizin problemlərinə və onun unikal ekoloji sisteminin qorunub saxlanmasına həsr olunmuş tədbirlər – konfranslar, “dəyirmi masa”lar, sərgilər, müxtəlif videonümayişlər, müsabiqələr, viktorinalar keçirilir. Qeyd edək ki, Qara dənizin ən dərin yeri 2210 metr, orta dərinliyi 1240 metrdir. Dunay, Dnepr, Dnestr kimi iri çaylar axıb Qara dənizə tökülür. Dənizin bitki aləminə 270 növ çoxhüceyrəli yaşıl, qonur, qırmızı yosun daxildir. Fitoplankton azı 600 növü əhatə edir. Burada 2500-dən çox dəniz heyvanı növü məskunlaşıb.xeber100.com