Ekologiya və Təbii Sərvətlər Nazirliyinin məlumatına görə…

Avqustun 8-də Bakı və Abşeron yarımadasında hava şəraiti yağmursuz keçəcək, şimal-şərq, şərq küləyi əsəcək. Ekologiya və Təbii Sərvətlər Nazirliyinin mətbuat xidmətindən Apa-ya verilən məlumata görə, havanın temperaturu yarımadada gecə 22-25, gündüz 34-38, Bakıda gecə 23-25, gündüz 36-38 dərəcə isti olacağı gözlənilir. Atmosfer təzyiqi 757 mm civə sütunu, nisbi rütubət gecə 50-60%, gündüz 20-30% təşkil edəcək. Abşeron çimərliklərində dəniz suyunun temperaturu Sumqayıt, Novxanı, Pirşağı, Nardaran, Bilgəh, Zaqulbada 24-25, Buzovna, Mərdəkan, Şüvəlanda 25-26, Türkan, Hövsan, Sahil, Şıxda 27-28 dərəcə isti olacağı gözlənilir. Azərbaycanın rayonlarında hava yağmursuz keçəcək, şərq küləyi əsəcək. Havanın temperaturu gecə 20-25, gündüz 35-40, bəzi yerlərdə 42 dərəcə, dağlarda gecə 15-20, gündüz 27-32 dərəcə isti olacağı gözlənilir.xeber100.com

“Etik kadrlar” sosial çarx müsabiqəsinə start verilib

Prezident yanında Gənclər Fondunun maliyyə, Azərbaycan Tələbə Gənclər Təşkilatları İttifaqının təşkilati dəstəyi ilə “Etik kadrlar” sosial çarx müsabiqəsinə start verilib. Fonddan Azərtac-a bildiriblər ki, layihənin məqsədi gənclər arasında ictimai davranış qaydalarının təbliği, onların maarifləndirilməsi və gənc istedadların üzə çıxarılmasıdır. Müsabiqə üçün hazırlanan sosial çarxlarda ictimai davranış qaydalarında mövcud problemlər gənclərin gözü ilə təqdim olunacaq və onların aradan qaldırılması yolları araşdırılacaq. Ekspertlər tərəfindən seçiləcək ən yaxşı üç sosial çarxın sahibləri diplomla təltif olunacaq.xeber100.com

Hidrometeorologiya Departamenti xəbərdarlıq edir

Azərbaycanda isti hava şəraiti ilə bağlı növbəti xəbərdarlıq edilib. Ekologiya və Təbii Sərvətlər Nazirliyinin Milli Hidrometeorologiya Departamentindən Apa-ya verilən xəbərə görə, avqust ayının birinci ongünlüyündə isti hava şəraiti davam edəcək. Havanın maksimal temperaturu Bakıda və Abşeron yarımadasında 34-39 dərəcə  isti olacağı gözlənilir. Avqust ayının birinci ongünlüyündə ölkə ərazisində isti hava şəraiti davam edəcək. Havanın maksimal temperaturu 35-40 dərəcə, Naxçıvan MR-da və Mərkəzi-Aran rayonlarının bəzi yerlərində 42 dərəcə isti olacağı gözlənilir.xeber100.com

Qlobal iqlim dəyişikliyi…

Təbii mövsüm dəyişikliyi təhlükə altındadır. Qlobal iqlim dəyişikliyi artıq o qədər ciddidir ki, alimlər fəsillərin dəyişməsinin təbii və normal olmadığını proqnozlaşdırırlar. ecoportal.ru saytının verdiyi xəbərə görə, bu barədə kanadalı alimlər Robert Skraybler və Polo Bekvit bildiriblər. Onların məlumatına görə, Şimal yarımkürəsi artıq ekvatordan kənara çıxır. Bu isə gələcəkdə yay və qışın yerini dəyişməsinə gətirib çıxaracaq. Məhz iki okean cərəyanı arasındakı baryeri qış və yay arasında olan dəqiq fərq tənzimləyir. Bu tarazlığın pozulması təbii fəlakətlərə, o cümlədən ərzaq böhranına səbəb olacaq.xeber100.com

Metropolitendə təcrübə kursları başlayıb

“Bakı Metropoliteni” QSC-nin təlim-tədris mərkəzində ölkənin ali təhsil müəssisələrinin savadlı, bacarıqlı və hazırlıqlı tələbələrindən ibarət SABAH qrupu iştirakçılarının metropolitendə təcrübə kurslarına başlanılıb. QSC-nin mətbuat xidmətindən Azərtac-a bildirilib ki, məqsəd tələbələrin fərdi və peşəkar inkişafına dəstək olmaq, həmçinin akademik və iş mühitləri arasında əlaqələri möhkəmlətmək üçün “Bakı Metropoliteni” QSC-nin müvafiq struktur bölmələrində onların yiyələnəcəkləri ixtisaslar üzrə təcrübə toplamasıdır. Layihəyə uyğun olaraq, metropolitenin müvafiq struktur bölmələrində Azərbaycan Dövlət İqtisad Universiteti, Azərbaycan Dövlət Neft və Sənaye Universiteti, Azərbaycan Texniki Universiteti və Azərbaycan Memarlıq və İnşaat Universitetinin SABAH qrupuna daxil olan tələbələrinə ixtisasları üzrə müvafiq sahələrdə təcrübə toplaması üçün bütün şərait yaradılıb. Təcrübə bir ay müddətində davam edəcək. Kursun sonunda iştirakçılara “Bakı Metropoliteni” QSC-də təcrübə keçmələrinə dair xasiyyətnamə təqdim olunacaq ki, bu da metropolitendə çalışmaq arzusunda olan gənclərə verilən növbəti dəstəkdir. Ümumiyyətlə, “Bakı Metropoliteni” QSC artıq iki ildir ki, ölkənin aparıcı ali təhsil ocaqları ilə qarşılıqlı razılaşma əsasında əhəmiyyətli tədbirlər həyata keçirir. Hazırda “Bakı Metropoliteni” QSC ilə Azərbaycan Texniki Universiteti, Azərbaycan Dövlət Neft və Sənaye Universiteti, Azərbaycan Memarlıq və İnşaat Universiteti arasında qarşılıqlı əməkdaşlıq müqavilələri mövcuddur.xeber100.com

Azəravtoyol” ASC-nin məlumatına əsasən…

Bakı şəhərində avtonəqliyyat vasitələrinin hərəkətinin tənzimlənməsi məqsədi ilə yol cizgi və yol göstərici xətlərinin, həmçinin, piyada keçidlərinin (zolaqların) yenidən rənglənməsi işləri davam etdirilir. “Azəravtoyol” ASC-dən verilən məlumata görə, axşam saat 22:00-dan etibarən səhər saatlarına qədər, Neftçilər prospektinin, Azneft dairəsindən Bakı Dəniz Vağzalının qarşısına qədər olan hissəsində yol cizgi və yol göstərici xətlərinin rənglənməsi işləri aparılacaq. Bununla əlaqədar olaraq sözügedən prospektdə avtonəqliyyat vasitələrinin hərəkəti məhdudlaşdırılacaq.Baş verə biləcək narahatlığa görə vətəndaşlardan üzr istəyirik və sürücülərdən hərəkət istiqamətlərinə uyğun olaraq öncədən alternativ yollar seçməklərini tövsiyyə edirik.xeber100.com

Əmək və Əhalinin Sosial Müdafiəsi Nazirliyinin məlumatına görə…

Əmək və Əhalinin Sosial Müdafiəsi Nazirliyinin Protez-Ortopedik Bərpa Mərkəzi, onun Gəncə şəhərindəki filialı və Naxçıvan istehsalat sahəsi tərəfindən cari ilin yanvar-iyul aylarında əlilliyi olan 8 min 379 şəxsə protez-ortopedik bərpa xidmətləri göstərilib. Həmin şəxslərdən 987 nəfərini ölkəmizin ərazi bütövlüyünün, müstəqilliyinin və konstitusiya quruluşunun müdafiəsi ilə əlaqədar əlil olmuş şəxslər təşkil edib. Bu barədə Azərtac-a nazirliyin ictimaiyyətlə əlaqələr şöbəsindən məlumat verilib. Məlumata görə, bu dövrdə əlilliyi olan şəxslər ümumilikdə 20 min 501 protez-ortopedik məmulat və reabilitasiya vasitəsilə təmin ediliblər. Onlardan 1034 ədədi əlil arabası, 646 ədədi aşağı və yuxarı ətraf protezi, 781 ədədi aşağı və yuxarı ətraf ortezi, 1750 ədədi dirsəkaltı və qoltuqaltı ağac, 578 ədədi dördayaqlı dayaq vasitəsi, 489 ədədi bel və boyun nahiyəsi üçün korset olub. Həmçinin 386 ədəd eşitmə aparatı, 1675 ədəd əsa, 1967 cüt protez ayaqqabı, 2 min 602 cüt ortopedik ayaqqabı, 5 min 467 ədəd müxtəlif yardımçı reabilitasiya vasitəsi və s. onların istifadəsinə verilib. Bununla yanaşı, əlilliyi olan şəxslərə məxsus 557 ədəd reabilitasiya vasitəsi və protez-ortopedik məmulatın təmiri işləri aparılıb. Mərkəzin və onun Gəncə şəhərindəki filialının stasionar bölmələrində ötən yeddi ayda əlilliyi olan 431 şəxsə müvafiq xidmətlər göstərilib.xeber100.com

Sosial mənzil tikintisi ilə bağlı hazırlıq işləri aparılacaq

2016-ci ilin sonunadək Bakıda daşınmaz əmlak bazarında qiymətlərin ciddi dəyişikliyini gözləməyə dəyməz. Bunu MBA Qrup konsaltinq şirkətinin baş direktoru Nüsrət İbrahimov deyib. Onun sözlərinə görə, bu il daşınmaz əmlak bazarında qiymətlərin ciddi dəyişikliyi üçün zəmin yoxdur: “Lakin 2017-ci ildə bu sahədə həyata keçirilən tədbirlər nəticəsində müsbət dəyişikliklər gözləmək lazımdır. Xüsusilə ucuz mənzil seqmentində, daşınmaz əmlakın dəyərinə müsbət təsir göstərəcək sosial mənzil tikintisini nəzərdə tuturam”. Ekspertin fikrincə, 2016-ci ildə sosial mənzil tikintisi ilə bağlı hazırlıq işləri aparılacaq: “Bazarın monitorinqi aparılacaq, belə mənzillərin alınması, şərait və sair izah ediləcək, tikintinin özü isə bilavasitə gələn ilin əvvəlində başlayacaq”. Daşınmaz əmlak bazarında mövcud vəziyyətə gəlincə, MBA Qrupun başçısının sözlərinə görə, iyun ayında daşınmaz əmlakın dəyəri may ayı ilə müqayisədə orta hesabla 1,95 faiz azalıb: “Ən çox azalma əvvəlki aylarda olduğu kimi, kommersiya obyektləri bazarında – 4,55 faiz müşahidə olunub. Mənzillərin qiyməti ilkin bazarda 1,1 faiz , təkrar bazarda isə 2,72 faiz azalıb”. Trend-in məlumatına görə, ekspert yay fəslinin də qiymətələrə təsir göstərdiyini deyib: “Ənənəvi olaraq yay aylarında mənzil ucuzlaşır, çünki bu dövr “ölmüş mövsüm” sayılır. Belə ki, iyunda aktivlik 1,7 faiz azalıb. Daşınmaz əmlakın qiymətinin artması adətən martdan iyunadək, eləcə də payızda baş verir”.xeber100.com  

Milli Hidrometeorologiya Departamentinin məlumatı…

Sabah Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Ekologiya və Təbii Sərvətlər Nazirliyinin Milli Hidrometeorologiya Departamentindən APA-ya verilən xəbərə görə, səhər yarımadanın bəzi yerlərində qısamüddətli az yağış yağacağı ehtimalı var. Mülayim şimal-qərb küləyi əsəcək. Havanın temperaturunun gecə 20-23 dərəcə isti, gündüz 28-33 dərəcə isti, Bakıda gecə 21-23 dərəcə isti, gündüz 30-32 dərəcə isti olacağı gözlənilir. Atmosfer təzyiqi 759 mm civə sütunu, nisbi rütubət gecə 75-85 faiz, gündüz 60-70 faiz təşkil edəcək. Abşeron çimərliklərində dəniz suyunun temperaturunun Sumqayıt, Novxanı, Pirşağı, Nardaran, Bilgəh, Zaqulbada 21-22 dərəcə, Buzovna, Mərdəkan, Şüvəlanda 22-23 dərəcə, Türkan, Hövsan, Sahil, Şıxda 24-25 dərəcə isti olacağı gözlənilir. Avqustun 1-də Azərbaycanın rayonlarında bəzi yerlərdə şimşək çaxacağı, arabir yağış yağacağı, gündüz tədricən kəsiləcəyi gözlənilir. Qərb küləyi əsəcək. Havanın temperaturunun gecə 19-24 dərəcə isti, gündüz 30-35 dərəcə isti, dağlarda gecə 10-15 dərəcə isti, gündüz 18-23 dərəcə isti olacağı gözlənilir.xeber100.com

İş adamları çörəyin qiymətini artırdı?!

İyulun 30-dan ölkəmizdə çörəyin qiyməti artdı. "faktinfo"nun məlumatına görə, bu barədə razılıq hazırda çörək istehsalı ilə məşğul olan iş adamlarının iyulun 28-da keçirilən toplantısında qəbul edilib. Qiymət artımından sonra hazırda 30 qəpiyə satılan çörək 40 qəpiyə, 40 qəpik olan çörək isə 50 qəpiyə satılacaq. Qiymət artımı ilə yanaşı, çörəyin çəkisinin də nisbətən artırılacağı gözlənilir. Qiymət artımının devalvasiya və elektrik enerjisinin bahalaşması ilə bağlı olduğu bildirilir.xeber100.com