Fransız-Azərbaycan Universitetinin ilk idarəçilik iclası keçirilib

Martın 9-da Azərbaycan Dövlət Neft və Sənaye Universitetinin (ADNSU) nəzdində fəaliyyət göstərən Fransız-Azərbaycan Universitetinin (UFAZ) ilk idarəçilik iclası keçirilib.ADNSU-dan Azərtac a bildiriblər ki, tədbirdə Fransanın Azərbaycandakı səfiri xanım Orelia Buşez, Strasburq Universitetinin (Unistra) vitse-prezidenti Benoit Tock, UFAZ-ın baş katibi Şarlotta Payen iştirak ediblər.İclasda idarəçiliyin keçirilməsi qaydaları, üzvlərin, tədris planlarının, daxili qaydaların, maliyyə məsələlərinin müəyyənləşdirilməsi, təsdiqi və digər məsələlər müzakirə olunub. Bunlarla yanaşı, UFAZ-ın daxili nizamnaməsinin təsdiqlənməsi, növbəti tədris ili üçün bu ali məktəbə yerli və xarici tələbələrin qəbul mexanizmi, UFAZ Fondunun yaradılması, UFAZ-ın növbəti tədris ili üçün nəzərdə tutulmuş maliyyə xərcləri ətrafında müzakirələr aparılıb.Sonra ADNSU ilə Unistra arasında UFAZ-ın Elmi Komitəsinin formalaşdırılması və Unistranın UFAZ üzrə mütəxəssislərinə uyğun bir neçə müqavilə də imzalanıb.Qeyd edək ki, idarəçilik iclası hər akademik ildə bir dəfə keçirilir. İclasda komitənin beş üzvü iştirak edir. Komitə üzvləri tərəflərin təmsilçilərindən ibarətdir.xeber100.com

“Məktəbəqədər təhsil haqqında” qanun layihəsi qəbul edilib

Martın 10-da Milli Məclisin plenar iclasında “Məktəbəqədər təhsil haqqında” qanun layihəsinin ikinci oxunuşda müzakirəsi davam etdirilib.Azərtac xəbər verir ki, bu qanun layihəsinin hazırlanmasında məqsəd erkən yaş dövründən başlayaraq uşaqların əqli, fiziki və yaradıcı potensialının, ətraf aləmə həssas münasibətinin formalaşdırılması, onların sağlamlığının mühafizəsi, mədəni səviyyəsinin inkişafının, psixoloji dayanıqlığının təmin edilməsidir.Qeyd olunub ki, məktəbəqədər təhsil müəssisəsinə lisenziya müddətsiz verilir və bu sahədə xidmətlər göstərən hüquqi və fiziki şəxslər tərəfindən məktəbəqədər təhsilin vəzifələri pozulduqda, məktəbəqədər təhsilin dövlət standartının tələbləri yerinə yetirilmədikdə onların lisenziyası ləğv edilir. Məktəbəqədər təhsil müəssisəsi aşkarlıq, şəffaflıq və demokratik prinsiplər əsas tutulmaqla “Təhsil haqqında” Azərbaycan Respublikasının Qanununa, digər aidiyyəti hüquqi normativ aktlara və öz nizamnaməsinə uyğun olaraq idarə edilir.Bu qanun layihəsi Azərbaycan Respublikasında fəaliyyət göstərən xarici ölkələrin diplomatik nümayəndəlikləri və konsulluqları yanında yaradılan məktəbəqədər təhsil müəssisələrinə şamil olunmur.Layihə ikinci oxunuşda səsə qoyularaq qəbul edilib.xeber100.com

Dövlət İmtahan Mərkəzi rezidenturaya qəbul elan edir

Dövlət İmtahan Mərkəzi (DİM) martın 10-dan 17-dək 2017/2018-ci tədris ili üçün rezidenturaya qəbul elan edir.DİM-dən Azərtac-a bildiriblər ki, qəbul elanının tam mətni, “Şəxsi kabinet”in yaradılması və istifadə qaydası, rezidenturaya ərizə verən namizəd üçün təlimat, “Namizədin elektron ərizəsi”nin doldurulma qaydası, onun nümunəsi, rezidenturaya ixtisas fənləri üzrə qəbul imtahanı proqramları, test tapşırığı nümunələri və digər materiallar Azərbaycan və rus dillərində “Rezidentura” jurnalının 2-ci nömrəsində təqdim edilib.Jurnalı DİM-in Bakı şəhəri, Yasamal rayonu, M.Müşfiq küçəsi, 1m., Bakı şəhəri, Nəsimi rayonu A.Salamzadə küçəsi, 28. ünvanlarında yerləşən binalarındakı “Abituriyent” satış köşklərindən, həmçinin kitab mağazalarından almaq və ya www.abiturient.az saytından sifariş etmək olar.xeber100.com

Məktəblilərarası II Məntiq Olimpiadası keçiriləcək

Bakı Şəhəri üzrə Təhsil İdarəsi (BŞTİ) və “İstək” liseyinin birgə təşkilatçılığı ilə Lütfi Zadə adına Məktəblilərarası II Məntiq Olimpiadası keçiriləcək.BŞTİ-dən Azərtac-a bildiriblər ki, olimpiadada ümumi təhsil məktəblərinin hər iki (Azərbaycan və rus) bölməsinin V-VI sinif şagirdləri iştirak edə bilərlər. İştirakçılar 11-12 yaş qrupunu (2017-cı il aprelin 1-dək 10 yaşı tamam olmamış, habelə 13 yaşından böyük şagirdlər müsabiqəyə buraxılmır) əhatə edəcək.İki mərhələdən ibarət olan olimpiadanın məktəbdaxili mərhələsi aprelin 1-də keçiriləcək. Mayın 6-da olimpiadanın final mərhələsi təşkil olunacaq. Bu mərhələdə ilk turu uğurla keçən şagirdlər iştirak edəcəklər. İlk turda olduğu kimi, final mərhələsində də 30 test sualının cavablandırılması üçün 90 dəqiqə vaxt ayrılacaq.Final mərhələsinin nəticələrinə əsasən Bakı şəhəri üzrə ən yüksək məntiqi təfəkkür nümayiş etdirən məktəblilər mükafatlandırılacaqlar.Olimpiadanın keçirilməsinin əsas məqsədi şagirdlərin məntiqi biliklərinin artmasına təkan vermək, onlara beynəlxalq, yerli olimpiadalar və digər bilik yarışlarında iştirak təcrübəsi qazandırmaq, istedadlı, xüsusilə məntiqi təfəkkürü daha yaxşı inkişaf etmiş şagirdləri aşkara çıxarmaq, onları həvəsləndirmək və elmə olan maraqlarını artırmaqdır.xeber100.com

Texniki Universitetin məlumatı

Azərbaycan Texniki Universitetinin (AzTU) SABAH mərkəzinin bir qrup tələbəsi universitetin rektor əvəzi Xalıq Yahudova startap layihələri haqqında məlumat veriblər.Universitetdən Azərtac-a bildirilib ki, martın 2-də keçirilən “SABAH” İnnovasiya Forumunda tələbələrin təqdim etdiyi “Wake Me Up”, “LL” , “Smart Energy” və “BeTa” adlı layihələrin hər biri ayrılıqda böyük marağa səbəb olub.Startapçılar öz biznes planlarını da açıqlayıblar. Qeyd olunub ki, “Wake Me Up” layihəsinin reallaşdırılması təhlükəli zamanlarda yuxuya gedən insanlar üçün çox vacibdir. Bu layihənin məhsulu olan xüsusi eynəklər sükan arxasında yuxuya gedən sürücünü ultraqırmızı şüa vasitəsilə oyadır və baş verə biləcək qəzanın qarşısını alır.“Smart Energy” layihəsi isə sənaye üçün çox böyük önəm kəsb edir. Belə ki, layihə çərçivəsində təkmilləşdirilən texnologiya sayəsində qaranlıq tunellərin alternativ enerji ilə işıqlandırılmasını nəzərdə tutur.xeber100.com

“Milli adət-ənənələrimizi yaşadaq” mövzusunda tədbir keçirilib

Martın 7-də Azərbaycan Dillər Universitetində (ADU) xarici ölkələrin ölkəmizdəki səfirliklərinin təmsilçiləri və ali təhsil müəssisələri rektorlarının iştirakı ilə “Milli adət-ənənələrimizi yaşadaq” mövzusunda ədəbi-musiqili tədbir keçirilib.Azərtac xəbər verir ki, tədbir universitetin rektoru vəzifəsini icra edən, professor Əfqan Abdullayevin tələbələrin vətənpərvərlik tərbiyəsinin gücləndirilməsi, onların soy-kökümüzə və milli adət-ənənələrimizə bağlılığının daha da möhkəmləndirilməsi, milli irsimizin təbliğ edilməsi məqsədilə irəli sürdüyü təşəbbüs çərçivəsində reallaşdırılıb.ADU-nun əmək fəaliyyətində fərqlənən xanım əməkdaşlarına 8 Mart - Beynəlxalq Qadınlar Günü münasibətilə mükafatlar verilib.Tanınmış incəsənət ustaları və universitetin tələbələri konsert proqramı ilə çıxış ediblər.xeber100.com

Təhsil Nazirliyinin məlumatı

Martın 5-də ölkənin bütün şəhər və rayonlarında VI və VII sinif şagirdləri arasında fənn müsabiqələrinin birinci mərhələsi keçirilib.Təhsil Nazirliyindən Azərtac-a bildirilib ki, fizika, kimya, biologiya, riyaziyyat və informatika fənləri üzrə keçirilən fənn müsabiqələrinin ilk mərhələsində 14 mindən çox şagird iştirak edib. Bu, ötən tədris ilinə nisbətən 5 min nəfər çoxdur.Fənn müsabiqələrinin keçirilməsində əsas məqsəd istedadlı uşaqların aşkar edilməsi, aşağı sinif şagirdlərinin fənlərə olan marağının artırılması və onlarla məqsədyönlü işlərin aparılmasıdır.İki mərhələdən ibarət olan fənn müsabiqələrinin final mərhələsinin iyun ayında keçirilməsi planlaşdırılır.Müsabiqənin final mərhələsinin nəticələrinə əsasən, şagirdlər mükafatlandırılmaqla yanaşı, rayon və şəhərlərin reytinq cədvəlinə uyğun olaraq ölkə üzrə qalib komandalar da müəyyən ediləcək. Yüksək nəticə göstərmiş şagirdlərin fənn müəllimləri də təltif olunacaq. Eyni zamanda, ölkə üzrə istedadlı şagirdlər bazası yaradılacaq və həmin şagirdlər müvafiq fənlər üzrə müxtəlif beynəlxalq fənn və layihə olimpiadalarına hazırlıqlara dəvət olunacaqlar.xeber100.com

Elmi şuranın növbəti iclası keçirilib

AMEA-nın Milli Azərbaycan Ədəbiyyatı Muzeyində Respublika Elmi Tədqiqatların Əlaqələndirilməsi Şurasının filologiya problemləri üzrə elmi şurasının növbəti iclası keçirilib.AMEA-dan Azərtac-a bildirilib ki, akademik Rafael Hüseynovun sədrliyi ilə keçirilən iclasda 1-i elmlər doktorluğu, 20-si fəlsəfə doktorluğu hazırlığı proqramı üzrə təqdim olunmuş 21 dissertasiya mövzusunun müzakirəsi aparılıb.Tədbirdə  9-nun adında dəyişiklik edilməklə 15 dissertasiya mövzusu təsdiq olunub. 6 dissertasiya mövzusu isə təsdiq olunmayıb və müraciət edənlərə tədqiqatını düzgün formalaşdırmaq üçün müvafiq tövsiyələr verilib.xeber100.com

Dövlət İmtahan Mərkəzinin məlumatına görə…

Dövlət İmtahan Mərkəzi (DİM) martın 5-də Bakı və Sumqayıt şəhərləri, Abşeron, Xızı, Qobustan rayonlarının ümumtəhsil müəssisələrinin 9-cu sinfində təhsil alan 40 min 124 şagird üçün buraxılış imtahanının birinci mərhələsini keçirib.DİM-dən Azərtac-a bildirilib ki, imtahan saat 11:00-da başlanıb və 2 saat müddətində aparılıb. İnşa yazan şagirdlərə test tapşırıqlarını cavablandırmaq üçün ayrılmış ikisaatlıq müddət qurtardıqdan sonra 30 dəqiqə əlavə vaxt verilib.Martın 6-dan etibarən DİM-də imtahan protokollarının və cavab vərəqlərinin emalına başlanılacaq. Yazı işləri (imtahan cavabları) DİM və onun regional bölmələrində müvafiq təhlükəsizlik tələblərinə cavab verən ekspertiza (yoxlama) zallarında qapalı şəraitdə kompüter arxasında markerlər tərəfindən yoxlanılacaq. Yazı işlərinin yoxlanılması üçün proqram təminatı Dövlət İmtahan Mərkəzinin mütəxəssisləri tərəfindən hazırlanıb.Hər bir yazı işi əvvəlcə “scan” olunur və 2 marker tərəfindən qiymətləndirilir (markerlərin qiymətləri arasında fərq yarandıqda həmin yazı işi proqram tərəfindən 3-cü markerə göndərilir). Yoxlama zamanı markerin kompüterinin monitorunda yazı işinin müəllifi haqqında heç bir məlumat (ad, soyad, ata adı, şagird kodu, ünvan və s.) verilmir. Monitorda yalnız yazı işi, yazı işini qiymətləndirmək üçün meyarlar və qiyməti daxil etmək üçün müvafiq sahə göstərilir. Proqram, həmçinin yazı işini həmin şagirdin yaşadığı zonadan olmayan markerlərin kompüterinə göndərir.Bundan əlavə, imtahanda şagirdlərə təqdim olunan hər bir tapşırıq üçün ayrıca qiymətləndirmə meyarı hazırlanıb və markerlər hər hansı bir tapşırığa aid yazı işini yoxladıqda məhz həmin tapşırığın qiymətləndirmə meyarına əsaslanırlar. Qiymətləndirmə meyarlarında tapşırığın mümkün həll üsulları və ehtimal olunan (gözlənilən) cavablar nəzərə alınır. Qiymətləndirmə meyarı tapşırığın qiymətləndirilməsi üçün dolğun təlimatdır və marker yazı işini qiymətləndirərkən həmin tapşırığın qiymətləndirmə meyarından kənara çıxmamalıdır.İmtahanda istifadə olunan açıq tipli tapşırıqların və inşanın (essenin) yoxlanılması uzun müddət tələb etdiyindən nəticələrin imtahanın ikinci mərhələsi keçirilənədək elan olunması nəzərdə tutulur.xeber100.com

Təhsil Nazirliyinin məlumatına görə…

Təhsil Nazirliyinin tabeliyindəki 6 nömrəli məktəb-liseydə “Novruz mühazirəsi” keçirilib.Nazirlikdən Azərtac-a bildiriblər ki, Bakı şəhəri ümumi təhsil müəssisələrinin direktor və müəllimlərinin, təhsil ekspertlərinin iştirak etdikləri tədbirdə “Keyfiyyətli və səriştəli ibtidai təhsil müəllimi hazırlığının müasir problemləri” mövzusunda mühazirəsi dinlənilib.xeber100.com