“Qalatasaray” futbol klubu daha iki futbolçunu transfer edib

3 İyul 2019 14:13

Xəbər 78 dəfə oxunub

İstanbulun “Qalatasaray” klubu daha iki futbolçunu transfer edib.Azərtac klubun saytına istinadla xəbər verir ki, İstanbul klubu yarımmüdafiəçi Cimmi Durmaz və müdafiəçi Şener Özbayraklının transferini reallaşdırıb.“Fənərbaxça” ilə müqaviləsi başa çatan Şener Özbayraklı “Qalatasaray”a transfer olub. Klub rəhbərliyi onunla ikiillik müqavilə imzalayıb.Fransanın “Tuluza” klubunda forma geyinən və əslən türkiyəli olan İsveç milli komandasının oyunçusu Cimmi Durmaz İstanbul komandası ilə üçillik müqavilə imzalayıb.Qeyd edək ki, “Qalatasaray” bir neçə gün əvvəl Rayan Babel, Adem Büyük və Valentin Ozornvaforu heyətinə cəlb edib.xeber100.com

Avropa çempionatının seçmə mərhələsi çərçivəsində

Futbol üzrə 2020-ci il Avropa çempionatının seçmə mərhələsi çərçivəsində keçirilən Azərbaycan və Uels milli komandalarının qarşılaşması başlayıb.Azərtac xəbər verir ki, “Bakcell Arena”da keçirilən oyunda milli komandamızın start heyətində Emil Balayev, Pavel Paşayev, Bəhlul Mustafazadə, Bədavi Hüseynov, Anton Krivatsyuk, Riçard Almeyda, Dmitri Nazarov, Qara Qarayev, Ramil Şeydayev, Şəhriyar Rəhimov və Araz Abdullayev yer alıblar.Uels yığmasının ilk on birliyində meydana Ueyn Hennessi, Neyl Teylor, Kris Mepham, Co Rodon, Co Allen, Harri Uilson, Qaret Beyl, Konnor Roberts, Etan Ampadu, Tom Lourens, Daniel Ceyms çıxıblar.Xatırladaq ki, görüşü Almaniyadan olan hakimlər briqadası idarə edəcək. Matçın baş hakimi Deniz Aytekin təyin olunub.Azərbaycan və Uels komandaları indiyədək yeddi dəfə qarşılaşıblar. Bu görüşlərin yalnız biri - 2004-cü il sentyabrın 4-də Bakıda keçirilən qarşılaşma heç-heçə başa çatıb - 1:1. Qalan oyunların hamısında Uels komandası qələbə qazanıb.Altı turdan sonra Uels millisi 8 xalla dördüncü pillədə yer alır. Azərbaycan yığmasının 1 xalı var. Qrupda yer alan digər dörd komandanın hər birinin növbəti mərhələyə vəsiqə qazanmaq şansı qalır.Azərbaycan millisinin oyunçusu Eddi İsrafilov İspaniyanın “Albasete” klubundan dəvət olunmasında texniki problem yarandığı üçün bu görüşdə iştirak edə bilməyəcək. Rüfət Dadaşov isə yığmanın hazırlıq prosesi zamanı zədələndiyi üçün heyətdə yer almayıb.xeber100.com

Noyabr 16, 2019 21:09